中學學位分配(完)

bluebell5395

Hello~007,

多謝你的意見 ~我會繼續支持你~支持你~

          

ruby2004

櫺囹桼 寫道:
晚打到冇停手，冇停手...就快可以唞一唞，唞一唞 ！不過咁多人支持~抵打！

我地比多d掌聲比007 , 以示鼓勵

nganc9

007:

要更正一事, 匯基書院(東九龍)是在官塘區的並非深水

xmanman

007,  

唔該晒,  對新的政策了解左好多!!!   

ruby2004

007 : 有一些學校面試的準則與比重會看教署學生成績次第名單 , 那是否根據小三及小六之評估而定?

mimi1234

００７，
大家討論下，其實自行收生階段可以選兩間，我有一個疑慮。

e.g ：　
A校：是最心儀中學，是校網內學校，當然會參加自行收生，也會等待大抽獎。
B校：是第二心水中學。

如果自行收生階段，A校不收，但B校收左小朋友，那麼，便沒有機會參加大抽獎，即是冇可能入到A校。不知我有否理解錯誤？

如果真是很想入A校，是否應該：
　　自行收生：只選A校，放棄第二選擇。
　　不受學校網限制的學位分配：只選A校，第二、第三志願留空。
　　學生所屬學校網的分配：選A校為第一志願。

請大家多多指教。
　　　　

leeleelumlum

It is extracted from today's newspaper:

家長增選校權 宜慎用第二名額

Elsie發現最近教育界有不少變革，除了幼稚園教育開先河實施「學券制」，以及日前公布教統局常任秘書長羅范椒芬與廉政專員黃鴻超對調職位外，相信家長最關心的，應該是○七年的中學學位分配辦法將實施新機制，在下月開始的升中自行收生階段，將可選報兩所心儀中學，而學額亦由以往的兩成增至三成。
　　Elsie問過教統局有關官員，獲知今年升中機制主要有四項改變，首先是自行收生的報名日期。以往教統局只會將每年的十二月初至翌年的二月下旬定為自行收生日期，學校可在上述期限內再自行決定報名和截止日期，換言之，家長必須先行到心儀中學查閱招生日期，否則就會錯過了報讀心儀中學的機會。
　　不過，今年教統局就將全港中學的自行收生日期，定為十二月二十八日至明年一月二十九日，學校不能更改。
　　除了報名日期外，Elsie相信今次家長最開心的，就是自行收生階段的選校數目，由以往只可選一校，變成今年可選報兩校，而學校亦不會知道家長的選校意願。學額方面，中學撥作自行收生的中一學額，亦由以往的兩成增加至三成，即是學校可自行決定盡用該三成自行收生學額，或將餘額留作統一派位作「攪珠」之用。
　　至於統一派位階段的選校方法，今年亦有所變動。以往家長填報統一派位表時，只能選報所屬校網內的中學，但新的升中統一派位方法，將效法升小的統一派位選校模式，統一派位的選校表將分為甲、乙兩部，甲部可不受校網限制，選擇最多三所中學，而乙部則仍可選擇最多三十所校網內的中學。
　　即是說，家長除了可以選校網內的學校外，亦有機會選校網以外的全港任何一所中學，大大增加了家長的選校權。
　　聽完Elsie詳述今年中學學位分配辦法的改變後，相信家長刻下的疑問一定是，既然選校權大了，應該怎樣部署選校策略﹖


Elsie問過風采中學校長曹啟樂，曹校長就認為，由於家長在自行收生階段可以選報兩所中學，故家長可能會遇到三個情況，「第一，若家長私下已有兩所心儀度不相伯仲的中學，那麼家長就不妨用盡兩個自行分配學位的限額，讓子女在升中首階段『博一博』，避免在統一派位階段靠運氣派位。」
　　「第二，若家長只得一所心儀學校，而鍾愛程度幾乎達到非該校不入時，最好在自行收生階段只選報該所學校，並在統一派位時，再將該校填為第一志願，萬一仍然未能派入該校，在叩門時也可表示誠意。」
　　曹校長說以上兩個情況，由於目標明確，家長應不會有太大困擾﹔然而，家長最應該小心的，就是以下第三個情況。
　　「家長心中有所非常心儀的甲中學，但同時又覺得乙中學不錯，但鍾愛程度就跟甲中學相差很遠。這時，家長應先問自己，萬一子女在自行收生階段只獲派乙中學，這樣會否心有戚戚然﹖假如答案是不會的話，家長亦應在自行收生階段用盡兩個志願﹔否則，就寧願只報最心儀的那所中學。」
　　曹校長分析，由於在自行收生階段，學校只能用盡最多三成中一學額，但在統一派位階段，學校只須預留約一成學額給予非校網學生申請，餘下六成學額均供派位之用，包括分派給在自行收生階段中，未能取得學位的學生，加上學生若在自行收生階段已獲學校取錄後，將喪失參加統一派位的資格。
　　故此，曹啟樂校長再次提醒家長，若對「第二最愛中學」的心儀程度不深的話，便勿因─時貪心，而用盡兩個自行收生階段的選校志願。

