番禺會所華仁小學

麟媽媽

ms99,

又不是個個同學都演樂器的，都有好多個唱歌的。
我又唔覺得玩樂器另舍高分喎，
我仔咪又係彈琴，筆試仲成48/50分，
但report card上都是75分，
好多人都是75分，考高名次的都是75分，
我地都唔知點評的。

週記到學期尾先寫，佢地而家識幾多字喎？
可以放心，都係寫幾行字架咋！

我仔之前的班主任很好，佢會打電話比家長的，
如果我地有問題打比佢，佢都好樂意回答。
總之呢個老師真的無得頂喇！
你地邊個讀1B1真的好好彩喇！

小一無咩project要做的，
有都是常識專題研習，幾張紙的，唔難做。
上到二年班有喇，我同kookooloo收左張通告，
都未有頭緒點樣做？！

easiness

各位好呀! 今日好難上來呀!

ms99,

乜你小一迎新日時無同其他媽咪交換電話咩? 好彩小一迎新日同埋第一日返學時已經同三位媽咪交換左電話, 希望可以到時交換o下資料! 昨天家課冊上寫上中默(29/9), 讀默第三課, 阿仔雖然識背, 但是仲要佢寫多o的, 等佢記住o的字!

你地既小朋友有無參加課外活動, 我打算等阿仔小三時參加童軍, 訓練o下佢!

kookooloo

麟媽媽﹕

昨天終於取到~常識專題研習~﹐ 你點睇呀??

我覺得都幾多野要我地D 父母幫手。。幾慘﹗﹗

----------------------------------------------------------
另外﹐我仔果班昨天發生了一件都幾嚴重的事﹐在此想同大家分享一下。。。並非是講事非。。。只是想大家警剔一下小朋友。。。千其千其唔好中(瞧)。。。

話說﹕ 昨天上英文堂叫老師早晨時﹐一位同學把 "Good morning Miss Lai" 改做 " Good morning Miss Die"。。。 係 "Die... 死去的 Die" ....

結果﹕比同學報串。。老師立刻叫佢囉手冊出來﹐話佢違反校規第8條------要寫手冊外﹐而且仲要當天****罰留堂***﹗﹗
---------------------------------------------------------
後記﹕ 我地D媽媽昨天傾開都話 : 慘囉﹗開學無內就咁樣﹐成年咁長。。點過?? 唔知大家又點睇哩件事呢??

wlk168win

個小朋友係幾多年班? 係無心之失有無向老師解釋? 家長呢?

睡公主

係呀！今日個網站可能有問題，我到現在才上倒嚟。

我個仔嗰班還未通知幾時默書，唔知係唔係代表佢哋仲未夠程度，我見1A1樣樣都比1B1早，好似背金句同中、英默咁。

我個仔喺幼稚園嗰時已經參加咗小童軍，所以到佢小三嗰陣，我都打算俾佢參加。

我除咗有呀仔幾個同班同學的電話外，我還有同晝另一班幾個同學的電話，因為出年可能有機會同班，如果出年冇機會攞就煩，所以現在攞定保險啲。

睡公主

嗰個老師好似處理得嚴重咗啲，佢唔係應該先瞭解件事，究竟係唔係其他小朋友聽錯？就算真係惡作劇，都應先警告，再犯才處罰都未遲。如果佢係無辜，就真係好大陰影。

ms99

Hello! Everybody, 今日生活如何呢，班公子乘唔乘呀?

