KTS九龍塘學校 VS 嘉諾撒聖家(聯合道）

bettyay

yanthai77 發表於 23-6-19 11:35
就算沒有出去補習   都肯定係家長自己有時間跟進

純粹有感而發！你咁講一定冇錯，係香港地有幾多孩子係家長完全唔睇功課（起碼派咗功課返嚟錯咗，點都望下卦），又唔外補又完全唔做補充嘅學霸？
但係如果只要求係b1生，入返b1中學，係k校真係唔算難。

chankiki1228

咁kts 和九真那間好啲？

cindygoby

yanthai77 發表於 23-6-19 11:35
就算沒有出去補習   都肯定係家長自己有時間跟進

是的，兩間都需要自己跟進的

cindygoby

bettyay 發表於 23-6-19 11:52
純粹有感而發！你咁講一定冇錯，係香港地有幾多孩子係家長完全唔睇功課（起碼派咗功課返嚟錯咗，點都望下 ...

我自己本身兩個小朋友是必須我跟功課同溫習的，因為她們做好功課，我都會睇下，錯左都會睇下佢改正啱唔啱。溫習就更加一定要陪伴的，因為她們未懂得自已溫習，默書和做練習還是可以自己的，測考都會幫手一齊溫，所以在我自己來說家長跟進是我必須做的。只是怕年級愈高，有些自己都唔識得教唔倒或是有些數學運算快速的方式要外補。不過我真係有聽過k的家長分享過，在k就算沒有外補的同學要考入b1中學不難，他們都說因為學校在課外體藝以至學生全能思維發展方面上培訓得好好，好多時在自行和叩門都比較有優勢。當然我還未是用家，所以這點要待用家分享才知道。

B.B.BaBa

yanthai77 發表於 23-6-19 11:35
就算沒有出去補習   都肯定係家長自己有時間跟進

此陳述句，其實適用於全港絕大部分程度及能力的學生，根本已經成為了香港學生的風氣。

chanti

bettyay 發表於 23-6-19 11:52
純粹有感而發！你咁講一定冇錯，係香港地有幾多孩子係家長完全唔睇功課（起碼派咗功課返嚟錯咗，點都望下 ...

成日都有家長話小孩無補習但成績好好、根本冇需要外補時、我都會問佢有冇係屋企自己同佢跟功課默書測考呀？答案係有！咁咪即係自己係屋企同佢補習、一樣係補…

angelfish228

chanti 發表於 23-6-20 08:13
成日都有家長話小孩無補習但成績好好、根本冇需要外補時、我都會問佢有冇係屋企自己同佢跟功課默書測考呀？ ...

...

chanti

angelfish228 發表於 23-6-20 09:43
其實真係有唔一定人地講大話嘅，我女讀傳統女校初小，今年完全放手，功課從來不會幫佢對，只在手冊簽名，默 ...

咁呢d 只是比例上了、大多數一係外補、一係家長跟

B.B.BaBa

家長跟..... 形式其實好廣泛。

有 D 家長係好似功課班咁坐在旁邊睇住小朋友做功課，會主動幫手溫書甚至出埋卷俾小朋友做；有 D 家長只會睇下有無做齊功課簽個名，只會被動解答小朋友的提問。後者算唔算係補？

Dybala

比錢唔係問題嘅話一定係KTS

作為聖家用家, 覺得間學校各方面都好似時光倒流30年去返自己讀小學嘅年代咁, 除咗讀書, 就係讀書......呢樣有好有唔好啦, 但出面社會不斷進步, 佢就仲停留喺以前嘅教育模式, 究竟長遠對小朋友係咪好事呢? 不過又咁講, 作為一間冇收生自主權嘅津校, 要幫中學保住招牌嘅話唯一可以做就係小學階段打好啲個底, 而打底最有效嘅方法就係填鴨, 所以都明白點解聖家要走呢條路線

講吓KTS, 雖然唔知KTS學習模式係點, 但起碼佢哋做到9成band 1, 證明佢哋train出嚟嘅學生大部份都有好高認受性, 而自行考得入好中學嘅我亦相信佢哋唔係淨係識讀書咁簡單, 所以我會覺得KTS學生整體能力會比聖家高, 有得揀一定揀KTS

cindygoby

回覆 Dybala 的帖子

謝謝回覆，是唯一聖家用家回覆，請問是聯合道還是九龍塘聖家？其實有中學back up都是很吸引的，但你說得對，都會因應其他方面作出考量，因為始終每個家庭和小朋友需要的有所不同。所以得到大家中肯回覆很有參考價值🙏

Dybala

cindygoby 發表於 23-6-20 17:14
回覆 Dybala 的帖子

謝謝回覆，是唯一聖家用家回覆，請問是聯合道還是九龍塘聖家？其實有中學back up都是 ...

