教育王國

標題: 有冇讀K1J小朋友家長一齊傾吓? [打印本頁]

作者: Alisontam 時間: 07-10-9 08:44 標題: 有冇讀K1J小朋友家長一齊傾吓?

我個女放學後無乜講學校D嘢, 唔知係點？有冇人可以share 或
update 我? 佢成日食唔哂 snack box, 你個小朋友情況如何？

作者: koongmum 時間: 07-10-9 22:30

hello,我的囝囝都係讀k1j，佢由最初返學喊到依家開始習慣學校生活，我見到都覺得好開心。
佢帶返學的茶點好多時都可以食晒，我通常都係帶小面包，蛋糕仔，有時帶餅乾，為左可以令佢開心d食茶點，有時我會靜靜雞放粒棉花糖係餐盒內，等佢食完面包仲可以食d佢鍾意食嘅嘢。你都可以間唔中試下，當鼓勵下佢。
囝囝話比我知佢地好多時會去音樂室唱歌，由其他老師教。而miss ma 及miss mak 就教英文，miss yu 就教中文，老師教認字時同佢地玩好多遊戲，又會教佢地配詞記，例如「人」，就係工人。不過我問佢時佢都唔係全部記得，唱歌會唱到一舊舊，只有佢明白

作者: Alisontam 時間: 07-10-11 09:11

好開心知道咁多呀女學校嘅情況,感激!!!你仔仔好叻呀!!! 聽講話每日問小朋友,會幫佢發展記憶力gar!

作者: koongmum 時間: 07-10-12 23:23

今日佢地放學多左個美勞袋，我地要抽起d作品，然後星期一要交回老師。呀!今日老師送左個夾夾比佢地，囝囝話要乖先有，佢話有時老師係茶點時會請佢地食餅餅。
我叫佢試唱大腳板比我聽，真係唱完我都好似一舊雲。

歡迎光臨教育王國 (/)