mimi1234

leeleelumlum,

Thanks,相信我沒有理解錯，即是自行收生階段不要貪心，要放棄第二選擇，而甲部不受校網限制，亦同樣要放棄第二、第三選擇。

櫺囹桼

007是日集中回信，休息一天！

elsa2005 寫道:
007,

請教一個問題：

據聞來緊的升中派位大抽獎個環節有一個變化，就係之前個抽獎方法是--如果唔好彩分到個尾尾no.，就算是band 1學生都會：第一志願當然冇望，到第二志願時所揀學校又被人第一或二志願時入爆，第三志願都係遲到一步......如此類推，總之每一轉揀學校都係最後一個揀，結果可能入到第n志願，甚至冇填過的學校。

而來緊的大抽獎就改左個隨機編號分配方法：每一轉都重新分一個no.，唔使一路黑到尾，第一志願時no.後唔得，但第二志願時唔使抓住個舊no.，有機會第二志願好前揀，或者話總有機會係比較頭揀學校。

傳聞如果屬實，對band1生來說，未嘗不是一件好事...不過band 2生會唔會差左？


按教署資料都係講緊“一個隨機”編號：

櫺囹桼

007是日集中回信，休息一天！

ruby2004 寫道:
007 : 有一些學校面試的準則與比重會看教署學生成績次第名單 , 那是否根據小三及小六之評估而定?

小三及小六之評估係全港系統性評估...要嚟捉老師(唔係老鼠)...等等之問題！(如果某區/某校成績特別差...教署就有工開...做野！)

教署學生成績次第名單/教統局成績次遞 / 教署排名...：通通都係同一樣野，就係小朋友在《區內》之名次！
計算方法 = 2000年就讀小學之學能測驗成績佔《50% 》+ 2006年就讀小學學科測驗試(俗稱分班試)成績佔《50%》，作為對一間小學在區內高低之用，稱為調整機制，(假如得出一個數字為0.95…)，咁樣就將貴公子/千金之兩次呈分試相加平均後再乘以0.95，得出分數(例如平均為90.25分)！咁樣就將90.25分擺落區內分出高低，中學從教署資料就會睇到小朋友在區內之排名(例如400/4500，當然屬於Top 10%內..如此類推！)，從而決定取錄學生與否！因為中學收生唔准考筆試、中學又唔知這一間與那一間小學之實際成績差距…所以唯有用此下下策方法！

櫺囹桼

007是日集中回信...休息一天！

mimi1234 寫道:
００７，
家討論下，其實自行收生階段可以選兩間，我有一個疑慮。
e.g ：　
A校：是最心儀中學，是校網內學校，當然會參加自行收生，也會等待大抽獎。
B校：是第二心水中學。
如果自行收生階段，A校不收，但B校收左小朋友，那麼，便沒有機會參加大抽獎，即是冇可能入到A校。不知我有否理解錯誤？
如果真是很想入A校，是否應該：
　　自行收生：只選A校，放棄第二選擇。
　　不受學校網限制的學位分配：只選A校，第二、第三志願留空。
　　學生所屬學校網的分配：選A校為第一志願。
請大家多多指教。

不知我有否理解錯誤？~你冇誤解！

你嘅理論亦啱，不過...真理可以從數字中引證！

你所講嘅最心儀中學多數係指傳統名校/地區名校...一般都有直屬小學...可以拎出嚟大抽獎 / 自行分配學位有幾多？
假如：
A 中學有30個自行分配學位，有三百人申請(好可能係要全級五名內先有表派...)...機會有幾大=你小朋友有多能幹，可以打敗其他270人！(那270人也非泛泛之輩...)

