2歲小朋友自己撘校車...???

hellojoyce

請問各位家長:

2歲小朋友自己撘校車,問題大嗎?
啱啱返學,响校車大喊點算?? :cry:  :cry:

bby

我個仔2歲3個月開始自己坐校車, 車程大約15分鐘
開頭開喊架, 喊左幾日又冇咩野

最有印象就係一個喊, 幾個都喊, 不過好快冇事, 唔駛擔心

hellojoyce

bby :
會唔喊到响架車度週圍走呀?咁有冇用安全帶呀?

咁你當時見到仔仔喊,有無d心痛既感覺呀?

hellojoyce

我諗逐個拖就唔會勒,落車時果2級扶吓啦!跟住就好似趕鴨仔咁一個跟一個返入學校囉!!

may123

我個囡都係兩歲坐校車,曾經有一個媽咪同個仔一齊坐校車時,就見到有一個小朋友落車時跌倒,但褓姆都好似唔理得咁多咁 ,另外,我個囡係架校車度係最細那一個,有時佢會同我講有一個姐姐打她的面,唔係講完就算,係每一日都有提,所以我都信佢,其實咁細個坐校車,都真係唔係咁安全,但我又會好睇個媬姆細唔細心,好似我個囡回程時,每次我都見到佢坐前排,有個職員伴著她,我就好放心

ricebb

校車有無安全帶呢? 咁細個驚"殺"車跌親   

cat_house

我個仔都係2歲自己撘校車返學。我覺得無問題﹐我仔仔初初返時送上校車時都喊﹐但架車開咗無耐佢就收聲架啦。返咗兩個星期左右就無喊啦﹐而家佢都唔知幾鍾意架校車。
撘校車都幾好架﹐因為separation既時間快﹐唔似得係學校咁你會唔捨得走﹐咁bb就會喊耐d。
另外﹐校車上有保母跟車安撫小朋友﹐亦有安全帶﹐我都好放心。

bby

hellojoyce 寫道:
bby :
會唔喊到响架車度週圍走呀?咁有冇用安全帶呀?

咁你當時見到仔仔喊,有無d心痛既感覺呀?

有安全帶(不過唔知你個架有冇, 你要問清楚校車叔叔先)

有呀, 好心痛, 仲試過轉頭返左學校裝佢TIM, 不過見佢返到學又冇咩野係度玩緊      

mancon

大家好!我個女今年剛剛返2歲班,初頭幾個月係我和工人輪流接女返學及放學, 我個女就成日話要搭校車,但因太小我們不放心, 最後我和老公决定於12月先比佢淨搭放學,點知搭咗一日當晚半夜4時喊到6時,仲發惡夢叫"我要媽媽", 我聽到好心痛, 唯有同主任講我想陪搭校車幾日, 点知上到校車先知無安全帶, 又再同主任講, 最尾主任話架車係暑假新買未趕到新學期安裝安全帶, 佢話聖誔假才有時間装安全帶, 我唯有在聖誔假期前（mon-thu)日日陪女搭校車放學, 皆因(fri)有大個小朋友上課外活动先至可以搭另外一架有安全帶校車. 認真煩!

sks

我就覺得2歲小朋友自己撘校車唔係太好.
1)如果校車沒有安全帶, 當然危險, 一個急停,轉彎都可能跌親.
2) 如果有安全帶, 是要小朋友自己帶, 或是嬸嬸幫呢?其實有可能有安全帶, 但并沒有為小朋友帶上.
3)最重要是2歲小朋友表達能力有限, 若然在校車上給其他小朋友欺負, 我們也不知道. 即使在車上跌了一跤, 小朋友也不懂說, 若沒有表面傷痕, 我想校車司機嬸嬸也不會向家長說吧!

Momotat

我仔仔都係自己搭校車返學, so far無問題, 佢仲好鍾意同其他小朋友傾計tim!
其實最重要係睇下校車既support係點, 我報校車之前都make sure佢係有三點式安全帶, 有跟車姐姐, 人數不會太多......八月中開學時我有陪仔仔坐左半個月校車, 之後先俾佢自己坐....我亦不時回校看看仔仔到達學校既情況, 見到校工會遂個小朋友抱回校園內, 跟住手拖手行入課室, 好可愛!
至於sks提出幾點, 亦是我關注既....我仔仔校車姐姐會在小朋友上車後親自幫他們帶上安全帶, 待每個小朋友坐定時才開車....同埋我陪坐校車時及送仔仔上校車時, 都觀察到各位小朋友是定定的坐在位上, 亦令我放心, 因為朋輩影響好重要....
其實如果校車既安排係好既, 兩歲小朋友坐校車回校是沒有問題的....我覺得比逼地鐵巴士更舒適安全.....

danduscc

Momotat,

just to 888, which school is your son going to?

Thanks

Momotat 寫道:
我仔仔都係自己搭校車返學, so far無問題, 佢仲好鍾意同其他小朋友傾計tim!
其實最重要係睇下校車既support係點, 我報校車之前都make sure佢係有三點式安全帶, 有跟車姐姐, 人數不會太多......八月中開學時我有陪仔仔坐左半個月校車, 之後先俾佢自己坐....我亦不時回校看看仔仔到達學校既情況, 見到校工會遂個小朋友抱回校園內, 跟住手拖手行入課室, 好可愛!
至於sks提出幾點, 亦是我關注既....我仔仔校車姐姐會在小朋友上車後親自幫他們帶上安全帶, 待每個小朋友坐定時才開車....同埋我陪坐校車時及送仔仔上校車時, 都觀察到各位小朋友是定定的坐在位上, 亦令我放心, 因為朋輩影響好重要....
其實如果校車既安排係好既, 兩歲小朋友坐校車回校是沒有問題的....我覺得比逼地鐵巴士更舒適安全.....

Momotat

danduscc 寫道:
Momotat,

just to 888, which school is your son going to?

Thanks

danduscc,
耀中