自閉症揀小學

amyalex

囝囝係3年前評估係自閉症，一直有定期返去見精神科醫生，現初步睇返偏向發展遲緩多，依家k2讀主流傳統嘅基督教幼稚園，班主任嘅評語：遵守課堂紀律，專心上課，积極參與各項活動，同學相處融洽，但寫字方面較弱，認讀都好好，所以都打算讀返主流小學，請問天水圍元朗有邊幾間小學會較適合囝囝報讀呢？邊d小學會有支援，有愛心，可以接納特殊小朋友？唔想太谷嘅學校，活動教學嘅會較好嗎？

KCHK

主流學校一般都課程趕, 都難有學校唔谷, 只係有好谷同比較唔谷, 主流學校對寫字的要求高, 所以你真係要有心理準備去幫小朋友追課程。我有個見意， 就係去參觀一下你區的學校同輕度特殊小學， 同校長同老師傾多d ， 可能會話到比你知邊間學校課程較淺

amyalex

想問下活動教學嘅會否比較無咁谷？

pocoyo123

津校應該幾難搵活動教學和唔谷,因為津校是跟教育局的課程行, 即是傳統填鴨式教學,只是有些學校小功課又無咁多測驗默書, 坊間就會叫呢類學校做無咁谷,但實際去到高小家長又係要面對呈分試,派位呢D壓力, 或者你試下諗國際或私校, 有機會搵到一些合你心意

angels'mom

我都真系未見過唔谷嘅小學

KCHK

活動教學都未必合適， 因為課程未必日日一樣， 會有好多變化， 自閉症小朋友未必接受到轉變，又會多小組分享

ada605

樓主, 你首先要先了解囝囝的情度和能力
積極去小學開放日, 找機會和校長談及你小朋友情況, 因為校長的態度會影響全校老師的態度
繼而找一間冇咁多功課和比較淺的比你囝囝

amyalex

原帖由 ada605 於 16-03-23 發表
樓主, 你首先要先了解囝囝的情度和能力
積極去小學開放日, 找機會和校長談及你小朋友情況, 因為校長的態度 ...

明白，好多謝你嘅建議！我會試下向呢個方向揾學校，希望咁樣對我之後揀小學嘅方向有幫助！

LeeCC

KCHK 發表於 16-3-18 20:01
活動教學都未必合適， 因為課程未必日日一樣， 會有好多變化， 自閉症小朋友未必接受到轉變，又會多小組分 ...

我仔讀活動教學的學校，可以訓練他多與人互動

KCHK

請問你仔有無情緒問題？因為我仔讀一間稚兒園時佢地d 教學好活動, 活動日日都好精采, 但亞仔只係度哭, 我都未諗到如果讀主流小學找什麼學校好?

coffeeyu

不如去聽下協康或耀能D升小一講座仲實際

amyalex

原帖由 KCHK 於 16-03-24 發表
請問你仔有無情緒問題？因為我仔讀一間稚兒園時佢地d 教學好活動, 活動日日都好精采, 但亞仔只係度哭, 我都 ...

我仔無太大嘅情緒問，只係好輕微，提點下佢可以自己平靜返，佢依家係讀傳統嘅幼稚園，學習上一定係比其他同學差，但係佢嘅品德係非常好，學校由校長到校工嘅嬸嬸，對仔仔都贊佢係好乖好有禮貌，好識關心人嘅小朋友，所以都唔算太差

amyalex

原帖由 coffeeyu 於 16-03-31 發表
不如去聽下協康或耀能D升小一講座仲實際

多謝你嘅建議！

KCHK

睇來樓主小朋友已經做到同年齡的要求, 唔好太擔心, 應該活動教學比較好, 試下找d 學校係無咁多測驗考試(呢d 真係要去學校睇先了解到)

coffeeyu

回覆 amyalex 的帖子

而家兩機構都有講座，開始接受報名