A 中學有20個派位：
其中10%全港性派位=2個，即係全港所有二萬幾個band 1生“都可以”選佢..中獎率...唔識計！(幸運之神有否報夢你知？)

最大問題A校同B校真係相差咁遠？寧可放棄一籠白鴿揀隻雞？

櫺囹桼

007是日集中回信...休息一天！


[quote]
nganc9 寫道:
007:

要更正一事, 匯基書院(東九龍)是在官塘區的並非深水

mody

hi 007

真係好多謝你咁詳細既分析，逐項疑難幫我地解決。我會跟住去做。睇左你係初中教育裡面既資料真係幫到我地呢班「無知」師奶唔少的忙呀! 希望我囡囡可以入到一間唔係太差的學校就好啦! 其實我都唔係要求佢一定要入什麼「名校」，只係想佢讀到一間校風好、學習風氣盛的學校罷了。就係因為佢成績麻麻，又或者係佢間學校大部分的女孩子都好 smart，所以她就給比下來了!?! 如果佢入唔返自己個間中學，係同區的其他選擇好似你咁講真係唔多。唉~ 老實講，佢就唔知咩事，但我就好「擔心」啦! 當然! 我會同佢一齊努力應付黎緊既考試架啦! 多謝你既「鼓勵」呀!

期待再細讀你的有用資料。謝謝!

櫺囹桼 寫道:

Mody
1)甚麼舊制、新制會影響中學收回直屬小學生？
2) 唔需要急於報跨網…睇清形勢…第二次截止前先決定報唔報未遲！
3) 如果囡囡由小一到而家成績都係維持現水平就冇乜計，如果係下降…可以搵出佢嘅問題，對症下藥(其實現時小學課程一般都不太艱深…成績出現問題，好多時都係出自名校壓力方面，學習上不要使她孤軍作戰~應給予支持、鼓勵、體諒、一起溫習、備課、…)…仲有2次試，band 1點解冇希望？
4) 油尖旺band1中學當然好…反而band 2可選擇嘅唔多！如果肯定囡囡升band無望，轉去九龍城亦係上策！
5) 個人估計油尖旺、中西區、九龍城、灣仔…等傳統名校區…banding指數差不多，只要唔係邊緣人…互跨一定唔會降band！(不過都係問下老師穩陣啲...)

一樣的天空

007, 你好, Thank you 呀. 我阿仔在黃大仙區讀P6, 第一次呈分試名次在全級的中間, 現請教你該區有哪些校風好, 學習風氣濃厚的band 2中學推薦?九龍文理書院. 佛教孔仙洲, 聖文德書院如何?我見這裡很少人提到黃中仙區的中學, 而我又要上班, 只能在這討論區收料, 各位媽媽如有提供, 萬分感激.

agoodfox

櫺囹桼 寫道:

計算方法 = 2000年就讀小學之學能測驗成績佔《50% 》+ 2006年就讀小學學科測驗試(俗稱分班試)成績佔《50%》，作為對一間小學在區內高低之用，稱為調整機制，(假如得出一個數字為0.95…)，咁樣就將貴公子/千金之兩次呈分試相加平均後再乘以0.95，得出分數(例如平均為90.25分)！咁樣就將90.25分擺落區內分出高低，中學從教署資料就會睇到小朋友在區內之排名(例如400/4500，當然屬於Top 10%內..如此類推！)，從而決定取錄學生與否！

萬一學校師兄師姐唔生性，分班試考得唔好，調整數字得0.8或更低。個小六生平均分本來係90，咪變左得72或更低，咁咪全級第一都有可能跌出band 1？？      太殘酷啦！   

櫺囹桼

一樣的天空 寫道:
007, 你好, Thank you 呀. 我阿仔在黃大仙區讀P6, 第一次呈分試名次在全級的中間, 現請教你該區有哪些校風好, 學習風氣濃厚的band 2中學推薦?九龍文理書院. 佛教孔仙洲, 聖文德書院如何?我見這裡很少人提到黃中仙區的中學, 而我又要上班, 只能在這討論區收料, 各位媽媽如有提供, 萬分感激.

我對黃大仙中學認識不深...你可以開個新tpoic：黃大仙band 2生之選擇？...自當有人回應！

櫺囹桼

agoodfox 寫道:
[quote]
櫺囹桼 寫道:

計算方法 = 2000年就讀小學之學能測驗成績佔《50% 》+ 2006年就讀小學學科測驗試(俗稱分班試)成績佔《50%》，作為對一間小學在區內高低之用，稱為調整機制，(假如得出一個數字為0.95…)，咁樣就將貴公子/千金之兩次呈分試相加平均後再乘以0.95，得出分數(例如平均為90.25分)！咁樣就將90.25分擺落區內分出高低，中學從教署資料就會睇到小朋友在區內之排名(例如400/4500，當然屬於Top 10%內..如此類推！)，從而決定取錄學生與否！

