教育王國

標題: 有關音小初小課程介紹 [打印本頁]

作者: TYma 時間: 11-11-3 14:21 標題: 有關音小初小課程介紹

本帖最後由 TYma 於 12-5-7 15:56 編輯

介紹課堂時間安排,如果有錯,請其它家長指正,讓更多不明白音小的家長可以清楚的評估自己仔囡是否適合。

音小上堂時間由8:25~3:55

8:25--8:55am 係崇拜時間,交功課
早讀時間係小朋友回校後自已在座位看書直至8:25打鐘.

P3開學時,老師規定每位同學各帶五本中英文圖書放在班上圖書角,供學生早讀使用。我覺得幾好,讓小朋友有讀課外書時間,而且會有本小精兵書仔,讓小朋友記錄閱讀過的圖書及內容。

每日早讀後,跟住有十堂課,每堂有25至30分鐘,之後再有一堂25分鐘導修堂俾小朋友抄手冊或做功課。
每科大部份係兩堂連接上堂,每日有三個15分鐘小息,一小時午膳。

主科有中,英,數,音樂,聖經

每星期課程:

中文科x8,用廣東話教學,另有普通話x2

英文科x7,另有phonicsx2, 一下起會分程度上堂

數學科x8,用英文教學

聖經科x1 (P.S.但中英兩科每課都有一句金句要背默)

音樂科細分五科 (P1~P3中文教學,P4-P6英文教學)
  -音樂創作x2 (樂理知識)
  -音樂欣賞x2 (音樂家生平+作品欣賞-CD另買約$50)
  -器樂x1  (考試好比皇家試,一學期有三首曲+各級數規定的音階,上堂是個別堂,按小朋友程度定級數;一學期可以俾家長觀課一次)
  -演奏x1  (考試: 一學期上台演奏一首指定曲)
  -合唱x2  (中英文詩歌,考試會指定一兩首, 2~3位同學一齊唱)

生命教育x2  (通識+科學+公民)

電腦x2

體育x2

活動x2 (每學期有多樣可以自選,另外收費)

視藝x2

團契x2 (心靈分享等)

主科每學期有 2~4評估(按單元評估),一次考試。

因為主科多,所以評估+考試都多過其它學校,但是分數不會排名,學校注重個人均衡發展,按個人能力來要求小朋友。

音樂的器樂科也是按各人程度來1對1上堂,樂器是係P1開學前自己選擇,或者學校編排,音小學器樂係長遠的(12年),並唔會好催谷,但有心揀音小,最好都要有心長期學好音樂的心態會好d,唔好心諗中途放棄,至多在高小時可以轉學其它樂器或者揀多樣副修樂器。其實長時間處在一個全校師生都會一種樂器,每日都有聆聽音樂的環境之下,小朋友會好習慣學樂器同欣賞音樂。

