懷疑自閉譜系男孩如何管教？

Lingyau1221

我仔兩歳一個月，愈來愈曳，我只有一個仔沒有親人有小朋友所以真的不懂如何管教，佢語言慢，剛剛只懂講三個動詞的單字⋯

他一放學回家便扭食零食，唔比佢就大吵大叫，平時帶佢食飯佢又坐唔定，要周圍走，直接有食物才肯坐或在抬邊企短時間，食完又走，成日想出街周圍行，我們發現愈嘈的餐廳佢走的情況愈嚴重，對聲音十分敏感，應有感統問題⋯

平時出街又唔肯拖手唔跟大人行我們只能跟住佢或抱走佢，迫佢坐BB車⋯

在家又常常不肯冼臉，刷牙，換片，攪到咁大個仲要同玩具零食tub佢⋯

最近食嘢又經常吐出未，成日含食物好耐，以前乜都食現在非常揀飲揀食

平時非常喜歡玩手機，我們不是刻意比佢玩而係佢一見到我們用電話便大叫要我們比佢，有時更想推抵我取手機，實在非常不尊敬

好多人話打鬧冇用咁佢聽唔明我點同佢講道理？況且有時我也不懂如何解釋⋯


Pls kindly advise some skill how to teach my son...Thank you very much!

Lingyau1221

最近我常常打他手面⋯佢有時垂下頭有時又好似冇嘢咁，真的好勞氣

newsky

你叫佢個名有應你嗎？望人嗎？有否重覆的動作或行為(eg.自轉)？

Lingyau1221

Why ask this question? I want to know how to teach him ..

Lingyau1221

有反應有望人⋯

Lingyau1221

冇自轉但喜歡玩車look,開關門之類重覆的玩意

chanyuen2012

原帖由 Lingyau1221 於 15-11-09 發表
我仔兩歳一個月，愈來愈曳，我只有一個仔沒有親人有小朋友所以真的不懂如何管教，佢語言慢，剛剛只懂講三個 ...

會唔會係專注力不足？因為都可以引伸到你所提及嘅情況，我仔而加上左政府排期職業治療差不多兩個月，治療師其實好有耐性教小朋友同家長應該點對應哩啲情況。

做法係你先打電話去健康院問，睇下可唔可以轉介見當值醫生，再轉人介去做評估，睇下需唔需要排期去做治療改善情況。

我仔上年有返普通N班半日，好明顯同班同學係好定，講下提下就會靜落黎留意老師教導，但自己個仔就緊係成日八卦週圍望、跑、訓地、唔太跟到指示等等。哩段時間老師好落力教我點樣應付點同仔仔相處同教導，好感恩。

Lingyau1221

I am not sure but i am sure his concentration is low...but i think not all behavior relate to concentration, isnt it?

Lingyau1221

My son attending OT for small muscle too, however, that OT is very bad keep hope my son study in E or S seat so that no need find her anymore, what so do my son private pst do much better, dont believe Gov OT anymore

Lingyau1221

原帖由 chanyuen2012 於 15-11-09 發表
會唔會係專注力不足？因為都可以引伸到你所提及嘅情況，我仔而加上左政府排期職業治療差不多兩個月，治療師 ...

When my son naught that OT just use high chair to lock him and blame him, no skill

money82

你所講行為，同我仔一模一樣。我都被激到就來爆血管。換片都要捉，扭來扭去。出街拖住問題，人少無車地方我放手由距走，商場控制他在我兩步，有時拖，有時控住距個頭。有車就拖到實同距講有車一定要拖。（正常好動少少男孩都吾比人拖，放鬆少少要求)。食飯要走，我就會帶定一份玩具（拼圖），一本書（看），纸＋畫筆，（最后出l Phone)或中途帶去行下，去下廁所。教自閉男孩要比其他父母EQ高幾倍，日日新鮮日日甘，應對方法要成日變。

newsky

如果肯望人同眼神接觸好未必係自閉！我仔仔四個月前情況仲差過你仔仔！我仔仔仲未識講嘢！小朋友表達唔到脾氣自然差！ 至於管教問題 我認為現階只有段專業的導師先有辦法Training到自閉症的小朋友！我仔仔都係上左幾個月Training先肯坐定定 多左望人少左發脾氣！你評估左先！

奀珠

原帖由 Lingyau1221 於 15-11-09 發表
我仔兩歳一個月，愈來愈曳，我只有一個仔沒有親人有小朋友所以真的不懂如何管教，佢語言慢，剛剛只懂講三個 ...

我仔之前都係咁，現在好啲，不過都有間中吵鬧，以下係我喺bk睇睇埋埋+therapist教，不過要有耐性，唔好心急諗住一次半次可以攪掂，我並唔係professional, 只係一個A仔媽媽，如覺得值得試就試吓：
1）要攪掂個仔前，試要攪掂自己嘅情緒，自己唔好發脾氣，要有耐性。(信我，呢樣係最難)
2)唔好打佢或鬧佢 (因為只會傷害佢，而一啲用都無)
3）唔好叫佢，「唔好做...」,要平心靜氣(包括你嘅語氣),重覆同佢講你想佢做到嘅嘢。例如，佢大吵大鬧，就佢佢講「仔仔要安靜」，唔好俾eye contact 佢，直至佢收聲，先望住佢同佢講，「仔仔乖，有安靜喎」，到時可以抱吓佢。第一次，你有心理準備要喊成個鐘，甚至更耐，好視乎你們已經縱咗佢幾耐。
Rule of thumb: 總之唔好嘅行為就ignore, 好嘅行為就reinforce。
Good Luck

skytammy

原帖由 奀珠 於 15-11-10 發表
我仔之前都係咁，現在好啲，不過都有間中吵鬧，以下係我喺bk睇睇埋埋+therapist教，不過要有耐性，唔好心急 ...

