村校女孩考小一

caramelpudding

原帖由 retriever 於 16-07-22 發表
本帖最後由 retriever 於 16-7-22 13:14 編輯

我同意，特別係你提到宗教的例子

人同人之間都有好多唔同的理念，
更多嘅人係講一套做一套，
如果話小學冇影響或影響甚微，
假如間學校大部同學係新移民/雙非，
或回教宗教背景、甚至乎有較多南亞裔或小數族裔的學生，
我相信好多家長反應肯定唔一樣

kaatt

原帖由 明天更好！ 於 16-07-22 發表
如果冇影響，就唔會間問直私幾千人考啦。

樓主情況是否主力叩門傳統名小津校？起碼經濟上唔會太辛苦。

其實唔好成日將自己經歷放係下一代到，大家都係獨立個體。時代唔同，以前行得通唔代表現在都得囉！樓主以前無心向學除了學校影响，有否想過是否父母不懂教而容易受朋輩影響？會否功課太難沒有人幫助而無心向學？讀書除了努力還要有少少天份，尤其傳統學校，如果平庸不如將錢放係興趣到，小朋友喜歡的事就會努力，一技之長都係好事。而且好多名校要一體一藝，樓主有否考慮這點？

今年我囡都要考小學，但每間都有帶囡囡去open day或簡介會，我會同小朋友商討起碼佢都喜歡先，都要考慮下小孩子性格能力學校教育是否合適囉！我會同囡囡傾過先報，就算大抽獎都傾好寫邊間，現在是小朋友讀書不是我。將心比己如果自己去一間不喜歡公司返工係好痛苦。

mimi222shi

5歲小朋友都識好多野
我小朋友在K1時已表達唔想讀齋校, 咁我唯有同佢講中學先
每收到一間學校OFFER, 都有同小朋友傾, 尤其是放左龍校, 佢知道自己目標係咩, 好快決定到.
我要求做事盡力就夠, 之後既野未必能完全控制到.
做家長俾學費, 最重要係覺得物有所值.

大貓媽媽

同意啊！

kaatt

原帖由 明天更好！ 於 16-07-22 發表
五歲小孩的意願，他們懂什麼是好學校嗎？

五歲已經識好多野，知發生咩野事，我K1已經去睇學校，覺得啱都問吓佢想唔想係到讀，不要睇少現在小朋友，尤其女仔成熟D，有時我囡會問間學校有咩好，要我分析比佢知。

另外一點係我考慮，我囡資質一般不是可以超前學習那類，有些名校教深一年或半年，不是每個小朋友都應付到。

kaatt

我囡上年成日問我想佢讀邊間小學，問完又問，小朋友多多少少都感受到大人緊張揾學校，其實我知佢有間喜歡津校但用另一方式試探我。我答覆佢係，邊間收就讀邊間無所謂，最重要係妳努力讀書咁個間就係一間最好學校。

B.B.BaBa

點解協恩有得考？

teambuilder

回覆 明天更好！ 的帖子

我唔會比小朋友揀，但會問佢對每間學校感覺如何，再根據我自己的決定去推銷學校，講多d學校既優點比佢聽，等佢放心開學！前年面試，我女最唔鍾意係音小，加上又有其他offer，我地最後有offer冇註冊。優才我地1st已入final，但我最後冇上堂和交功課，自動放棄。TSL 我地入到2nd round，不過in完係喊住出來，亦如我所料入唔到final。另外仲有三間offer，最後揀左間有加大圖書館和極多活動既龍校，又讀得幾開心喎，但身邊都唔多人選呢間學校，所以適唔適合係好重要。

BABA124

其實收音小offer letter 真係冇咩值得開心~

kaatt

原帖由 明天更好！ 於 16-07-23 發表
我的睇法是，大人要先收幫小朋友找到入場券，如有兩三間差不多的，才讓小朋友去選，如冇入場券，小朋友想去 ...

每個家庭信念想法能力都唔同，各取所需，我想法好簡單，我唔希望小朋友做功課温書到11先瞓，起碼小孩仲有時間睇書，太谷唔岩我，我頂唔順這種生活囉！當然有家長覺得無問題。另外太遠學校，我係唔介意搬，但爸爸返工遠，囡囡好喜歡同爸爸一齊，少咗親子時間，可能爸爸回來囡都要瞓，間學校係咪咁值得呢？有時好現實一年比幾萬間學校，都要睇下課程設施之類值唔值呢？去學校睇吓感受老師態度，學生表現，睇下學生功課作品係咪自己柸茶。所以最後我只考3間。

daddy2007

除非讀龍幼，否则考3間太少啦！

kaatt

原帖由 daddy2007 於 16-07-23 發表
除非讀龍幼，否则考3間太少啦！

所以話各取所需，每個家庭能力需要唔同。

lojo11

我揀小學比呀仔時無諗咁多，完全無話入邊間小學會影響佢一生咁嚴重！就算黎緊搵中學，都未諗到影響一生咁遠！一個人嘅一生，會受好多因素影響，無一個階段會完全影響，所以我都係睇下邊間適合呀仔為首要。

我考慮緊考唔考直資中學（依家津校），6年比學費同唔洗比係差好遠。讀直資經濟係無問題，只係想多個錢係自己袋，想點用都可以嘛！

teambuilder

回覆 lojo11 的帖子

直資學校既學費最終都會用番學生身上，其實物有所值。至於神級津校，就係物超所值了。