可以選擇的樂器有:
鋼琴,小提琴,中提琴,大提琴,古典結他
長笛,單簧管,雙簧管,巴松管
小號,中音號,法國號,長號
古箏

有冇壓力好似乎心態,著緊D就讀邊間學校都有壓力,平常心就咩都可以平常心對待。

音樂活動簡介

音小一年有幾次簡介會,多次學生演奏會同埋音樂會,可注意學校網站的訊息
www.icqm.edu.hk

參加過,你會感動,會對此間學校有信心,同埋對小朋友應該學習的安排有不同的觀感。

學校內,時常有午間音樂會,低年級同學全班去欣賞高年級同學表演,對於高年級同學來講,多咗表演的機會;對於低年級同學,多咗觀摩的機會。

學校一年有三次學生演奏會,經器樂老師

推薦參加,除了個人表演令學生有多些對外的表演平台之外,學校的手鈴隊、管弦樂團、合唱團都是值得觀賞的節目。

另學校會有其它售票的音樂活動,在歐式美輪美奐的以勒音樂廰舉辦,物超所值觀賞專業級表演,學校網站會有訊息,數量有限。

p.s.但我都勸如果家長得失心重,注重排名,喜歡名牌學校...,咁就唔好來搏個留位,將這個機會比其它想入讀的家長。

作者: ckyung 時間: 11-11-3 15:10

謝謝你的詳細介紹，現在了解多了。

作者: laiyuen 時間: 11-11-3 16:19

多謝樓主很詳細的介紹，令我對音小有更深的了解。另外，我還有以下的問題：
1．請問音小有NET教英文嗎？
2．上課時老師採用互動教學嗎？定還是單向教學呢？
3．同埋學生除了音樂上的分享外，

4．多唔多project做？
5．見到其他直資/私校既教學方法都是著重思考模式，學生和家長需要不斷上網或用各種方法搵資料才可完成功課，音小也是嗎？

Sorry, 很多問題，希望音小家長可幫忙解答。謝謝!

作者: TYma 時間: 11-11-4 12:09

1.學校有NET,但我冇聽過P1-P3有NET專教英文堂,只聽過間中俾小朋友輪流去聽NET講故事同遊戲;或者學校會將NET編排俾高小或者中學,唔知有冇其它家長可以話你知?

2.並非全互動;也非只有單向。都會有透過遊戲來學習, 譬如班上有shop,可以用平時老師獎的token買到文具或者小食; 學校每週輪用唔同的語言日,假設本日是普通話日,咁全校都要盡量講普通話,英文日就講英文... 我個人感覺,有些在沒學過之前,都需要單向先可以俾學生專注學,熟悉之後才可以互動。

3.除了音樂分享,學校都幾注重心靈分享,會有讓小朋友分享喜樂,關愛,友情,溫柔...等好多主題。

4. 初小冇咩project,最多聽到班上同學一齊同老師佈置壁報板...

5. 我覺得音小唔同其它直資同私小,所以冇得比較,家長會俾小朋友讀音小,都是鍾意同認同學校的教學。學業方面的範圍都是按教育署規定,深淺各有見地;不同的是多咗音樂科同埋重視用基督教聖經來教導孩子,而這二點正是家長揀音小前,重點需要考慮是否認同再來了解其它。
初小學生要時常上網搵資料先做到功課,NO~音小唔會!間中有些常識科工作紙需要搵答案先要上網搵, 而且講真,太多要搵資料先可以做到的功課,唔知係派俾家長?定小朋友?

原帖由 laiyuen 於 11-11-3 16:19 發表
多謝樓主很詳細的介紹，令我對音小有更深的了解。另外，我還有以下的問題：
1．請問音小有NET教英文嗎？
2．上課時老師採用互動教學嗎？定還是單向教學呢？
3．同埋學生除了音樂上的分享外，

4．多唔多project做？
5．見到其他直資/私校既教 ...

[ 本帖最後由 TYma 於 11-11-4 23:30 編輯 ]

作者: siu_to 時間: 11-11-4 16:27

唔該曬

作者: ming2 時間: 11-11-4 21:06

提示: 作者被禁止或刪除內容自動屏蔽

作者: elizatyy 時間: 11-11-4 23:40

多謝分享。音小音中都是英文學校、學生的英語水平如何?

作者: laiyuen 時間: 11-11-5 00:56

謝謝解答!

我地真係好鍾意音小既教學理念，同埋以神為先既教道。

作者: vickylyy 時間: 11-11-5 22:19

多謝樓主:TY ma 好有心思的發表,而其他mama都有回應.使我更了解
另外,有朋友話音小d老師流失量大,請問是不是呢??

作者: ming2 時間: 11-11-5 22:37

提示: 作者被禁止或刪除內容自動屏蔽

作者: TYma 時間: 11-11-7 12:48

個人唔覺老師流失量大,
我囡囡 p1-p3的班主任都沒變過;其它科目的老師這三年都仲喺學校教緊喔!

