放完假收拾心情，準備第一次呈分試了，大家分享一下

little_yolky

小時了了 發表於 16-4-6 09:31
自行都諗過莫壽增及沐恩架. 莫壽增諗諗下以阿女過往成績未必得, 除非阿女呈一呈二時級名次高十幾廿名都機會 ...

莫壽增超受歡迎, 如果入到, 可能都入到體藝了。沐恩唔錯, 幾自由, 南亞學童最鐘意, 不過如果小朋友唔自律或靚女就頭痕D。恩主教學生都幾斯文的。最後touchwood有乜唔掂, 你又唔介意俾錢, 仲有一間直資羅定邦, 質量幾好, 好多外籍老師, 轉直資前都係B1英中嚟, 但大埔長期唔夠B1學生, 唔想變中中, 所以轉咗直資。

chesswin

做家長表面要平常心, 我諗係第一步.

Yanamami

小時了了 發表於 16-4-6 09:21
唉! 阿女間學校小五考試真係同小一至小四考試範圍多咗.

小一至小四: 中,英測驗時測過的課文, 考試不用考 ...

深感同情~我地中英文都唔考課文，只考运用，所以成个小学我女都未攞个本課本温，只温工作紙同做練习就搞掂~

洋蔥頭媽咪

唔好太緊張否則好易失準，唯有盡量陪小朋友温熟啲考試範圍，鼓勵多啲，如果小朋友太緊張，都要教佢減減壓，盡力就可以啦。

洋蔥頭媽咪

原帖由 小時了了 於 16-04-06 發表
自行都諗過莫壽增及沐恩架. 莫壽增諗諗下以阿女過往成績未必得, 除非阿女呈一呈二時級名次高十幾廿名都機會 ...

呈分試的確要加把勁，用過往成績真係未必得，不進則退，因好多同學都會盡全力，分分鐘大執位。
不過學校計算級名次跟呈分名次未必相同，最重要科科盡量保持平均，由其主科不要太大上落，就會比較穩陣。通常中/英一般有底子，只要溫熟考試範圍同小心啲，一般升跌不會太大，唯獨數學有機會大上落，數弱嘅同學仔一定要操多啲。

媽媽發功多年，囡囡點都有 7/8成功力嘅  
要對囡囡有啲信心。 加油  

常樂

要注意的是, 有不少同學仔成績會在呈一, 突然進步!

Yanamami

突然進步係突然小心左啫~科科執多四五分，好禾味的｡洋葱头mami講得啱，科科要平均吖~

小時了了

洋蔥頭媽咪 發表於 16-4-6 12:50
呈分試的確要加把勁，用過往成績真係未必得，不進則退，因好多同學都會盡全力，分分鐘大執位。
不過學校計算級名次跟呈分名次未必相同，最重要科科盡量保持平均，由其主科不要太大上落，就會比較穩陣。通常中/英一般有底子，只要溫熟考試範圍同小心啲，一般升跌不會太大，唯獨數學有機會大上落，數弱嘅同學仔一定要操多啲。

媽媽發功多年，囡囡點都有 7/8成功力嘅

要對囡囡有啲信心。 加油

哈!哈! "媽媽發功多年，囡囡點都有 7/8成功力嘅" 呢句我聽得好順耳!

洋蔥頭媽咪, 好多謝妳呢幾年分享好多資料及心得, 尤其是去年妳分享中四選科
http://www.edu-kingdom.com/forum.php?mod=viewthread&tid=2935372&extra=&page=2
"洋蔥頭媽咪: 小兒正正就係選科當中受害者，只怪佢未夠努力，技不如人。不過有一點好肯定，就係當年我未夠經驗，完全唔懂得要考慮選科問題，揀左間set死哂套餐但又小選擇嘅學校比佢，……唉！  
幸好天無絕人之路，小兒响冇乜選擇之中終於揾倒方向，須然將來會變成點冇人知，但最小已找到目標，作為父母唯有盡力幫助佢。
大家都要加油。 Good Luck ！



學校係set死晒嘅套餐，仲要係極小選擇，位亦開得唔多，只因學校分配得唔好，理科科目位少，真係害死人。eg.全校只有二十幾個位可以同時選修phy,chem科目，總之玩死班男生……

通常升中選校好多家長都會認為小朋友未接觸過中學科目，都唔知係乜，鍾意邊科，所以選科對大家小朋友黎講尚遠，未駛理住，但其實都唔—定，因為去到高小，小朋友特質，喜好性格已慢慢浮現，以我囝為例，佢數理感極強，但對要背頌嘅野就弱好多，亦討厭死記野，響以前好容易識別出呢類人適合讀理科，讀文科通常死得，但因現今已冇再分文，理，商科，現今通常百搭科，所以選校時就要選理科位較多學校先著數，相反小朋友怕數理，喜歡背頌，就應選歷史，文學類機會多或大路ｄ嘅學校。中學通常都會話有開xxx科目，好似様様都有，但要留意部份其實係好多限制。

http://www.edu-kingdom.com/forum.php?mod=viewthread&tid=2939477&extra=page%3D1&page=3
"洋蔥頭媽咪: "校風同自信當然兩様都好重要，校風唔好多曳分子小朋友好易學壞，入左唔係能力以內中學，太高班自己跟唔上失晒自信影響亦可以好深遠，BK 都有唔少人分享過入左 b1 中學但跟唔上攪到留班，失自信，甚至要轉校，所以揀學校真係要量力。所以呢刻你問小朋友入勁校排中至尾佢答你唔介意，但到時可能會係兩回事。"


