請問如果小朋友大大細細都未介到片，返學會如何處理？

iki

我囡囡9月返學，至今大大細細都唔肯試介片，
一坐小童toilet seat就喊，坐就喊，直到可以起身，真無計！大大細細都未介到片，返學會如何處理？
:-|

mokchingyin0910

老師會帶住小朋友定時去小便, 見下見下便會肯坐, 但未必去到.....可能會賴尿, 學校的嬸嬸會清潔, 所以要帶多一條褲子, 內褲 for spare.......過了一段時間, 就會怕醜唔想賴尿....慢慢就可以了.  不過大便就煩d, 我個女就話自己唔會係學校去大大.....所以仲係用片去大便.

袁太

可唔可以著片褲呢？我女N1時初頭未介到著片褲，後來得之後老師就叫我俾佢著內褲，仲讚我女叻，我女好有滿足感，之後都無瀨。所以好老師好重要。

olima

iki,

你囡囡幾大﹖有專家話其實要等小朋友的發育ok才能介片。

你可以暫時唔好叫好坐potty，過一排叫佢試下，同時借/買d關於自己用小馬桶的書，同佢做下心理輔導，而家距9月還有3、4個月，還可以訓練下呢。我覺得夏天介片比較方便。

olima

ShinTeresa

我個女又係9月開學 到而家又係大細都未介片 叫佢去potty 到柯 佢寧願唔柯 忍成朝都唔肯vv 大就梗加唔晒講 到佢瞓晏覺 一用番片 就即刻大/細齊柯 真比佢吹到o形咀    

MayKan

我的囡囡都係今年入讀K1,仲未介到片(大小都未),佢都係唔肯,無法子!!
雖然佢肯坐potty ,但坐唔夠半分鐘就話要起身,當玩咁~  :cry:

薳然媽媽

試吓自己去小便時, 帶埋囡囡一齊, 等佢睇到您點樣小便, 隔一排之後, 就試吓比佢坐potty, 佢應該會無咁驚架.

雙子媽媽

或者試吓當daddy去vee vee時帶埋仔仔, 而媽咪去時就帶亞女去. 帶多幾次, 等佢知咩事. 我個仔早1個幾月前戒左片(當時1歲9個幾月). 其實之後佢1個星期都會瀨1-2次尿. 但我都當自己成功左. 依家同佢著片, 佢都唔會痾落去, 會叫我同佢去痾珠珠. 唯一令我頭痛的係佢無論開大開細都係話痾珠珠, 試過1次佢話痾, 點知開大, 攪都我一腳都係c (因我個係囝, 我同佢去toilet佢係企係度痾的).

另我個囝都係好抗拒坐potty, 我試坐幾日就唔對路, 咁我就直接同佢去toilet 痾, 咁返而ok wor.

chingchingb.ma

一些小小分享, 希望幫到大家。

我個囡早兩個月日片戒左, 最近夜片都戒埋。

之前都幾氣餒, 因我囡拒去toilet, 認為冇得玩, 困住晒。所以成日鬥氣, 你問佢, 佢話冇, 但轉頭佢賴出黎。最初著輕鬆穿, 有依賴(我同個囡都係), 戒唔到。後期o係屋企著戒片褲或底褲仔, 出街著輕鬆穿, 仍然有依賴戒唔到。繼續成日鬥氣, 識講weewee但唔講, 繼續賴尿, 把幾火, 抹地抹到癲, 不過真係千奇唔好鬧佢, 因daddy試過, 會有反效果。

最後用貼紙獎勵, 用格仔A4紙貼toilet門口, 每去一次, 獎一個佢喜歡既貼紙比佢, 總算克服小小拒去toilet, 因佢仍然認為冇得玩。後來出街都著戒片褲或底褲仔, 大家冇依賴, 每個幾兩個鐘帶佢去toilet話洗手, 其實去埋weewee, 奇怪係佢唔抗拒街外toilet, 不過真係要帶2set戒片褲及褲仔出街, 因意外一定有。過左幾日, 開始有改善, 出街冇濕褲仔, 再過兩日, 我囡突然同我講: mama, wash hand & do weewee please. 我當時既開心又唔相信, 但佢最後真係去左weewee。自始之後, 佢每次都主動講, 最近連夜晚飲奶後睡覺, 約一小時後起身講要去weewee, 去左weewee後一覺天光, 冇濕片, 現只有夜晚著輕鬆穿, 午睡都冇著片。

呢兩個星期重自己擔"登"仔去屋企toilet除褲weewee & poopoo, 跟住再擔"登"仔去洗手, 笑c。

要戒片, 真係唔可以有依賴, 索性咩都唔好比佢著, 剩係著條戒片褲或底褲仔, 由得佢賴出黎。小朋友好聰明, 佢覺得既然有著片, 又使乜戒。之前著輕鬆穿好耐都戒唔到, 後尾唔比佢著, 前後個幾星期就戒左。不過最重要係多正面鼓勵多獎勵, 你地一定可做到, 努力加油!  

MayKan

Thanks for your sharing.

你的方法都幾好喎, 在toilet門口貼貼紙!!
不過我老爺奶奶真係有話過我囡唔肯去大大小小,雖然佢都識講,但都係痾係片度, 可能真係有依賴啦!!仲有佢地都有同我囡講:『某某細過你都戒左片啦,乜你仲咁醜痾係片度架?!』 我都要提醒下佢地唔好咁講, 要正面d去鼓勵~
現在平日我囡在家都只穿褲仔無著片了,不過都係賴~