番禺會所華仁小學

123

dear eas,
no need to worry abt the rumour, i had one mummy friend also teased me, 'wah yan, only u say good lor, la salle is much better lah, at least it's eng school.....' i replied her, not so good meh, that's suit me lor, ...whether wah yan is good or not, the answer is deep in our heart already...
123

easiness

123,

我好認同你既講法, 最重要校風純樸, 同埋小朋友讀得開心, 我最鍾意林校長o個句: 小朋友入來讀既個個都係精英!

ms99

麟媽媽：
好高興有華仁小學一年級媽媽在此分享心得。我瀏覽BK已有很長時間，但直至現在見到你們的出現我才有興趣加入。
因為我的仔仔都是A晝一年級新生，打從開學至今都是問題多多的，攪到屋企上上下下都非常緊張。日後希望同你哋多多聯絡，彼此扶持。
我仔仔現就讀1A1，頭一星期家課冊真是錯漏百出，好彩學校新加的功課上網服務幫輕不少，真是值得一讚，好多幼稚園同學仔都好羨慕。我是一個在職媽媽，仔仔放學會坐褓姆車往婆婆家食飯，做功課，直至我放工後食完飯再一齊返屋企。但我仔仔好蝦婆婆的，成個下午都只會玩同瞓，吓吓要我放工後7點返到屋企先肯開始做功課，8點食飯，9點返到屋企攪吓，攪吓又10點了，每日如是，話極都係咁，所以都好擔心追唔到功課。現在唯有日鵝夜鵝，希望慢慢會有進步。
請問你們各位家長是在職還是全職家庭主婦呢? 你們的溫習時間是怎樣編排的呢? 多指教，謝謝。

wlk168win

ms99

Hello! wlk168win 媽咪：

睇完你篇文章，真係覺得仔仔好幸運入咗"華仁"讀書。不過我暫時仲係初哥，又無唸到咁深入嘅問題，但你嘅見解好值得參考。多謝。
我哋幫仔仔揀"華仁"，都係因為我哋嘅宗教同幼稚園校長嘅推薦，初時都好多人同我講同學間會"鬥身家"或者競爭大，但我老公話間間學校都要讀書，點爭都會有第一同第二，只要仔仔讀書開心，學校嘅學習氣氛好，能夠啟發到小朋友讀書興趣就已經係好學校，因為學海無崖，最重要品格良好。而學校迎生日所見，大部份家長都好樸實，很友善。但我要返工，所以都唔能夠係學校認識其他家長，唯有係度可以同大家做朋友啦。 :

睡公主

ms 99,

真係巧合，我就因為我老公係舊生的關係，無理由放棄機會，所以在第一階段就試吓遞表，我心想如果抽唔中，在第二階段的時候，我會轉揀同區校網，因為我也是恐懼這間學校有所謂名牌效應，而當時在同區的校網內我也有幾間心儀的學校，幸好在第一階段就幸運地被抽中，之後的幾個月內不停地有唔同的人給唔同的意見(同你聽嗰啲差唔多)，攪到我一直攞攞攣，但自從出席完學校迎新日之後，我同我個仔就越來越喜愛和欣賞這間學校，雖然我個仔到現在仍然每日都甩甩漏漏，但他每日回來都笑住口咁不停地覆述當天在學校的點滴，可想而知，他是多麼的享受他的小一生活。我也從而感到一絲安慰。(沒有替他揀錯)

我都係在職婦女，每日放工都差唔多八時(現在已經沒有朝九晚五這支歌仔唱)，我同你一樣(但係我個仔係讀B晝)，個仔都係婆婆湊放學，係婆婆處做功課和食飯，然後等我或者我老公放工湊返屋企，我會限定佢係婆婆處一定要做晒所有識做的功課(要佢盡做，就算唔識都要嘗試，寧願佢做錯都好過完全唔試漏空等運到)，否則回家後唔準再做(小一仲輸得起)，回家後會和他跟進佢唔識的功課和重温佢當天教過的課文(星期六會很粗略咁重温之前教過的書)，如果唔係咁，跟本唔夠時間用，我要佢每晚最遲10:30上床瞓，因為佢每朝9:00-11:00會去補習社(目的係揾人睇住佢，唔好倚賴補習社同佢温書，因為補習社啲水準有時都好驚人)，然後係嗰度食埋飯，佢哋就會送我個仔去校車站，我個仔和我的生活就是這樣過每一天。