原帖由 vickylyy 於 11-11-5 22:19 發表
多謝樓主:TY ma 好有心思的發表,而其他mama都有回應.使我更了解
另外,有朋友話音小d老師流失量大,請問是不是呢??

作者: TYma 時間: 11-11-7 13:16

音小教學方面都是按教教育規定範籌來教,應該教的基礎,文法,phonics都幾注重,p1下學期仲會分level分班教學。

我覺得音小在英語教學編排,師資都幾好,但一個小朋友英文講得好唔好,唔只係倚靠學校教學,而是視乎小朋友自己勤唔勤力讀書、入讀的小朋友在生活中,英文的運用機會多唔多、家長在家中是否同仔囡講多D英文、是否睇多D英文書和影片、或者多D講英文的場合(譬如有識講英文的工人)......

我諗d名校區會多d本來英文底子就叻的小朋友,所以學校的英文水平計落會高d,但其實諗深d,係誰的功勞?
按照音小的地區、學校資歷少、收生不分富貴同資質來講,冇得同老牌名校相比,各個學生由基礎學起,不論小朋友本身有咩料,全部一齊重新打好底先!
但如果小朋友未入小一已經英文流利,識得串幾百千個英文單字,咁我會好推薦去考名校英文小學。

音小都好多叻的小朋友,只不過音小作風較低調,唔似出面d學校會公佈學生得咩獎,所以外界都唔清楚學校的水準到底係點?連家長都需透過參加學校內部的活動先聽到校長分享。

[ 本帖最後由 TYma 於 11-11-8 15:07 編輯 ]

作者: elizatyy 時間: 11-11-7 22:24

多謝分享。錯過了音小的簡介會,所以對學校不是太了解。

作者: TYma 時間: 11-11-8 14:27 標題: 音樂活動簡介

音小一年有幾次簡介會,多次學生演奏會同埋音樂會,可留意學校網站的訊息
www.icqm.edu.hk

參加過,你會感動,會對此間學校有信心,同埋對小朋友應該學習的安排有不同的觀感。

學校內,時常有午間音樂會,低年級同學全班去欣賞高年級同學表演,對於高年級同學來講,多咗表演的機會;對於低年級同學,多咗觀摩的機會。

學校一年有三次學生演奏會,經器樂老師推薦參加,除了個人表演令學生有多些對外的表演平台之外,學校的手鈴隊、管弦樂團、合唱團都是值得觀賞的節目。

另學校會有其它售票的音樂活動,在歐式美輪美奐的以勒音樂廰舉辦,物超所值觀賞專業級表演,學校網站會有訊息,數量有限。

p.s.但我都勸如果家長得失心重,注重排名,喜歡名牌學校...,咁就唔好來搏個留位,將這個機會比其它想入讀的家長。

[ 本帖最後由 TYma 於 11-11-8 14:55 編輯 ]

作者: vcom 時間: 11-11-8 15:55

每當有子女有份參與校內的學生演奏會時，家長都變成子女的fans，叫齊全家出動，好不熱鬧。因為都是觀摩性質，無名次、無勝負，表演的同學不會有太大的壓力，只是想做好D，見他們淡淡定去演奏，頓時變成一位音樂家。雖然偶然有D會失準。但家長、朋友都睇得很高興。相信同學的瞻量從當中一點一滴的濾積起來。不論大過左，會否在音樂發展，但對他們一定會有幫助。

作者: vickylyy 時間: 11-11-9 10:58

其實學校這樣安排真好,學生透過表演機會可增強自信心/投入感,而且學校並不強調競爭,而是自己的進步,再加上聖經的道理,這樣的教育才是以"人"為本的教育.我認為這個世代最需要培養有品格的人.若要與人天天競賽,一山總有一山高,那麼人生便只有比較.怎能有喜樂??

另外,想問下是否每個學生都有表演機會?

