番禺會所華仁小學

123

dear eas,
原來你仔仔都係細仔呀, 好心tung(點打呀), 我看見過有細仔被撞跌落地, 背後又有書包, 好似隻龜反肚gum, d大仔書包剛好到他們的頭, 書包又冇後眼, cut線又冇得打燈, 有時都避無可避...大哥哥又冇心, 唯有教自己個自衛囉...
我個以前如果我到school接他, 他會眼濕濕, 因為話好yuk shuen , 現在竟然要我接, 因為怕趺. 點萛...
123

ms99

早晨! 各位好!

123: 你形容啲細仔揹大書包好貼切，好到肉呀!
我都身同感受，事關我仔仔都係細細粒個隻，而家先得40磅，但我媽咪試過磅佢書包，竟然有20磅呀!! 老人家即時肉都赤埋，仲要吩咐我哋儘可能幫佢揹，免得傷仔仔條腰骨喎。其實我自己晚晚幫佢揹番屋企都好吃力，睇怕我都好快骨骼疏鬆了。  上星期六第一次去仔仔學校接放學時，就不下見到幾單細仔衝落樓梯轉唔切彎扒哂落地實況。當時都有老師同嬸嬸在場維持秩序兼叫小朋友小心，但放學時歸心似箭，大人腳長兩步當三步，無奈細仔又跟住去，終於一幕又一幕驚心場面上映。我都已經叮囑仔仔一定，一定要扶住欄杆慢慢行，千祈唔好心急，希望各位細仔都平安大吉，出入平安啦。

麟媽媽: 今天好了嗎?
我已接到通知下星期開始默英文第一頁同第四頁，想知道除咗課文內容外，啲題目或例題會否一齊默呢? 即Chapter 1, Read the story, For example...等等似無關重要嘅生字。事關聽其他學校家長話佢哋學校在一頁課文內什麼字都要默，請問我是否一字不漏都要溫呢? 請指教。 謝謝!  

麟媽媽

講開默書，舊年小一好似10月先開始的，
你地下星期默o拿？
我地用New Welcome to English係每次4頁的，
你地用新書唔知係咪一樣喎。
我仔琴日默完P.1-P.4，下星期P.5-P.8。
D 細topic使唔使默….？
我都無留意tim....課文topic一定要識，
即Chapter個topic，比如”Our School”, ”My Classmates”之類。
但裡面D ”For example.....”，好似無默過喎。
不過有一次好似有默過喎….
因為我記得有家長話無幫個仔溫，咁就唔識喇。

另外中默都係一次一課喇，
小一好少背默的，一年都好似得兩、三課是背默的。
個仔同我講默書時老師會把格式寫在黑板上，
比如隔幾多個字有逗號，邊度係句號咁樣。
我仔上星期讀默，聽日便是背默了，
上左二年班，原來課文都幾長的。

easiness

123,

你現在無返工咩? 可以接仔仔放學!

阿仔衹得41磅, 同 ms99仔仔差不多重, 幸好佢都唔算矮, 如果唔係揹起書包來真的書包大個人呀! 不過唔知係咪由細到大都俾工人姐姐縱慣, 所以自理能力真係差少少! 其實揹左書包都行唔得快啦, 點解仲可以係學校走落樓梯架? 好危險喎!


ms99,

乜咁快要默英文呀? 係咪讀默呀? 死啦! 阿仔仲好似"遊魂"咁, 叫佢讀書, 就好似背書, 望都未望清楚就讀出來, 有時真係好勞氣架! 而中文就好似唱歌咁, 書都唔使睇就可以讀出來, 你地仔仔係咪咁架?

