一呂現家長 / potential 家長會

Homama2004

早呀各位!

我大的入不到精英班,四年級上學期時老師有話可能入到,當時考3-4x左右,但下學期已跌到7x,好彩入不到,如不是一定考"尾尾".

小的很大可能明年入到.我和老公都有點猶豫,怕佢不知受不受到這樣的壓力.聽聞小六考第一的那位是小五(好似係朱正賢)是插班入來,所以不能入精英班. 互勉之啦!!


大家早晨！  
Homama,candytl
我有朋友仔仔今年讀六年級,小五時就係入左精英班0拿？記得佢話佢小朋友已經係做野好快手0個隻,但初時入到去都有壓力唔開心..d功課、project好似做極都做唔完咁,聖誕假期有10幾20樣功課...反而考試時全級第一0個個未必出自精英班？有同學可能好叻但之前一時失手所以入唔到？家長日亦聽過班主任話有位同學免強入到精英班,但給同學比下去一落千丈...我覺得其實要睇自己小朋友係咩材料..與其壓力大就不如隨緣...如果入到精英係bottom part小朋友亦都唔好受囉？

過去的討論

Cherry車里子

入唔入精英班不是由學校安排的嗎？ 家長也可以選擇的嗎？

我覺得如果小朋友如果唔o係超班馬 (最少考全級1x)，就不要將小朋友迫得咁緊，拉得太"衡"只怕會有反效果。   

Homama2004

據悉係可以要求不入精英班的.

非常同意: 我覺得如果小朋友如果唔o係超班馬 (最少考全級1x)，就不要將小朋友迫得咁緊，拉得太"衡"只怕會有反效果。

看今年四年級的成績便知家長係多勤力呀!所以我都隨緣啦!

Cherry車里子

     你果然o係位聰明又為小朋友著想的好媽媽。    

candytl

candytl

三位早晨.

alicetong,

“d功課、project好似做極都做唔完咁,聖誕假期有10幾20樣功課...” >>>>同我住同層有位P6 & P4生, 佢媽咪話功課就一時時啦, 但總括黎講都唔算多.  聖誕假期有10日, 我囡有7樣+ 周記, 我覺ok, 唔算多, 講做project, 朱小咪仲勁, P1 就要求每學期交一份, 呂小P2都沒開始.

Homama,

我俾你嘅資料嚇一跳啊! 你阿大短短半年可以跌幾十名, 可見其他家長係幾咁勤力 佢哋嘅小朋友呀!!!.
講真, 我唔贊成學校分精英班, 小學唔需要咁分丫.
同埋精英班嘅老師可能係全校最好的, 對非精英班好似唔公平. 最好係唔好分, 每班都有top嘅學生同差嘅學生, 同學間可以互相影響.
不過一呂比起其他津校有兩班精英班又好啲啦.
你知唔知沙呂有幾班精英班?

Homama2004

candytl,
係呀! 上次見家長時,老師講差3分可以差幾十名.由總平均分是小數後一個位轉位到兩個位咁計就知競爭多大.好像坐過山車咁樣!

我表妹囡囡去年九月升讀私校聖方濟各讀了一個月,便轉到九龍塘聖家.聖方濟家長會講,學生完成小一便會懂倉頡輸入法及交一個powerpoint 做的project,我表妹 佢話嚇死佢,個個家長都勤力到死.所以一呂算平平均均.

alauct

請問有幾多家長塡一呂做第一志願? 想做個統計有幾大機會.

