請教有關升中選擇 - 深水埗區男生 (請各位教路)

王家爸爸

Teresatam 發表於 16-11-7 17:39
各位好,

小兒就讀聖公會基福小學, 成績大概在全級32名, 雖然是下年才選校, 也想問問大家意見:

我估基福小學全級32名，長天、黃棣珊應該算係合理選擇。跨區進取啲（需要有啲野叻，例如運動、音樂）可以考慮九華、聖芳濟書院；如果唔係就保守啲考慮銘基、循道中學之類。

王家爸爸

同女仔唔同，男仔比較遲發力，所以自行階段唔好太保守。自行階段，我提議用以下策略：
1。自行一：揀間比較好既學校，例如自己覺得只有三成機會入（入到要還神既）；
2。自行二：揀間入咗（無得大抽獎）都唔會後悔既。

王家爸爸

Teresatam 發表於 16-11-10 11:23
王家爸爸, 以下係我嘅諗法:

自行一/統一甲部(一)及乙部(一): 長天 (尚有其他提議/選擇嗎?)

講真華仁未必容易過長天，所以其實應該想清楚，邊幾間係想入但係信心唔大既，邊幾間係入咗唔會後悔既。

王家爸爸

Teresatam 發表於 16-11-11 09:02
咁各位認為自行第一選擇係長天, 咁自行第二選擇我放咩比較好嘅學校而又會比較隱陣? ...

如果目標只係有英中讀，保守既可以乙二揀瑪神。

王家爸爸

Teresatam 發表於 16-11-11 14:42
王家爸爸, 但係瑪神會先收小學部學生, 那麼剩餘嘅位咪好少?
另, 如果以我阿囝嘅成績, 想入讀比較好英中,  ...

瑪神係大抽獎階段，應該收唔少自己小學既學生（70個左右），但係自行階段應該係比較公平既競爭，你可以星期六去佢哋既招生講座睇下先決定。

如果確定係B1尾（唔係邊緣人），我會自行一長天、自行二黃棣珊或者瑪神；同時報埋英華、SPC兩間直資。然後等埋自行面試之後既感覺，加埋直資既結果，再決定大抽獎點做。