教育王國

標題: 小一讀後感 [打印本頁]

作者: wahwa 時間: 12-6-17 20:56 標題: 小一讀後感

想不到小朋友這麼快便完成小一階段，大家有何感想呢？

整體上我很開心小朋友適應小一學校生活，熱愛上學，投入參與學校活動，功課量不算多(下學期還較上學期少)；但有一件事情很奇怪，下學期中文科竟然沒有小測?!?!

我想知道除了普教中入D班外，其餘小朋友升小二是如何分班呢？

下學期是否沒有家長日？成績表會在何時派發？

作者: Namson 時間: 12-6-18 08:16

-我小二下學期都有中文小測.
-多數係原班升上去
-下學期小朋友自己攞成績表返屋企,如果想知道小朋友自己班裡考第幾,就要打電話比班主任問啦! 至於幾時派就冇講定既,但一定放暑假前o羅!

作者: carolyktong 時間: 12-6-18 23:09

中文科小測？有既咩？我個女果班唔覺有既？

作者: yimchan 時間: 13-3-1 17:21

大家好, 可否一起交流??
我女現在是小一學生, 想問下, 班主任是否年年不同??

作者: Namson 時間: 13-3-21 12:36

回復 yimchan 的帖子

係呀,每年不同.

作者: yimchan 時間: 13-3-23 12:51

Thank you Namson reply.

剛考完試, 大家是否可以鬆一鬆?? 不過又好快要大考...
其實如何編下一年的班別? 是看全年成績還是只看下學期成績?

作者: carolyktong 時間: 13-3-25 23:44

升班睇下學期成績，成績表背面有寫的。

至於升讀二年班，根據今年經驗，B班是普通話班，其他3班隨意編，無分精英班了。

作者: Namson 時間: 13-3-26 11:20

雖然話無分精英班,但以三年級為例,普通話班的成績比較偏高.還有三年級是D班是普通話班.

作者: yimchan 時間: 13-7-9 10:12

carolyktong, Namson,
十分感激你們的幫忙和回覆...
我都覺普教中果班, 排名前果批入到...但不知其他班是否真的冇分成績分班呢?? 你們小朋友是否今年升小三呀?? 我小朋友升小二....
只想了解多小小, 當小二入唔到普教班, 其後小三至六是否冇機會入到??

作者: yimchan 時間: 13-7-9 12:11

你們好!! 介唔介意大家交流下...

作者: fennielg 時間: 13-7-9 18:00 標題: 回覆：yimchan 的帖子

因小二普教中嗰班會原班直升，所以我估好難喺小三至小六轉番入去

作者: lingkinkin 時間: 13-7-9 21:19 標題: 回覆：小一讀後感

根據先生講，二至六年級普通話班，大部份都會原班直升。

作者: yimchan 時間: 13-7-11 15:50

多謝大家解答!!
咁學校把某D好成績既積咪在普教班, 那麼普教班在教學方面會否有不同? 會否學既野會較深較快?

作者: lingkinkin 時間: 13-7-11 21:11 標題: 回覆：小一讀後感

我覺得又唔會特別深，分別只係會用普通話教中文，另外，亦不是最叻果啲全部入哂E班。親身體驗，有一部份比較好成績既，亦有一批成績普通嘅同班。

作者: COE1205 時間: 13-7-12 12:31

各位好!
我囝囝今年9月升讀小一,想問下小一平均一日會有幾多樣功課?多唔多要抄寫?一星期會有幾多日著運動衫?

作者: fennielg 時間: 13-7-12 12:45 標題: 引用：我覺得又唔會特別深，分別只係會用普通話教

原帖由 lingkinkin 於 13-07-11 發表
我覺得又唔會特別深，分別只係會用普通話教中文，另外，亦不是最叻果啲全部入哂E班。親身體驗，有一部份比 ...

絕對同意，唔覺特別教深，亦唔係全班小朋友成績好

作者: carolyktong 時間: 13-7-12 23:43

COE1205 發表於 13-7-12 12:31
各位好!
我囝囝今年9月升讀小一,想問下小一平均一日會有幾多樣功課?多唔多要抄寫?一星期會有幾多日著運動衫 ...

功課時多時少，多都試過7、8樣，唔多抄寫，係中、英文生字先要抄寫，一星期有兩日體育課，另逢二（低年級）、四（高年級）有早操，若早操那天不是有體育課，那一星期就要著三日運動衫了！

作者: carolyktong 時間: 13-7-12 23:50

yimchan 發表於 13-7-11 15:50
多謝大家解答!!
咁學校把某D好成績既積咪在普教班, 那麼普教班在教學方面會否有不同? 會否學既野會較深較快 ...

其實學校沒有把成績好的放入普教班，因為係家長選擇入唔入的，以今年為例，全級第一果個都唔係普教班。
所以普教班，只係中文用普通話教，學習內容同其他班無多大分別。

作者: yimchan 時間: 13-8-2 17:09

本帖最後由 yimchan 於 13-8-2 17:11 編輯

Thank you...lingkinkin, fennielg and carolyktong..

作者: carolyktong 時間: 13-8-2 23:18

其實之前都有問過校長，佢話普通話班原則上全班直上，但如果老師覺得個別學生學習上遇到困難，亦有可能從普通話班調出來；同樣地，若個別學生想轉入普通話班，而老師亦覺得佢能力可以，學校亦會考慮。

作者: julinata 時間: 13-9-14 02:11

借問︰請問小二插班有無機會入讀呢？

作者: wahwa 時間: 13-9-17 14:50

每年小二都有插班生

歡迎光臨教育王國 (/)