將軍澳小學一問

BNC

請問各位認識以下三間小學嗎?

1)  香海正覺蓮社佛教黃藻森學校
2)  新界婦孺福利會梁省德學校
3)  聖公會將軍澳基德小學

它們的校風如何?  功課多嗎?  小朋友讀得輕鬆嗎?  派位理想嗎?  多多指教.

小咩咩

除了基德是新校外, 其他兩間學校都在縮班中

mandy_lee

點解你搵個d 學校都不什出名.

BNC

係呀, 出名o個 D 又好似好谷咁, 我想揾一間唔谷, 讀得輕鬆, 校風好o既; 但又好似呢 D 又面對縮班, 請各位 BK 媽咪幫幫手, 或者有無其他提議?

rjea

我兩個小朋友都在黃藻森小學讀書,校長老師都好有愛心,佢地好為家長和小朋友著想,如:
1.歸程隊,放學有老師帶學生到地鐵站及附近屋苑
2.校車回程特別安排,有兩至三個時段(按實際需要)方便同學留校參與課外活動
3.可安排留校溫習
而且老師主任好盡責,會同家長配合一致,教好小朋友
校內資訊科技設備好完善,係教署的資訊科技的先導學校
亦在2004全港小學常識問答比賽得到季軍
最近參加佢地小六畢業禮時,好多d小朋友重依依不捨,哭了...

因為學校身處附近屋村已經舊了,適齡兒童又不多,加上學校作風比較實幹,所以比較少人認識,其實佢真係一間好學校,讀到書的小朋友,佢地會盡量栽培,成績唔理想的,學校都從不會放棄佢地,會用小班教學,等老師可以幫佢地多d

呢一切都係我欣賞呢間學校o既地方,我對仔女以前係讀藍田某名牌小學,相比之下,我覺得黃藻森辦學更好

phoebepanpan

rjea,
你個名好熟, 你係咪住metro city ?

BNC,
基德啦, 係新浦崗基德上午校搬上來的,
校長亦同一人, 應該唔錯.

C_f_c

開頭我都覺得基德不錯，但早兩日我朋友帶我去參加她女兒的畢業禮，我又有不同的看法。她的女兒讀佛教黃藻森學校，她有讀寫障礙，成績不大好，她那麼平凡，我想不是很多老師會認識她，但令我驚訝的是不只好多老師都和她傾計，就連校長也能叫出她的名字，那天，好多學生都哭了出來，因為不捨得自己的母校！我認為，為子女找一所讀得開心，充滿愛心的學校，總好過找一間出名機械式操練成績，不理學生所要、所想的學校好，我見很多所謂名校，只顧出名，不理學生需要，記得早前報紙有一單新聞，說區內有間保良局學校的學生因成績跟不上，家長要求他留班，校長不肯，他只好找區外的學校讀，但有一天早上為了趕上學，結果被車車死了 …… 我看，找甚麼學校，都是為子女讀得開心，不要只求名牌效應好！

rjea

哦...我地見過面添架喇   交換過Kitty 章添

黃藻森真係一間好學校黎架

phoebepanpan

rjea,
係醒喎 ! 我化左身都比你認出.