Homama2004

我大的已在一呂讀緊5年級,當年是選這校為第一志願.在攪珠時抽到的.

alicetong

早晨呀？咁多位媽媽..
小女尋日係地堂水泥地跌倒..哥哥同佢玩搶戰,真係睇少一眼都唔得？膝頭跌到流晒血..都好勢利..搽左黃藥水成晚都滲血？我又唔敢用火酒同佢搽..只係洗左傷口搽黃藥水消毒..請教大家有咩方法令傷口癒合靚d呢？疤痕敵得唔得呢....兩公婆肉都赤埋...     

alicetong

Homama,
我都想問妳,暑假想同仔仔學倉頡輸入法..記得朋友個仔四年級考試都會考用倉頡打到幾多個字？妳認為有必要嗎..其實學校電腦堂會唔會學呢？(睇到個親子班成900蚊都唔平.. )

另外大家媽媽女女有無人學緊芭蕾舞架...??   

多謝分享！

alicetong

alauct
我大的甲乙部都填一呂..亦是攪珠才攬入的...

alicetong

Homama,candytl
親子閱讀獎勵計劃..妳們交了表格未...尋日早會先聽到鄘主任講..問仔仔又話班主任無提過(都唔知係唔係..).睇番19號
截止..星期一交番去唔知收唔收添？
(又話5月19日之後,將不能獲得獎品...???)
  

candytl

alauct,

我冇兩位媽咪咁好彩, 我女係考插班入的.

alicetong,

你囡囡傷口冇嘢麻, 老人家講冇食"是油", 刺激嘅嘢對傷口都唔好. 如: 畺, 辣椒
阿女有提過交表, 我都唔知佢交咗未, 返去問吓佢先.
佢話全校有28人攞咗金獎, 自己只得銀獎, 我話你都睇好多書渦, 點解冇金獎, 佢話有好多書睇咗都冇mark低, 算啦, 我好開心聽到阿女咁講, 金唔金獎已不重要.
我女冇學過芭蕾舞, 佢都喜歡架, 我叫佢選擇一項, 最后佢揀咗陶瓷班(我之前講錯咗,唔係紙粘土)

candytl

homama, alice,
你哋小朋友26/5睌有冇份表演? 你哋去唔去? 我女冇節目,
我過晚唔出席喇.

alicetong

candytl,
多謝妳提醒..唔好食刺激食物...
我個仔之前無提過？係我疏忽0既..
但係試問一年前0既野又點會記得咁清楚架...諗住班主任會提架麻..哈哈！星期一照交0羅..唔收都無辦法？學妳話齋最緊要佢從閱讀中得到樂趣..獎項只係其次？
綜藝晚會我兩年無參加0拿？仔仔都無任何表演節目...一年級時就有少初0既...
我諗Homama兩位小女兒就有啦..少交樂團喎？

Homama2004

倉頡輸入法,自學可以了,以下是介紹
網站

我本身是懂倉頡輸入法和義務教過老人家/一些團體,學倉頡最要緊要練習,和熟讀倉頡字母表便可.上堂都是教怎樣倉頡字母分類.倉輸取碼原則等,所以不用浪費金錢,熟讀以上網站的內容便可.聖誕&復活節假期,老師會派一些倉頡輸入練習回家,你不要幫小朋友去打,任他慢慢打,考試時便可應付自如

可以用寶膚靈/喜療妥/屈臣氏有售的去印膏,祝他早日康復!

我同事昨天看了"小孩不笨",她剛和羅范椒芬同場,羅太在分享會時泣不成聲,話一定拒介給Band 3中學老師看.你們有沒有買一呂包場買的戲票呀!

26/5會去呀! 我和老公和去年一樣會到會場幫下手.

Homama2004

大的拿了金獎.
細的沒有獎,因上星期他病了三天沒上學.又忘了要交,佢話無所謂喎!

Cherry車里子

早晨﹗   

Homama2004
你兩公婆都好有心同好積極，可以咁難得抽咁多時間去學校幫手。      換o左o係我，可能我都未必會去....     

好同意你的講法，倉頡輸入法不用出去外面學，可以把錢省下來去學其他的野。

candytl

Homama,

你好熱心幫學校啊!!!   
你係咪家教會成員? 上次去迪欣湖, 你係咪同校長同車呀? 如係, 我認得你
我同阿女會睇學校包場的<<小孩不笨>>呀.