睡公主

吓！原來唔駛背埋啲標點符號，我見個仔話佢識背課書，咪順便叫佢試吓背埋啲標點(只有逗號和句號)，我重驚會背默添！

噚日個仔突然間好順灘，我同佢檢查中詞時發覺佢仍然未識將個字平均分佈喺個格裏面，咁我咪用其他細格紙將啲字寫低並解釋俾佢聽點樣將啲字分佈(一個字分開上下左右，唔好一邊就用咗大半個格)，然後仲問佢可唔可以寫多幾次喺張紙度，他居然話冇問題咁就即刻動筆添，同埋之後又自動自覺咁話要做閱讀報告(閱讀如此多Fun)，唔知係唔係要交(但今日又冇圖書堂)。攪到我噚日對佢真係有嘢講，希望佢可以繼續保持住這個讀書態度就好。

另外想問大家點樣同個仔温書(好似串字咁)，叫佢自己温定係同佢一齊温，因為我一開始就問佢邊個字點串，如果佢唔識就會同佢一齊串，但覺得這個方法好似有啲問題(暫時就可以，遲啲就唔Work)。

easiness

麟媽媽,

上左二年班, 係咪開學後一星期便要默書? 因為我有同事個仔返學後第二星期便要默書, 而且是今日講俾學生知默書範圍, 明天便要默啦! 真係記性差o的都唔知點算呀!

麟媽媽

我仔第一次默書係9月13日，
開學兩星期左右喇。
我地通常一星期之前通知的，
一定夠時間讀，放心！

easiness

睡公主,

其實叫佢背埋標點符號都好呀! 你知啦有時小朋友抄黑板都會抄錯, 反正將來高年班都要背默埋標點符號!

你個仔真係生性呀! 若果阿仔肯自動自覺去做, 唔使我勞氣就好啦! 乜要做閱讀報告咩(閱讀如此多Fun), 之前因為有張粉紅色紙, 我叫阿仔寫左書名跟住叫同學仔簽名, 不過昨天佢話要帶埋本書返學校俾同學仔睇, 之後同學仔先肯簽(唔知真定假)!

至於串字我會叫佢係早上先抄課文同埋溫書, 然後晚上做完功課叫佢係紙上背默一次(當然要數天時間啦)! 若果佢串唔到個字, 咪有o的有趣既方法幫佢, 例如: what, 我會話hat前加個w, 而wear就係ear加個w......等! 不過我相信phonics對小朋友有o的幫助!

睡公主

ms99,

我哋唔係天主教徒，只得二十分，所以當知道第一 round 被抽中的時候，起初都唔信咁好彩，返到屋企之後仲再打電話去華仁度confirm。

我聽我老公講穿過隔離間學校有條樓梯落去華中的。因為係經過人哋間學校，所以平時學生唔準用。

睡公主

easiness,

其實我都唔知佢做得啱唔啱，佢都唔係喺第一頁開始做，不過信佢咋，佢又講得出做閱讀報告有2分，唔做既得1分，咪只好信佢囉。

真後悔沒有早早俾佢學 Phonics (我老公成日話唔駛咁急，順其自然)，如果佢一早識 Phonics，我現在就唔駛咁頭痛，唯有由依家開始惡補啦。

我發覺佢真係唔夠時間用，我老公同佢講如果有時間可以開始試吓睇報紙，我又叫佢有時間睇吓 Phonics 同埋普通話啲碟，就算佢去厠所的時候都用嚟睇緊啲課外英文書(佢習慣去厠所嗰陣睇書，以前睇中文書)。佢沖涼的時候，我哋除咗同佢 "King 計" 之外就係同佢串字，跟住佢臨瞓的時候，又會同佢一齊睇圖書講故事(圖書館借的書)，我都 "鄧"佢辛苦，不過冇計。好在暫時佢未有怨言。

睡公主

麟媽媽：

又有事請教，我唔記得中一、二同英一、二代表甚麼？死啦？十月十日先至測驗，但我現在已開始擔心(我老公成日話我過份緊張)。可否醒兩招嚟減吓壓。

easiness

睡公主,

我個仔無去去厠所睇書既習慣(因為佢覺得去厠所係好dirty, 所以去完即刻起身走人)! 不過我會係佢臨瞓時串字, 之後是拿書講故事! 唔知有咩方法可以等佢集中精神! 以前幼稚園都有phonics學, 幾好架!

乜做閱讀報告有2分架! 等佢今日放學返來問佢先!

你個仔都仲識o念! 其實若果小朋友肯自動自覺去睇書(當然睇書之外仲要睇o下o的字點寫), 我想佢地都唔會覺得辛苦(衹要有興趣)! 等佢地知讀書係佢地既責任(有權利必有義務)! 不過阿仔可能仲細, 有時講完後都好似唔係好明, 現在我少o的鬧佢! 鼓勵佢多o的, 最重要係盡自己能力!

