呀女係學校唔見左零食

fanny0806

呻一呻，小二呀女係學校唔見左零食，因為平時我係唔會比零食呀女拎返學校食，但果朝佢好快手咁食好早餐同換好校服，咁我就獎勵佢比左一份零食佢拎返學校小息食，佢返到學校就放左係櫃桶入面打算小息時候食，但小息佢去完洗手間之後返埋位發現唔見左，跟著放學就好唔開心同我講，話零食唔見左，佢又唔夠膽同班主任講。好啦，咁我就打返學校同班主任講啦，班主任就話了解一下，隔左一個星期，班主任同我講，話無人認拎左份零食，之後佢同全班講話，零食唔好拎定出嚟要放係書包入面，免得引人犯罪。咁我自己就覺得老師係唔係變相話我女，做左引人犯罪行為？即係我女唔啱先？

加樂爹

我係家長, 我都會教阿仔 "零食唔好拎定出嚟要放係書包入面，免得引人犯罪。"

其實, 我覺得係小事, 教小朋友有意識保護自已, 重要過去平反, 甚至找出小偷係邊個.

學校都係一個公眾地方, 同阿女係公園唔見左包野食都係一樣.


當然, 如果阿女係唔見左錢包, 或更貴重野, 就真係再上一個層次去追查.
Case 同公園唔見左錢包, 或更貴重野要報警一樣.


我只係覺得無須要想到學校是否縱容小偷, 又或者不顧阿女係受害者既角色.


經一事, 長一智, 不須纏在小事上.

rsx

首先，照計學校應該事先有講過小食嘅種類及處理方法！係咪個個都擺櫃桶定書包？如果個個放書包佢放櫃桶就有啲問題！

Anyway, 小事就當學費，幾時都係教育嘅機會！

Jean1769

fanny0806 發表於 24-3-12 08:45
呻一呻，小二呀女係學校唔見左零食，因為平時我係唔會比零食呀女拎返學校食，但果朝佢好快手咁食好早餐同換 ...

佢同全班講話有無同時講埋不問自取是為賊也先

如果只怪引人犯罪就唔啱

fanny0806

其實我覺得都係小事一樁，但我聽老師嘅語氣係話我女引人犯罪囉，點解我會咁覺得呢，係因為老師來回講左幾次引人犯罪呢幾個字。老師應該無講過不問自取是為賊也，因為我相信如果有講過我女係會同返我講。

fanny0806

加樂爹 發表於 24-3-12 13:13
我係家長, 我都會教阿仔 "零食唔好拎定出嚟要放係書包入面，免得引人犯罪。"

其實, 我覺得係小事, 教小朋 ...

其實我唔係話要捉小偷，而係我聽老師講嘢好似係度話我女引人犯罪。

fanny0806

rsx 發表於 24-3-12 14:04
首先，照計學校應該事先有講過小食嘅種類及處理方法！係咪個個都擺櫃桶定書包？如果個個放書包佢放櫃桶就有 ...

學校從來都無講過零食不可以放櫃桶。

fanny0806

我呢個女係第三個小孩，我大女，二仔係度讀，都無發生過呢啲事情，可能我都有問題，唔應該同老師反映，因為只係唔見左零食咁小事。反而依家令到我女比老師話引人犯罪。

TAIOU4

一包零食咪當捐o左出去咪算o羅

玩多兩玩
老師定條例全班冇得帶零食
搞到全班家長同學都認識你就GG

fanny0806

TAIOU4 發表於 24-3-12 23:01
一包零食咪當捐o左出去咪算o羅

玩多兩玩

我無再跟進件事喇，只係喺呢度呻下啫。

gtg435i

回覆 fanny0806 的帖子

老師講得冇錯.
事實係冇小朋友認, 又唔係當場捉到人.  又冇證據其他小朋友攞左.  

咁唯有勸喻大家唔好攞零食出尼.  放係書包度就係相對安全嘅做法.  

Cleo0316

相信媽媽唔係在意包野個老師的講法係叫人避免麻煩，而不是教育，可以同小朋友講吓「分享」的喜悅，同埋如果有想要的東西，可以「發問」。同一時間，家長同老師「報案」的時間都小心用字，即係講明唔係「追究」，只係「反映」有件咁嘅事，唔想有同類事件發生在其他小朋友身上。
因為有D老師都可以好小心眼，覺得你怪緊佢

fanny0806

Cleo0316 發表於 24-3-18 16:20
相信媽媽唔係在意包野個老師的講法係叫人避免麻煩，而不是教育，可以同小朋友講吓「分享」的喜悅，同埋如果 ...

無錯，其實我就真係只係想反映返有呢一件事。因為我明白零食如果真係有小朋友拎咗食咗就算囉，追究唔到。但係我估唔到個老師係同全班同學講，你哋唔好放零食喺櫃桶，以免引人犯罪。佢怎樣講好似淨係怪我個女，放零食喺櫃桶引人犯罪。因為我聽其他小朋友講,老師係冇同到學生講唔可以唔問人哋就攞人哋啲嘢。如果老師淨係講引人犯罪嘅話咁佢係咪即係淨係怪責我個女呢？不過算啦件事已經過咗咁耐，其實我已經冇再跟進件。

sonokosy

其實好小事啫，我唔會特登同老師講，只會同小朋友講下次唔好攞出嚟。同得老師講，即係想老師做嘢搵個真兇出嚟？