普教中真如洪虎猛獸？

妹妹頭

回覆 jesswu 的帖子

我都分享下我個女既情況, 小女小四, 小學都係一間普教中既小學, 小一開始中文科已經係全普通話上課, 真的一句廣東話也沒有, 起初一個月, 佢真的聽不明, 更加說不到, 但由第二個月開始已慢慢掌握到, 到小一上學期完結, 已可以完全聽得明, 說簡單說話也可以, 現在小四, 中文老師更是一位由北京土生土長的老師, 她聽不明廣東話, 所以小朋友跟她說話也一定要用普通話, 我本來以為一定有問題, 但相反原來反令小朋友普通話更好.... 至於普通話有咩好處, 我有比較過小女中作同其他冇普教中既小學小朋友, 小女係冇咁容易犯錯(e.g. 沒有在文章中出現"口語化"及一些俗語), 所以我係比較喜歡普教中

shadeslayer

原帖由 5kin 於 16-05-30 發表
如果你認同屋企請個外佣，可以教到小朋友好嘅英文，我都無話可說啦。

有趣,  只有北京口音才可叫做普通話好? 在英国只有講 Queen's English 才叫英文好?

南方家庭孩子有南方口音, 注定普通話不好?

HKTHK

回覆 Olympian 的帖子

絕對贊成, 我係寫俾上面另一位對大陸家長有偏見嘅人睇嘅!

ANChan59

我睇咗咁多年討論普教中及普通話的帖，我又講講自己的看法！


1。十多年前，教育局及部份學校普教中所 claimed 的中文能力提升，現在無法證明比粵教中有效。一如既往，當年我沒有選擇教育局的概念股。

2。當普通話是另一種外語，是沒有問題，有資源有語境，可以再提升。我會安排在外靣單對單學，師資反而最重要。老師都講學識拼音就事半功倍，她亦建議要在十歲前開始學。但以普通話學中文，老師反而笑我們香港家長，學中文用粵語可能是最好選擇，特別在詩詞方面，她是在國內主修中國文學。

3。不少家長，包括我在內可能工作上跟國內有聯繫，深明普通話的重要性，功利是沒有問題，但小朋友是否這樣想？我接觸到的大學生，如果別無選擇，唯有北上，如果有選擇，還是希望留在這裡或海外工作。

4。優才專才計劃行了十多年，我見到這批人材，在語文能力除了粵語還有改善空間，其他不比香港人低。専業方面更無話可說，去大學走走，或者上網看着教授們的姓名，就知道數量之多！哈哈，他們部分郷音亦好重！

5。我亦經常看到及聽到13億人的市場，我們的孩子就算精通普通話，在中國市場就事事如意？我反而覺得 guangxi 就更重要，一是到國內名牌大學修讀，或者在英美名牌大學修讀，可能效果更大(講笑)！如果這個市場咁易玩，個個都發咗，香港玩完啦。

我一直支持兩文三語，我選擇粵教中，普通話是第三語言。

你可以有你的選擇，我不會反對，但要自己真正明白深層的原因，就可以！

MASAYA

ANChan59 發表於 16-5-30 09:20
我睇咗咁多年討論普教中及普通話的帖，我又講講自己的看法！

只想講廣東話、英文、普通話係三文三語，將似是而非併做同一文係政府銷售手法，國語又係另一文一語

ANChan59

MASAYA 發表於 16-5-30 09:38
只想講廣東話、英文、普通話係三文三語，將似是而非併做同一文係政府銷售手法，國語又係另一文一語 ...

三文三語是過度期......... 最終還是兩文三語。

5kin

係囉，我小朋友讀普通平民讀嘅三線津小，
真係唔覺同校有幾多係內地來港嘅優才（可能人哋大隱隱於市掛），
亦唔覺平時講普通話勁流利d同學中文科真係拋離其他local好多囉，
恕我孤陋寡聞，可能真係得我哋學校係咁囉

5kin

就算真係有同校家長宣稱自己係內地來港優才，
如果佢唔打算融入本地文化要要其他人就佢，
我諗好多人會寧願同佢保持距離。







咁有人鐘意專登埋堆或者本身就係同一堆，我埋唔到人哋啦，
不過我見好多本地家長會免得過就免囉

hkpapa852

ANChan59 發表於 16-5-30 09:20
我睇咗咁多年討論普教中及普通話的帖，我又講講自己的看法！

國內優才我都見唔少, 但對於第4點我不完全同意:

4。優才專才計劃行了十多年，我見到這批人材，在語文能力除了粵語還有改善空間，其他不比香港人低。

不少30+既國內優才, 佢地既英語能力, 仍不如我們這一輩做家長的香港土生土長既人咁好

ANChan59

原帖由 hkpapa852 於 16-05-30 發表
國內優才我都見唔少, 但對於第4點我不完全同意:

4。優才專才計劃行了十多年，我見到這批人材，在語文能力 ...