聯合道

mamamic

cindygoby 發表於 23-6-14 11:45
請問可以分別一下當年為何揀選KTS,以為用家心得嗎？我地本身大女讀開私小，模式與Kts有點類似，都是功課默 ...

不好意思，遲了回覆。

首先，當年我的掙扎是聖家有聯繫中學而九小冇。但係後來再仔細研究，九小冇中學但升中成績亮麗，大部分都入b1。應該要入返聖家同級嘅，唔難。

第二，九小協助小朋友發掘閃光點，這是我最欣賞的。我自己睇左好多期校長的話，好同意佢同敬重前校長-楊校長。

第三，我諗要考到band one,唔一定要外補。但係，要留意九小對音樂樂器有要求，都係一筆錢。

如有其他問題，歡迎再問，我再補充。(emoji)(emoji)祝你揀到一間最適合小朋友嘅學校。

mamamic

cindygoby 發表於 23-6-14 11:56
另一方面，聽聞KTS程度和學生質素更高（特別數學），對於我們來說kts學費支出已佔一筆開支，所以有所擔心 ...

其實數學唔深，只係教快左。所以，如果家長有跟下，未必要外補。

小四前，我都冇點跟，但小五真係要跟同補習（弱科），因為，大家都係好給力。不進則退。但係，九小有好好的傳統，好多已畢業的家長同小六家長幫忙給升中意見，大家一齊努力。

boboapril

兩間都傳統學校，最好初小已經家長跟，否則之後可能要用多咗時間調教，九小係私小，佢更加expect 家長有心有力, 部分小朋友自己嚟固然好，但好多家長想小朋友更好。建議你睇埋考試時間表，睇吓邊間唔撞大女考試。平日功課，聖家應該幾多，初小真係要日日多陪伴、多鼓勵，都係考慮因素之一。九小三考，教乜考乜，好清晰，但份卷又長又幾深，好似考60-70分鐘－份，唔train 又點去考。另外，九小應該英文－般，要上top 英中，要外補先可以有其他直私level, 如果target 普通band 1 九龍城津校中學，就可以平常心d。聖家乜都－般啦，唔係差唔係好好。你嘅case, 我估都係九小好d, 如果唔撞家姐嘅考試期。九小如果肯跟下，升中多choice 又比較自在。聖家間中學，其實小學讀得叻d，都唔想個女升上去la，但你個女讀開有感情，可能會跟上。純個人意見。

Greylay

我自己會咁睇：
聖家有中學support , 穩陣啲，進可攻退可守。（因為我地都要開咗學先會慢慢知道小朋友嘅成績如何），如果真係好叻，可以去試考其他更高水平龍校插班，or 係叻嘅留係原校，升中才挑戰優秀直津也無不妥。

jason1978

回覆 boboapril 的帖子

其實九小英文都幾深下，去到初中夠用有餘。反而中文無乜學修辭名，上到中學會有少少迷惘，不過好快pick up返

boboapril

如果覺得英文程度ok, 唔需要外補，咁限制小朋友選比較平d嘅團體運動同hea d 咁學樂器，咁你除咗學費就少d 支出。千祈唔好玩得太出色的個人项目，羽毛球呀、劍擊呀，個個月要洗－大筆錢，玩下排球、足球應該會平d, 私校好多錢要自付。音樂，全年3次考唔同嘢，其中一次係樂器，所以如果本身唔係有興趣玩嗰件樂器，係為咗－年－次嘅考試去學。學開/有興趣，又唔算係additional cost 嘅。

cindygoby

mamamic 發表於 23-6-22 20:58
其實數學唔深，只係教快左。所以，如果家長有跟下，未必要外補。

小四前，我都冇點跟，但小五真係要跟同 ...

Thanks小朋友本身冇咩其他體藝叻，佢只係學緊中樂，但聽聞kts唔可以用中樂考試。所以都有擔心如果小朋友體藝唔叻入到去會否比較弱。.

cindygoby

Dybala 發表於 23-6-20 18:58
聯合道

thanks