作者: vcom 時間: 11-11-9 18:22

午間音樂會,應該每個同學每年只少有一次表演。至於多數星期五放學後,家長可以欣賞的學生演奏會,要經老師推薦,多數平時練得唔錯和有準備的同學。

作者: elizatyy 時間: 11-11-9 22:42

原帖由 vickylyy 於 11-11-9 10:58 發表
其實學校這樣安排真好,學生透過表演機會可增強自信心/投入感,而且學校並不強調競爭,而是自己的進步,再加上聖經的道理,這樣的教育才是以"人"為本的教育.我認為這個世代最需要培養有品格的人.若要與人天天競賽,一山總 ...

贊同。

作者: TYma 時間: 11-11-10 10:35

都好贊同你!

其實在出面學音樂的路,有些可以好孤獨。但在音小音中,不只有好多好資質的音樂老師，仲睇到高年班同學之間都可以分享交流音樂的學習, 自小音樂已是生活的一部份,學業的一部份,大家都可以齊齊傾。
(低年班就學習欣賞先......

)

每個人天份唔同,冇得樣樣都爭第一,讓小朋友學識平常心待人接物重要,俾小朋友可以學識欣賞人好重要,俾叻的小朋友學識不高調的心態更重要,學校就是這樣。

原帖由 vickylyy 於 11-11-9 10:58 發表
其實學校這樣安排真好,學生透過表演機會可增強自信心/投入感,而且學校並不強調競爭,而是自己的進步,再加上聖經的道理,這樣的教育才是以"人"為本的教育.我認為這個世代最需要培養有品格的人.若要與人天天競賽,一山總 ...

作者: pppaaa 時間: 11-11-10 16:46

多謝各家長的資料.

想請問學校除了音樂, 課外活動/運動有那些興趣班?
會否常識科(生命教育)相對內容學得太少?
看過多間直資私校的評論都有些少要改善的地方, 各家長對

音小的評價很好, 那麼有否你們認為可以進步的地方?

本人認同音小理念, 但阿仔練鋼琴也要迫要陪, 似乎不是他的興趣

作者: 88654321 時間: 11-11-10 23:13

原帖由 TYma 於 11-11-3 14:21 發表
介紹課堂時間安排,如果有錯,請其它家長指正,讓更多不明白音小的家長可以清楚的評估自己仔囡是否適合。

音小上堂時間由8:25~3:55

8:25-8:55是早讀時間,讓學生看圖書時間,
P3開學時,老師規定每位同學各帶五本中英文 ...

8:25--8:55am 係崇拜時間.
早讀時間係小朋友回校後自已在座位看書直至8:25打鐘.

作者: 88654321 時間: 11-11-10 23:29

原帖由 elizatyy 於 11-11-4 23:40 發表
多謝分享。音小音中都是英文學校、學生的英語水平如何?

有個義工家長有份教活動堂,她是用全英語教的,學生亦要求全英語對答,我去過觀課一堂,係p.5學生,我覺得有幾個係特別突出,只有1-2個較靜,唔知係聽唔明定怕醜,整体平均不算差. (活動堂大約10人一班),但當然唔似IS嘅學生.
中學唔太清楚.

作者: vickylyy 時間: 11-11-15 13:40

88654321:
請問咩叫IS學生??

作者: TYma 時間: 11-11-15 15:31 標題: 高小學科

IS= international school (國際學校)

請問上到四年班之後,是否器樂堂會有一個鐘?
功課表比較初小,係少邊D科?多咗邊D科?

作者: TYma 時間: 11-11-15 15:48

生命教育內容一d都唔少,都係要背ga (近排已經背到發暈la),我覺得對於初小來講足夠,唔需加重。
常識常識,大d都會識,依家的時事題目對佢來講以後都會係歷史,我情願佢唔好太早學識社會d複雜東西,情願著重d"生命教育"!!

興趣班好多ga,之前記得有家長問過,ming2有答過,請你往前幾個topic尋找

器樂方面,雖然話唔催谷,因為已經納入主科,所以輕視不得,家長都要以面對中英數咁,冇得話中途放棄唔學,有D小朋友是需要家長陪同練琴才能有耐心做練習,所以...請有心裡準備!

