12-13升馬基小一聊天區^V^

jomel

各位好,我個仔仔統一派位第一志願入左馬基,好開心呀!請各位多多指教!

IcoLaw

回復 jomel 的帖子

我個仔都係今年入馬基, 好開心. 你係咪居民呀?

jomel

我喺深井住架！你喺邊度住？明天要註冊了，很高興認識你，你知道係唔係要申請入普通話中文班，要面試先入得？

queeniechung

歡迎呀，我囡係自行收左呀~

Gabrielma

回復 jomel 的帖子

要入普教中班要先面試, 因馬基p.1-3 只有兩班普教中班, 但p.4 會全部變回廣東話教中文!

jomel

queeniechung:
你好呀!日後多聯絡,哥哥自行入唔到,好彩派位入左!
Gabrielma:
我都想仔仔入普教中班,不過唔知佢面試識唔識,接觸吓普通話都好既!

kpbb

HI, 我都會比阿囡考普教中班呀!!

queeniechung

jomel:
大家多多指教~我都申請入普通話班，但其實無所謂~試下都好~

jomel

今日要註冊，哥哥六年既學習生活點呢？大家一齊努力，首先係唔知佢咩班？功課又點呢？對於我第一個小朋友入小學黎講都有d緊張架！又好新鮮添！

jk923

我個仔讀緊p5，阿女9月入小一！好開心係度識到大家，好快就會收到信講關於普教中面試資料(照往年就係新生日做埋面試)，7月7日會係新生訓練日(阿仔手冊印左)，小朋友跟老師，家長去開家長會，好似重要買校服同新書。

jomel

咁7月7日真係幾多野喎!仔仔未去過間學校架!我就跟家長會參觀時去過,相信嗰日一定好熱鬧
jk923:
你仔仔P.5,功課多唔多?大唔大壓力?妹妹入番馬基,學校應該有野吸引你既.

queeniechung

我都好期待呢日呀，到時可以識下D家長

jomel

我而家識到你地都開心喇！如果見埋面仲goodgood呀！大家有個照應，交流交流吓！哈哈！好似睇相咁

jk923

jomel 發表於 12-6-6 09:56
咁7月7日真係幾多野喎!仔仔未去過間學校架!我就跟家長會參觀時去過,相信嗰日一定好熱鬧
jk923:
你仔仔P.5, ...

平日大約5、6樣，星期五會多d，都試過12、3樣架(但計返放2日假我又覺得ok)，壓力就睇個人，因為我仔都算定，由細都好主動做晒功課，好多時都係學校做到80%功課(除左有特別野抽左導修堂)老師會教佢地係學校先做思考性功課，因為可以係學校問老師，然後先炒寫。學校最吸引嘅係大部份老師都好好，有愛心、細心，有時同學曳都會鬧架，但我自己都好明白，自己湊住2個小朋友，佢地曳起上黎都會鬧，何況一班有3x人，最緊要唔好影響課堂就ok。阿仔一年級時試過放小息比人撞親受傷(撞腫左個嘴，好輕微損左)，訓導主任即刻打比我，講返情況同點樣處理，我都有問洗唔洗入去睇佢，主任話佢個情緒已經冷靜返，所以我決定唔入學校，阿仔放學返屋企無耐，又有另一個主任打黎問候，話阿仔有無特別情況，有事可以大家共同處理，所以我真係好放心。

jk923

不過新生日未分班，我地大家keep住聯絡！

jomel

好多謝你既意見，等我知道多d，好開心呢！

queeniechung

我正住係學校隔離，我囡日日都聽住老師的廣播，佢都好似好熟咁

但我想問，我聽到有家長話而家功課壓力大左，唔知係咪呢~

jk923

queeniechung 發表於 12-6-7 10:34
我正住係學校隔離，我囡日日都聽住老師的廣播，佢都好似好熟咁

但我想問，我聽到有家長話而家功課 ...

早2年小一、二的常識科用校本課程，所以唔洗考試，但舊年就用返書，所以要考多一科。

我會去諗方法去比小朋友識應小一學校生活，好似我仔咁，有部份同學/家長叫話好多功課呀，但佢放學返黎我問佢，今日有幾多樣功課呀，佢最多話x樣遮，唔係好多。係小朋友面前就算自己覺得多都好，比返多d正面說話佢地聽，等佢地唔好每次都帶住負面情緒做功課，我相信每人能力唔同，但開心情緒鐘意返學係最緊要，黎緊我女都無阿哥做野咁快手，我地都有話佢知小學功課會比而家多，但當佢係學校做得快，返黎屋企一樣有時間玩，而家佢自己最擔心係佢食飯太慢喇！

jomel

你地有無D唔係住學校附近?一想起哥哥要自己食飯就覺得好攪笑,佢好大食架!唔知會係點?會唔會成個飯盒跌左?會唔會食得好慢?小息有無同學仔同佢玩?哈哈!當想起這些已覺好笑

jk923

我要搭校車。