多謝麟媽媽解開我嘅疑問，咁我又唔駛太著緊搵嘢學了。

亞仔啲課外活動編排哂於星期五、六、日，而平日我要返工，又唔想老人家跟出跟入，所以遲啲進入成熟期先再加新嘢，但照現在進度，可能都....唔掂。

註冊日時我見啲家長一班班，好似早已認識咁，所以我無主動行埋去問人攞電話。今次閉嘞! 過埋下個星期真係要睇亞仔造化嘞。

Kookooloo: 多謝你嘅分享。
事情雖然發生咗，唔知老師有無趁機會教導小朋友呢? 呢啲情景學習對小朋友會好有用。而反轉來看，個小朋友都幾有創意喎，可惜佢唔係讀國際學校呢。

其實我聽講過小二開始，啲男仔會開始古怪，佢哋會在同學間講鹹濕笑話，又或對女性特別好奇，但唔係個個係咁，要睇吓佢同邊班小朋友玩埋。我哋做亞媽唯有同佢哋傾多啲啦。

早前亞仔坐褓姆車時都俾啲中年級同學嚇佢攞錢，車上個個小朋友都追住亞仔要錢，亞婆接佢落車時以為亞仔真係有借人錢，又或者整糷人哋嘢。在追查之下，原來班小朋友玩估嘢遊戲，點知亞仔唔識玩，班大仔就乘機烚佢，亞仔非常之唔開心，又唔知點應變。 我哋同佢做完心理輔導，老公又要出面同班大仔講：亞仔讀小一唔知嘜嘢係錢，而且更加無錢，要錢就同我老公攞。老公都有問低佢哋啲名，但當然唔係幾合作啦。 於是老公都有補充話：如果佢哋真係好急要錢，可以先問校長攞，老公之後俾番校長咁話。
其實我老公都係唔想班小朋友好似啲x社會咁，趁機會教得就教，班小朋友而家都無同我哋有眼神接觸,亞仔話佢哋都無叫佢玩嘞。

聽日第四至六堂係開學祝福禮，問亞仔要唔要帶個幾堂嘅書，亞仔又係一句：唔知道。 問親學校事都係呢個例牌答案。

kookooloo

其實呢個小朋友我都響gathering 時見過佢﹐(在gathering當天也發生了一D小事﹐但在此我不便詳談)Sorry...

小朋友的確同其他同學相處唔倒﹐媽媽也是過份保護佢﹐舊年在學校裏也發生某些事件。有D同佢友好的媽咪都曾問佢媽媽小朋友是否合適讀這類傳統學校﹐但佢媽媽認為無問題﹐小朋友還小﹐可以OK的。

今次發生了被同學篤背脊這件事﹐我地D媽咪事後都有傾過﹐認為老師也未免懲罰得重左DD。其實可以先嚴厲警告佢 (比其它同學有個警剔)  ﹐再寫佢手冊﹐然後再同佢媽媽講下。

不幸地﹐老師今次(渣) 正來做﹐(詳情可看手冊校規第8則)。

講真﹐其實班仔仲咁細﹐唔需要罰都已經驚到震啦。。。。

所以我成日提醒呀仔千其不要 "口不擇言"。"任意妄為"。更加聲明比佢知﹐"如果自己犯錯﹐就要自己承擔後果" Daddy & Mummy 係絕不會辜惜的。 比佢知老師罰得對~~~~~~更會醒佢一個字。。。抵﹗。。。

睡公主

其實現今做父母真辛苦，每做一件事及每講一句說話都要特別小心，因為驚住對小朋友有影響，同埋佢哋啲記性真是好得人，就算平時你點同佢解釋，佢當時好似好明解咁，但到某啲情況下，佢一樣會做出一啲驚人的舉動，真是防不勝防。

好似我個仔咁，有一次同佢經過買女性內衣的 Counter(百貨公司)，佢突然間走埋去仲執起一個放喺身上，跟住好大聲咁問點解你要着呢樣嘢(平時我都有解釋俾佢聽女性的保護衣物)，其實當時我尷尬到死同埋差點發火，但即刻想到發火可能有反效果跟住成個人cool down 晒，咪唯有走埋去細細聲同佢講如果唔係買，就唔可以搞人哋啲嘢，又問佢記唔記得我同佢講過呢啲係有乜嘢用途同埋佢睇過屋企有本書(家計會買的小童性教育書)裏面都有解釋，佢就話唔係好記得啲內容，我同佢講返屋企後再同佢詳細講多次，因為喺街講得唔夠清楚，好在佢肯接受冇再死纏爛打(否則可能我真會發火)，我又同佢講喺街唔可以咁大聲講嘢，因為會騒擾別人同冇禮貌。你哋可想而知我當時幾辛苦。

