考試到了，你地最驚邊一科?

little_yolky

原帖由 MASAYA 於 16-06-05 發表
其他方面抦到七彩？

係囉，佢係讀書自覺D咋，其他方面好惡頂：叫十次都唔去沖涼刷牙、記得攞東又唔記得攞西、唔見嘢永遠搵唔到要搵爸爸、問親乜第一件事永遠講咗I don't know先。


讀書以外既嘢，阿妹就可靠好多。阿妹最大既缺點係臭脾氣。

babywoman

回覆 little_yolky 的帖子

唔知累唔累事。但我仔三年班跟咗呢個中文老師，中文提升咗好多。中文功課小三上學期經常 拎丙，到下學期近結束，佢終於拎咗個“甲”，在我面前歡呼（佢小一二時經常拎），其實我仔又真係甩漏，一個字改正兩次都可以再錯。

全班同學都怕呢位老師。我仔上中文堂會特別留心，怕出錯被鬧。對於我來講，我是喜嚴師的。但過嚴，就怕有反效果。

little_yolky

原帖由 babywoman 於 16-06-05 發表
回覆 little_yolky 的帖子

唔知累唔累事。但我仔三年班跟咗呢個中文老師，中文提升咗好多。中文功課小三上 ...

小孩子都係先中意老師，才會中意果科或學校的，我小學啲老師都係超級嚴，但有D老師我哋知道佢係為我哋好，有D就惡得太過分了。嚴都唔一定要惡的。

S-Kwok

原帖由 IloveJJ 於 16-06-05 發表
終於溫完最艱難既兩科:中作同數學。中作唔難溫，因為根本無乜可以溫。但科數學呢！上學期或下學期 ...

知識要多温先牢固嘛！

Jane1983

我女派番卷，我望吓錯的題目，同類型的，從來沒有錯過。問她，她說睇錯 ，不是有check卷嗎？點解睇吾到? 抓晒頭。

好彩係普通一次考試，如果係考狀元，十年窗下佢咁樣screw up，真係眼淚在心裏流。

wan_sosin

IloveJJ 發表於 16-6-5 22:40
終於溫完最艱難既兩科:中作同數學。中作唔難溫，因為根本無乜可以溫。但科數學呢！上學期或下學期 ...

初小數學,同生活算有關連!我個仔學長度,攞把尺左度右度,樣樣都度下,重量,我比個整蛋糕磅仔佢,佢又乜都放上去磅下,時間就叫佢計下平時生活唔同事情用幾多時間!總之盡量應用在生活上!相信小朋友會較易掌握.

S-Kwok

原帖由 IloveJJ 於 16-06-06 發表
係呀！你講嗰啲，之前我同佢做晒啦！响屋敏又度又磅，去超市又搵唔同物品嚟睇重量。不過，係教嗰個題目既時 ...

識磅識度係代表識睇, 識做題目又一回事。因為題目會要求運算嘛！
平時磅完度完，有要求佢做換算嗎？有冇順手計埋加減?  平時教完嗰個星期有做温習，但之後忘記了，應該係未牢固，變為自己嘅知識。好似我早已將啲phy、chem、bio還比老師一樣，讀完，嗰吓識咗，冇再經常讀/用，會忘記一樣。除非嗰樣課題我特別有興趣，教完我會到依家都記得，否則，早已灰飛煙滅

wan_sosin

原帖由 IloveJJ 於 16-06-06 發表
係呀！你講嗰啲，之前我同佢做晒啦！响屋敏又度又磅，去超市又搵唔同物品嚟睇重量。不過，係教嗰個題目既時 ...

明白！咁真係有D難度！呢樣可能要等你小朋友慢慢長大，個腦嘅資料處理同記憶成熟D之後，會改善，可能佢真係比一般小朋友困難一些。
我細個都係，不過我唔係數學，數學反而我幾好，我文字方面好弱，跟現今講法可以叫讀寫障礙，我係好難記得到個字點寫點串，好辛苦記得，但轉眼就忘記，好似辛苦完一日賺得嘅錢，轉頭跌咗係街咁痛苦！只可繼續每日工作，等一日唔會再跌咗D錢！
所以，你小朋友就算學完嗰一科，都可能要keep住度來度去，磅來磅去，去繼續保持記憶，一定記到的，只係需要更長時間。我到而家，都有時要刻意望清楚下D字嘅寫法，尤其比較少用嘅字，係某處見到就即刻自己記下寫下，等自己唔好跌下少D跌下少D!
我處理到數字，但處理唔到文字！有人相反唔出奇！

wan_sosin

原帖由 IloveJJ 於 16-06-06 發表
我哋平時逢星期日溫習，會叫佢做返該星期教既題目同類既練習。咁攪法，嚟緊要每日做，不斷重覆，先唔會忘記 ...

我同你相近，我都係唔溫數學都唔太差，剛升小時，我都以為科數學唔多洗溫，但原來唔係，一來而家數學題目唔係直文直路出，二來我個仔數學邏輯普普通通，都要重溫下，先消化到所學嘅嘢！

lukeskywalker

原帖由 IloveJJ 於 16-06-05 發表
終於溫完最艱難既兩科:中作同數學。中作唔難溫，因為根本無乜可以溫。但科數學呢！上學期或下學期 ...

我囡都係今日考中文作文同數學，兩科都係我囡比較弱既科目。
希望阿囡生性，聽我講做完要check卷喇！佢有次數學小測竟然有一頁漏做，好彩阿sir 比機會佢做番昨

lukeskywalker

原帖由 IloveJJ 於 16-06-05 發表
終於溫完最艱難既兩科:中作同數學。中作唔難溫，因為根本無乜可以溫。但科數學呢！上學期或下學期 ...

數學下學期冊A既topic, 以為好淺唔駛溫，點知反而要用好多時間溫番

wan_sosin

原帖由 IloveJJ 於 16-06-06 發表
係呀！你講得啱，佢就係咁，佢文字反而可以記好耐，例如英文默書嗰啲，平時默完，到考試都仲記得8899。我都 ...

我個仔都係文字記憶好好！數學佢係要多D時間消化下，但又唔會學咗都無晒，都有返8成記得！
你小朋友如果真係本身數弱，咁都無乜捷徑！只可用努力補救！我都唔鍾意公民嗰種學習方法，但真係有小朋友work, 呢D都係交返父母自己決定學唔學

S-Kwok

原帖由 IloveJJ 於 16-06-06 發表
梗係有做啦！咁佢小二，或小三上學期有考架嘛！唔識計點得?弊在佢就係學你話齋，考完就俾返晒老師，但數學 ...

咁可能佢要理解完keep住做一排先得