大學宿位短缺 學生無奈捱劏（太陽報太一叮）

elbar

鄰近大學校園劏房索價近萬元，仍然有價有市。

有人話，大學係成個社會嘅縮影，真係一啲都冇講錯。香港房屋問題不斷惡化，唔單止無殼蝸牛一室難求，連大學生都要為「房事」頭痛，都咪話唔徬徨。

大家都知，本港大學宿位一向供不應求，加上愈來愈多內地及海外學生來港讀書，大學宿舍更加短缺，未獲分配宿位嘅大學生自然要四出撲房，校園附近嘅私人住宅就成為搶手貨嘞。好似鄰近港大嘅西環咁吖，有唐樓業主將五百呎單位一拆三，面積約一百呎嘅劏房，月租九千五百大元，比大學宿舍貴近四倍，都咪話唔食水深。記者上去睇過呢啲劏房，地方淺窄不特止，設施亦非常簡陋，淨係得一張床、一張梳化、一部電視機咁大把，連煮食用具都欠奉。

咪睇小呢啲豆腐膶劏房吖，記者要求減租，業主一於企硬，話好多人排住隊要喎，直頭好似皇帝女唔憂嫁咁，真係唔到你唔服。

話時話，類似嘅「天價劏房」早就成行成市，好多招租廣告吹到天花龍鳳，又話全新裝修、無敵海景、免費WIFI，其實好多貨不對辦，而且月租閒閒哋成萬元，平均呎價拍得住山頂豪宅咁滯，一樣有價有市。點解會咁？好簡單啫，有需求就有市場，大學宿位長期供不應求，學生除咗任人「劏」之外，仲有咩選擇吖。呢，除咗港大之外，理大今個學年欠缺二千多個宿位，浸大亦欠缺一千多個宿位，部分院校新生成功申請宿位嘅比率只有七成，唔少學生被迫捱貴租，咪搞到連劏房都爭崩頭囉。

其實，為咗應對宿位緊張問題，各院校都做過唔少工夫，例如提供租務資訊以及室友配對服務等，可惜呢啲措施治標不治本，始終解決唔到問題。大家有眼見，興建大學宿舍同港府覓地建屋一樣，都係寸步難行。好似浸大咁吖，幾年前申請興建宿舍，點知等極都冇下文，有關地皮最後仲被改為興建豪宅添。一句講晒，政府一日唔增撥土地，大學宿位供應一日唔增加，學生就只能繼續捱貴租。

講起都好笑，前朝貪曾政府好大喜功，聲稱要發展教育產業，將香港打造成區域教育樞紐喎，點知家陣學生連宿位都難求，你話係咪搞笑吖。

正所謂，十年樹木，百年樹人。港產官僚目光短淺，連大學宿位咁簡單嘅問題都解決唔到，旨意佢哋樹人，蚊都瞓蛇都死喇，叮！

bartsimpson0317

房租VS的士錢

ANChan59

監管一定有，我只是奇怪你用嚴密監管！

生仔唔知仔心肝，我都明白，0 － 100%，不可能是0。

SorTo

Those in partitioned flats are mainland students. Partitioned flats are not an alternative to university halls nor home for local students, especially for families willing to pay the quoted rents.

eviepa

今年阿女有幸可以住宿舍，雖然學校離家不遠，家中也其實較為寬敞，設備較好，但我亦鼓勵她住宿舍。讀大學，有很多課外學習，在宿舍住，天天和同學們天南地北的，也是學習的一部分。

shadeslayer

原帖由 ANChan59 於 15-08-31 發表
住宿舍等如自由，自主，獨立 ???

一般學生在父母嚴密監控下生活左18年，are you sure???   

父母監管，程度每個家庭不同，現今香港多一孩家庭，加上社會氣氛，好少用全無監管的放任政策。我當然唔 sure，留意下身邊事，合理推斷而已。生仔唔知仔心干，父母想Sure孩子想法都唔係咁易。咁認真做乜呢？

andrew

我見過有人霸著宿舍不住，寧願回家飲阿媽靚湯。長到20多歲仍離不開阿媽半步。真一裙腳子。有點品的會將宿位租給另一同學，也有的長時間丟空宿位，自已回家住。

sonkhl

我覺得最好樣樣試下,住下宿舍,同學租下屋,返下屋企.....

ANChan59

shadeslayer 發表於 15-8-31 14:14
呢次我幫學生。一般學生在父母嚴密監控下生活左18年，上大學終於可嘗自由點生活，點知又無宿位要返歸住，真 ...

住宿舍等如自由，自主，獨立 ???

一般學生在父母嚴密監控下生活左18年，are you sure???  


BTW，啊仔好樂意返屋企 .... 有大廚煮好野食 ... 有人陪睇波 ...


可能問題是家庭問題多 d，唔係居住問題 ... 自由問題  

talknwrite

大學宿舍都要與時並進, 改成籠屋型, 宿位和收入可以多五.六倍

judy

科大的宿位和交通問題好難解決，所以辦得再好也難和港大中大争學生。聽說屈蛇屈到爆。

dlam141231

Artie 發表於 15-8-31 14:21
Oh dear. What will she do now for the first term?

謝謝關心.   外婆住官塘區, 家中只得兩老.  暫時安排係, 假若太夜返元朗唔方便, 晚上就在外婆家借住.  

Artie

dlam141231 發表於 15-8-31 11:43
我家外甥女, 今年入科大, 佢住得好遠, 住元朗, 以為第一年一定有宿位, 點知大學安排佢只得半年入住, 仲要係 ...

Oh dear. What will she do now for the first term?

shadeslayer

原帖由 ANChan59 於 15-08-31 發表
現在不是說特別例子，如果住得遠，計分都高d，機會亦高d。

呢次我幫學生。一般學生在父母嚴密監控下生活左18年，上大學終於可嘗自由點生活，點知又無宿位要返歸住，真的委屈啊。

judy

唔係土地問題，咩問題呢？

goodenough

想住宿舍的準大學同學，可以在此開放日時除了參觀特定的學系之外，別忘記走到宿舍舍堂的展覽單位，跟學姐學兄多點交流。

dlam141231

我家外甥女, 今年入科大, 佢住得好遠, 住元朗, 以為第一年一定有宿位, 點知大學安排佢只得半年入住, 仲要係安排係下半年.   大學迎新營, 佢有兩晚弄至很夜才走, 結果有一晚唔知係邊處三更半夜搭的士返入元朗, 另一晚就電召老豆開部私家車出黎接人.  咁既情況下, 我睇怕大二大三大四有宿舍住既機會都好低, 我都鼓勵, 到大二已經識唔少人, 最好搵同學們合租.

ANChan59

原帖由 nintendo 於 15-08-31 發表
現實係咁。人她點，唔關我事。自己衡量自己經濟能力。

好多人，是不理自身環境，總之我要讀大學，我要有宿舍，我要.......


話得說回來，有＄又是否會這樣做？我個人有保留！

nintendo

ANChan59 發表於 15-8-31 11:25
任何時候，有$自然多些選擇！

現實係咁。人她點，唔關我事。自己衡量自己經濟能力。

ANChan59

原帖由 nintendo 於 15-08-31 發表
我朋友個親戚，直頭買間屋比個仔住近大學。
只是可以話，大家處理方式不同。

任何時候，有$自然多些選擇！