- 在線時間
- 2905 小時
- 最後登錄
- 24-3-26
- 國民生產力
- 21621
- 附加生產力
- 60760
- 貢獻生產力
- 1100
- 註冊時間
- 13-12-3
- 閱讀權限
- 10
- 帖子
- 38007
- 主題
- 177
- 精華
- 44
- 積分
- 121488
- UID
- 1389083
 
|
本帖最後由 hkpapa852 於 18-6-8 10:55 編輯
好多家長都攪唔清到底小學升中時, 學生係根據咩嚟分Banding, 以下係本人將所知既係度講下.
小學生升中如何分Banding, 第一樣嘢要知既係Pre-S1/HKAT (全名為Pre-Secondary One Hong Kong Attainment Test).
1. Pre-S1/HKAT
Pre-S1/HKAT係全港升讀傳統學制中學既學生需要參加既中學公開試, 一般會在升中派位結果公佈後一星期左右舉行. 所有於雙數年度畢業既小六學生 (如2008, 2010, 2012....) 必須參加, 考試地點會在該學生所派獲既中學舉行.
教育局會收集所有學生既Pre-S1/HKAT成績, 然後用作各小學 Banding 比例既調整. 不少中學亦會以 Pre-S1/HKAT 既成績作中一分班試 (如能否入讀精英班).
實際運作方式如何我就唔知, 個人估計可能係以學生Pre-S1成績排出全港排名, 再將排名分三等份, 咁每間小學係每個組別有"該校幾多百份比既學生", 就係該小學係果個組別/Banding既比例
Pre-S1/HKAT既成績只影響日後學生既Banding比例, 對畢業生嚟講係咪咁重要呢? 我不知道......
2. 呈分
所謂呈分, 係指該小學會將學生校內既成績, 按教育局要求呈上教育局的"呈分系統", 用作為學生排全港性次第, 以及統一派位時為學生分Banding(本區次第)之用. 有呈分的學校, 會為學生呈交三次成績, 分別是小五下學期一次, 小六上學期至學校中的兩次, 合共三次.
教育局對小六畢業生升中年度會以"呈分年度"來稱呼, 因為呈分跨越兩個學年, 所以官方對小六畢業生升中年度一般係以"跨年度"嚟稱呼, 只2013-2015, 即呈分年度為2013-2014 (小五)和2014-2015(小六)的小學畢業生. 不過多數學校為了讓一般家長易於理解, 通常只以畢業年度來稱呼.
學生排全港性次第和本區次第是如何計算呢?
實際運作方式和詳情我都唔知, 只知係按照學生校內呈分名次, 再將該小學"相應"名次既學生最近兩次Pre-S1/HKAT既成績計算出調整分, 然後再按照各小學生最終既調整分去排出全港和全區排名而定出banding. 全港性次第就要和全港學生比較, 本區次第就要和本區學生比較. 所以係一D區內多數學術能力強既地區, 會出現有所謂全港性B1, 地區性B2既學生.
3. 全港性次第同本區次第有咩用?
全港性次第同本區次第, 主要用於不同既派位階段, 以下係簡介:
全港性次第(只按呈一同呈二成績計算既排名): 自行派位
全港性次第(三次呈分後按分既全港 Banding 歸屬): 統一派位甲部
本區次弟(三次呈分後按同區學生既本區 Banding 歸屬): 統一派位乙部
4. 呈分排名=全級排名嗎?
好多人以為全級名次就可以估計到學生是屬於那一個banding, 其實當中可能有好大誤差. 因為呈分只必須科目只有6科: 中文, 英文, 數學, 常識, 視藝和音樂 (EDB係允許小學自己加上其它科目作呈分之用). 一般校內全級排名, 除了呈分科目外, 可能會加埋其它科既分數, 又或者只計4大主科. 本身已有一定既誤差.
而即使計晒所有呈分科科, 但校內排名一般以總分或各科平均分計算, 而呈分成績係要以"標準分"計算後再乘以科比重 (中,英,數,常,視藝,音樂既科比重分別係 9,9,9,6,3,2), 之後再加上一個調整分. 所以排位結果可以好唔同, 尤其係係D科目分數差異較高 (相差一分可能相差十多人), 全級排名同呈分排名可以相差好遠.