原帖由 pppaaa 於 11-11-10 16:46 發表
多謝各家長的資料.

想請問學校除了音樂, 課外活動/運動有那些興趣班?
會否常識科(生命教育)相對內容學得太少?
看過多間直資私校的評論都有些少要改善的地方, 各家長對

音小的評價很好, 那麼有否你們認為可以進步的 ...

[ 本帖最後由 TYma 於 11-11-17 12:17 編輯 ]

作者: ming2 時間: 11-11-15 18:51

提示: 作者被禁止或刪除內容自動屏蔽

作者: vickylyy 時間: 11-11-15 22:18

真係多謝大家這麼樂意分享,好讓我這個準音小家長了解下情況.下年度阿仔將入讀P.1.
阿仔活潑,喜愛與老人家談話,每天在街上見到清道夫/郵差叔叔都會說:辛苦晒你啦!!,教會主日學不只一個老師話佢乖,但幼稚園老師話佢無記性,寫字不夠工整,叫我同佢串字,溫書.....我知老師出發點是為佢銜接傳統小學作準備,但我知道阿仔係傳統學校一定C梗,而我就會常收到老師投訴.我覺得無選錯學校,老師有愛心,課程符合孩子成長LEVEL而不只催谷最重要,因我深明我的孩子谷唔黎.但也不是代表我任由他唔理,平日都有跟他的功課.

作者: TYma 時間: 11-11-15 23:21

多謝指正,經已修改在首篇發言.

原帖由 88654321 於 11-11-10 23:13 發表

8:25--8:55am 係崇拜時間.
早讀時間係小朋友回校後自已在座位看書直至8:25打鐘.

作者: TYma 時間: 11-11-15 23:23

多謝提醒!

原帖由 ming2 於 11-11-15 18:51 發表

係呀..器樂堂係上一個鐘架...
科目上都同初小係一樣,不過音欣就轉左係用英文lor...建議大家保留初小音欣0既工作紙同筆記...

作者: 88654321 時間: 11-11-16 11:13

原帖由 TYma 於 11-11-15 23:21 發表
多謝指正,經已修改在首篇發言.

作者: TYma 時間: 11-11-17 11:28 標題: 器樂堂

初小的器樂堂,一學期可以觀課一次,讓家長可以明白學生上堂情況。有冇家長話我們知"高小"仲有冇觀課安排呢?

最近發生小朋友承受課業壓力的不幸事件,
大家應該引以為鑒,多注重學生們心靈的健康成長。
一間學校課程若編排適中,對小朋友才是真的有福的!
唔好再追求那些學深一級/派多功課/留堂操卷...先感到係高人一等, 凡事太過真係不健康。

要先了解自己小朋友的資質與個性,再來選擇適合的學校最好。

[ 本帖最後由 TYma 於 11-11-17 14:10 編輯 ]

作者: vcom 時間: 11-11-17 21:49

不只音小，音中都有觀課的，但如果樂器老師無改變的話，觀課了兩次後，都再無要求，因都知道老師如何教了。

作者: ming2 時間: 11-11-18 00:08

提示: 作者被禁止或刪除內容自動屏蔽

作者: marieng 時間: 12-1-1 18:03

有無小朋友係完全無音樂底，亦不知有無音樂天份.我個仔就係，我好認同音小的理念，但好擔心，有無人可以分享?

作者: vcom 時間: 12-1-2 22:18

小一開始學音樂唔算遲,音樂天份可以陪養的。
好像大人喜歡唱K,小朋友都喜歡唱兒歌。
當音樂好似美勞、體育堂看待,但要多一點恆心,就是要每天練習。

作者: taihung 時間: 12-1-12 15:16

多謝樓主很詳細的介紹

歡迎光臨教育王國 (/)