mscps 九龍塘瑪利諾小學有如地獄？

PTL_L

chamster 發表於 23-6-17 09:06
近年見好少人講，有打算將女兒送去哩到讀書，但引來身邊好多朋友討論，並且作出好多負面評價？！

請問有冇 ...

利申：非mscps用家，但有插班生子女嘅經驗。

大囡當年插班入傳統女津，第一個月喊住要返舊校，媽媽心入面淌血，眼淚都唔只在心內流，直情控制唔到流出嚟，所以絕對明白你嘅憂慮，太多不明因素令到自己恐懼，插班最恐懼嘅事係新校班主任打俾我，懷疑我小朋友有過度活躍，叫我帶佢去檢查Tim 但再同小朋友傾計後知道，舊校係男女校，男仔比較活躍，我小朋友成績比較好（其實佢都活躍嘅），但老師因為要成日處理更活躍嘅同學，令到我小朋友都幾free,久而久之將呢個習慣帶到去新校，咁咪俾老師投訴囉！

不過傳統名津直嘅學校收得你小朋友做插班（如非靠特異、關係入），證明你小朋友係適合學校，只係需要時間磨合，我小朋友數月後已知道學校規矩，直到小學畢業，老師們都幾錫佢，所以先唔好擔心住，你軟弱，小朋友就更軟弱！

PTL_L

chamster 發表於 23-6-17 09:06
近年見好少人講，有打算將女兒送去哩到讀書，但引來身邊好多朋友討論，並且作出好多負面評價？！

請問有冇 ...

答你另一問題，「部分老師只睇成績，冇乜愛心」我可以答你每間學校都有呢啲情況，傳統名直津更加緊要，呢個就要「食得咸魚抵得渴」喇！惟有靠自己同小朋友自強，仲有呢類學校每年都大把插班，插得入嚟班老師會覺得應該有咁上下能力，所以係適應零銜接，當你係舊生一樣，唔會俾時間適應，呢個係插班包埋嘅套餐！唔好再諗住可以起舊校咁被老師圍住喇，因為天外有天 人外有人！

sonokosy

回覆 yanthai77 的帖子

朋輩影響，係青春期成長必經階段。12－18歲，正常嚟講，一定係鍾意痴朋友多過痴阿爸阿媽。如由小學一齊長大嘅朋輩，其實壞極有個譜。反而係而家科技太發達，小朋友上網都好容易識到朋友。一到網絡世界，真係咩人咩背景都有機會識到。我見過有Band 1A名女校女仔升中後外面識人學壞咗，而返唔到轉頭。所以我會話係個人問題同家庭管教問題多過學校問題。建議你可以睇下Erik Erikson嘅stages of psychosocial development. 認識下d psy, 其實係好幫到家長點樣同唔同年齡／階段嘅小朋友相處同溝通。

LeeCC

PTL_L 發表於 23-6-18 15:38
利申：非mscps用家，但有插班生子女嘅經驗。

大囡當年插班入傳統女津，第一個月喊住要返舊校，媽媽心入面 ...

我朋友圈裡面幾個小朋友同年，有男有女，其中2個朋友的女兒分別讀九龍塘的2間女津，2個女仔我都係BB開始認識，相比同齡幾個朋友的女（讀直資男女校），唔算活躍，可以話係乖巧斯文淡定

但2個小一都分別畀學校投訴，上堂坐唔定，兩頭望，多嘢講，其中一個更畀學校要求check係咪過度活躍

我地幾個朋友話，如果佢地讀男女校，呢2個女的情況根本好少嘢，老師投訴晒全班男仔都未到佢地🤭

PTL_L

LeeCC 發表於 23-6-18 22:10
我朋友圈裡面幾個小朋友同年，有男有女，其中2個朋友的女兒分別讀九龍塘的2間女津，2個女仔我都係BB開始 ...

都係㗎，女校文化係要乖巧定，雖然有人覺得會好辛苦，我都有問過大囡感受，但佢話返屋企咪可以曳囉，起學校係要乖㗎咁我就知佢愈來愈識適當嘅時候及地點做適當嘅事，成熟咗。

tobebee

回覆 chamster 的帖子

請不要惡意中傷！如果這所學校的老師叫無愛心，我想這個香港沒有學校的老師有愛心的了！
其實聽途說都要自己想清楚來源是那裡？
真的有身邊朋友讀過？

眼見所有小朋友最喜歡就是上學，
喜歡老師到一個點，經常會攬住老師，
每天都搶著和老師校長談天

所有小朋友讀了，都不會捨得轉校！
學校老師校長跟本一點壓力都不會給學生，
經常跟她們說：一次失準不代表什麼，經常鼓勵她們

學校就像一所小型國際學校，完全和傳統女校扯不上邊，
沒有多大的規則，都應小朋友的需要/喜歡，
玩各樣遊戲都可以…
即使在課堂上的自由度也很高

如果學校知道家長給太大壓力學生，
或太著重成績，
反而會跟家長詳談，勸家長不要這樣

學校4年前轉了新校長，
所有東西感覺比之前更勝一籌，
新校長更開明，更喜歡和孩子一起
課程也有所加強！

另外學校也非常著重德育，
所以小朋友都比較乖巧，
懂得caring…
這不是每間名校能做到的
（利申：有女兒在讀）

gabejang

tobebee 發表於 23-6-19 09:46
回覆 chamster 的帖子

請不要惡意中傷！如果這所學校的老師叫無愛心，我想這個香港沒有學校的老師有愛心的 ...

