其實數學係咪真係好難攪得好??!

Elenalan

YmOra 發表於 19-4-4 10:33
係。一絛公式就是可以讓任何角度代入皆成立才算是公式，只是我未能表達到點用三角畫圖去証明任何角度公式 ...

你上網搵下d Visual Proof, 之前R君都講過，一睇就明。如果以直角三角形去prove, 任何三角形都可切成2個直角三角形，咁一樣係用到來prove。呢個係97年前老師教A. Maths嘅程度，而家點教就唔清楚喇。

Elenalan

YmOra 發表於 19-4-4 10:24
是的。高深的數學理論响日常生活裏確係未必有其實用性。不過，學習更深奧的數學知識，並非要學者怎樣經常 ...

我覺得能夠跟孩子重頭學起(不論任何事)都係好幸福嘅事。人到中年總覺得想當年有太多原因令自己錯過了很多有趣嘅事物和學習樂趣。

Elenalan

YolandaTam 發表於 19-4-5 11:10
嗰間學校，數學   
由我嗰代起已經 ，小六教負數，老師話係減嘅概 ...

我都同意如果老師教學術概念有問題，家長都要同孩子講解清楚，就算我平時放手俾呀女自己做功課溫書，我都有不定時考問下佢學習嘅嘢，睇下佢是否明白透澈，又了解下佢平時上堂情況。

所以，呀麥生話家長唔好做老師角色，我覺得家都要清楚孩子學習情況和進度，適時介入。我唔會只送孩子返學或用補習解決問題就乜都唔理。老師質素唔係家長能力可控制，亦不能郁下就轉校去解決。

Elenalan

retriever 發表於 19-4-13 12:28
我又來插句啦。。。

我真係覺得學校教果D 直式橫式既操作，可能太多或講數量概念太少。

我女小一仲係計緊2位加減/連加/連減，但佢一向心算完先寫直式(所以做功課成日漏直式)，我估佢暫時冇你講果樣問題，可能因為我地一直冇操數冇drill直式，佢連乘數表都冇背嘅，但佢明白連加概念。跟學校進度慢慢學佢又應付到冇問題。今日家長日數學老師都話佢數感好轉數快。

Elenalan

retriever 發表於 19-4-15 16:33
其實我地都無'蕉' 直式, 不過可能學校已經幫佢地'蕉' 左.

另外認叻既細路喜歡靠心算棄筆算. 你細路應記 ...

其實棄筆算唔係因為認叻，係因為怕寫字(至少我個女係咁)。唔知其他小學係咪仲用細格仔簿，我見呀女計數又要間好多線又要對齊，佢次次都係計好條數，再慢慢寫番d題號、解題、列橫直式...所以用親格仔簿成日漏呢樣果樣，但答案又計啱架喎。

Elenalan

Cheeselover 發表於 19-4-16 18:09
我想知道直式有什麼缺點，好像很多人唾棄，我現在還教女兒直式要對好位置，對歪就錯。可能我頭腦不好，做 ...

我女d數學功課，唔係漏直式就係對歪哂d位，所以平時d功課好低分。佢做親數學格仔簿，永遠心算計好哂，先再填番d題目呀題號呀解題、列式、名數、括弧、間線....每樣當1 part, 而且係斬件咁，每題同一part寫好，再寫第2、3、4 parts....但又寫寫下斷片，所以成日寫漏哂...佢當列式係格式，唔當係計算步驟 。你都好盡責可以跟到小朋友功課，我要返工根本冇咁多時間跟，鬧都鬧到口臭。見到老師d評語我又唔可以唔做嘢，壓力好大。

佢d功課好messy, 但數學成績又好好，多數滿分。不過咁樣讀上去我唔知佢搞唔搞得掂

Elenalan

retriever 發表於 19-4-16 18:25
本帖最後由 retriever 於 19-4-16 18:26 編輯

嚴格來講，條式無錯。係一般講解離開實際，而且借位進借 ...

所以小朋友要識數手指，識數手指就好易明加減/倒扣/正負概念，太早drill直式(我知好多幼稚園已計三四五個位直式)係做壞個底。

Elenalan

Cheeselover 發表於 19-4-17 07:55
我愛靚，不能忍受亂糟糟(姐姐在廚房很有壓力)，要求阿女功課整齊，特別是數學，講求精準，數字對位要清楚 ...

你女好乖，我女成日hea到我返屋企先開始做，佢好唔鍾意做功課，上堂又坐唔定，自理亦差，經常被老師寫手册。唔係我接受messy, 而係佢唔會聽人講。老師建議我帶佢去做評估，仲要上course訓練大小肌。

我冇唾棄直式，我以前細個都係咁用直式計數架啦，但呀女自己做功課，佢堅持用自己方法去計都冇辦法。

我都想呀女係乖乖女品學兼優，奈何佢唔係聽教聽話嘅小朋友。佢最大優點係超強記憶力，唔使我粗心佢有冇溫書。但佢其他問題確實令人好頭痛。

Elenalan

retriever 發表於 19-4-30 08:29
你有冇了解過你女心算是如何計算的？

是PICTURE 緊條直式？是唱散紙？是數數（如數線）？

我冇了解過，因為我從來冇同佢溫書，小一數都只係2位加減，佢喺學校亦有速算評估 (30分鐘計30題+ 另外30條bonus題)，佢都搞得掂亦唔想我干預佢溫習，咁我就信任佢和老師。