No problem, you have your own cluster.

ppmmbb

hkpapa852 發表於 16-5-30 10:32
國內優才我都見唔少, 但對於第4點我不完全同意:

4。優才專才計劃行了十多年，我見到這批人材，在語文能力 ...

英文好果班，香港唔係佢哋首選！

little_yolky

Olympian 發表於 16-5-30 08:50
咁樓上都話來得香港有兩批。可能我見得多基層。同埋我識有一些國內家長，佢地本身唔係講普通話架。有些嫁左 ...

講到國內嚟既連小一英文都教唔到呢樣, 令我勾起一段回憶.....話說阿女芭蕾舞班有個女仔, 爸媽都係大陸人, 唔知落咗嚟幾耐, 佢阿媽廣東話已經好流利了(當然有口音)。有一日等放學, 見佢阿媽揸住本書係咁睇, 原來係英文文法書, 佢溫返自己細個時本文法書, 原來係想教小朋友英文功課, 佢話太耐無讀唔記得晒了。唔理佢既教學成果係點, 但係佢為咗小朋友再次讀書既心, 真係讓我好佩服, 唔理邊度嚟既阿媽, 為咗自己小朋友都係一樣咁努力既。

HKTHK

回覆 ANChan59 的帖子

走出來講兩句主要係因為上面有啲對大陸家長嘅偏見。講番普教中我的看法如下:
1) 學普通話今時今日係大勢所需。要學到幾好要自己選擇, 不過如果大個咗想係香港生活同做嘢, 必定要有普通話基本溝通能力, 而這一方面當外語學係可以做得到。所以用普通話學中文並唔係一個must。不過呢個係而家嘅情況, 可以想像嘅係這個基本溝通能力嘅minimum requirement會隨住時間提升

2) 既然唔係一個必須, 我覺得條條大路通羅馬, 普教中或者廣教中都係可行的方法。不過無論選邊一樣, 基本條件都係要有良好嘅師資同埋語境。睇返香港而家嘅環境, 除咗個別情況嘅學校, 我唔覺得有足夠嘅條件將普教中普及化。自己普通話都係有限公司嘅老師去教中文加上除咗上堂係完全唔會用嘅話就好似我哋以前學英文一樣。

3) 我哋選擇普教中係因為想有普通話, 廣東話同埋英文嘅first language能力。唔用功利嘅眼光去睇, 語言提供嘅係flexibility。至於搵工或者要target十三億人嘅市場, 就算有network或者guangxi都未必得, 始終唔係自己友, 中國同所有其他國家一樣做嘢有自己嘅一套文化, 這些機會不屬於我們的。

HKTHK

回覆 hkpapa852 的帖子

係唔係海歸先?

little_yolky

HKTHK 發表於 16-5-30 11:00
回覆 ANChan59 的帖子

走出來講兩句主要係因為上面有啲對大陸家長嘅偏見。講番普教中我的看法如下:

所以, 想學好普通話, 最好就係老老實實請個標準既普通話人教一科叫普通話的, 唔係普教中, 依家D老師培訓完就話普教中, 可能水平同我咁上下而已。

依家學校有註校NET, 小朋友D英文真係講得好過我哋以前細個果陣。

200904

回覆 Olympian 的帖子

其實一般國内大城市來的，40歲左右的家長，普通話都是標準的，因爲從小先從拼音學起。不過，中國那麽大，有地方比較師資條件比較落後，那麽就有可能夾雜有鄉音咯。

其實，我覺得小朋友適應能力強，聽下聽下就會，不用太擔心。

ANChan59

原帖由 HKTHK 於 16-05-30 發表
回覆 ANChan59 的帖子

走出來講兩句主要係因為上面有啲對大陸家長嘅偏見。講番普教中我的看法如下:

我當然明白。


我跟你一樣是分享，而非黑即白的爭論，你一些觀點我都認同！

HKTHK

回覆 ANChan59 的帖子

其實我哋嘅結論幾接近!

hkpapa852

HKTHK 發表於 16-5-30 11:05
回覆 hkpapa852 的帖子

係唔係海歸先?

咁我識果D都唔係海歸..... 海歸應該都唔會做優才過嚟香港, 除非佢地好急於要本Passport跳出去

好認同你#53最後果句:

至於搵工或者要target十三億人嘅市場, 就算有network或者guangxi都未必得, 始終唔係自己友, 中國同所有其他國家一樣做嘢有自己嘅一套文化, 這些機會不屬於我們的。

英文同國語點叻, 對佢地嚟講, 我地都只係外人, 非我族類, 待遇一定有差別; 唔好咁天真以為自己小朋友學到好"native"/地道, 就可以同人地平起平坐.

ANChan59

原帖由 HKTHK 於 16-05-30 發表
本帖最後由 HKTHK 於 16-5-30 11:17 編輯

回覆 ANChan59 的帖子

We are in similar clusters and ranks.