關於標準分同調整分, 可以睇吓呢個帖: http://www.edu-kingdom.com/forum.php?mod=viewthread&tid=2340063
睇唔明標準分點計, 試吓我呢個解釋: http://www.edu-kingdom.com/forum.php?mod=viewthread&tid=3032886
咁Banding同TSA有冇關係? 其實已經講咗N次, 再講一次: 無關係
TSA和Pre-S1既分別: http://www.edu-kingdom.com/forum.php?mod=viewthread&tid=3045047
5. 呈分成績計算
呈分成績並非以一般校內排名計算, 方法有點複雜, 大致如下:
1. 中英數常4科, 係先將各科成績以整數計算, 再化作標準分, 然再乘以科比重 (中英數常4科既科比重分別為: 9, 9, 9, 6).
2. 音樂和視藝既分數, 需要調整為可以被5除盡既分, 如85,90,95, 不能有83,96等分. 分數調整完成, 再化作標準分, 然再乘以科比重 (視藝和音樂科既科比重分別為: 3, 2).
3. 部份學校, 可能把普通話和宗教也列入呈分科目, 會以相同方式計算
4. 最後將步驟 1-2 計算出既各科分數合計, 再將學生按成績排名. 呢個排名就係所謂既呈分排呈 (或模擬名次)
最後, 教育局會將小學前兩次Pre-S1既成績, 按呈分排名去配對分數, 然後定出學生既全港次弟
6. 小學係小六時提供既呈分排名/模擬名次是否準確?
部份小學, 會為小六學生係呈二, 或呈三後提供一個叫"呈分排名/模擬名次", 呢個排名係學校透過呈分系統, 將校內學生成績以呈分方式計算出來的排名
呢個排名, 可讓學生得知自己按呈分方式計算出來的實際既校內排名, 對升中選校是有用的, 但呢個排名和最終的全港/本區次弟未有一致, 主要原因如下:
(1) 呈分排名如是以多於一次呈分成績計出嚟既呈分排名, 因只能將過2/3次呈分排名作平均計算, 但希小學沒有前人Pre-S1/HKAT成績對照, 所以最終呈排名和EDB既學生次弟有機會有分別.
(2) 如學生成績太浮動, Pre-S1/HKAT成績既影響會更大, 呈分排名既準確性會更低
7. 升中網係點計?
升中本身係根據學生就讀既小學所屬既中學網, 但亦可以係小六上學期透過學校申請轉用住址網參考升中派位. 不過有兩樣嘢要小心衡量:
(1) 如果小學有聯繫/直屬學校, 轉咗網之後就無得用聯繫/直屬位
(2) 轉網後 Banding 可能有改變, 老師因唔清楚外區學校資料, 基本上無法同你研究升中派位
8. 轉網會否影響banding?
有人問升中如果唔用小學所屬網, 轉用住網會否升/跌band, 其實都有不少誤解, 我又係度講吓.
以前升中版資深會員khmama整咗份18區英中學額比例統計出嚟, 原意係要大家睇吓邊區英中學額較充足. 但久而久之加上人云亦云, 呢D資料變咗"中/小學強弱網", 英中學額充足既就被視為係強網, 反之為弱網. 然後再衍生話強網轉弱網會升band, 弱網轉強網會跌band呢種講法. 但實際上, 根本唔可以憑呢D基本資料知道.
轉網會否升/跌Banding, 我認為係取決於小學本身既學術能力多D. 如果小學本身學術能力高, 過往學生既學術表現自然有番咁上下, 咁佢地Pre-S1既表現理論上都會好D, 小學過往升B1中學既比例亦會高D. 該小學擁有全港性B1學生比例亦會高D.
學生轉網後, 估計會將佢既全港性次第同新校網學生再排過, 咁樣嚟決定是屬於那一個band/組別. 如果你個小朋友本身間學校學術能力唔係below average, 加上唔係Banding邊緣人, 再加上係新校網大多數學校水平亦只和你小朋友間小學相若或差一點, 轉網會跌Banding既機會應該極低.
點先知學校學術能力係唔係below average? 可以睇下校務報告, 有冇講過去學生TSA既表現, 同埋用過去學校既升中派位表現嚟評估.
可參考吓呢幾個帖既討論:
邊個小學網/中學網好? 同埋其實升中派位係點嫁?
升中轉網係呈分上既分析(#21, #22)
小學升中分Banding機制: 弱勢學校的困局
一條龍學校類型，以及有呈分/沒有呈分既龍校學生升中分別
小學升中派位分Banding的解說
|
|
Thank you for the analysis!!
發表於 16-1-18 11:15
