教育王國
標題: WKF用家 [打印本頁]
作者: hokay 時間: 17-11-14 23:30 標題: WKF用家
家住新界北，上年為左阿女考小一，我去哂心儀學校既簡報會，當然唔小得沙田兩大直資輝輝同喬喬，心諗阿女入到是但一間都還得神落。阿女in完輝輝已經非君不嫁咁款，好彩地襄王亦有夢，最後入到真係好開心。
由於阿女幼稚園讀開happy school，雖然佢英文講聽能力良好，但串字同中文麻麻，加上我地從無催谷，起初都會擔心佢跟唔跟到（呢個時候你可能會問點解輝輝會收d咁既學生，而我可以話你知，阿女社交能力好好，主動大膽，敢行出黎講嘢，加上禮貌周周同英語oral能力，遇著啱channel既面試都ok 既)。慶幸返左幾個月中英數都進步左好多，佢無需要做抄寫功課，以數學為例，d題目可以條條不同，佢係想你明而唔係要你死操果隻，所以跟得上，理解到就好地地，唔明又無得操就會覺得難跟，之前去curriculum evening話數學每2-3星期有module test，考得唔好會有補底堂，加上split class制度，其實都係以學生為本既。
有時見咁多人插輝輝，都唔係好明點解，聽人講不如問吓真用家，我諗好多輝輝家長都樂意比資料。阿女同學d家長都唔多怪獸，感受到大家有相近理念，呢樣幾好，之但係唔谷唔代表無要求，so far我覺得大家都幾滿意。
作者: kaka-bb 時間: 17-11-15 12:05
多謝你分享，用家講係最真實。想問下功課量幾多，同project係咪要家長參與好多？
仲有係學術水平方面係點，最關心係中學的成績係點？
作者: milkybb 時間: 17-11-15 14:48
有機會識下高小的家長傾下，前幾年我都非常滿意學校的，只是今年特別奇怪，特別混亂!G1通常是蜜月期，照顧及安排也是最好的
就以學生showcase為例，以往一年兩次，上年開始一年一次，沒有向家長解釋，只是靜靜的取消⋯
作者: hokay 時間: 17-11-15 21:41
kaka-bb 發表於 17-11-15 12:05 
多謝你分享，用家講係最真實。想問下功課量幾多，同project係咪要家長參與好多？
仲有係學術水平方面係點 ...
功課不多，一日兩三樣，通常一個小時內完成，無乜抄寫，功課性質著重理解。平均個半月一次show and tell，中英都要，家長都要幫下手印下相搵下圖，同埋rehearsal。
至於中學，我諗我知既同你差唔多，今年係第一年親生仔上場考dse，適逢我有個同事係今年dse考生既家長，遲d收到多d風再分享。
個人認為如果小朋友係出類拔萃，升中轉校唔轉校係個人選擇，畢竟轉出去讀名校係吸引既，呢種想法應該apply to all students and parents，強如協恩都可能有人特登轉去DGS（and vice versa(emoji))，畢竟人人心目中既最好同最適合都不同。我覺得成績既野有好多野影響：學校、資質、師資、性格、毅力、努力....太多太多，邊樣野先係最大影響最重要？
作者: hokay 時間: 17-11-15 21:42
milkybb 發表於 17-11-15 14:48
有機會識下高小的家長傾下，前幾年我都非常滿意學校的，只是今年特別奇怪，特別混亂!G1通常是蜜月期，照顧 ...
有機會都會認識一下，我都想多了解學校(emoji)
作者: dim731 時間: 17-11-16 21:53
hokay 發表於 17-11-14 23:30
家住新界北，上年為左阿女考小一，我去哂心儀學校既簡報會，當然唔小得沙田兩大直資輝輝同喬喬，心諗阿女入 ...
G1新用家揮手～
我都好努力咁喺小一選校嗰邊發放用家感受同一年級實況，真係感覺良好丫～
朋友分別讀緊二年級同五年級，都無乜投訢
做義工家長識到啲高年級家長，都有聽到唔同聲音，但一講起學校大方向同活動就大家都好滿意
早幾日教小朋友做聖誕佈置，同一年級及三年級學生相處咗個幾鐘，大家都好合作，效率好高，唔識會即刻問，做得快嘅會幫其他同學手，做完仲有半堂時間剩低，有啲就同家長義工傾偈，有啲自己摺紙，另一啲用環保紙設計聖誕裝飾，係比我預期自律嘅學生～
作者: connie_cheng 時間: 17-11-17 10:08
本帖最後由 connie_cheng 於 17-11-17 10:14 編輯
hokay 發表於 17-11-14 23:30
家住新界北，上年為左阿女考小一，我去哂心儀學校既簡報會，當然唔小得沙田兩大直資輝輝同喬喬，心諗阿女入 ...