你講嗰3點我成日都忍唔住做晒

chanyuen2012

其實咁，我都有試過哩啲方法，簡單啲入手，當故仔咁睇吖。

我都無四大長老幫手睇，同老公一家三口。
咁我仔就比較明顯係好多時叫唔聽話唔聽(語言理解弱)，喜歡去廁所玩水，兩歲幾時仲成日玩廁所水，都係百厭仔一名啦，我都會打鬧佢。返N班時當評估左係亞氏保加症，我都用左成個月時間消化去接受。定左少少後開始同班主任傾情況，好在老師好體諒，教道引導上同老師夾下例如佢填顏色唔專心做，勞作又麻麻嘅，咁喺屋企要多啲陪佢一齊做下玩下，買下易洗得甩果啲顏色同佢一齊畫，攞張紙巾放手心ja埋變成一個球，印下顏色，又用下手指畫下畫，又印下手掌啦，又攞下畫筆畫下咁。同佢一齊笑下，咁你會發現佢原來好鍾意玩架。亦都可以改善感統方面。如果唔開水彩畫呢，你可以同佢油下顏色，寫下ABC咁。跟住就係你單手抱住佢一齊坐千秋微微推下，又係感統訓練一種。家務呢你可以教下佢一齊擇下菜，洗下蔥，幫手洗下米咁。去街市時可以叫佢幫手攞下最輕嘅餸，又或者買隻檸檬、水果叫佢攞住……
家居玩具方面唔好比太雜佢，揀一兩款放廳，陪下佢砌積木，畫板畫咁。
而出街呢帶定佢鍾意飲品小食啦，佢鍾意禁lift,喺唔阻人情況下比佢禁，滿足佢好奇心，睇下佢鍾意行咩路線又跟下啦，過幾個月後你就幫佢加入新原素，出街來回程唔同啦，唔係成日比佢禁lift啦，帶佢坐短程小巴，巴士呀咁，上到車又教佢睇下樹，各款車，標誌符號顏色形狀數字呀咁係要不停同佢傾引導佢回應一下你，似係自己同自己講野架但係佢哋其實係有聽入腦，比啲時間佢吖…

而你自己呢……首要學習從容，放鬆一點，主動多啲同家長吹水交留心得，請教下點去㷛下靚湯煮野食同埋取下湊仔經，亦都要學下點減壓，我自己就跟住社工，社工陪住我走，將你嘅壓力交比佢佢地會幫到你，記得要多點同仔仔笑，因為你笑佢就學你開心笑，佢收左入去佢都要式放返出黎架，你打鬧佢多佢都唔明白就只會用佢覺得啱嘅行為去表達，即係你而加見到佢唔聽話嘅表現喇…………我都好後悔之前成日因為太緊張，一唔啱就鬧左先，態度唔睬我勁扭計我仲硬碰硬，到頭來好似從無改善，自己情緒變差晒老公都嬲埋我，佢情緒都差左………
好好彩當我身心最差時不斷搵人問搵人傾，(社工會傾多啲，因為我都唔知點同啲朋友講，而且又同老公關係又差左)，解開左心結，而加心靈上得到好大支持，我搵返以往只顧別人而忽略嘅自己，自己情緒好左對仔仔開心左，佢都聽話左進度好左，

佢有玩水架，不過我而加會久唔久喺洗手盤開泡泡水比佢用下膠兜仔玩下不下水水平泡泡呀咁，滿足佢好奇需要，要明白小朋友有邊個未試過貪玩呢～，佢去玩泡泡水咁我咪去廚房整下晚餐野醃下肉咁啦，佢玩完又開心笑下，比空間大家囉………唔知幫唔幫到你諗諗…加油呀樓主

Lingyau1221

已經評估同train 左半年，能力係進步但人愈大愈曵, training 唔會教品德吧

Lingyau1221

原帖由 chanyuen2012 於 15-11-10 發表
其實咁，我都有試過哩啲方法，簡單啲入手，當故仔咁睇吖。

我都無四大長老幫手睇，同老公一家三口。

你仔肯做咁多嘢都幾乖，如叫我仔做,佢未聽得明我講喎⋯

Lingyau1221

My Son dont know ABC wor....and feel bore to keep play same toys and insist rotate wheels ar...

Lingyau1221

原帖由 奀珠 於 15-11-10 發表
我仔之前都係咁，現在好啲，不過都有間中吵鬧，以下係我喺bk睇睇埋埋+therapist教，不過要有耐性，唔好心急 ...

老師都鬧小朋友，真的不可？

Lingyau1221

原帖由 奀珠 於 15-11-10 發表
我仔之前都係咁，現在好啲，不過都有間中吵鬧，以下係我喺bk睇睇埋埋+therapist教，不過要有耐性，唔好心急 ...

No eye contact how he knownu are talking with him..?