逢星期日佢會和以前幼稚園的幾個同學仔一齊學畫，目的係讓佢哋(大人和細路)一齊玩開心啲同輕鬆吓，學完畫之後佢哋仲會一齊去玩(有時去游水，有時會去玩具圖書館，因為暫時大家都未有測驗和考試，可能遲啲有呢支歌仔唱，不過點都會食完晏至散Band)。

easiness

ms99,

我個仔同你個仔一樣, 放學返到屋企衫都未換就攪其他野, 我覺得"鵝"係無用, 真係要想想其他方法, 若果佢怕你都仲可以"鬧", 我個仔就係唔怕我"鬧", 唯有用獎勵既方法啦!


睡公主,

我又係在職媽咪, 我覺得你個方法幾好喎! 真係要多多向你學習呀!

easiness

麟媽媽，

冬季校服點解得運動服同埋綠色外套，係咪遲ｏ的先要訂恤衫，西褲？仲有小一老師係咪有空才會幫學生檢查家課冊的？

麟媽媽

早晨，各位！
今日打敗仗…食完藥”瘟瘟”地….
講開學校質素，係吖....
好多人都說華仁比不上那些超級名校。
我又咁睇，最主要你想要D咩。
華仁校風好唔使多講的了，
學術成績真係咁差咩？
唔係啩？！相比好多學校華仁優秀得多！
小朋友返學唔止是考取好成績的，
全人發展更為重要。
我仔開生日會，睇到我D朋友眼定定！
點解？！呢班華仁仔不是在追追逐逐，
動手動腳，而係成班圍住係度捉棋bor！
捉完棋之後出去玩遊戲時，
個個有規有矩，不爭先恐後，
幾歲人仔算係咁喇！
我才不理別人講什麼，
我個仔讀得開心，不斷有進步我便好安心了。

Easiness,
舊款冬季運動服是白色sweater(啡邊)+白色運動褲的。
而家無人著白褲架喇！好易烏糟嘛。
個個都是買藍色Track Suit，裡面著白色sweater。
白底啡邊sweater在Joseph有得賣，
你地買冬天校服時買埋喇。
講開冬季校服，嗰件綠色fleece jacket真的不錯！
我仔話著校褸背書包唔舒服，所以著綠褸多D。
不過一定要有校褸的，星期六要唱校歌，
要著complete uniform，即黑皮鞋+校褸，
我仔試過無著校褸被寫手冊架！

easiness

麟媽媽,

你無事嗎? 你要休息多o的, 快o的好番呀!

阿仔收到通告, 約瑟有專人去學校為小朋友量度尺碼訂購冬季校服, 不過奇怪通告上衹有冬季運動套裝(藍色Track Suit), 同埋綠色fleece jacket, 而校褸, 恤衫, 西褲全部都無, 唔知係咪等下次先再訂! 冬季除了穿恤衫, 西褲外, 仲使唔使打領帶?

睡公主

我剛剛問過約瑟有關冬季校服要在十月初才有貨，如果有喺學校訂嗰套運動裝和外套的話，遲些我們便會收到訂貨單(寫明尺碼)，到時我們可以帶埋小朋友同嗰張單去試身，如需要換尺碼可即時改，免除日後再去多次。

我估啲老師應該每日都會幫佢哋檢查家課冊(因為Miss Lee有時會貼一些小通告給我們)，但唔會幫他們改。

easiness

睡公主,

但是通告上寫如以支票形式繳交, 抬頭請寫"約瑟綉織實業有限公司", 既然未知尺碼, 為何又要交埋cheque?

Miss Lee都細心喎! 有時我見阿仔本家課冊上蓋上印鼓勵佢地, 不過阿仔話老師唔係科科都睇!

麟媽媽

easiness,

食完藥好"散"....唔食反而清醒D！

我記得舊年只有track suit同fleece褸係學校派，其餘係自己上Joseph買的。我諗可能冬季校服比較簡單，所以沒限定要在Joseph買，出面都買到。
冬季校服是長袖恤衫+灰長褲，打條綠色校tie。冷外套是灰色袖有兩間黃色的。校褸啡色，V字領口，但沒有反領的。我舊年係Joseph買埋scarf，係fleece料灰色的，只係唔知十蚊定二十蚊咋！不過我今年要買過一條，我仔舊年臨換季時唔見左喇！

easiness

麟媽媽,

你今日有無返工呀? 眼瞓o個o的留番睡前先食啦!

