升k2後,班主任教得差,點算?俾d意見我,唔該

晴B媽

小女k1 時的班主任教得很好,女兒學曉很多知識,日日都嚷住要返學,返學很開心。

今年升k2, 轉了另一班主任,發覺女兒成績一落千丈,d課本生字及兒歌好似冇教過o甘,大多數都唔識讀,最麻煩係佢話俾我知唔想返學,同埋返學唔開心。

我唔知老師點教學,但接送返學放學時,呢位老師都好冷漠,一d都唔似其他老師笑容可親。

我應否向該老師或者校長講番呢??投訴老師教學差,老師會否真心真意檢討?  會否有反效果,如針對我女兒?

各位俾d意見,我好擔心女女的學業。

nov03bb

既然你怕投訴會有反效果, 而且亦未知問題出自哪裡, 我認為你可約見班主任或校長, 客觀地討論你小朋友出現的問題, 但不要針對任何人, 你留條生路比老師, 使他有落台階, 假如問題出於班主任, 希望他知道家長已察覺出現了問題, 比機會他多關注你的小朋友, 覺迷途其未遠, 盼來者之可追; 但若你一針見血, 點名指責, 第一, 未必是班主任出現問題, 可能是其他同學, 校工... 第二, 老師無灣轉, 怕真的會兩敗俱傷....

晴B媽

nov03bb,

thank you.  我試下用你個方法,搵校長傾,校長係第三者,應該較客觀。

vtypoco

She is just like my son.  My son is K1 now but he is always talking about the old teacher, the one in Nursery.  I can see the teacher now is not that patient, and my boy doesn't like to go to school now.  I discussed with my husband.  He said:  the most important thing is "happiness".  He will learn automatically if he is happy, learn from playing.  So, I decided to look for other school for him.  It is difficult even I complainted to the headmistress if that is the character of the teacher.  May be you can try and give 1 more month to try.  But time is impotant to small children, I believe.  

晴B媽

我終於同校長傾左,不過,我用好婉轉的方法,只是指出晴晴的改變,並沒有唱衰個班主任。
大意係話:唔知點解晴晴返學唔開心,同埋d生字兒歌全部唔識,以前幼兒班佢唔係咁架......


跟住,依家過了2-3個星期,晴晴即刻唔同晒,d字兒歌都記得,醒番,同埋開心左,會主動同我傾番學校d事﹏。証明左一樣野,之前個班主任的教法係好有問題/或者係懶。

今次"投訴"係成功的!!!!好開心   

pigpig

晴B媽，
你就好啦！投訴成功，我就慘囉 投訴失敗，唯有轉校.....因為我無眼睇

晴B媽

pigpig,

如果可以轉到一間好的學校,總好過留底之後,咩都學唔到丫,知到老師冇得救就早走早著。

我投訴成功,最主要係我有真實資料比校長睇到架....例如:手"察"冇老師簽名,評估表的成績離譜(囡囡認唔到生字居然tick "A",囡囡明明識"行直線""去廁所"就 tick "C")........等等,呢D叫我個囡囡做一次讀一讀,就咩都清楚,唔係我針對老師喇。

pigpig

晴B媽，
我覺得我投訴失敗既原因，係同校長太熟！我同佢反映意見，佢就話要專重老師的教法 甘家長的感受就唔需要理嗎？
其實，我依家都未知轉校係咪最好既選擇，我都好驚再錯！

wing530

>晴B媽,
你既case同我一樣, 我都係搵校長傾下, 點知得出既答案, 係出人意表, 同埋, 比我發現學校既教學方針, 係我最唔滿意既, 最後, 我都係轉校, 而家仔仔轉左新校3個星期, 明顯係好開心既, 所以, 我都無決定錯誤呀~

>pigpig,
希望你仔仔好似我仔仔咁, 轉左間好學校, 讀得更開心, 我地又放心呀~   

pigpig

wing530，
我個係囡囡呀
我見你係將軍澳住，介唔介意講邊間呀？後來又轉左去邊間？
因為囡囡依家讀緊果間，係將軍澳都有分校，唔知會唔會係同一間呢？
係呢？你點同囝囝解釋要轉校呀？我同囡囡講到口水乾，佢都話要返舊學校....

yi

wing530,
do u remember me? nice to meet u here. do u mind telling me why u change to another school for anson?

wing530

>pigpig,
Sorry呀, 攪錯左呀~   

阿仔以前讀"德寶"架, 而家讀"聖安德肋"呀, 咁你囡囡呢?