G1新用家揮手～X2﹗身邊好多朋友讀其他學校，每日都做6-10樣功課+溫習，晚晚攪到10點，玩既時間都冇，呢種讀書風氣完全本末倒置讀書既真正意義﹗雖然WKF未必係一線學校，亦都唔似主流咁谷，但學術水平唔淺，活動式教學，阿仔讀得好開心，同老師同學相處融洽，課程+功課都唔太谷，好感恩入讀到WKF﹗
作者: bbitaly 時間: 17-11-17 12:20
大家好，囝囝明年G1，聽到家長話近一年有老師用廣東話教學，想問下係咪真係有咁情況？
作者: bbitaly 時間: 17-11-17 12:40
也想知道下費用, 除左學費和校車和中午飯,仲有冇其他費要比架尼? 因為我地都係普通家庭, 擔心有好多額外使費
作者: connie_cheng 時間: 17-11-17 16:41
bbitaly 發表於 17-11-17 12:20
大家好，囝囝明年G1，聽到家長話近一年有老師用廣東話教學，想問下係咪真係有咁情況？ ...
作者: connie_cheng 時間: 17-11-17 16:45
bbitaly 發表於 17-11-17 12:40
也想知道下費用, 除左學費和校車和中午飯,仲有冇其他費要比架尼? 因為我地都係普通家庭, 擔心有好多額外使 ...
作者: hokay 時間: 17-11-17 19:07
bbitaly 發表於 17-11-17 12:20
大家好，囝囝明年G1，聽到家長話近一年有老師用廣東話教學，想問下係咪真係有咁情況？ ...
本帖最後由 hokay 於 17-11-17 19:07 編輯
只有一科liberal arts用廣東話，其他科用英文，中文用普通話。 佢地有鼓勵小朋友講英文，例如班上有個表，小朋友係班上講英文會升一級，呢d tricks已經會令小朋友知上堂要講英文。
作者: hokay 時間: 17-11-17 19:08 標題: 回覆樓主
多謝小一家長加入，好讓大家多了解輝輝
作者: bbitaly 時間: 17-11-17 19:09
回覆 connie_cheng 的帖子
多謝你回答
我個人想囝讀英文小學，所以問下近年係咪有改變
作者: hokay 時間: 17-11-17 19:16
bbitaly 發表於 17-11-17 19:09
回覆 connie_cheng 的帖子
多謝你回答 我個人想囝讀英文小學，所以問下近年係咪有改變 ...
咁上堂一定係英文既，至於你話recess用中定英就無得定啦，我想只有國際學校先會recess都用英吧。佢地每人有本passport,講英文，做好事都會有印仔，都好encouraging
作者: bbitaly 時間: 17-11-17 19:31
回覆 hokay 的帖子
明白，謝謝你！小息用中文好正常，除非同外籍同學仔倾計啫
作者: milkybb 時間: 17-11-17 22:03
若果你們認為小息是講廣東話沒有甚麼大不了，那就看你怎麼想了！我肯定的告訴你們，以前一直嚴格執行校園內只可説英普，全校如是，家長義工及職員例外，但今年已面目全非。
作者: taidou 時間: 17-11-17 23:33
hokay 發表於 17-11-14 23:30
家住新界北，上年為左阿女考小一，我去哂心儀學校既簡報會，當然唔小得沙田兩大直資輝輝同喬喬，心諗阿女入 ...
本帖最後由 taidou 於 17-11-18 03:40 編輯
本帖最後由 taidou 於 17-11-18 01:17 編輯
太好，見到呢個post，我很想知道更多關於WKF，小女比較喜歡英文，個性活潑，所以想選一間比較活動教學的英文小學。
都有唔少其他留言比較針對WKF的DSE成績，我的確有點疑慮，但還未算是最大的考慮。老實講，假若小女明年入讀G1，12年後的事誰都說不準。就目前黎睇，我比較想提升佢的表達及語言能力，希望佢能放膽表達自己，勇於接受挑戰並且保持對學習的熱誠。
睇到各用家的留言，WKF應該能夠配合我的期望。
作者: bbitaly 時間: 17-11-18 00:12
回覆 taidou 的帖子
Same thinking
作者: milkybb 時間: 17-11-18 08:46
其實我要提出這些意見，是希望家長們能同心協力，一起向校方反映意見，捍衛a school 一向有的傳統，上年就曾因為校長在開學的早會上用廣東話主導，家長們都反映意見，才使之後的早會用回英語。我不太清楚你們選擇a school的主因，但我比較喜歡學校英普的語境，希望可keep到。
作者: hokay 時間: 17-11-18 15:33
taidou 發表於 17-11-17 23:33
本帖最後由 taidou 於 17-11-18 03:40 編輯
本帖最後由 taidou 於 17-11-18 01:17 編輯
家長選校各有priority，有人睇地點，有人睇錢，有人想谷，有人想活動教學，只有自己最了解自己同子女既需要。
作者: haululu 時間: 17-11-21 13:34
hokay 發表於 17-11-14 23:30
家住新界北，上年為左阿女考小一，我去哂心儀學校既簡報會，當然唔小得沙田兩大直資輝輝同喬喬，心諗阿女入 ...
