番禺會所華仁小學

easiness

麟媽媽,

請問你小朋友上年小一是返上午or下午? 時間怎樣分配? 因為小兒是返下午班, 佢返到屋企已經7:00pm, 沖完涼, 食埋飯已經8:15pm, 若果好似昨天一樣功課同埋溫書就可以9:00pm完成, 但是我怕將來要默書同溫書, 可能時間仲要長o的!



請問家課冊上寫了帶識字書(中文), 是否不用帶中國語文? 上課是否要帶書本同埋作業? 你小朋友有否JOIN了I-CUBE?  

麟媽媽

差D睇唔見你個topic…下次你pm我嘛！
我仔都係B晝的，即下晝班同你一樣。
你住邊吖？咁遲既？我仔六點三就落校車喇喎。
我老公無咁準時放工，所以亞仔係食飯之前先做功課，我地成8點先食飯架！
仲有我要返工，所以亞仔都好夜先訓，
食完飯同佢go through吓當日教既野，默書一星期前通知的，
我已經知道個仔下星期默咩，咪早D weekend同佢溫囉。
至於學野，轉左D去上晝學，同埋星期六、日咁囉。

你仔讀1B1定1B2？如果1B1個班主任一流吖！
基本上英文書日日都要帶的，中文同數學書都係日日帶，長週除外。
如果係1B1，Miss Lee習慣會預早通知家長邊日帶作業，
佢收齊晒要做嗰日先至派，唔怕D小朋友唔記得帶。
習作簿亦由Miss Lee keep住，要用咩簿佢當日會寫好晒派比學生，
你話佢幾好呢！到學期尾用唔晒的簿會派番比你，上二年班無呢支歌仔唱囉！
不過如果你讀1B2，我唔知佢個班主任做法係唔係一樣？！
另一個bk媽咪個仔讀另一晝，佢個老師都唔一樣的。

I-CUBE?我無收過通告喎…

easiness

麟媽媽,

你係咪住北角? 因為我朋友個仔都係呢個時間返到屋企(佢班主任是MISS LEE), 而我住將軍澳, 因為得一輛保母車, 所以阿仔要11:10AM上車, 回家7:10PM! 第一日要7:30PM落車(高叔叔話第一日好亂, 有小朋友上錯車, 所以花了些時間去找人), 昨天都要7:20PM才回到家! :cry: 返到屋企即刻沖涼食飯, 因為時間緊迫, 食完飯即刻去做功課同溫書! 而早上阿仔要練琴同埋溫書寫字, 休息一會食飯跟住換衫落樓等校車, 星期六要學唱歌, 學琴, 遲些還要學珠心算同游泳!

1B1既班主任幾好喎! 阿仔個班主任(1B2)MISS HO個樣都幾惡, 而且又無同小朋友講清楚是否需要帶埋作業, 昨天上中文, 阿仔無睇清楚, 見到本中文作業以為自己無帶書, 被佢激死, 到上常識又係咁! :evil:

麟媽媽

你住將軍澳，唔怪得咁遲了。
Miss Lee出晒名超級好老師，
Miss Ho呢….無教過我仔唔想亂比意見。
你住得咁遠，有無諗過住番市區？
一路讀仲有咁多年，會好辛苦架喎。

easiness

麟媽媽,

昨天高叔叔打俾我, 佢話因為塞車, 所以要遲O的先到, 最後阿仔7:30PM才回來! :cry: 日日都咁遲先返, 都唔知點算? 我都有想過搬去香港, 但是老公話小朋友好快適應, 睇定O的先喎! :cry:

明天阿仔要上音樂, 老師要佢地帶個音樂袋, 係咪普通一個A4文件袋就可以? 上視藝係咪要帶美勞袋?

8月27日小一迎新日老師O的通告內附上I-CUBE宣傳單, 我有同阿仔JOIN了, 有好多科目, 可以睇到1-20間學校既成績, 可以呢個網址睇O下:

http://www.icubeworld.com/

麟媽媽

easiness,

5:45pm放學成7:30pm先到吖？！
你真係要諗諗佢，唔係話唔可以適應，
但日日都成個幾鐘先到真係好辛苦喎，
返到屋企都攰晒喇喎。

音樂袋都係今年先要用的，
我用F4 size既膠file袋。
聽亞仔講，袋要放得入音樂書同埋筆袋，
方便一袋攞去音樂室上堂，
同埋如果係小息之後上音樂堂，
帶埋去小息咁唔需要上班房攞野，
可直接去音樂室可省下時間喎。
記得係袋上貼名同班別喎。

視藝堂係要帶美勞袋。
美勞袋要有︰
美勞書
粉彩(24色)
交剪
槳糊筆
墊枱紙/膠
濕紙巾/毛巾
zip lock膠file袋(用黎放濕碎顏色紙仔)

easiness

麟媽媽,

唔好話阿仔, 我係大人都覺辛苦! :cry: 真係由朝返到晚, 坐車都坐到"呆晒"!

麟媽媽

我琴日問過另一個住西環的家長，
佢都成7:15pm先到，
因為係尾站呀！
聽講只得高叔叔一架車去九龍+新界的，
你係唔係尾站呀？

123

hello easiness,
i am in am class, how are you.

dear lun mama,
have you watched the 敬師禮today?

lego

Hi 麟媽媽:

想問一題,聽好多流言講(唔知真定假),會同另一school合併為全曰,而st,jo係好大機會嘅一間.你比較熟所以問下你收唔收到風.唔好介意.