wlk168win

Hi, ms99:
我個仔有時都會答”唔知”, 如果估唔到, 有必要既話就會打電話比其他家長lor.
班 “細路” 唔同你個仔玩, 可能係驚緊又或者有咩 “差池” 再比人 “丙”, 如果你個仔唔介意無人同佢玩(只係短短既車程), 感就由時間沖淡一切啦, 但若果佢唔開心, 睇下有無機會請佢地食下野….做d友好既行動, 但都要不時提醒成班細路, 唔可以再 “蝦” 人, 否則….哈哈哈…梗係搬校長出場啦!:evil:
又或者可以從保母車亞姐度不時打探環境….
如果個仔可以自己解決到既, 就放手先啦..    

麟媽媽

早晨！

犯校規留堂…對一個二年班的小朋友都好大既懲罰。
不過我琴晚係度諗，老師作出呢個決定，
可能小子不是第一次口出狂言，只是今次一觸即發。
我老公係舊生，成日比佢耳濡目染，
佢buy學校任何一樣懲治方式的。
他常說一班男孩子時會比較頑劣，又有羊群效應，
一個細路發起亂子，成班跟住去。
傳統學校老師作出相應措施，無可厚非。
其實一年班已經有留堂架喇！
舊年有兩個同學動手打架，都要見家長留堂，
我仔話我知的。
我覺得留堂是可以留的，錯要罰，
但老師一定要解釋咩原因要罰佢地。

講起篤背脊，及搵大人出頭，
我相信小朋友最恨別人這樣做。
車上校內總有些「技安」型同學的，
蝦蝦霸霸，令其他人討厭！
不過我從不代孩子出頭，
校內事，校內自己解決好了。
有日個仔同我講，
一個同學說哥哥是風紀，成日推撞佢，
如果我仔唔順佢意，便會叫哥哥責我仔的名。
個仔唔開心，我問︰「你想我點做？」
個仔搖頭說不用了….可能怕仲衰多兩錢！
過左幾日我再問佢點？佢不知幾意氣風發，
他說︰「我同佢講，我無錯你亞哥點責我名吖？
你亞哥係風紀，我daddy夠識校長囉！」
果然拋得兩吓喎！學校有邊個家長唔識校長吖！？
真比佢笑死！之後咪又同嗰個同學有講有笑。
但如果我事事代為出頭，佢係男校點生存落去呢？
可能會比人排擠喇，男孩子要學得強起來嘛！

easiness

kookooloo,

你所講o個位小朋友係咪讀二年班? 點解老師唔警告呢位小朋友先? 一次機會都唔俾? 若果返下晝, 留埋堂返到屋企咪好夜?


ms99,

你位小朋友係咪同坐司機叔叔後面(因為阿仔同佢同學仔都係坐司機叔叔後面, 可能方便照顧), 若然是的話可以叫司機叔叔留意o下! 有咩事同司機叔叔講, 因為學校既保母車無保母跟, 所以我叫阿仔有咩事同司機叔叔講同埋係車上唔好瞓!

哈哈! 唔知係咪通病, 我問阿仔學校既事佢都係話: 唔知! 到現時佢係班上衹有兩位同學仔同佢玩, 叫佢主動o的去識其他同學仔, 但是最後都係無去做! 想請問若果小朋友專注力唔夠, 可以點樣幫佢地去改善?

ms99

早晨! 各位好：

wlk168win：

多謝你嘅分析。

個仔咁大個都係第一次坐褓姆車，其實在發生"攞錢"事件前，都仲有另一件不快事 ─ 就係大家都意想不到嘅"落錯車"事件。可能剛開學時司機都未熟識，加上個仔又生面口，所以司機叔叔擺咗個超大烏龍，好彩亞仔識得搵人幫忙打電話俾我，如果唔係.... 我都唔知會發生嘜嘢事。 每次唸起都唔開心。