我個仔嘅情況同你小朋友一樣 ！我都諗住出年報wkf 睇完你所講 解除晒我原本嘅疑慮！Thx
作者: tonyjaababy 時間: 17-11-26 04:20
haululu 發表於 17-11-21 13:34
我個仔嘅情況同你小朋友一樣 ！我都諗住出年報wkf 睇完你所講 解除晒我原本嘅疑慮！Thx
...
本帖最後由 tonyjaababy 於 17-12-4 08:12 編輯
還是Happy school嗎?
作者: Ccmama2009 時間: 17-11-27 00:12
其實唔知點為之功課多、默書多，今年開學到而家，中文默過兩次書，英文三次，數學就每教完一個topic一次test. 我個人唔覺得多。三年班功課係比之前兩年多左，但係阿女大左，能力高左，又唔覺真係用多左時間完成，起碼日日都有時間玩下睇下書
至於什麼環保玩具同埋拍片交功課就真係有，通常常識同科學，上下學期各一次。當然一、二年班唔可以獨立完成，但係又會要搞好耐（當然會有人大制作，呢啲係個人選擇），活動教學咁就唔會一定係交paper架啦！
真心講，頭一兩年要搞各類型功課都頭痕，但見小朋友從中學習成長，由之前我帶住佢搞到今日只係從旁協助，又覺得呢種學習方式真係不只學到知識咁單一。
作者: hokay 時間: 17-11-28 00:13 標題: 回覆樓主
關於happy school ，我自己咁睇，happy 解作開心愉快，開心上學，愉快學習，happy也。功課多少影響愉快指數嗎？必然！家長參與度影響愉快指數嗎？對大人來說應該係（大家都想小朋友自動波吧，所以影響的是大人的愉快指數），對小朋友來說？未必。
學校happy不happy，功課量及測考量固然係重要指標，學習過程亦都重要，活動教學應該好過坐喺度齋聽，鼓勵式學習應好過處罰式學習。唯每個人對功課量同學習模式既接受程度都不同，要客觀了解便要知道每日大約做幾多樣功課，測考數目間距，相信好多用家可以幫手回應。
最ideal就梗係又happy又學到嘢啦，happy完學唔到野，或者唔知學唔學到嘢，都非我所望。
作者: sharonkam 時間: 18-10-19 10:04
請問有沒有用家可以再透露多一些資料? 活動教學真係好合適。但見有人說轉了新校長之後行政比較混亂而且英語語境不如去年的多, 未知是否屬實?望有關用家可以幫忙說一下。
謝謝。
作者: cpc608 時間: 18-10-22 16:55
回覆 hokay 的帖子
Thanks for sharing
作者: Wong2013 時間: 18-11-17 11:01
Ccmama2009 發表於 17-11-27 00:12
其實唔知點為之功課多、默書多，今年開學到而家，中文默過兩次書，英文三次，數學就每教完一個topic一次tes ...
想請問用家們, 普教中是怎樣教的呢? 一樣用中文科課本定普通知課本? 會教筆順, 句式等嗎?.....thanks
作者: bonbonha 時間: 18-11-26 21:17
sharonkam 發表於 18-10-19 10:04
請問有沒有用家可以再透露多一些資料? 活動教學真係好合適。但見有人說轉了新校長之後行政比較混亂而且英語 ...
本帖最後由 bonbonha 於 18-11-26 21:23 編輯
行政運亂我又唔多覺喎，有時少少出錯又唔見得影響好大。但個人覺得推行ensemble class 係有些亂，感覺未ready就推行咁。其他唔覺得有乜嘢運亂，通告會集中在逢星期五一次發放，9成9在eclass回覆就可以，好方便。
語竟方面，有聼過高年級家長講話冇以前咁好，但我自己冇經歷過當年的情況，不大清楚。我自己小朋友就好習慣，入讀之後講多咗好多英文，比以前進步好多（利申，以前是讀英普幼），課外與同學之間會用英語或廣東話溝通。
作者: bonbonha 時間: 18-11-26 21:31
Wong2013 發表於 18-11-17 11:01
想請問用家們, 普教中是怎樣教的呢? 一樣用中文科課本定普通知課本? 會教筆順, 句式等嗎?.....thanks
...