我唔洗點同佢講架, 我仔仔係主動想轉校架, 咁可想而知, 佢係學校係幾唔開心喇~   

>yi,
當然記得你啦, 你囡囡仲係唔係deborah讀呀? 你梗係好耐無去我地個topic睇喇, 我地10月係學校發生好大件事呀, 所以, 我同hinhinmom一齊走左喇~   

你可以去返deborah part 2睇睇, 大約10月3開始講, 我地一班既家長都好唔滿意學校既作風, 對我就更離譜, 校長跟本唔當我係一個家長應有既態度, 我係9月尾比班主任上黎bk鬧我, 同埋我地幾個家長, 講既說話唔係一般人可以講得出既, 言詞刻薄, 我比佢鬧足3代, 言詞之間, 我發現仔仔係學校比人不公平既對待!

之後, 我就同校長相討事件, 校長都覺得事態嚴重, 佢都要report比校監, 1星期後, 校長比我既答案話, 佢用人格擔保果位miss, 跟本就係怕影響學校既聲譽, 我要求轉班, 佢仲同我講, 轉校同轉班無分別, 如果比我轉班, 即係默認事件喎~

2次既傾談, 比我發現學校既教學係我唔能接受既, 阿仔同我講, 學校無同學同佢玩, 後來發現, 話阿仔寫字慢, 個個小朋友都出去玩時, 佢要留低, 每日要做完3樣野先可去玩, 我問學校, 咁唔會幫下呢d既小朋友咩? 原來係無既, 咁即係死谷啦, 谷到得為止囉, k1以前, 阿仔既成績係中上既, 點解而家會咁架?

班主任唔同小朋友傾計既, 無溝通既, 所以, 阿仔原本係一個主動, 愛講說話既小朋友, 係學校變左被動, 不愛說話既小朋友, 我係主任口中得知個刻, 就知道要轉校喇, 仲有, 話阿仔寫字無信心, 經常問係咪咁, 我跟本唔知, 校長仲我同講, 呢d小事, 無唸過家長都想知囉, 唔係化, 你地想唔想知自己既小朋友係學校係點架?   我自己覺得阿仔唔係無信心, 我認為係引人注意, 因為係學校無人同佢講野, 我真係覺得阿仔一個人係學校好慘, 唔怪得佢想轉校呀~    

校長仲引用"私穩條例"對我, 我平時要返工, 叫保姆湊既, 有時放學問下小朋友既野, 班主任態度唔好, 唔答, 我問返校長, 為何咁既態度, 校長就話保姆唔係父母, 有權唔答, 你都收到通告啦, "私穩條例"喎~

上個月, 學校發生肺炎事件, 竟然唔知囉, 我阿仔果班, 阿仔係第二個中招, 第2日, 隔離班又一個, 我之前已同校方傾過, 叫佢出通告, 校長拒絕!  

其實除左我之外, 我地同班既家長, 都唔滿意呢個班主任, 佢地既野, 我就唔方便講, 始終佢地既小朋友仲讀緊, 唔想受影響, 你話喇, 我走唔走喇? 我跟本就係非走不可"啦!
   

晴B媽

wing530,pigpig,

哈~~又會咁o岩,我家姐個仔仔以前都係讀"聖安德肋"架,返得幾開心架,冇咁多功課,課程冇o甘緊迫,都學到野,幾好架。依家佢細女讀"浸信會聯會"話d功課寫字多幾倍,老師都幾cool喎。

風琴

其實應該係k1時d老師比較有耐性同愛心, 因為係k1, 學校知家長好緊張d小朋友, 所以k1d老師會好d(個人意見).  之後k2, k3就......  我沒直接投訴(我唔想個老師冇得做), 好多時我會同校長一起行返學校.  但有寫信比班主任希望佢留意, 可惜佢d態度真係.....哎.  所以轉, 而家間學校係仔仔自己選擇既, 佢讀得好開心.  

wing530

晴B媽,

又會咁o岩既, 咁你家姐既仔仔派左邊間小學呀?   

