2016-2017 小六呈分試分享區

Honey

嘩！原來大家準備十足，我暑假冇叫大仔做/預備小六啲咩，佢做好學校啲暑期功課已好好。

亦冇補習，佢仲同我慳錢唔去功課班（小五開始去），不過因細仔小一同佢放學一齊返到屋企，比一個月試用期比佢。

佢學校老師叫佢哋準備好中英文自我介紹。

當然我不時提佢11月1日已呈2，上堂要更留心。

欣媽媽

原帖由 Honey 於 16-09-12 發表
嘩！原來大家準備十足，我暑假冇叫大仔做/預備小六啲咩，佢做好學校啲暑期功課已好好。

亦冇補習，佢仲同 ...

睇到我都緊張呀 ！
亞女11月呈二 ， 上年第一次衰左 大倒退 ，今年開始番功課班 ， 暑假亦有番左三週既預備班 。
到3月尾又呈三啦 ，聽人講第三既呈分成績係唔重要？ 到低點解 ？係咪真係唔使甘博？

小時了了

回覆 小時了了 的帖子

重溫 EK 網友常識滿分溫書方法, 大家加油備戰呈分試啊: http://www.edu-kingdom.com/forum.php?mod=viewthread&tid=3041076&extra=page%3D6&page=17

常識係考短期記憶。如果課文背熟，應不難取高分。

我地學校係用 今日常識 ，派新書首先將作業scan落電腦，知道考試範圍就開始溫書，背總結同小結，連插圖既文字都要記，溫完就印作業來做，一次做既範圍最少3~4課，不能一課一課做，因為好容易記到答案又好快忘記，量大比較難只記答案，之後睇下做完錯得多唔多，錯既要改正同重點溫錯處，過一段時間再重做錯過既範圍。考試前幾日，全部範圍既作業都一次過做，完全正確基本上80幾冇難度，我地習慣晚飯時間睇新聞，可以討論一下時事，養成習慣。

工作紙，小測要溫，可以的話再做一次，考試前老師講既野要記好，好多時會考，作業既簡答，要背，考試通常改成長答題，以上只係針對自己學校既溫習經驗，每間學校各有不同。

或者分享一下我仔呢兩次呈分温常識經驗。

平日毎教一課，就會叫佢讀下背下，又寫下啲生字，因為都好多生字下，如果考之前先寫，就唔夠時間寫啱或記牢。常識我仔多數扣錯字分。如是者，教第二課新既都要讀返前面果幾課。咁到測考果時就温得順利啲。

呢兩次呈分，佢科常識有九十幾分，我收貨架嘞!

小時了了

回覆 小時了了 的帖子

Refert to http://www.edu-kingdom.com/forum.php?mod=viewthread&tid=3041076&extra=page%3D6&page=32

舊年阿女小五上學期考試, 我學埋 little_yolky 啲好野自製 Mock Exam 題目俾阿女溫常識去考試, 阿女當時竟然史無前例常識科考獲全級第二名, 令我及阿女都 O 晒嘴, 我及阿女真係無諗過佢有能力可以考得咁好!

後來小五下學期呈一時學校顛咗咁狂趕書, 中文,數學及常識科趕書趕到我情緒失控, 所以呈一我都無時間及精神再自製 Mock Exam 了.

比較小四及小五開學時, 當時阿女晚晚做到10點幾只係做功課+溫英文默書, 當時阿女做功課做到好有挫敗感, 溫英文默書溫極都唔識好難記及寸的英文生字.

依家小六剛開學, 正如前文我提及, 阿女中文課文, 數學及英文生字全部係暑假已"備課"(即是預教預學先), 佢呢個星期每晚做功課比小四及小五真係好好多, 英文默書又好快手呢兩日已溫識喇! 依家每晚8點至9點有足足一個鐘頭溫書備戰呈分試, 差唔多兩年無試過咁了, 好感恩, "好嘅開始就係成功一半, 希望阿女呢個狀態能一直保持到10月尾

既然阿女有個好開始, 我依家公司係無咁忙, 我尋日亦開始再自製常識 Mock Exam 題目俾阿女去備戰啊! 我唔係要阿女考常識科考全級第二名, 我只想呈二考好成績吧!

"阿女西" "媽咪西"

little_yolky

IloveJJ 發表於 16-9-15 13:07
嘩!我個仔真係無試過咁讀法! 唔會好辛苦嗎？

IloveJJ你仔仔升咗上小四之後有無發顛?

唔知點解, 大女開咗學之後, 日日發脾氣, 唔開心, 夜晚瞓唔好, 又話D數學好深, 又話多功課做, 諗到個腦好攰, 但睇佢D功課係識做的, 佢話見到個書包都唔想返學, 日日响屋企喊。

洋蔥頭媽咪

原帖由 欣媽媽 於 16-09-15 發表
睇到我都緊張呀 ！
亞女11月呈二 ， 上年第一次衰左 大倒退 ，今年開始番功課班 ， 暑假亦有番左三週既預備 ...