麟媽媽

好！講起點計分大家都緊張起來喇！！

中文佔總平均分內300分
中文(一) – 課文應用佔70%
中文(二) – 語文應用主要是作句佔20%
默書 – 佔10%
以上總分將於成績表上乘大3倍。

英文佔總平均分內300分
英文(一) – 課文應用及Reader佔50%
英文(二) – 語文應用及creative writing佔40%
默書 – 佔10%
以上總分將於成績表上乘大3倍。

數學佔總平均分內300分
只有一份試卷佔100%
以上分將於成績表上乘大3倍。
大家都好緊張數學，因有失誤影響最大。

常識佔總平均分內200分
只有一份試卷佔100%
以上分將於成績表上乘大2倍。

宗教佔總平均分內100分
只有一份試卷佔100%
只要記熟金句，宗教很好拿分的。

視藝佔總平均分內100分
只計平時分，都唔知點評的。
視藝最高分限是90分，而不會低於75分。

音樂佔總平均分內100分
分筆試佔50%及口試佔50%。
口試可以是唱歌或演奏樂器。
跟視藝一樣，最高分限是90分，而不會低於75分。

PS: 小一測驗考試係有老師讀卷的。

easiness

睡公主,

你一講測驗, 攪到我都緊張埋呀!

easiness

麟媽媽,

倫宗幾時要背金句?

easiness

麟媽媽,

倫宗幾時要背金句?

麟媽媽

測驗咪背囉，平日我無特別叫佢背的。
但我發現好多時佢地上課讀左好多次，
佢地「念口黃」咁已識背。
測驗時金句是填充(有得選詞)，
而禱文多是做配對。

easiness 寫道:
麟媽媽,

倫宗幾時要背金句?

ms99

嘩! 講到分數呢個話題，實在令我緊張。
因為仔仔現階段仲未上軌道，連家課冊都仲係半天吊，你哋話我攪得邊樣好呢?  多謝你哋分享逸事，更加要鳴謝麟媽媽嘅熱心幫忙。   

"閱讀如此多fun"-仔仔尋日攞咗3本英文故事書返屋企，佢話係同學仔比佢睇，仲要在對方張黃色紀錄紙上面簽名認頭，但就唔知要幾時比番人! 佢自己今朝又急不及待係書架攞走兩本書返學比人睇，佢話最多只可借出3本書呢。嗱，呢啲咁互動嘅玩意，我仔仔就最投入

easiness

ms99,

我覺得睡公主既教法幾好, 最重要訓練佢地自己做功課! 因為我有兩位公子, 所以阿哥做功課時, 細佬又話要做, 攪到阿哥分心! 同阿哥係房溫書, 細佬又話要入去, 真係難攪呀!

"閱讀如此多fun"真係無留意幾時先開始, 不過開學無耐係阿仔書包內有張粉紅色紙(A晝可能唔同色), 上面寫住"番禺會所華仁小學 - 好書友悅閱時光", 今天阿仔仲帶左o的故事書借俾其他同學仔睇, 之後同學仔會簽名!

ms99

Hello! easiness,

我會努力教仔仔處理自己嘅功課，我都想早日有自己嘅時間，可以做自己嘅事。 如果有任何心得，希望你可以過兩招啦。


麟媽媽：

想知道音樂科口試 - 是否演奏樂器會高分啲呢? 係咪大部份學生都會學樂器呢?  如果是，那樣樂器較普遍? 或學校較喜歡學生學什麼呢? 有些學校話"鋼琴"太普通，不納入計分之列，華仁是否都有一樣呢?  

我之所以咁有興趣，係因為註冊日有位老師話華仁學生全都會學樂器，有些甚至學兩樣以上呢?  如果這是必修科目，我又要為這事張羅吓。

麟媽媽：可否預告一下我哋小一生在學校將會預到的事呢? 例如：要寫週記嗎? 老師會否主動給我們聯絡嗎? 要否做project 嗎? 等等..  唔好意思，因為我對這間學校很陌生，又沒有熟人問路，所以我就當你哋係自己人吧。

在此徵求 1A1 家長，因為好快就無網上睇功課服務了，又想同你哋聯絡吓。