個人睇法：關於banding嘅定義。

tonyliu8

好多人或者學校老師，對於banding定義，係根據小學學生組別入讀對應中學嘅人數去定義。

我個人睇法，應該按照dse升學率去排名。

因為升中後，最重要係要睇入大學人數，至於生源好唔好，淨係決定咗起步好，唔係決定結果好。

banding應該要根據最終結果去排！

UTB

Banding 只考慮學生小學呈分試的成績。到咗中學DSE，教育局會根據學校DSE各科成績計算增值指數，也分成九個級別，不過好少學校會公布，因為大部分B1學校已經好難為學生再增值，能夠保住學生成績已經很好。
另外，小學生升中時，都係讀共同的科目，可以直接比較排名次。但去到DSE，牽涉到分科，而且每個學生修讀科目的數目亦不同，很難直接比較。不過，有人會用學校DSE整體成績，粗略地估算學校的banding。但每間中學提供的DSE數據並不統一，透明度也有很大的差別。以前中學會考年代教育局曾經想公開全港各學校中學會考應考科目C級或以上以及E級或以上的百分率給公眾參考，但遭受部分中學強烈反對，認為會對學校造成很大壓力。之後教育局就冇再重提公開數據一事。

lkwkenneth

tonyliu8 發表於 24-2-24 11:12
好多人或者學校老師，對於banding定義，係根據小學學生組別入讀對應中學嘅人數去定義。

我個人睇法，應該 ...

但係除了成績好既學校，香港大部份學校都不會公佈所有DSE科目成績，所以坊間跟本無可能用DSE成績分級，相關數據只係教育局先會有。

lkwkenneth

UTB 發表於 24-2-24 14:08
Banding 只考慮學生小學呈分試的成績。到咗中學DSE，教育局會根據學校DSE各科成績計算增值指數，也分成九個 ...

我成日都想問，中英數就由小一讀到中六，但好多科目例如物理生物化學經濟會計等，小學係無得讀，計算出黎既增值數據又有咩意義？

Jean1769

lkwkenneth 發表於 24-2-24 16:06
但係除了成績好既學校，香港大部份學校都不會公佈所有DSE科目成績，所以坊間跟本無可能用DSE成績分級，相 ...

呢d數據理論上應屬公開資料喎！有無人考慮試下用code on access要求教育局提供？

lkwkenneth

Jean1769 發表於 24-2-24 16:16
呢d數據理論上應屬公開資料喎！有無人考慮試下用code on access要求教育局提供？
...

各校DSE成績係機密，教育局容許學校自行決定講幾多或唔講。
即使男拔嗰D都唔會和盤托出，可能因為合格率比運動員拖低左。
BAND 2&3        學校就更加唔想講啦。

Jean1769

lkwkenneth 發表於 24-2-24 16:21
各校DSE成績係機密，教育局容許學校自行決定講幾多或唔講。
即使男拔嗰D都唔會和盤托出，可能因為合格率比 ...

機密？我好懷疑。

好似公院每年每科收幾多症咁都應該唔係咩秘密。

希望有人試下向教育局問

lkwkenneth

Jean1769 發表於 24-2-24 16:23
機密？我好懷疑。

好似公院每年每科收幾多症咁都應該唔係咩秘密。

你講緊兩樣野喎
唔洗問啦，如果教育局規定學校公佈，學校週年報告就一定有，你可以求其上10間學校網頁睇睇，起碼2/3都唔會提，或者只講部份見得人既數據。

猴子爸

tonyliu8 發表於 24-2-24 11:12
好多人或者學校老師，對於banding定義，係根據小學學生組別入讀對應中學嘅人數去定義。

我個人睇法，應該 ...

其實hkpapa852嘅18區中學評級，已經係最理想嘅資訊。各區B1A-B2C都有。

Poyau

tonyliu8 發表於 24-2-24 11:12
好多人或者學校老師，對於banding定義，係根據小學學生組別入讀對應中學嘅人數去定義。

我個人睇法，應該 ...

想想小學升中派位結果
據中一收生還是中六成績會較佳?
英中位不足的區分別會否更大?

UTB

lkwkenneth 發表於 24-2-24 16:09
我成日都想問，中英數就由小一讀到中六，但好多科目例如物理生物化學經濟會計等，小學係無得讀，計算出黎 ...

據聞教育局會用小學的科學科成績去估計DSE物理／化學／生物科的增值率。至於非理科的科目（例如歷史／經濟／地理／BAFS／旅款），就會用小學常識科做評估基礎。其他例如視藝／音樂，就用小學相同的科目做比照。
其實部分科目的對照方式去計增值率，我覺得很牽強，也沒有多大的意義。從家長的角度，最好就係公布每間學校每科的2+、3+、甚至5+的百分率，咁樣就可以直接比較各校的教學成果。但從學校的角度，教育並不應該只侷限於學術表現，人格個性的培養，領導能力，體格訓練，藝術才華等等都只能透過課外活動／校際比賽去實踐，而這些成果都沒有在公開試成績反映出來。咁樣對一些弱勢學校也不公平。所以一定有學校反對公開他們公開試的成績。

lkwkenneth

UTB 發表於 24-2-24 22:43
據聞教育局會用小學的科學科成績去估計DSE物理／化學／生物科的增值率。至於非理科的科目（例如歷史／經濟 ...

依十年小學其實係無科學一科，依家叫常識（幾年後科學又會分拆返）即使有，同phy chem bio 又唔同
商科可比性就更低
依類科目的增值數據無乜意義

UTB

lkwkenneth 發表於 24-2-24 22:48
依十年小學其實係無科學一科，依家叫常識（幾年後科學又會分拆返）即使有，同phy chem bio 又唔同
商科可比 ...

我同意你的說法。其實非主科的增值率意義不大，甚至可以話沒有意義。