三次呈分都重要，全部試都要盡全力去考。
只不過自行選校時一般只睇倒頭兩次呈分成绩，甚至有部份學生已被直資取錄，所以令人以為只是頭兩次較重要，但大抽獎其實要計晒三次成绩，除非呈一/呈二後成绩理想，呈三成绩只要不太差影响就不大，但若呈二後屬邊缘人，呈三影响就極大，呈三成绩分分鐘影响升 band 或跌 band。

MrBeast

little_yolky 發表於 16-9-15 13:22
IloveJJ你仔仔升咗上小四之後有無發顛?

唔知點解, 大女開咗學之後, 日日發脾氣, 唔開心, 夜晚瞓唔好, 又話 ...

小朋友開始有自己主見，以退為進，試下每天比少少私人時間和空間，當然大前提是要完成每日的功課，若深了時間長了，相信佢地會appreciate some help

@@

爬晒全文見大家準備充足攪到我突然緊張。

我仲未開始為11月呈二準備，開學後生活如常，平日夜晚見佢得閒就做吓本Round up 執好d grammar 同tense.

數學由summer 開始補習，開學後keep 住1星期1堂。阿女數學差，keep 到有85分就好囉

常識... 自覺阿女資質麻麻但勝在（暫時）肯努力。所以收到考試範圍黎就會叫佢慢慢背定d 問題答。時事常識果6分我預咗0分。咁樣自我感覺良好d (emoji)

little_yolky

IloveJJ 發表於 16-9-15 16:36
如果佢話數學深，你星期日就同佢跟下，指導下，預習定，等佢易啲跟啦！



  ...

但係佢功課又識做喎, 不過佢話好煩, 要計餐死至有答案, 跟住就發爛渣。依家教緊HCF同LCM, 因為佢乘數背得慢, 所以咪辛苦D囉。

little_yolky

MrBeast 發表於 16-9-17 08:02
小朋友開始有自己主見，以退為進，試下每天比少少私人時間和空間，當然大前提是要完成每日的功課，若深了時 ...

我都諗住幫佢默下書。中文範圍真係好多, 要溫兩頁課文, 背默一段白話文, 成語兩個單元, 兩課詞語, 同埋創意默寫。

真該煨, 小一唔駛跟默書, 小四反而要跟返。

judy

我地學校係用 今日常識 ，派新書首先將作業scan落電腦，知道考試範圍就開始溫書，背總結同小結，連插圖既文字都要記，溫完就印作業來做，一次做既範圍最少3~4課，不能一課一課做，因為好容易記到答案又好快忘記，量大比較難只記答案，之後睇下做完錯得多唔多，錯既要改正同重點溫錯處，過一段時間再重做錯過既範圍。考試前幾日，全部範圍既作業都一次過做，完全正確基本上80幾冇難度，我地習慣晚飯時間睇新聞，可以討論一下時事，養成習慣。

咁讀法蛇都死。

唔可以用自已文字寫下麽？照計明咗就得，小學常識有幾多讀？

MrBeast

little_yolky 發表於 16-9-19 08:49
我都諗住幫佢默下書。中文範圍真係好多, 要溫兩頁課文, 背默一段白話文, 成語兩個單元, 兩課詞語, 同埋創意 ...

其實暑假後要少少幫忙to get back into the rythm也合理，最重要是佢想／明白需要你幫

TwinWong

suzuki12 發表於 16-9-12 14:35
再推上去，高中時到中六開學無幾耐已經教完曬dse課程，之後就操20年嘅試卷，精英班果d學生，如果咁都跟得到 ...

中五机符教晒中六, 準備升中六嘅暑假开始温書同操卷

little_yolky

MrBeast 發表於 16-9-19 12:34
其實暑假後要少少幫忙to get back into the rythm也合理，最重要是佢想／明白需要你幫 ...

佢由細到大時時刻刻都想我幫佢架, 我無理佢咋。


不過細時仲聽話, 今年大咗, 識得反叛, 近排成日話：媽咪你唔好幫妹妹睇功課啦, 由得佢錯老師至知佢唔識丫嘛；媽咪你俾妹妹自己檢查功課做晒未啦, 唔好幫佢啦.............意思就係唔好幫妹妹咁多, 幫佢多D

欣媽媽

原帖由 judy 於 16-09-19 發表
本帖最後由 judy 於 16-9-19 12:24 編輯

書本總結水蛇春甘長， 無可能背到 …… 而佢地要求長答，當中當然要答中key words 才取得高分 。我女試過係識答， 不過例如有兩點事項，佢只列出一點， 咪得一半分囉 ～呢度扣4分， 那度扣 2分 ……… 明明份卷好似唔係好多紅字 ， 都好易得 7，80分 。
我最理想要85以上 ， 呢個要求唔算高啫😢

mansum92

欣媽媽 發表於 16-9-19 17:51
書本總結水蛇春甘長， 無可能背到 …… 而佢地要求長答，當中當然要答中key words 才取得高分 。我女試過係 ...

我仔係可以6，7課常識大小總結全部背晒，考試前佢會每課寫番課文重點出黎。