妳作為先行者將心得分享, 俾我地後進之士有軌跡可跟隨或閃避. 都幾大因素我睇完妳嘅分享後, 升中選校時中四可以選修的科目係我自己重要選校之因素.


多謝妳啊!

evason

平常心面對啦！越比壓抑小朋友越失準。

mcl203

平常心一樣可以失準...無準則既

蘑菇

我仔仔已考哂呈分試，絕對明白各位家長心情。事實上，係好矛盾，迫(比壓力)又唔得，唔迫又怕小朋友hea住考。最重要係睇自己小朋友接受邊種忠告。

再我而言，只同呀仔講 : 比心機，至重要自己盡咗力，比平時測驗要更仔細，小心，唔好錯埋d冇謂野，唔好貪快去做，做得快而錯就好唔抵。

mcl203

蘑菇 發表於 16-4-6 14:26
我仔仔已考哂呈分試，絕對明白各位家長心情。事實上，係好矛盾，迫(比壓力)又唔得，唔迫又怕小朋友hea住考 ...

我一向用呢個方法...結果....呈1>呈2>呈3...畢業試懶理下...好過呈1
越叫住小心D....另一邊更唔小心

little_yolky

mcl203 發表於 16-4-6 14:30
我一向用呢個方法...結果....呈1>呈2>呈3...畢業試懶理下...好過呈1
越叫住小心D....另一邊更唔小心mouth ...

好似聽過D唔知乜乜專家話, 呢D叫做暗示, 即你叫小朋友小心唔好跌到, 佢腦裡面會諗住跌倒, 所以會即刻跌倒。所以你叫佢小心D, 佢就會諗起自己係唔小心既, 所以就會唔小心。

Yanamami

我通常叫佢check卷係重新答—次，而唔係望多次，望住个答案通常会覚得啱~不过呈二呈三時间紧逼，做完都無乜時间剩~

LLK

little_yolky 發表於 16-4-6 14:36
好似聽過D唔知乜乜專家話, 呢D叫做暗示, 即你叫小朋友小心唔好跌到, 佢腦裡面會諗住跌倒, 所以會即刻跌倒。 ...

我個女今年6月都是第一次呈分, 我都學緊要平靜心情, 不要常常提住呈分試, 要當係普通考試般努力, 不想給她太大壓力, 像剛過去兩次英默(下學期), 我已經沒有跟進, 沒有幫她, 她自己溫, 竟然都有9X, 以前我唔同佢溫的話, 佢自己就唔溫, 一定唔合格, 我係想佢自己主動, 做到這樣我就滿足 !

蘑菇

mcl203 發表於 16-4-6 14:30
我一向用呢個方法...結果....呈1>呈2>呈3...畢業試懶理下...好過呈1
越叫住小心D....另一邊更唔小心mouth ...

用喺我仔仔身上，work喎! 所以，咪話睇吓自己小朋友受邊套囉!

YmOra

適當情度的壓力其實係好嘅!我係用阿女經常用嘅嗰招用播響佢身上,就係試你底線可以去到邊,細路仔常常試大人之可容忍底線可以有幾底,中間的闊度就是他們的自由作反開心區域了,其實小朋友們能夠用哩招都幾聰明,只要接觸不到大人之神經線,就是他們的自由空間了,用同樣的方法,試下佢哋條受壓線在哪?找出大人可用的區域,給適度的壓力,效果都幾好.

互勉之.

mcl203

Yanamami 發表於 16-4-6 14:56
我通常叫佢check卷係重新答—次，而唔係望多次，望住个答案通常会覚得啱~不过呈二呈三時间紧逼，做完都無乜 ...

都試過......但唔成功

洋蔥頭媽咪

原帖由 小時了了 於 16-04-06 發表
本帖最後由 小時了了 於 16-4-6 13:23 編輯

當年錯有錯著好彩我仔揀倒科越讀越起勁，呢幾日考緊 dse啦，希望順順利利入倒大學啦

Eat_Sleep_Play

洋蔥頭媽咪 發表於 16-4-6 18:18
當年錯有錯著好彩我仔揀倒科越讀越起勁，呢幾日考緊 dse啦，希望順順利利入倒大學啦

你就好啦已經甩身，我哋仲晌呢個苦海上浮沉