我仲以為全部校服都可以係學校訂!

123

dear lunmama,
衰鬼打敗仗呀, 你要保重龍體, 家中有gum多老細要你服侍...點萛...

dear eas,
想請問電腦headphone要幾時開始帶, 因有D一仔媽說等待老師通知...
我看見D細仔 (好多not yet 6) 一抽二Lung, 真dung d 亞媽心 tung...

cheers, 123

睡公主

easiness,

唔好意思，今日公司啲電腦down晒，我仲以為已經覆咗你，而家至知你沒有收到，正如麟媽媽所講，約瑟唔會安排喺學校買冬季校服，佢哋話遲啲會派發有埋所訂尺碼的收據給家長，所以我們可以喺買冬季校服的時候順便試吓所訂尺碼需唔需換，咁到時學校一派返來就可以着。

123,

1B1的班主任就話下學期先至用headphone，我唔知其他班係唔係一樣。

wlk168win

Hello: ms99請問你住在那區?

123

tks a lot to 睡公主...

ms99

各位好! 今日 lunch hour 見你哋好活躍，係咪公司好方便上網呢? 我都好想即刻覆你哋的，但老細今日好得閒地周圍行，所以唯有暫時回避一吓。

麟媽媽身體好了嗎? 祝早日康復。

睡公主：
我仔仔係第2 round 先入到華仁，所以係真的好好彩，相信係主的安排吧。你是catholic 嗎? 睇咗通告知到學校星期五會帶佢哋行秘道去華仁書院聖堂進行開學祝福禮，呢條通道我都好想知道係點樣! 因為聽講平時只係神父同老師先可以行的。

wlk168win:
我住係香港南區，海洋公園隔離。請問你仔仔是否在1A1呢? 如果係就好了，有問題可以多向你請教呢?

easiness:
多謝你的關心。如果仔仔係醒目嘅都唔駛我日鵝夜鵝啦。我個仔好鍾意蝦婆婆的，而婆婆又心甘命底被佢烚，簡直天生一對，有時睇唔過眼話吓個仔兩句，婆婆即刻幫拖嘞，不過唔係幫我話仔，係反轉鎗頭話我呀，你話我點教呢? 唔通同亞媽嘈咩。
我都有用獎勵個招鼓勵仔仔抄好家課冊同放學自己做功課的，本來上星期開始有啲起色，但放完假又打回原形。今日啲家課冊又唔多似樣，都係要靠上網先可check得齊。如果唔係仲煩上加煩。 我都試過放工跑上學校攞番仔仔漏帶回家嘅功課袋，又試過同佢買多本唔見咗兩日嘅中文寫字簿 (買咗簿後中文老師喺課室個箱到搵到唔見咗個本)，加上我哋兩公婆通常用講道理方式教仔，可能效果唔係即刻可以見到，但總好過家嘈屋閉嘛。現在唯有寄望仔仔啲烏龍嘢出哂嚟，早日續樣執番正佢啦。

可以報告一下你哋仔仔讀邊班嗎? 方便交流吓。
我仔仔係1A1。

easiness

Dear all,

因為我剛剛轉了工人姐姐, 所以請了幾日假係屋企, 咪可以咁快上來傾傾囉! 不過好快又要返工啦!

睡公主,

好彩之前聽你講headphone係下學期先要帶, 剛巧阿仔今天有電腦堂, 佢仲叫我幫佢放個headphone係書包, 後來我話佢知, 仲好疑惑咁問我: 係咩?　因為我係交支票，所以我同阿仔訂左件細碼外套同埋兩套運動服！

123,

正如你所講阿仔6歲都未夠就返小一, 再加上佢又"奀"過其他小朋友, 所以盡可能上, 落車都幫佢拿書包!


ms99,

唔好咁客氣啦！係度可以交換ｏ下心得，幾好呀！尤其是小一生，　每個家長都會緊張ｏ的！　多謝麟媽媽回答左我咁多問題，　相信係以後既日子仲要麟媽媽出”口”相助呢 ！小兒係讀１Ｂ２，佢因為坐保母車，時間都相當長，所以放學後時間緊迫，真係要爭取每一分鐘！


麟媽媽，

係咪小一由十月起便要默書？之前聽你講中文讀默（係咪每次默一課書），而英文就默四頁書，不過英文今年改左用朗文另一套書，是否都係要默咁多？