趙永佳、余昊昕：「寒門有鴻儒，豪門無白丁」的現代科舉

beastiebistro

whoo99 發表於 23-10-3 17:01
覺得與其話大學教育的精華化VS平庸化，不如話職業化VS學術化，職業化——培養現實社會各行各業需要啲不同人 ...

我認為大學係求學問，做研究嘅地方， by definition係應該學術「化」嘅。而家就係太多大學將非學術元素加落去課程（例如職業先修甚至social interaction），比重甚至比學術重好多，對我嚟講本末倒置。德國/瑞士社會根本性接受唔同人有唔同長短，冇社會性「面子」問題，所以結構好好多。

beastiebistro

ANChan59 發表於 23-10-3 17:26
香港現今社會，分流及篩選未必可以幫到Cat III, IV 嘅孩子。就算點做家長們都係用同一個理由否定，因為很 ...

陳Sir啱呀，點改都有人唔滿意。人天生就唔係公平架喇（有人天生靚仔有型，有人老竇係李嘉誠），夾硬要磨平所有人根本唔合理。
其實香港係行政主導，都唔使經選民洗禮，理論上最有本錢行全面精英制。唔理咁多，由小一開始全部streaming，小學畢業成績最好嘅升「學術」中學，咁就掂晒。之前教改錯晒，交代都唔使㗎，合埋眼改返轉頭就得。

beastiebistro

whoo99 發表於 23-10-3 17:15
各行各業出來的成功人士與精英，從職業到管理，又是需要職場磨練與不斷領悟成長，始終不覺得leadership的能 ...

好老實講，我認為大學都教唔到leadership呢啲quality。我認為係天生嘅，有就有，冇就冇。

而定位不清我都非常同意，因為大學為咗「迎合」各方面，就咩立雜嘢都塞入去，搞到自己四不像。最好大學回歸基本，只做學術。

barque

我較喜歡liberal arts and Sciences 並重的大學. 對長遠發展有幫助

whoo99

barque 發表於 23-10-3 20:34
我較喜歡liberal arts and Sciences 並重的大學. 對長遠發展有幫助

我也比較喜歡通識教育，感覺除去學術頂尖人才可以走專才路線，其他學廣一點係很好，可否具體多講點，美國Ivy好似都如此，佢大學課程到底如何個安排，多謝！

ABC-DAD

肯花時間瞭解遊戲規則，睇餸食飯，先利己，再利其他人。

一味批、評、改，唔花時間去優化制度同價值觀，很難做到人盡其才。

任何Cat.都有其面對嘅生存挑戰，一味顧著幫弱勢，只會用盡資源，面臨大危機，一係㩜炒，一系各散東西，出現複雜嘅階級斷層。

反而維持基本，讓有能力嘅面對挑戰後成長，補充缺口先有機會一步一步開出新路。

stillgood20

beastiebistro 發表於 23-10-3 18:40
所以唔應該「賴」有資源嘅家長「玩晒」，應該係相對資源貧乏嘅家長盡量設法向上游。 ...

老同學嗰囝英國劍橋讀數學．我們平日比較多交流．
有次飯聚, 自己早上食早餐時,忽然諗起老同學大家年青讀書時,他家住七層破舊廉租屋．

晚飯傾開．大家'細個'時……真係太開心．
由咩都無, 走到今天孩子長大．畢業．

一一一

又如果,我們同學們有今天那麼多讀書機會．無家庭壓力．
坐係到食飯,隨時多三兩個博士．

……

有時, 見家長賴咩唔公平．

唔去揾辦法,講咩都無用．

………

ANChan59

stillgood20 發表於 23-10-4 18:49
老同學嗰囝英國劍橋讀數學．我們平日比較多交流．
有次飯聚, 自己早上食早餐時,忽然諗起老同學大家年青讀 ...

我出世住觀塘雞寮的徙置區，高小又住過長沙灣的廉租屋，7層嘅應該係典型徙置區，不是廉租屋。廉租屋最初只有15 －18屋，因為放寬地積比及如果遠離飛機航線，現在去到三四十層。

我都係屋村仔長大，讀學士係自己儲錢及靠政府grant and loan，在英國完成學士。讀博士時已經40歲，錢不是pain point，工餘抽時間及另一半諒解先至係困難所在。每個月有一個長周末上20個小時課，星期五4個鐘，星期六日各8個鐘，然後睇書做功課，足十二個月，然後開始研究及寫論文。

我畢業禮代表畢業生發言的時候，我可能係最長時間畢業的博士生，用盡7年時間及告咗4年假，前後十一年。因為讀咗3年之後開始創業，所以牽扯得好辛苦！如果我讀到，其他人應該都讀到。

我果屆30個人最後只有7個畢業，我係最後果個，打破咗20%嘅常規。

唯一欣慰係阿仔因此冇得係我面前講放棄，我讀咗5.6年，他及我supervisor 見我辛苦勸我放棄，我為了身教，永不放棄。我同時欏咗當年最佳論文獎，可能係敬老的原因。

ANChan59

ABC-DAD 發表於 23-10-4 12:13
肯花時間瞭解遊戲規則，睇餸食飯，先利己，再利其他人。

一味批、評、改，唔花時間去優化制度同價值觀，很 ...

