中學學位分配(完)

mybee0103

007:
我想請教一下，小兒現於油尖旺讀小六，但居於官塘區，如大抽獎時跨網報讀官塘的中學會否 又少了機會？而報讀學校網內的中學會中的機會多一些？肯請賜教！
●其餘約90%是受學校網限制的學校選擇(在學生所屬校網選擇不多於三十所中學)

櫺囹桼

mybee0103 寫道:
007:
我想請教一下，小兒現於油尖旺讀小六，但居於官塘區，如大抽獎時跨網報讀官塘的中學會否 又少了機會？而報讀學校網內的中學會中的機會多一些？肯請賜教！
●其餘約90%是受學校網限制的學校選擇(在學生所屬校網選擇不多於三十所中學)

如肯定屬band1生，留在油尖旺幾乎八、九成可入英中(官塘只得一半半)；如屬band 2生，過往油尖旺band2中學比較少(出現斷層)！至於官觀band2中學我不太熟識，可請教nganc9
！

jw1109

Dear 007

My son is band 2 (rear) boy that studies in Wong Tai Sin area, but I will use the Kowloon City Net, how to choose the shool.  May I have your comment, please.

Please help.

Joann

mybee0103

007:
謝謝你的解答，之前我對中學派位一頭震水，自從拜讀你的文章，我已清楚好多，謝謝！

Maggie124

007   
真係好料
請繼續發放好料

NancyFelix

007

    
文章精闢, 智慧過人. 依家你dfans愈來愈多, 就來可以同Jamesbond 比美呀.
你早d出大作就好啦,  就唔駛我週圍共去搵料啦.  

繼續出, 唔好比佢停呀.

    

dnadna

多謝你!keep going   

bluebell5395

hi 007,

看過你的文章後, 本來對中學派位一無所知, 現在已明白左好多, 多謝你的分享.!
但我還有些問題,請你指點迷津~
小女學校校網屬於荃灣區, 而她是band 2生, 區內也沒有太多學校簡, 如跨網葵青區會否冒險d 呢 ? 如選擇直資又如何呢 ?
請問知吾知有邊d 直資好 !
吾該晒你~!

kansang

如果沒有誤解，相對地大抽獎的機會相對地小了的嗎？請給指引，謝謝！     

aachan2250

櫺囹桼,TKS! 我想問大抽獎時, 第1至3志願,是否他區同本區可一同申請呢? 比如: 他區為第1志願, 本區為第2,3, 可唔可以咁樣呢?還是分開呢?

ruby2004

007 : 多謝你提供資料之餘 , 還加上個人心得及教路       

mody

hi 007

我好頭痛呀! 小女就讀油尖旺區某傳統女「名校」，有直屬中學，可惜成績一般，我想應該屬 band 2 組群。而家煩惱緊同佢報返油尖旺區 (跟小學校網) 定係同佢改回住處 (九龍城區校網) 好? 往年舊制知道可以入返自己直屬中學的機會都幾大的，不過今年開始好似要成績真係好「掂」的先有機會。

如果唔改同佢用返小學校網 (油尖旺) 又驚佢真係入唔返直屬中學，油尖旺區女學生的其他派位中學又好似唔係咁好，到時唔知派左去邊。如果同佢轉回住處校網 (九龍城) 係唔係要再同同網的學生再拉分數由頭計過 banding 架? 如果係又唔知會唔會再拉低的呢? 有否資料油尖旺網同九龍城網的 banding 程度比較?

真係好多「唔知」! 真係唔知點決擇好啦! 請 007 高人指點迷津! 感謝!  

leeleelumlum

007, 你真係好好人 簡直係我眾偶像   

雖然未到我, 但從中偷吓私先   

十分多謝你   

sweetlvhk

櫺囹桼,

雖然你女女已升上中學，除了熱心地為我們解答難題還主動報料，你真係好好人

櫺囹桼

jw1109：
我對黃人仙中學認識不深…九龍城band 2男生…可選賽馬會、五旬節(今日出現廿年來最大新聞…集體打鬥…唉！)、胡兆熾、余振強…等！如果認為囝囝英語能力可應付英中，大抽獎第二回合第一志願可以搏一搏丘佐榮，因為他比較低調而區內英中林立(被忽視…)..只要隨機編號 ㊣，希望總是在人間！

bluebell5395
從學校數目嘅角度睇葵青的確比荃灣多；但從小六生數量角度睇，葵青相對又比荃灣多…
荃灣英中指數 (007自創) 為6.6 (6.6人/1席英中)
葵青英中指數為5.7 (5.7人/1席英中)
所以如屬band 1生跨葵青稍微有點著數，但我對荃灣/葵青之中學認識不深…故不能給予幫忙…也許自行分配學位時~揀葵青…(較多選擇、較多學位！)、而派第一次成績表時請教老師兩區之間競爭 / 學校素質…等問題！

Kansang
其實餅就得一件，一次過又好、逐步慢慢分幾次食又好，都係得個《一件》，之前食多左，後尾當然少啲！

aachan2250
我諗你係講緊(第一回合不限地區性)大抽獎：1、2、3揀哂本區 / 部分本區 / 全部他區…亦都可以！

Mody
1)甚麼舊制、新制會影響中學收回直屬小學生？
2) 唔需要急於報跨網…睇清形勢…第二次截止前先決定報唔報未遲！
3) 如果囡囡由小一到而家成績都係維持現水平就冇乜計，如果係下降…可以搵出佢嘅問題，對症下藥(其實現時小學課程一般都不太艱深…成績出現問題，好多時都係出自名校壓力方面，學習上不要使她孤軍作戰~應給予支持、鼓勵、體諒、一起溫習、備課、…)…仲有2次試，band 1點解冇希望？
4) 油尖旺band1中學當然好…反而band 2可選擇嘅唔多！如果肯定囡囡升band無望，轉去九龍城亦係上策！
5) 個人估計油尖旺、中西區、九龍城、灣仔…等傳統名校區…banding指數差不多，只要唔係邊緣人…互跨一定唔會降band！(不過都係問下老師穩陣啲...)

