谷的學校是否一定好？

dereklg

Sask999 發表於 16-6-21 18:59
其實開這個post係想大家做家長的冷靜的思考一下，唔好以為谷就一定好。要睇下小朋友是否適合，不要因為讀書 ...

同意得很!
老實說，小女能成績出眾固然可喜，但我又絕不介意佢hea 讀，開心便好。
如果一個孩子讀書讀到冇晒靈魂，又有什麼意義 !

Charlotte_mom

識得個家長，大仔讀活動讀得如魚得水拎晒獎，但話考慮緊細女考唔考，我問佢點解。佢話就係見哥哥活動都ok，咪幫個妹轉左間無咁谷嘅幼稚園lor。點知妹妹話呢度無測驗默書佢唔肯定自己學左咩！

所以真係個個人唔同架！有d真係越谷越有成就感

Athena2013

原帖由 yuenkw 於 16-06-21 發表
本帖最後由 yuenkw 於 16-6-21 22:22 編輯

校名有J 得兩間，其中男女校的一間睇佢學校網頁, 個學校禮堂 ...

真係估佢吾到这間原來禁谷，可能冇中學关關

Sask999

原帖由 Charlotte_mom 於 16-06-21 發表
識得個家長，大仔讀活動讀得如魚得水拎晒獎，但話考慮緊細女考唔考，我問佢點解。佢話就係見哥哥活動都ok， ...

所以應該睇自己小朋友適合什麼類型的學校，而唔係一窩瘋去叩大家心中最勁/谷的學校。

lambeanmama

谷唔谷真係好睇小朋友的性格同資質。我和老公畢業於同一家小學，就是樓上有人話12網好多人跳船的男女津小。我讀精英班，當年日日起碼六七樣功課（堅抄寫及重複形數學練習）都係個半鐘（最多）搞掂，默書考試在我眼中是教淺考淺，從不覺得此校谷。老公讀非精英班，是校內運動健將，但讀書拉牛上樹，非常討厭母校，一定不會用舊生分數報自行咁話。所以，做家長真的要理解孩子的能力，keep 住學習心態興趣其實比讀所謂名校更重要。當然，有機會應當試試，但發現唔對路，便要識得放手和轉校。

SingMom

Athena2013 發表於 16-6-21 22:45
真係估佢吾到这間原來禁谷，可能冇中學关關

無聯繫中學係重點，呢個都係教育制度其中一個不公平地方

BABA124

真係好同意冇谷唔谷，係自己小朋友跟唔跟到，同樣的功課，有人半個鐘，有人5個鐘完成，好多根本自己小朋友跟唔到就話谷，愉快學習happy school 又係，啲小朋友鍾意玩咪揀玩嘅學校happy , 鍾意讀書測驗考試咪注重學術學校happy lor. 啲家長有時自己錯配咪話谷lor.

iamadc

原帖由 Bobo1210 於 16-06-21 發表
睇小朋友資質，好記性？學野快？數感好？鐘唔鐘意做功課？ 愛閱讀？ 串字快？有d小朋友 溫英文默書，溫半日 ...

如小朋友英默從來無理，但未試過錯，現在默句子？中默會在家寫一次，就唔肯再温，有時星期一温，到星期四才默，都係句子，最多錯一個字，通常係筆畫？數學日日話好淺，好喜愛數學，自己出數計，加減正負乘除少數都想學，錦係唔係"谷dable"? 這問題我都問了幾年。有幸現在幼稚園老師給我很好的意見。佢話學術係你最唔需要擔心佢，但佢要更多要思考的機會，只是背範本答案，追平均分和名次，對佢不是最好。希望我算選得對！

sell2japan

dereklg 發表於 16-6-21 16:09
我講果間係，全級/全校總動員咁樣谷，之後再挖10個8個精英出來再谷上谷，谷佢地去玩奧數果 d 野，好就好， ...

「天才與傻瓜都是用同一方法練成的」

karen55407

原帖由 dereklg 於 16-06-21 發表
係呀，受得果 d 咪好囉 !

我經驗係數學強的學生，是不用谷的

Charlotte_mom

原帖由 lambeanmama 於 16-06-22 發表
谷唔谷真係好睇小朋友的性格同資質。我和老公畢業於同一家小學，就是樓上有人話12網好多人跳船的男女津小。 ...

谷唔係罪，最緊要父母已準備好，小朋友又配合。
我朋友咪用舊生分入左呢間，佢仔讀開心幼稚園都日日鬧，一人一花，親子燈籠都要鬧學校攪親佢，年頭話轉校講到年尾。我睇怕未來十年FB都會繼續見到佢鬧。

lambeanmama

Charlotte_mom 發表於 16-6-22 08:41
谷唔係罪，最緊要父母已準備好，小朋友又配合。
我朋友咪用舊生分入左呢間，佢仔讀開心幼稚園都日日鬧，一 ...

同意谷真係唔係罪。食得咸魚就要抵得渴。老實講，今時今日我手執廿分，無理由自行唔報呢間12網唔少人心水的津小。我不住12網，但100或110 起碼保留一個叩門的機會。說到底，我爸爸三兄弟，我自己兩姐弟，仲有老公三姐弟都係舊生，去到叩門階段，封信應該可以「多少少野寫」、希望多個機會啦。

BBKDWLAM

原帖由 HK-MAN 於 16-06-21 發表
最緊要係小朋友讀唔掂時父母懂得盡快抽離,無謂免強.有啲家長因為名校,點都要仔女完成...最終小朋友對讀書失 ...

好認同。關鍵係培養同維持學習興趣，書要讀好多年，亦有啲名人係大器晚成。有啲資優生可能喜歡谷，但更多學生可能適合跟正常進度學習。父母應多和子女溝通。

mcl203

SingMom 發表於 16-6-22 06:13
無聯繫中學係重點，呢個都係教育制度其中一個不公平地方

係12網...無联繫中學唔係重點....大量正中學學位
重點反而係...強直联小學太多....學校要上位攞成績先係重點

hkpapa852

Athena2013 發表於 16-6-21 22:45
真係估佢吾到这間原來禁谷，可能冇中學关關

有去過佢簡介會既, 就知呢間一定唔係輕鬆既學校

optman88

如果係男女校果間。 谷咩？

蝦米豬

原帖由 darling333 於 16-06-21 發表
SF**嗎？tks

通常谷的小學，不論津小或私小，是沒有聯繫或直屬中學，要靠升中成績來表現學校或校長功績的，所以沒有話谷是好學校之說

964000

lambeanmama 發表於 16-6-22 05:56
谷唔谷真係好睇小朋友的性格同資質。我和老公畢業於同一家小學，就是樓上有人話12網好多人跳船的男女津小。 ...

你地青梅竹馬？

lambeanmama

964000 發表於 16-10-2 22:52
你地青梅竹馬？

老公高我一班，但時常在教員室踫面，我是級長，他則日日排隊打手板。然後升中又遇番，讀同一中學。所以都算係青梅竹馬。(emoji)(emoji)