我在上面回覆Stillgood 講咗少少自己心路歷程，都係果句，天助自助者。

我雖然會閙政府及教育局，但我係兩次政府grant and loan 的受助人，包括香港及英國讀書，所以回到香港三十多年來，政府及大學想我在大學教育和創科幫手，我永不say no，堅守崗位！

ANChan59

我父母果代係Cat III，爸爸高中未畢業，英文唔好，媽媽小學程度。他們對我兄弟姊妹的期望只係會考五科合格。

我哋果代，HD到博士，兩個專業人士，Cat I & II。我哋嘅期望係下一代有個專業學士學位及資歷。

到阿仔果代，他已經是專業人士，兩個姪女在高中高小名列前矛，大果個又係資優，肯定入到大學，只係邊間，同邊科，繼續會係Cat I& II。

阿仔一直都想係香港讀大學，（唔係因為香港大學排名高，他覺得大學學d舊嘢，而且現今世界學嘢根本就不需要讀大學，另一個原因係平，我哋將出國嘅錢，部份折現俾佢，幾市儈！），我哋嘅條件係三大先有得傾，如果冇，出去。所以只報3大，用科大做安全網。

stillgood20

ANChan59 發表於 23-10-4 21:48
我出世住觀塘雞寮的徙置區，高小又住過長沙灣的廉租屋，7層嘅應該係典型徙置區，不是廉租屋。廉租屋最初只 ...

那是嘉頓山對面的美荷楼．現在活化．可以去住一下青年旅舍感受一下．


……

其實,有讀書的機會很好．
彼此分享,社會的進步．

知識改變未來．
層次高低．'也是動力'．

……

回想刻苦的時間．
那是苦中甘．

我們下一代'欠了'那感受．
環境不同,也不需辛苦去, 那始終是不同環境．

……
而我跟同學傾古事．
係提醒大家, 我們的努力．
也不要忘記．

什麼都有來源．

我們的來源,也是有知識存在,
因而改變下一代．

……

所以,精英．
怎樣走出來？

當然資源很重要．

而心態,正如你的努力刻苦競鬥精神,
可以發揮作用．

一一一一一

ANChan59

stillgood20 發表於 23-10-5 08:18
那是嘉頓山對面的美荷楼．現在活化．可以去住一下青年旅舍感受一下．

石峽尾美荷樓就係香港第一個徙置區，係石峽尾寮屋大火之後開始建徙置區。後來因為徙置區的環境太惡劣，才改進成廉租屋，開始符合人權公約的每人最低面積。

ANChan59

stillgood20 發表於 23-10-5 08:18
那是嘉頓山對面的美荷楼．現在活化．可以去住一下青年旅舍感受一下．

我自己咁睇，每代人有每代人嘅難處及機會，如何面對，如何努力，係信念及毅力。

社會係需要不同人在不同崗位發力，貢獻才會進步。

十成能力貢獻十成，三成能力貢獻三成，但在香港，你是天才有十二成能力，只能貢獻到七、八成。點解？因為整個制度拖後腿，

beastiebistro

Illiberalism in medicine

對我點計覺得「左膠」／Woke勢力正在慢性摧毀美國大學嘅世界研究領導地位，有時間可以睇睇呢條片。係，要完全摧毀都可能都要啲時間，不過如果咁落去，the only way is down。

當然，呢幾位講者都係相對conservative嘅學者，不過就算「當」佢哋誇大咗少少，個前景都並不樂觀。

19'20" 有講medical school會收MCAT分數過低嘅黑人學生，亦刪除咗醫生專業試升班試...長遠冇可能唔影響overall質素。

ANChan59

beastiebistro 發表於 23-10-5 17:14
Illiberalism in medicine

對我點計覺得「左膠」／Woke勢力正在慢性摧毀美國大學嘅世界研究領導地位，有時 ...

好呀，一陣睇下！

咁你有冇搵到正面嘅呢？

beastiebistro

ANChan59 發表於 23-10-5 17:22
好呀，一陣睇下！

咁你有冇搵到正面嘅呢？

暫時未。因為已經係「頂尖」，跌易過升...
I suppose可以話正面嘅就係多啲人可以qualify入醫學院囉，對左膠大愛人士應該係好消息。

對我嚟講係負面。

ANChan59

beastiebistro 發表於 23-10-5 17:36
暫時未。因為已經係「頂尖」，跌易過升...

你講頂尖，我算小半個行內人，我所見嘅係參差，不是種族之分，係水準參差。

我美國生意拍檔，舊年開始為個大仔告Mayo Clinic 同埋個主診醫生，疏忽及失德。行內好多陋聞。

一般人都難告，幸好他的家族代代都係醫生，他的姪兒係一個世界著名醫院集團嘅CEO。

ABC-DAD

ANChan59 發表於 23-10-4 21:56
我在上面回覆Stillgood 講咗少少自己心路歷程，都係果句，天助自助者。

我雖然會閙政府及教育局，但我係 ...

天助自助者，值得幫嘅我一向唔介意。
有人同我講，可現實披人皮嘅嘅狗，不少於披羊皮嘅狼。

我看未必，不過量力而為，算係我人生下半場嘅警語。

ANChan59

ABC-DAD 發表於 23-10-5 18:53
天助自助者，值得幫嘅我一向唔介意。
有人同我講，可現實披人皮嘅嘅狗，不少於披羊皮嘅狼。

係嘅，所以我講咗大學教育及創科方面，如果力有不隸就不可能應承。一應承就兩年，如果做足6年，大家都應該滿意啩。

beastiebistro

ANChan59 發表於 23-10-5 17:45
你講頂尖，我算小半個行內人，我所見嘅係參差，不是種族之分，係水準參差。

我美國生意拍檔，舊年開始為 ...

我唔係專登搵條同醫科有關嘅片嘅。

其實雖然條片嘅題目係醫科，但係裏面都有講，個問題係pervasive。即係各個科目（特別係STEM科目都面對同樣問題），要降低入學門檻，要降低升班門檻，要降低畢業門檻，要降低專業試門檻，因為「左膠」壓力。