麟媽媽

lego,

跟別家學校合併既機會唔大了，校長都表明短期內唔會轉全日制。
跟人合併好多問題，第一要接收埋人地既學生、二來兩間辦學團體又唔同…

同St. Joseph合併更加無可能，佢地係喇唦會，我地係耶穌會，
加上佢地自己都有8班咁多，佢地如果要轉全日都要減班喇，
仲點同我地合併呢？
聽我同學講(佢仔讀St. Jo)，學校都說轉全日制有難度，
因8班如果減會引起太多問題，如老師會過多，
所以亦表明唔會轉全日制。

easiness

麟媽媽,

學校既保母車會否接埋校外既學生? 因為我問阿仔高叔叔係咪會接其他學校既學生, 佢話無(但是我懷疑佢唔識分別), 佢係尾三(車上仲有兩位同學, 最遲o個位是阿仔同班同學仔)!
阿仔有位同學仔住香港仔, 都係好遲先返到屋企!

昨天阿仔返學, 老師話個音樂袋唔o岩(因為我買了一個F4賿Folder俾佢), 要係斜孭袋, 可以放到一本音樂書! 昨天已經要孭書包同一個細斜孭袋, 手還拿了一個美勞袋, 若果將個細斜孭袋變了一個大斜孭袋, 豈不是上, 落樓梯都好麻煩(阿仔好奀), 孭了個書包已經行得好慢, 再要孭個大斜孭袋真係不敢想像 :cry: !

easiness

Hi 123,

你小朋友會否很早要上校車? 上午班o的老師好嗎? 敬師禮無睇過喎?

easiness

麟媽媽 & lego,

林校長係小一迎新日講左本來學校是同某一間學校合併, 學校會將一部分班別遷移過去, 但是係行政上出現重大分歧, 所以合併失敗, 而教統局衹給了九龍某些地區給學校選擇, 校長聲明學校不會搬去九龍區, 所以係短期內學校不會轉全日制!

easiness

麟媽媽,

請問今天要既功課是否明天一定要交(因為阿仔明天是長週), 我想他回家後沖完涼食完飯早點睡!

愛麗斯

Hi every present Wah Yah Mummy

Can you pls kindly tell me that what is the lowest points required for getting in this school? Is it very hard to get in due to it's only has 90 seats for either am or pm session, I am still very confusing whether I want to take this risk for it or not........, I also wonder, are there many seats that taken by the kid whose brother is studying in the school & the father whom graduated there? Can anyone kindly shares the experience with me?!   
Many thanks!!

123

hi eas,
school bus picks up at 7am, not bad actually.
too bad i type chinese very slow, it's better for us to talk on the phone in future, shall we? long chat chat.
the teachers are kind and look patience, (so far as i know), cross fingers.

dear lun mama,
is there anywhere that i can buy the exercise book (the brown colour homework books leh), such as tuck shop or etc. u remember last time the classmate took my son's exercise book home? the boy said he just left it in the corridor at home and never bring back to my son, i believe this situation will happen again , so i better prepare to buy extra ones.

123

easiness

愛麗斯,

我有位朋友, 佢先生是華仁舊生, 佢兒子是係自行收生時(First round)已經抽到(不過佢係揀下午班), 但是佢話有
舊生ｏ的仔都抽唔到，　好似３０多個位，　但是有哥哥係度既已佔２０多個位，　不過阿仔有位同學，　媽咪是天主教徒，　佢都是係第一次抽到華仁（２０分）！　我想要睇埋個年既出生率（１９９９年出生比１９９８年少３０００多人），　所以好多人都抽中！


123，

阿仔今天是長週，　要６：２０ａｍ上車，　因為是第三個上車，　我想還要接其他同學（阿仔話仲要接好多哥哥）！
你是否在職媽咪？　

easiness

123,

Pls check pm!

麟媽媽

嘩！今朝叫個仔起身真辛苦囉！6點幾起身啊~~
佢琴晚話太早訓唔著喎…今日下晝仲要返主日學，
唔好係教堂訓著吖…真失禮！

Easiness,
我仔上次拎個膠file袋上音樂堂，但無話唔得喎。
頭先打比個5年班家長，佢都話係要揹袋，
仲話老師指定要係拉錬袋喎。
如果係咁我下晝都去買番個，
我諗住去日本城買個網布功課拉錬袋，
之後整兩個loop係兩邊，再加上條揹帶，
咁輕便D，可成袋放在書包內，唔使揹晒上身嘛。
D功課幾時交，係抄手冊時有寫的，
以前個仔一年班時長週都要交功課的，
可能是返上晝班有時間做，但今年返下晝班，
所以寫晒12號交喇，我仔未做架！

123,
開學時交左$200包埋簿費架，
我地2年班派晒比我地了。
但一年班keep係老師度，
學期尾用剩會派番比你的。
你可以先同老師講叫佢開番本比你，
如果唔係學校都有得賣(不過我未買過)。

愛麗斯,

要在首輪入華仁，最少要有20分。
教友+首名子女是20分，而舊生亦是同分。
好多人報得華仁都有20分的，
學額都無你講90個位咁多，
首輪每晝只是37個學額，
只可選其中一晝，所以好多人20分都抽唔中的。