本帖最後由 bonbonha 於 18-11-26 21:35 編輯
普教中之前是小一開學頭2-3個月會全力教pth 及拼音，讓小朋友習慣及學習pth, 會有校本課程，教字的結構、筆順、詞語等之後先正式教書及課文。
但今年開始把pth獨立成科，不再跟中文科一起，pth科成績不計分。所以今年的小一是怎樣教中文，有沒有變就要今年小一的家長解答了。
另外，中文課本是有的，都是坊間熱門出版社出的，（以我所知，有D出版社有出粵教版及普教版課本）但我沒研究是否普教版。
作者: chuchu2014 時間: 18-11-28 10:28
hokay 發表於 17-11-14 23:30
家住新界北，上年為左阿女考小一，我去哂心儀學校既簡報會，當然唔小得沙田兩大直資輝輝同喬喬，心諗阿女入 ...
請問老師有愛心和耐性嗎?我小朋友好活潑
作者: hokay 時間: 18-12-2 23:13
chuchu2014 發表於 18-11-28 10:28
請問老師有愛心和耐性嗎?我小朋友好活潑
小女G1同G2四位班主任都十分好，感覺佢地都好關心小朋友，G1班主任就算小朋友升上G2都會約返佢地一齊lunch，好難得！G2班主任有一位係新老師，好有熱誠。
其他老師就正正常常啦，聽阿女講有一位無教佢既男老師較嚴，其他又無咩特別。
作者: charliecharlie 時間: 18-12-5 15:12
回覆 hokay 的帖子
Thank you so much for the sharing
作者: charliecharlie 時間: 18-12-5 15:15
回覆 hokay 的帖子
想問問 除額外收費的課外活動外 上課時間有什麼類型的課外活動教授? 上課時間的課外活動是自己挑選的嗎？thanks for sharing
作者: deby49 時間: 18-12-6 22:00
charliecharlie 發表於 18-12-5 15:15
回覆 hokay 的帖子
想問問 除額外收費的課外活動外 上課時間有什麼類型的課外活動教授? 上課時間的課外活 ...
本帖最後由 deby49 於 18-12-6 22:01 編輯
本帖最後由 deby49 於 18-12-6 22:01 編輯
G1，每星期有三日下午上OLE(有其中二日是連堂)，這些都是不用額外交費。
OLE課程是有機會可以自己選擇，不過有規定每年在每個範疇都要揀下咁....
另外也有課後付費的AOLE堂。
作者: charliecharlie 時間: 18-12-8 17:44
回覆 deby49 的帖子
Thank you so much for the sharing 想問學校閱讀氣氛好嗎？學校有閱讀計劃鼓勵小朋友閱讀嗎？thanks
作者: smart_bus 時間: 18-12-15 14:22
charliecharlie 發表於 18-12-8 17:44
回覆 deby49 的帖子
Thank you so much for the sharing 想問學校閱讀氣氛好嗎？學校有閱讀計劃鼓 ...
閲讀氛氣？以前有。依家？靠自己啦。
作者: pycc 時間: 18-12-25 14:57
hokay 發表於 18-12-2 23:13
小女G1同G2四位班主任都十分好，感覺佢地都好關心小朋友，G1班主任就算小朋友升上G2都會約返佢地一齊lunch ...
唔好意思，想請問如小朋友某學科程度較快，是否可跟上一年級上堂？容易申請到嗎？
作者: welcome 時間: 18-12-27 12:00
pycc 發表於 18-12-25 14:57
唔好意思，想請問如小朋友某學科程度較快，是否可跟上一年級上堂？容易申請到嗎？
...
學校的中英數堂是按能力分組, 一級五班分六至七組上堂, 其中有一至兩組係能力較高的同學, 而至於跳級讀某一科（我想你是指數學吧）, 是老師透過長時間觀察小朋友該科目表現才邀請同學做測試的, 而我所知的, 跳級讀數學係跳兩級或以上
作者: pycc 時間: 18-12-30 18:56
welcome 發表於 18-12-27 12:00
學校的中英數堂是按能力分組, 一級五班分六至七組上堂, 其中有一至兩組係能力較高的同學, 而至於跳級讀某 ...
明白了，十分感謝你
| 歡迎光臨 教育王國 (/) |
Powered by Discuz! X1.5 |