萬一學校師兄師姐唔生性，分班試考得唔好，調整數字得0.8或更低。個小六生平均分本來係90，咪變左得72或更低，咁咪全級第一都有可能跌出band 1？？      太殘酷啦！    [/quote]

這個不需要太過擔心..因為一間小學有百多二百人...取其平均值應可信賴！如果擔心有部分小朋友失準...放心~大把人一齊擔心！

櫺囹桼

(完結篇)

調整機制的實施時間
2007年升中：2000年學能測驗成績(50%) + 2006年中一入學前測驗成績 (50%)
2008年升中：2006年中一入學前測驗(50%) + 2007年中一入學前測驗(50%)
2009年升中：2007年中一入學前測驗(50%) + 2008年中一入學前測驗(50%)
2010年升中：2007年中一入學前測驗(50%) + 2008年中一入學前測驗(50%)
2011年升中：2008年中一入學前測驗(50%) + 2010年中一入學前測驗(50%)
2012年升中：2008年中一入學前測驗(50%) + 2010年中一入學前測驗(50%)
未冇時間諗→點解教署要梅花間竹？(可能工作過於繁重！)所以零九年分班試只作分班之用(最冇壓力…)…唔會陀衰家！

全港學生組別 (Territory Band)
全港第一派位組別(Territory Band 1) 33.3%
全港第二派位組別(Territory Band 2) 33.3%
全港第三派位組別(Territory Band 3) 33.3%
只作不受校網限制學位分配之用

校網派位組別 (Net Band)
校網內第一派位組別 (Net Band 1) 33.3%
校網內第二派位組別 (Net Band 2) 33.3%
校網內第三派位組別 (Net Band 3) 33.3%
只作按學校網學位分配之用
全港組別又好、地區組別也好…每組一定係33.3%！千祈唔好誤會每間學校都係33.3%...…如果能產生40~50% band 1生之小學，已算不俗、60%以上簡直係超級小學！

統一派位申請須知
●獲自行分配學位的學生，不會在統一派位階段再獲派位
●無論學生是否已申請自行分配學位，均需填上及遞交中一派位選擇學校表格
●家長可在甲部選填子女所屬學校網的學校，並同時在乙部選擇相同的學校
●在表格的同一部分重複填選相同學校，不會增加獲派該等學校的機會
●家長在填寫乙部時，切勿只填數間心儀的學校
即係你自行分配學位時直資中學收左你，不過你唔肯簽放棄派位書~唔簽又考嚟做乜呢？好多人話當買個保險喎~咁同唔急又想霸住個廁所~有用咩？留唔留位畀你？…自己問學校啦！
如果有派位津貼收左你，你係唔會預先知道(七月十號連同統一分配結果時公布)，所以你自行分配時揀左A中學，大抽獎時又選左佢…係唔會唔知道係阿仔考入去定係粒珠攪入去！(查唔到！)
今年大抽獎分甲(3間全港性)及乙(30間地區性)，兩者係分開攪珠；甲乙重唔重複選校都得…如果你想仔女近近地讀書，甲部揀哂自己環頭學校亦可！
長氣啲都要講多次~切勿只填數間心儀的學校 (即管你係band 1生，好多中學係揀唔落手，但遊戲規則係以成績 + 幸運程度…前者你控制，後者非人力可為！)


家長選校留意事項
●修定安排將進一步擴闊家長的學校選擇，家長應善用選擇，為子女揀選合適其發展需要的中學，並嘗試了解有關中學近年及未來的發展，以及留意本局推行的措施，以作出適當的選擇
●家長亦應考慮學校提供的課程是否可配合子女的興趣，升學和就業的取向。其他考慮因素包括學校的辦學理念、傳統特色、收生準則、班級結構及運作
唔讀文法中學仲有其他“好”嘅選擇咩？

新高中學制
●新高中學制 (334學制改革) 將由2009/10學年起實施。2007年9月入讀中一的學生將是第二屆升讀高中一的學生
●在一般情況下，學校的班級結構應該為每級不少於三班，並讓學生在同一學校完成六年中學課程
●為保學生獲得一個寬廣和平衡的課程，並有機會選修不同的科目組合，開辦少於三班中一的學校必須向本局提文發展方案，以繼續開辦高中班級
人口大幅減少…好多Band33　(band 3中and３)中學在苟延殘喘中，你想殺校佢又肯，收夠71個中一新生又捱多一年，吹咩！

