SFA, APS, GH, CKY, 呢4間大家點排?

1998Ruby1998

如果你係排女兒性格適應於成績之上的話：

SFA>CKY>APS>GH

聽聞 SFA 校長同老師對「活潑」的小朋友比較容忍到。如果係傳統女校，老師對講野多，易興奮的學生忍耐能力會低d（個人經驗，讀女校，年年都畀老師投訴講野多＋坐唔定，雖然成績唔錯，亦都受谷）學校成績派位都幾理想，年年都會有幾個 SFA 的升到去我中學添，之後讀書成績一直都唔錯。  

GH 無可否應，論排名論師資，一定有保證，但係咁活潑的女仔，好容易做左最「曳」嗰個（老師對「曳」定義：活潑，多野講，容易興奮過頭），如果成績好的話就冇咩特別，成績唔夠好的話，老師一定投訴。

1998Ruby1998

回覆 fixedstar99 的帖子

我讀 St Mary's 小學同中學，仲要係大抽獎 15 分入，以前讀普通幼稚園，所以同學校「氣氛」唔係好夾。以前多年資高＋老 老師，對學生超級嚴格，我同你形容你個女一樣，坐唔定，又多野講，次次明明好少事（例如轉堂出位丟垃圾）都會畀人記過，我數學工作紙被人偷左，數學老師即日打電話投訴（我父母覺得我蠢，所以冇同我做咩 IQ test，淨係 check 過我冇 ADHD）。

不過依家多新老師，舊老師走左好多個，會相對容易「相處」，不過都係唔鍾意坐唔定的學生，至少依家仍然繼續做的老師同我講，話有依家幾個學生好似我咁「麻煩」（不過都係我最煩）。 不過我估計，如果英文成績好的話，英文老師通常都會鍾意你（我當年的幾個英文老師仲有係度教）。

1998Ruby1998

回覆 mimi222shi 的帖子

多野講有兩種，一種係阻人聽書撩人傾計，另一種係太過投入同積極，老師一問問題就答（我以前係傾向呢種）。頭一個，9 成老師都容忍唔到，不過如過課程夠 stimulation／個小朋友鍾意呢一科的話，應該唔會有撩人傾計呢個情況。後者唔係有一半老師接受到，睇下你好唔好彩。
我鍾意英文，好彩小學英文老師後生，又唔嫌我太投入活躍。反而中文同數學老師都係年長，好唔鍾意我咁積極，嫌我煩。

St. Mary's 以前冇特別提資優呢樣野，，不過會有精英小組（或者分組上堂會留意到分組按成績），成績好就會畀人當係精英咁培訓，參加好多活動，其他人咩都冇。不過可能以前對資優生呢個話題陌生，老師冇特別留意邊種同學係資優，反正活躍的學生會一定被安排坐第一個，學校活動時隔離一定坐個風紀／老師，好似看犯咁。依家好好多，我同學個阿妹因為成績好，兩年前老師都叫佢 Test （雖然結果出來唔係資優），鼓勵佢參加唔同培訓活動。
你小朋友好好彩，老師明白事理肯體諒容忍，幫助學習好大。

1998Ruby1998

回覆 fixedstar99 的帖子

唔會生存唔到（我活生生一個例子 ，我「曳」到咁，我同父母都可以由小一捱到中六）
只不過個小朋友會經歷一些沒必要的痛苦，條路會比其它小朋友崎嶇。

舉個例子，如果小朋友入國際學校，老師鍾意學生上堂有反應，積極參與，如果學生成績比同期好，個老師仲會可能幫你小朋友多點，例如畀佢參加比賽、活動等。

我中二個英文老師超好人，佢影響我好大，我有今日都要多謝佢。因為我班成績超級差（可以半班唔合格），但係我英文係全級頭 20，老師就用佢張證借d高中英文書畀我睇（圖書館有限制初中唔畀借高中 section），仲叫我參加比賽同活動，我比賽攞到獎添！佢係毫無保留咁教我英文，就算我有些字彙比佢認識更多，佢冇生氣，反而替我高興。話「青出於藍」係教學生涯的榮幸。

不過我中三個老師就超級討厭我，因為我程度超越左 Form 3，佢同我講「你可唔可以跟翻 我地班 Form 3 進度？作文用字唔好咁深，同埋做卷唔好咁明顯畀人睇到你一半時間已經做完份卷？」然後咩活動都唔畀我參加。我報名校際 Drama，明明我表現幾好，初次選拔，其他兩個老師都畀好高分我，結果因為我呢個英文老師唔鍾意我，同老師講話我需要呢d機會（我後來聽果兩個老師講）。然後我班英文普普通通果幾個入圍！

雖然果兩個老師已經冇教，也都好彩係得我 Form 3 咁慘，果年我英文最差，唔係因為我退步，係因為個老師！果種委屈到依家我仲感受深刻。

不過我都要多謝中三英文老師，教識我「唔係個個長輩都接受到青出於藍」。

千里馬常有，但伯樂不常有。

1998Ruby1998

回覆 fixedstar99 的帖子

你係咪形容緊我？ 我同你個女一模一樣。
小學同初中就唔係咁適合，教高中的老師忍耐能力高好多。我成日想，如果當初唔係讀 St Mary，讀其他學校，可能我唔會年年畀老師投訴（我由幼稚園開始畀人投訴，到後來中五中六先冇），Conduct 扣分等等。

我其實都唔係咁「壞」，但係年年都畀老師投訴，首先父母心情唔好，隨後女兒都可能會覺得自己屈屈不得志，有志難伸。

1998Ruby1998

回覆 retriever 的帖子

呢點我經歷左 12 年女校，初小成績未必反映到一切。
冇錯，我有個同學佢小學年年平均分 99.9，英文考試 99 分所以同一百分無緣，之後本來大學想讀醫生，奈何成績唔夠爭，變左報牙醫，考完 DSE，縮到去心理學。高中之後入左理科班，聽聞好似班成績排好後。

但係我有好多個小學同學，初小唔做功課，唔帶書，成日畀老師鬧，結果？初中突然開竅大爆發，由「地底泥」攀升到 100 內，做埋學生會成員（我地學校選舉制度同依家香港一樣，老師有最終權否定選舉結果），DSE 好過我同埋當年好多成績超級好的同學，入左中大神科，上埋樁。

初小反映唔到 d 咩，我初小成績都好好架，平均分 96 （不過班排 16/33），結果？中學成績同 DSE 都一塌糊塗咁囉

我地呢班 band 1 小學升原校都成日講，小時了了，大未必佳，好多以前成績好好，考頭幾名果d，依家有一大半名落孫山，被以前班「地底泥」反超前。

我就覺得同性別冇關，不過如果小學成績名列前茅的話，即係根基打得好好，到中學差極都有個譜。（除非成績係填鴨式補習得來）

1998Ruby1998

回覆 fixedstar99 的帖子

有細佬跟尾，CKY 負擔大，SFA 同 APS 都好啊！CKY 感覺就好似見到新出手機但係冇多餘錢的感覺