好感慨！

b3410

little_yolky 發表於 17-1-4 14:18
講到造句先至氣結。我真係明白點解學校小朋友唔鐘意中文多過英文。話說小二測驗, 有一題係造句, 要用因為. ...

我覺得老師評分標準可能在於書面語同口語的分別。為了提醒小朋友寫作造句儘量使用書面語。

little_yolky

b3410 發表於 17-1-4 22:47
我覺得老師評分標準可能在於書面語同口語的分別。為了提醒小朋友寫作造句儘量使用書面語。 ...

不是, 小朋友果句絕對係書面語, 問過老師, 佢話係邏輯錯誤, 話測驗「的時候」是不會有一百分, 係測完至有一百分, 所以唔合理, 扣分。

little_yolky

MrBeast  雖然中文不是我強項，覺得測驗得到一百分合邏輯些  發表於 1 分鐘前


是的, 不過我既point係初小學生, 測呢類題型只係要求小朋友明白句子結構既用法, 用2分, 又要考句子結構, 又要無錯別字, 仲話要考埋邏輯, that's why小朋友唔鐘意讀中文。

MrBeast

little_yolky 發表於 17-1-5 09:10
MrBeast  雖然中文不是我強項，覺得測驗得到一百分合邏輯些  發表於 1 分鐘前

無奈傳統教學就是咁。話時話，若初小中文作文作到乜經物論，英文作到沙翁咁，唔知老師會不會發din 呢？

little_yolky

MrBeast 發表於 17-1-5 09:20
無奈傳統教學就是咁。話時話，若初小中文作文作到乜經物論，英文作到沙翁咁，唔知老師會不會發din 呢？ :ha ...

我朋友間學校老師就好好, 佢哋初小時中文看圖作文, 朋友仔作到離晒題, 但個內容又真係十分有趣, 老師不但無打個大交叉, 仲俾咗唔錯既分數。個小朋友雖然唔係話好叻, 但讀到上去都無討厭學中文, 叫唔錯。

反之我女女間學校, 中文叫做深, 老師要求高, 但同學仔唔鐘意中文科, 經統計中文科係同學仔喜愛度排包尾定尾二既一科。同學仔唔鐘意, 咁可以學得幾好呢? 中文我可以自己教, 只求學校老師唔好越幫越忙, 搞到小朋友討厭中文, 咁我真係多得佢哋唔少。相反, 大部份英文科老師就比較寬容。今年位英文老師好好教學經驗, 對小朋友好有耐性, 又多印仔鼓勵, 阿細本penmanship由一年級寫到打風咁, 到今年我都覺得佢寫得幾有心機, 幾唔錯, 呢D咪係令小朋友自己進步囉。

little_yolky

IloveJJ 發表於 17-1-5 09:39
你既睇法係，個女已明白句子結構了，無理由0分。但老師既做法係，唔係睇你識幾多?係睇你錯幾多?錯字扣1分 ...

所以佢哋既方法其實係鼓勵小朋友少寫少錯, 多寫多錯。作文都係咁, 小朋友想寫多D表達自己既諗法, 老師就一個交叉。我覺得不論中英文, 初小時應該係鼓勵小朋友放膽多寫, 小朋友寫得開心, 叫佢一星期寫一篇都唔難, 時間長咗, 枝筆習慣咗, 去到高小自然水到渠成, 而唔係一開始就計較咁多文法, 仲要計埋邏輯, 點解寫信開頭一定要寫「親愛的XXX」, 真係人都顛。

judy

反之我女女間學校, 中文叫做深, 老師要求高, 但同學仔唔鐘意中文科, 經統計中文科係同學仔喜愛度排包尾定尾二既一科。同學仔唔鐘意, 咁可以學得幾好呢? 中文我可以自己教, 只求學校老師唔好越幫越忙, 搞到小朋友討厭中文, 咁我真係多得佢哋唔少。

大侄兒小五、六已能看原著三國，自小寫週記，文筆算流暢。小六遇着一個極品中文教師。他教學生造句不要長，長有機會出現錯别字，又吹毛求疵，搞到侄兒無所適從，自此中文作文古板咗好多。佢将造句嘅"標準答案"寫在黑板，容訐啲學生考試背佢嘅句子。

差嘅教師真係害人不浅。

little_yolky

IloveJJ 發表於 17-1-5 10:28
咁你呢種係國際學校style嚟喎!傳統學校一向係咁，我就無錢讀國際學校，唯有唔好咁著眼啲分數，其實細路睇 ...