學校發展
●2006/07學年開辦少於三班中一的學校須提交發展方案，包括：申請注入額外資源、與其他學校合併或合辦課程、特別資素保證視學、加入直接資助計劃或轉為私立模式辦學。學校如果沒申請任何方案，或所申請方案不獲批准，有關學校將以「按人數資助模式」開辦初中級別
●上載教統局之網頁上的參考資料，網址為：www.emb.gov.hk/0607_SlCasses_C：
(教署提供上唔到，自己搵：http://emb.gov.hk/index.aspx?langno=2&nodeID=5477)
●學校在2006/07學年核准開辦中一班級數目(2006年11月上載)；及
●開辦少於三班中一班級學校擬採用的發展方案(2006年11月上載；2007年1 月更新)
教統局通哂水，希望你明白啦！

家長選校參考資料
●「中學概覽」十二初派發，除了列出本區的中學，亦有列出其他地區的「他區」中學，這些「他區」學校是參照上一派位年度「中學一概表」編訂；適用於本派位年度的「他區」中學，應以本派位年度的「中學一覽表」為準
●「不受學校網限制選校手冊」及「中學一覽表」四月底派發，前者包括全港參加派位的中學，後者按學校網編印，包括網內本區及「他區」提供學位予該網的中學
●學校網頁及教統局網頁
中學概覽分十八本，每區一本…內有該區中學及「他區」可提供學位之中學資料(唔講可提供學額數量)…同以下網址一模一樣，先睹為快(舊年的)→http://embhsc.hkedcity.net/secondary/
中學一覽表，簡簡單單白皮書一本，有該區及「他區」可提供學位之中學簡單資料！最重要係有兩樣資料：
一)        學校編號…填表時，一子錯滿盤皆落索！(填錯編號 = 戙錯六合彩！)
二)        非保留學額數量…(即係呢間中學有幾多個位可以派…)
睇完你會明白點解啲人講要填哂30間中學 = 人生最痛苦嘅事！
《假如我個仔屬band 2生、冇錢讀唔起派位直資、女校唔收我個仔、band 3中學唔想揀、航海學校佢唔想讀、山卡啦中學又要五點幾起床唔要、得兩個位又好渺茫…就算畀夠一百間中學我又如何？七除八扣得十零廿間！》
先睹為快(舊年的)→http://www.emb.gov.hk/index.aspx?nodeID=1568&langno=2


直屬及聯繫學校
●在扣除重讀生及自行分配學位後，直屬及聯繫中學可分別為其小學保留不多於餘下學位的25%及85%
●學生須屬學校網第一或第二派位組別，並在其所屬學校網的學校選擇內以直屬/聯繫中學為首選學校
●直屬 / 聯繫中學可選擇全收三個組別的學生
老實講…我都唔知一間中學有冇直屬 / 聯繫小學！而家都用小學概覽尋找類似學校名稱查證後先知道！

「一條龍」小六學生的升中安排
●直接升讀所屬中學
●申請其他中學自行分配學位 → 如不獲分派自行分配學位，可參加統一派位
讀得一條龍…應該長嘆！(假如申請其他中學自行分配學位，一但自視過高，就要淪落去大抽獎，有冇人肯冒險放棄呢？)

公布派位結果：2007年7月10日(星期二)
學生註冊：2007年7月12及13日(星期四及星期五)
中一入學前測驗：2007年7月17日(星期二)
查詢電話：
一般查詢：2832 7740、2832 7700
香港島：2382 7610
九龍：2832 7620
新界東及荃灣：2832 7659
新界西及離島：2832 7635
地址：香港灣仔皇后大道東269號呂禎教育服務中心二字樓203室
網址：教育統籌局www.emb.gov.hk >幼稚園>小學及中學教育>教育制度>學位分配系統>中學學位分配辦法
Mark定喺枱頭，唔好到時話唔得閒 / 請唔到假吖！7 月10號派完位至11號期間…當然係叩門時間！
希望各位爸媽睇完007長篇大論嘅垃圾後，對升中一事略有了解！(當然有人睇過認為有一定參考價值；有人睇完~又長又臭人又串！無辦法~這是我的格(衰)~揮之不去…不過當你懂得越多…將會越是恐懼！)學校稍後亦會有升中講座…相信各位緊張子女升中之父母屆時一定成為新一批“升中專家”…而懂得避重就輕、善用子女嘅長處，選校時就容易一擊即中！

最後祝零七升中小朋友及其家長，萬事如意、名校高中！

《…完…》

丸子

007,

請問如果甲部選本區3間，咁乙部頭３志願可否與甲部相同呢？

youma

007,