翠屏道博愛醫院施淑鎮幼兒中心好嗎

盈盈BB

請問各位是否知道翠屏道博愛醫院施淑鎮幼兒中心好嗎 ?  

newkaka

小盈盈:

據我了解，這間學校的服務一般，因為我囡囡間學校之前有一位同學，他的家長是因為不滿意他們的服務而轉過來的，建議你多向人了解清楚 ，費時入學後才轉校。
  

盈盈BB

newkaka,

我仲以為係醫院學校會有愛心d, 同有心機d, 因為個度近我屋企, 我又搭車經過, 所以咪想知道個間學校是否ok囉 ?

請問你囡囡而家讀邊間幼兒園呀 ? ok嗎 ?

newkaka

我個女係聯合醫務協會幼兒園就謮(位於聯合醫院J座)，我覺得佢每天很喜歡返學，連病也嚷著要我帶佢返學。

我覺得主任、各位老師和嬸嬸都好nice，加上全校只收60位小朋友，但有5位老師，他們對小朋友很有愛心且觀察入微，時常主動與我去分享囡囡的情況，無論在學習上、情緒上、社交上、以及個人健康等，老師都會告訴我，我記得有一次，我在早上責罵了囡囡幾句，估唔到會影響了她在學校的心情，於是老師致電給我，向我了解囡囡早上的情況，及後，又安慰我不要自責，並表示明白和理解，而且老師還關心我的情緒，而最令我感動的，是老師安排囡囡親自和我通電話，放學時，老師告訴我，當囡囡知道我沒有嬲她後，好像如釋重負，臉上便再次展露笑容，我真的很感謝老師的細心，凡事以小朋友為先的態度。所以我真的很喜歡及信任這間幼兒園。

盈盈BB

newkaka,

其實我都好鐘意聯合醫務協會幼兒園, 因為一路以黎, 各媽咪對佢comment都非常好, 不過, 好似幾難入架喎, 我囡囡出年10月便足2歲, 如果我想佢入幼兒園, 應該幾時報名呢 ? 同佢地收生標準如何架 ? 你知唔知道佢地幾時有開放日呀 ? 我都知而家囡囡只得8個月, 我係心急左d, 請唔好見怪我有那麼多問題, tks.

newkaka

小盈盈:

雖然您真係心急咗d，不過這是人之常情，當年我的心情和您都差不多。

據我所知，幼兒園會在每年的十月開始派報名表招收新學年的新生，您可以留意他們的招生橫額，或致電2347 2286查詢，當佢地收左報名表後，太約會在11月舉行新生參觀日，屆時已報名的家長便可以親身去參觀及問問題，在12月便會進行面試。

至於佢地既收生標準方面，這幼兒園的服務對象主要是聯合醫院的員工，所以員工子女會優先取錄，但有位的話，佢地都會收其他的小朋友，所以越早報名，輪候的號碼便會較前。

講住咁多先，希望幫到您啦!   

Smiile

據我所知，博愛那間幼兒園比較混亂和服務質素屬一般 (之前我同事試過投訴無門而去社署投訴，好像說有一位老師對小朋友態度極差wor)

最大問題是那間幼兒園的老師外型太不像老師了，例如留長指甲、染一些怪怪顏色的頭髮、穿衣太暴露了。

所以有得選擇、我想都是去另一間好些。

盈盈BB

newkaka,

多謝你的意見, 其實我而家已經開始留意屋企附近的幼兒園, 聯合醫院幼兒園係好近我屋企架, 我會依你給我的電話, 打去問下, 如果真係需要早d報名, 我會即刻安排報名, 我係比較緊張, 希望囡囡入到1間好的幼兒園囉, 唔駛好似個位媽咪唔好彩, 要同bb轉校就麻煩啦 !

盈盈BB

Smiile,

好彩你地話我知咋, 如果唔係我真係唔知施淑鎮會係1間恐怖的學校, 非常多謝你的意見!

身為1間學校, 點可以容許老師留長指甲, 染怪怪顏色的頭髮, 穿衣暴露等行為架 ? 簡直唔敢想像, 非常得人驚喎 ! 我已經同我老公講左, 呢間學校我絕對唔會考慮的. :evil:

Smiile

今天我再同我的同事了解，她說更可怕的是校方收生沒有標準、只要有交學費就收 (例如有些小朋友會嚴重打人、或是學習能力有問題都會放在同一班、那麼老師有時要特別留意某些 "勁人" 而反忽略了一些正常的小朋友、十分影響教學的質素)

人事是非和行政混亂更是自從上年八月轉了一個姓葉的主任後非常嚴重。我同事已於今年一月忍不住為小朋友退學，現在在藍田靈糧堂就讀。

盈盈BB

Smiile,

點可以有呢d學校架 ?  :evil: 我地將小朋友送到1間學校讀書, 由幼兒園開始就希望, 呢間會係好學校, 會對學生細心同耐心, 愛心, 有教學理念, 對小朋友有全面的教育同發展, 令小朋友德, 智, 體, 群上都可以學到, 我真係想像唔到, 呢間係物野學校, 難聽d講句, 簡直不知所謂 !  :evil:    :evil:  

盈盈BB

Smiile,

唔好意思, 仲想問下你同事小朋友而家讀緊間藍田靈糧堂ok嗎 ? 請代為問問呀, many tks.

Giant

小盈盈,

翠屏道社區中心樓上有間幼兒園, 同聯合醫院的那間屬同一機構, 妳可以考慮一吓, 我囝囝都響度讀架。

Smiile

係呀 ! 這一間也是好好、值得去讀的。

Giant 寫道:
小盈盈,

翠屏道社區中心樓上有間幼兒園, 同聯合醫院的那間屬同一機構, 妳可以考慮一吓, 我囝囝都響度讀架。

盈盈BB

Giant,

你囝囝係咪讀翠屏道社區中心5樓個間幼兒園呀 ? 我都聽其他媽咪comment過話幾好, 我諗我會考慮下, 如果我囡囡明年10月才滿2年歲, 我應該幾時報名呢 ? 佢地有無定一個時間幾時接受報名架 ? 而佢地有無收生標準架 ? 唔好意思, 問左好多問題, 請唔好介意, tks.

盈盈BB

Smiile,

我會考慮呢間翠屏道社區中心幼兒園同聯合醫院幼兒園, 不過, 恐防假如2間都唔收, 我會多考慮2間同時報名, 請問你地有無其他幼兒園覺得ok架呢 ? 太多問題, 唔好意思 !

newkaka

小盈盈:

這兩間都是由香港基督教服務處所開辦的，服務質素有一定的保證，值得一試。我都贊成如果聯合冇位，去翠屏道的觀塘幼兒園也是一個很好的選擇。:

小盈盈，不需要太擔心，囡囡現在仲細，為她找學校的事，慢慢看清楚也未遲，否則您會好有壓力的，放鬆d啦!

而您所問及有關報名及收生的標準，根我所知，應該和聯合的情況差不多，建議您打電話去查詢 2389 1866   

盈盈BB

newkaka,

唔好意思, 我都知我太緊張, 我老公一向都話我, 成日比好多壓力自己架 ! 多謝你的開解, many tks.

其實聯合同翠屏道幼兒園我都會同時報名, 到時睇下邊間收, 咪去邊間囉, 不過, 我又驚2間都唔收, 所以會再留意下其他幼兒園, 報多2間作後備囉 !

小仙女

It is good .

盈盈BB

小仙女,

唔好意思, "It is good"      你是指施淑鎮幼兒中心, 還是聯合醫院幼兒園呀 ? 還是社區中心幼兒園呀 ? 我唔太明喎 !