聽落感覺上同MPS 好相似

kiwimamas

Your problem is like your friend's character

天外之人

回覆 chamster 的帖子

呢間學校不嬲在EK都少人講,不論小學同中學,因為太少資料睇到,自然冇咩人去講,但學校又真係有啲實力.
-
提及所為負面評價,衹係未了解深層問題所在. 都有部份家長所講,小朋友喺學校讀得開心好緊要,學校係一個因素,家長都係另一個因素, 亦有家長提及學校要求老師有成績,部份老師自然向著成績方向埋手,更何況仲要係香港有階級既學校,個個學生成績都差,你估家長及學校想見到嗎?家長同學校唔驚到死咩? 當然有名氣既學校,是否全都是老師功效,真係有讀呢類學校家長自己心裡有數,唔係點會有傳言"好多出名學校都要靠外補,但感覺喺香港間間學校都係咁",學校谷與唔谷已成定局(除非改了教育制度),所以小朋友受唔受得到辛苦及壓力,反而這方面家長係佔最大因素. 所講既快樂學習又學得好既起跑點及全程都係家長負責,唔係所謂既Happy School老師給予的.
-
能稔到呢點,樓主就會明白主題既學校唔算係地獄啦.

chamster

tobebee 發表於 23-6-19 09:46
回覆 chamster 的帖子

請不要惡意中傷！如果這所學校的老師叫無愛心，我想這個香港沒有學校的老師有愛心的 ...

多謝你既用家意見。其實我並不是想中傷哩間學校，更加吾會係惡意。就係因為轉校係一個重大決定，作為家長亦有好多擔憂，有時亦可能會因為一個半個負面評價而太敏感，因此我先至出哩個po 希望有用家真心分享

所以你的回應真心令我安心，我必須對女兒同學校有信心，感激你分享！

tobebee

chamster 發表於 23-6-19 19:48
多謝你既用家意見。其實我並不是想中傷哩間學校，更加吾會係惡意。就係因為轉校係一個重大決定，作為家長 ...

不要緊😊 只是你的標題有點敏感🙈其實我起初也有少許擔心，
始終直覺，覺得女校都會比較嚴。
但入到去讀，
學校完全反轉我觀念，
一點也不傳統！
疫情幾年，在家zoom堂，
我幾乎完全沒有聽過老師鬧人，
說話一般都很溫柔
你放心吧，如果考得進去，
女女必定喜歡！
我身邊幾乎無小朋友說不喜歡學校，
個個返學都很開心

BB-Tiger

看到這帖文真搞笑，覺得樓主係想吸引人黎回覆先起個有爭議性嘅標題。請問最後有冇interview ？通常有咩特質嘅女仔先可以有叩門機會？

gtg435i

BB-Tiger 發表於 23-6-20 14:39
看到這帖文真搞笑，覺得樓主係想吸引人黎回覆先起個有爭議性嘅標題。請問最後有冇interview ？通常有咩特質 ...

我都比較有興趣想知樓主 "打算將女兒送去哩到讀書"   係咩意思   

抽中左? In 左? 收左?  

Poyau

gtg435i 發表於 23-6-20 17:22
我都比較有興趣想知樓主 "打算將女兒送去哩到讀書"   係咩意思   

抽中左? In 左? 收左?  

《MCS 插班》#29「剛收offer」

https://www.edu-kingdom.com/forum.php?mod=redirect&goto=findpost&ptid=3875794&pid=49237140

Sum_Ba

見你標題就建議 貴千金千祈咪讀。有懷疑就唔好亂試，影響一世。其他人，我十分建議入讀。我們的經歷，感覺十分好，但又不能用天堂形容。

BB-Tiger

請問mcsps, smcs, hfkt，呢3間大家點排名？唔係vs post，sorry令大家失望

PTL_L

BB-Tiger 發表於 23-6-21 00:01
請問mcsps, smcs, hfkt，呢3間大家呢排名？唔係vs post，sorry令大家失望

Hkft 係邊間？

gabejang

PTL_L 發表於 23-6-21 00:27
Hkft 係邊間？

hfkt九龍塘聖家

TONG0720

作為用家，我唔知其他家長睇完個「標題」咩感受，但我就覺得好反感，如果你小朋友已經有offer你考慮緊讀唔讀，已經半隻腳踏入mcs,我覺得都唔應該用感嘅措辭嚟中傷俾你囡囡offer嘅學校，無論你最終讀唔讀！當然啦，你成功吸引人點入嚟睇。
「有如地獄」我唔覺得香港邊間學校會配得起呢個形容！！！
講返主題，學校功課少，關愛小朋友，老師甚至會喺自修堂講故事俾小朋友聽，當初interview時，我印象深刻嘅喺：校長問我如果小朋友已經好叻，但可能暫時成績唔喺最top，問我點諗？之後話我知，佢哋鼓勵小朋友開心學習，培養好的學習方式，學習喺長期嘅事，唔好執著於一兩次成績！
老師和同學方面，讀邊間學校都有機會遇到好與唔好嘅老師和同學，mcs 好多老師資歷都甚高，教得好唔好見仁見智啦。至於同學仔大部分都好乖有家教，但女校是非多，無論邊間都喺，越叻越有小心思，呢樣嘢喺需要學校與家庭教育並行。

Ochowny

Hello! I went to Maryknoll and loved it there.The students are well mannered, the teacher quality is high, lots of extracurricular activities, yes competition is intense for sure, but if your daughter is willing to strive, MCS offers a very well supported platform.
MCS has a very strong school spirit and alumni loyalty.