pigpig

wing530  & 晴B媽，
我囡囡依家讀k1，綠x幼稚園
話說囡囡開學時，個班主任幾好，又細心又有耐性，囡囡返到屋企成日都話老師話咩咩咩....我覺佢返學都好開心...學校是雙班主任制....好景不常...開學後大約1個月，班上的中、英文老師都調走左，一個調去隔離n班，另一個英文老師就遠走高飛！就係呢個時候開始，惡夢開始了！！
首先，講下個英文老師，聲線非常之大，班中有一個小朋友比較活躍，佢就用最大聲的聲線，呼渴個小朋友，我個人覺得佢既情緒一直受到該小朋友既影響，所以對其他小朋友亦一樣態度.....有一日，囡囡返學回家，告訴我英文老師關課室燈，因為小朋友唔排隊、唔執玩具....我再問，是否關燈出去玩？囡囡好正確及認真說出是因為唔排隊、唔執玩具.... 我咪打電話問清楚老師，佢地答係呀...因為小朋友當日玩得癲，咩都聽唔到，我話甘做唔岩，會嚇親小朋友，因為囡囡返黎講話，關燈時都好驚！ 跟住學校就承諾以後唔會....
囡囡因英文老師經常大聲鬧，所以就開始唔鐘意英文老師，經常唔肯返學，在學校又唔肯完成工作，學校打黎同我講話，我囡囡抗拒學外語，所以就唔鐘意個英文老師！但囡囡好清析同我講唔鐘意老師成日大聲！
又話說有一日生日會，我去陪囡囡開，甘我見囡囡又無搵我，我咪企係課室出面，到囡囡出課室時，我企係英文老師後面，點知囡囡一出黎見到我，就行過黎我度，個英文老師，一手就捉住我囡囡，囡囡好細粒，俾佢一捉，成個人都差D跌親    我當時真係好嬲！好嬲呀！又心痛！個老師一轉頭見到我係度，就即刻放手...可憐當時我個心又幾痛呢！相信你地一定會明白！
到個中文老師，雖然對小朋友細細聲，但教學上就咩都唔做，成日只係做工作紙...囡囡放學返黎，我問你今日做左咩呀？佢都只係話做工作紙、功課....教學實在太死板了！囡囡於學校撞到個嘴仔，同老師講，老師睇都唔睇，只係話佢嘴唇爆拆，叫佢搽潤唇高，囡囡一落校車，就大喊，我打去同老師講話囡囡一落校車就大喊，佢第一句就話我囡囡扭計 我話唔係呀！佢個嘴裡面損晒！你都唔知？可憐囡囡個嘴痛左成個星期，我個心不知幾痛！雖然，是囡囡自己不小心整到，但此事令我覺得老師完全唔關心小朋友....
這些事情，我都有同學校反映，但學校竟然同我講，要尊重老師既教法！！ 我真係頂唔住啦！
所以最後決定要轉校！
老師好唔好是非常重要的！

晴B媽

佢係自行分配入左<景林天主教小學>,家姐話呢間學校課程冇名校o甘嚴o甘迫,中等程度,所以選呢間,依家讀了2年,都幾好,佢好想囡囡都入埋呢間,不過,聽聞今年縮班只收了2班小一,佢好擔心囡囡到時想報都冇得報喎。

家姐話,要因應小朋友程度選校,如果係好top的學生,當然選其他名校好d啦。如果係中庸的話,景林天主係唔錯的選擇咁話喎。

wing530

>pigpig,
sorry呀, 我而家先搵返呢個topic咋~   

你既情況同我差唔多, 都係miss出問題, 學校又維護老師既教學, 我都係唔滿意所以轉校咋! 聽你咁講, 我都覺得呢兩個miss唔掂喎, 有咩理由管唔掂d學生, 要關燈黎做阻嚇架, 我好反感呀~     

老師又唔關心小朋友, 將所有責任都推卸比小朋友, 一句扭計就算, 阿仔以前個班主任又係咁, 將自己唔做既野, 就推落比小朋友, 就話佢地"論盡"做野慢, 所以佢唔知道, 就無做喇, 我覺得簡直不知所謂呀~       

咁你囡囡轉左校未呀? 讀邊間呢? 希望你囡囡快d適應新校! 開開心心啦~

>晴B媽
唔該哂呀!

pigpig

wing530 ，
唔緊要啦！
我囡囡12月會開始返新學校，只係係番愉景灣裡面果間，弘志幼稚園，不過，學費就好 但我諗住近近地，所以無法啦！
果2位miss真係好難頂呀
我上星期中開始，無俾囡囡返學啦！四圍帶佢去玩下，佢不知幾開心.....我同佢講話舊學校已經關門大吉，而佢又大個女左，所以要轉學校，又同佢講話轉校後，我自己接、送佢返學、放學，所以佢暫時都好期待轉校.....我現左9時9會帶佢去新校睇下D老師同小朋友，等佢適應下 希望佢都可以好快適應啦！
甘你囝囝要幾耐先適應到呀？有無唔慣？依家返學開心嗎？係咪都係k1？

wing530

pigpig,

乜你唔係住將軍澳咩? 點解去左愉景灣架?   

11月頭, 阿仔要返舊校拎評估, d老師問佢返新校開唔開心, 阿仔話好好好開心喎~     同埋果日家長日人多要等, 學校安排小朋友去玩先, 留返家長係度等, 點知阿仔完全唔玩, 佢話唔鐘意係呢度玩, 剩係鐘意玩新校果d, 個主任都同我老公講, 佢真係完完全全咁好適應喎!    

事實上, 阿仔真係有好明顯既轉變, 成個人開心哂, 成日唱歌, 佢真係好快就適應到, 完全唔似新生, 我有轉校既念頭時, 已帶阿仔參觀新校, 係佢話轉架, 我唔洗多講乜野, 所以, 係deborah果時, 佢真係唔開心架, 而家我有時同佢講笑, 不如返deborah囉, 佢不知幾驚呀~      

阿仔係k2呀~