所以平時真係要經常性教亞仔"危機處理"，例如係街見到警察或保安員時，問吓佢迷路搵邊位，又如果有個好心人話帶你搵媽咪時，你跟唔跟佢去等。 而家呢個社會嘜事都會發生，唔係淨係女仔先怕比人"握"。

自從做咗人哋亞媽，再同身邊未婚或未有仔女嘅朋友傾計時，都好似唔多夾話題。所以亞仔唔聽話時，我成日都想佢走番入肚入面，亞仔就哈哈大笑話自己係大個仔，我個肚莊唔落。小朋友天真，又點知亞媽辛苦呢。

各位努力呀! flighting! flighting! flighting!

    

麟媽媽

easiness,

你仲唔改番個大topic？
唔好點我名喇！！
不過可以責我名bor，風紀姐姐，哈哈！
你係「編輯」度改個「標題」就得架喇！
Thank you, thank you!

easiness

麟媽媽,

真係唔好意思呀! 無辦法啦! 你係我地枝"盲公竹"!
有咩事都要麻煩你啦!

ms99

easiness, 你好：

我個仔個褓姆車司機可能已經俾啲仔嘈到傻，經常都有見佢喝啲仔唔好嘈，所以佢對任何車上發生嘅事都見慣不怪，有可能佢覺得我兩公婆小題大作呢。

easiness，如果你覺得個仔做功課時不專心，你可以將佢倒吊，當然要亞仔唔驚，你又夠手力啦。呢個做法唔係嚇佢，係一個科學方法嚟，原因亞仔個腦唔夠氧，所以唔專心。只要啲血上番腦時，亞仔即刻醒番哂。 如果你覺得唔安全，可以教亞仔"打關豆"，但千祈唔可以用條頸落地，隻手比啲力去，用後背落地安全啲。再唔係，等佢跑吓，跳吓，血液運行吓都唔錯的。 僅記安全最重要。

飲杯 coke 都唔錯!

ms99

kookooloo:

你講個位小朋友係咪 2A  姓陳呢?

  

睡公主

麟媽媽：

你就好啦！你個仔二年級就已經開竅，我想我個仔有排都仲會十吓十吓，佢最近啲烏龍嘢又開始出嚟，今次都係漏嘢，不過係喺做功課嗰陣成日個答案都一定漏梗一、兩個字。同佢講做功課要小心和細心，佢就話冇問題，下次一定唔會咁話，但第二日咪一樣錯，都唔知佢幾時至會醒啲，有乜計仔對付？請賜教。

同埋佢同人相處仲係好有問題，聽講有次佢激嬲啲同學 （搭校車啲高年班同學仔）而唔同佢玩 (人哋同班的喺度玩緊，佢走去騒擾人)，我咪教佢首先要尊重別人（將件事反過來想，然後至去做），依家人哋唔同你玩你咪會好唔開心，重教佢試吓向人道歉，點知佢仲死撐話最多咪企埋一邊等校車囉。完全唔在乎咁（死要面）。真冇佢辦法。

你上次話你個仔喺生日會上同人捉棋，我相信如果係我個仔，佢一定滿塲飛，坐唔定，連捉都捉唔住，所以有時我對住佢真係投晒降。

easiness

麟媽媽,

點解我編輯左個主旨, 但是POST出來都有你個名?


ms99,

我想我個仔一定唔敢"打關斗", 因為佢隻手好似竹咁幼, 都唔知夠唔夠力支撐自己個身體! 其實佢唔係唔識, 衹不過唔肯用腦o念! 希望快o的默書, 迫佢記o下o的生字!

麟媽媽

easiness,

唔係吖，而家出面大topic都無左我個名喇！
入到黎有無所謂喇！
Thanks!