什麼小學會適合語言能力較強的小朋友呢？

小曳人

boboalmighy 發表於 16-6-19 17:26
多謝你的解答！似乎真係唔好旨意local 學校有咩支援。

唔望，可能有意外收獲  (我响SFA嗰年，的確喜出望外！)
望，就實會失望！

一般學校普遍支援會差d，個亦有d學校比較積極利用校外課程去幫學生

小曳人

boboalmighy 發表於 16-6-22 11:00
如果有一個小朋友， 小一時語文能力已達中一程度。 學校會點處理？ 當佢一般學生？ 一點支援也沒有？ 還是 ...

我唔知大部份學校點處理，但知道有位女孩，曾就讀於某傳統女校，老師見到佢英文用字同語法並非學校所教授嘅，一律當錯！捱過6年小學，中學嘅老師更過份，處處針對，最後... 跳班去咗讀高中IB課程！
我响阿仔讀嘅津小新生家長日時，校長show過一張圖
有3個不同高度嘅小朋友，响足波場圍欄外睇球賽，有3個木箱，到底~應該每人企响一個木箱 (最矮嗰個依然唔夠高，睇唔到)，定係，最高嗰個唔企都睇到~俾矮d嗰兩個企箱呢？

呢個係資源分配嘅問題，津校唔當資優係SEN，又或者應該咁講，EDB俾SEN嘅錢，唔包資優！所以資源係唔會落响資優兒身上，除非你有其他學習問題！

講返資優兒，初小唔好望有咩俾到你，最多係比賽機會，上台機會，到高小，edb同資優教育學院都有遙距課程或課堂可以俾資優兒，但要學校提名，即係要睇學校政策，有d學校只提名積優學生，有d會只限小五或小六學生，小四無份！部份學校會較積極引進校外課程，有d唔會理...

總之，自求多福，如果孩子讀傳統學校，希望小朋友响學校跟老師要求交功課/做卷，唔好太出位！

朋友圈有個小女孩，今年小三，我見佢讀嘅直資小學好欣賞佢嘅語文天份，亦有發掘/培養佢其他才能，如果想俾孩子多d空間成長，可考慮一d二線嘅直資小學！

小曳人

IloveJJ 發表於 16-8-30 00:08
其實語文能力高，點解要支援呢？語文能力高，即係睇得明好深既書，識寫一篇好文章嗎？還是有其他?咁照讀原 ...

如果孩子某方面能力高，佢有機會响嗰科課堂上出現行為問題另，好多時家長講嘅支援，仲有增潤課程
又或者，有無老師會俾機會佢發揮長處？

小曳人

IloveJJ 發表於 16-8-30 11:05
我聽過呢樣野，但語文同數學唔同，就算超前，睇返淺既書都無問題架?

我只係話有機會
而我早前已講咗一個語文資優响學校遇到問題嘅例子

個個孩子都唔同，無話一定有問題 or 一定無問題

小曳人

IloveJJ 發表於 16-8-30 15:08
唔好意思，無意冒犯，只係見樓主一再強調津校如何欠缺資源，彷彿浪費了他孩子的天賦般，就好奇想知。我孩子 ...

我自己當初選校，都會諗：呢間學校可以俾到d乜我嘅小朋友？！作為家長，人力有時窮，唔知道外面會唔會得到一d支援，唔好浪費咗孩子天份

久而久之，發現大部份嘅學校都唔多重視幫助培養孩子嘅長處

我唔會話係好事定壞事，唯有接受現實，我地嘅教育係倒模式嘅
但天份唔用，係會無咗嘅，有時會心痛：點解我地嘅教育制度係咁
我最想要嘅支援，係老師們會重視孩子們嘅不同，唔會硬要佢地"一樣"！

孩子們個個唔同，可能你比較幸運，遇到好老師，無呢個問題

小曳人

話時話，以我所知，直私嘅資源唔一定好過官津，d錢點用，好睇校長方針

小曳人

IloveJJ 發表於 16-8-30 18:16
咁你可以在家因材施教囉！只要佢返學無行為問題就可以啦！我睇一啲天才、傳記、育兒書籍，都無一個天才係靠 ...

呢排IAL放榜，培僑出咗個中五考到3A*，入牛律，然後好幾份報章有佢嘅訪問但另外其他學校中五有4A*嘅，就唔多覺有報導 (其中一個爸爸呢排出書，有爸爸嘅訪問，輕輕帶過阿仔入劍橋)

我無問當事人，但個人覺得係學校搞嘅PR嘢，就係想話俾人知，佢地會"因才施教"


至於作為父母，對現時社會支援及期望，人人唔同，可喜嘅係你好着地，我就... 希望用行動爭取多一d，我要俾阿仔知道：如果合理，就算得到嘅機會好微，我地都要嘗試去提出/爭取！

上面提到嗰位女孩，向學校提出入HKAGE，傳統小學原來從來都無呢樣嘢，經佢多番爭取，依家佢嘅師妹有機會被提名入HKAGE喇！

其實資優兒天生EQ比較差，佢唔明點解其他人諗唔到 / 唔同佢，好多時無乜同理心，部份仲有完美主義傾向，呢一大堆嘢會影響佢地嘅社交，支援資優生嘅必修科，其實係情意教育，以及家長支援，呢d比學術上嘅支援重要！

小曳人

IloveJJ 發表於 16-8-31 09:54
回覆 小曳人 的帖子

咁我覺得你自己搵到，要求學校俾你參加，又ok喎!因為你係靠自己去主動搵，呢個係你努 ...

不幸嘅，係有學校連呢d都唔願意幫手，家長就唯有轉校
所以，選校時，最低限度要了解學校對資優嘅政策，如果係保守的話，唔好揀！

小曳人

我曾經都聽過一間直資會有類似安排
呢d case唔多，好少學校會咁做，反而轉校跳班嘅例子會多d

小曳人

我知道個case係優才，中一之後跳中四 (兩級)，學校提供1:1 補習，幫佢應付較弱嘅語文，個男仔讀完中五就攞船入咗中大

我當初聽到YW可以安排個別科目跳班，都覺得好吸引，可惜阿仔無緣入讀

小曳人

setom 發表於 16-9-1 22:47
是黃日吧? 佢哋旭日兩兄弟都好勁, 萬中無一啊..

佢地每一個都係獨特嘅，就算IQ比佢地高，大家付出嘅唔同，遇到唔同嘅老師，結果都會唔同！

小曳人

964000 發表於 17-1-3 19:38
兩個數理資優，中學讀優才，分別14同16歲跳級入了中大，讀物理及工程。
...

最近收到風，細佬轉咗去另一間本地大學！亦轉埋科~

小曳人

964000 發表於 17-3-23 21:52
轉甚麼？醫科？

唔係，佢唔似知自己想讀咩！好似話做研究

小曳人

yyycheng 發表於 18-3-24 07:22
請問你朋友女兒讀邊間？

紅磚屋

小曳人

yyycheng 發表於 18-3-25 08:22
之後再轉去邊開心返？

真道