櫺囹桼

續七：
學校分配準則
●不受學校網限制的學位分配
●學生派位組別 (全港派位組別)
●家長選校意願 (最多三個)
●#隨機編號
由於升中派位辦法一直被家長批評…今年專家又諗左條死橋嚟氹下家長！大抽獎由30個增加至33個，全港中學各拎出10% (不等如全校中一學額之10%，係可以派位之10%，唔明請睇《續五》…即係喇X有可能會有《三兩個》學位畀全港二萬多個band1生抽獎…QX、X仁、又各有兩三席…諗都諗爆你個頭，點填好…點算好…唔好問我！
(居住偏遠地區，而且囝囝成績在區內雖然係中中地，但假假地都叫band 1！搏下聖喇拔一嘗讀名校滋味也好！…唔好咁快開心住，因為第一回合抽獎係按《全港性分組別》，唔係《地區性組別》，即是話屆時你會收到小學知會：你個仔地區性屬band幾、不過全港性又屬band幾啵！(分分鐘區內band 1，全港band 2！如果兩組都係band 1，囝囝又可應付英中，當然可以一搏聖喇拔！反正第一回合抽獎…2個位同12個位畀兩萬幾人抽→咪一樣咁難中！)

●學生所屬學校網的分配
●學生派位組別 (校網派位組別)
●家長選校意願 (最多三十個)
●#隨機編號
這個和過往選校方式完全相同，唯一要提大家…真係真係填唔哂三十間都要填十五間以上；否則派去你諗都諗唔到嘅中學就好難好難搞！
#隨機編號：係用作抽獎時搞珠先後次序之用，即係例如全區有4,500個個升中生(天下三分 = 各組各有1,500人)仲要用隨機編號決定邊個揀學校先！
例如：
Band 1生編號由#1~1,500 / #1揀第一、#2號揀第二、#1,500揀最後…
Band 2生編號由#1,501~3,000 / #1,501揀第一、#1,502號揀第二、#3,000揀最後…
隨機編號係搞珠前一刻先由電腦Random產生，搞完珠後自動毀滅，冇人會知、冇得投訴 ！


校內成績
●學校呈交小五下學期及小六上、下學期學生各科成績
●校內成績按科目比重經標準化，重新排列學生的校內名次
●調整工具用作調整校內成績，用作劃分派位組別的依據
一般小學一年考三次試，教統局究竟知唔知？呈分試指五年級最後一次+六年級第一、二次試！
其實小學係知道小朋友在小學之校內排名，但好多學校都唔願意直接講出嚟(藉口係唔想傷害小朋友？)不過最後考完六年級第二次試後，大局已定，又係生死存亡之關鍵，講出嚟等家長安心…為何不可？
調整工具：續三已經提及，今年之調整工具為2000年學能測驗成績 + 2006學科測試成績(分班試) = 小學實力！過往連年攞足七、八成band 1生之小學，會唔會有變？好難講…不過呢類學校之學生並非個個係超人兒童，學校能有今日之成就，無非係選小一生時揀啲家長理念同學校相似的(即係喺學業上可以幫到小朋友…)多操練、讀高人地半班…所以學生一般能征慣戰，入學試→easy啦！Band1佔有率，應該上落止於單位數字！至於鮮X魚行一類被制度拖累嘅改革成功小學，應該憑此機會有十個八個%增值！

調整機制
●「中一入學前香港學科測驗」(中一入學前測驗)會用作調整工具
●一向以來，「中一入學前測驗」是中學為中一生編班及作為安排「拔尖補底」措施的參考
●「中一入學前測驗」的內容以課程為綱領，測驗成績不會直接影響學生的派位結果，小學及家長毋須為此操練學生
中一入學前香港學科測驗 = 中一入學前測驗 = 分班試
呢句似啲人講說話，就係因為教育制度失敗，先至有咁多不合標準又叫“畢業生”嘅小學生派去不同中學，中學就憑此抽出啲成績肥佬學生，嚟個暑期大補習！(其實計我話，中學暑期補習班，有關中學應該向有關小學及小學生家長收費，各付一半！…大佬！唔合格貨品夾硬要我收貨，咁加工費係唔係應由貨主付錢先？)
以前亦有分班試，不過冇影響力…一旦有影響力，坊間就出左好多操練習作！

→ 待續…コゴゑ…To Be Continue ←

晚晚打到冇停手，冇停手...就快可以唞一唞，唞一唞 ！不過咁多人支持~抵打！

jw1109

Dear 007

首先 Thank you你的comment. 你不只見解精闢,而富於幽默感,支持你的.

Any recommendation on 直資學校???

    

Maggie124

007,
冇疑問,淨係睇,都會繼續支持     
唔該打多d呀呀呀.................................

Maggie124

007,
冇疑問,淨係睇,都會繼續支持     
唔該打多d呀呀呀.................................