錯！阿大之前見到自己好俾心機既作文俾老師係咁打叉, 都非常唔開心既, 要經我不斷做思想工作至調適過來。你知我對阿大既分數一直不聞不問啦。

如果國際學校既教學法係好, 傳統學校既老師無理由一定唔可以去參考喎。

judy

無奈傳統教學就是咁。

呢啲邊関傳唔傳统事.

MASAYA

little_yolky 發表於 17-1-5 09:28
我朋友間學校老師就好好, 佢哋初小時中文看圖作文, 朋友仔作到離晒題, 但個內容又真係十分有趣, 老師不但無 ...

我女三年都遇到好好既中文老師，畀好多鼓勵，有次寫童心集，平時寫一頁，我女去完露營寫左四頁，老師寫返一頁去回應佢，我女好開心。d造句作文功課，老師除左畀分，仲會回覆感想，我唔知係咪個個同學都有回覆，因為個個回既話，workload好大，但我女一直都好鍾意中文堂

Nath

遇上好老師真係好重要！我小朋友幼稚園階段只愛英文，升小一開始時都對中文好抗拒；但中文科老師真係好好，經常比好多鼓勵佢地，上堂又成日玩d小比賽、遊戲等。批改造句只要結構啱就一定有分。所以依家佢會話我鐘意中文既程度同英文一樣咁多。好amazing

MASAYA

好老師好重要，我女有兩年遇到好既英文老師，而家英文都鍾意 (以前唔抗拒，但一定唔係鍾意)，係對數學冇興趣，係得小一數學老師比較好，小二老師聽聞好，不過同我女唔夾，小三直頭係唔好添

little_yolky

judy 發表於 17-1-5 10:31
大侄兒小五、六已能看原著三國，自小寫週記，文筆算流暢。小六遇着一個極品中文教師。他教學生造句不要長 ...

我阿大當年中文老師, 仲勁到作完文派範文(即model answer), 係要同學背咗去, 唔背要罰小息繼續背。

bobbob

little_yolky 發表於 17-1-5 11:59
我阿大當年中文老師, 仲勁到作完文派範文(即model answer), 係要同學背咗去, 唔背要罰小息繼續背。 ...

你作為專業嘅學者有無糾正佢？

b3410

MASAYA 發表於 17-1-5 10:43
我女三年都遇到好好既中文老師，畀好多鼓勵，有次寫童心集，平時寫一頁，我女去完露營寫左四頁，老師寫返一 ...

遇到好老師真係對小朋友影響好大。囡囡依家中文老師都係，作文有好詳細的comment，寫埋囡囡名，會提到作文內容同欣賞的地方，最後再以非常鼓勵性的話語提出需要改善的地方。我睇到都有小小感動。囡囡更加每一句都當做聖旨，座右銘來對待，作文用心咗好多，做人都積極咗。

MrBeast

Tintin926 發表於 17-1-4 22:05
重問：

我仔最差的就是中文

你有冇bedtime story? 我讀書給小朋友聽時，發現自己有時都會讀錯，原來腦子諗到同眼見到有時會不同，若意思不大差別，不須理會。
至於錯字，最簡單的方法是抄寫操練，但for 小朋友較易記的方法是作故事，eg 盜：個皿欠水所以要去盜

shadeslayer

IloveJJ 發表於 17-1-5 10:28
咁你呢種係國際學校style嚟喎!傳統學校一向係咁，我就無錢讀國際學校，唯有唔好咁著眼啲分數，其實細路睇 ...

點解本地學校唔可以放下扣分的方法, 用 achieve 幾多評分。唔好同我講資源問題。