港同 - 香港家長的出路？

瑩瑩老豆

小花子 發表於 15-8-29 13:41
唔好神化左某些學校，要睇小朋友適唔適合活動教學或傳統教學。只要配對合宜，傳統教學都可以令小朋友愉快。 ...

偏偏好多家長以為入名校自然成績好甚至做狀元, 選好便以間學校入U率/狀元率為準則.  

ckh311

原帖由 瑩瑩老豆 於 15-08-30 發表
"津小，成績唔達標，即時俾學校勸退，發驚告" ? 比我會通知教局

我地覺得口頭警告就算告上教育句都無用，始終無證無據，除非諗住唔係該校讀，如要留低都唯有啞忍

mcl203

Charlotte_mom 發表於 15-8-30 10:14
嗯，呢層我唔100%同意亦唔100%反對。我都好老實在bk 同幼稚園家長講，準備功夫一定要做（在bk 冒住俾人鬧怪 ...

中肯..............

我小朋友幾年前考小學....都好似無乜考閱讀....咁港同都唔算考得輕鬆吖
PS...我地都有考過港同...當時都唔少同學仔家長已經推介港同 ~~~

wonglily

如果出咗名，多人爭， 收生唔會淨係抽啩，只係佢想收D乜學生，佢話事多D啫。

YuFamily

我也是港同家長。坦白講，如果家長一心只希望自己孩子成為狀元，那港同應該不是你杯茶。
港同一向有教無類，學業成績只是成長中一部份，老師並不會視成績不理想的如透明，也不會只看重成績好的學生。
至於補習與否，則同枱食飯，各自修行。最起碼港同並沒有這種風氣，家長不會覺得不補習會輸。我並無為孩子補習，而且是working mom, 孩子功課半小時到一小時內自己完成。我認識的同學大致上都係咁。咁你話佢地（包括我果個）會不會成為狀元？機會不大吧！但我情願他們閒時看看喜歡的書，去公園玩，做下手工，生活有點情趣。大學還得要讀，但不雖以狀元身份去讀吧！能夠認真、盡力去完成學業，我收貨了！

haihaimom

Charlotte_mom 發表於 15-8-30 10:14
嗯，呢層我唔100%同意亦唔100%反對。我都好老實在bk 同幼稚園家長講，準備功夫一定要做（在bk 冒住俾人鬧怪 ...

依家間間學校都閒閒哋幾千人考，外向、主動、專注、有自信、有禮貌既小朋友點都有1千幾百個，但學額得120個，學校點揀好呢?抽籤?睇樣?噤學校又好自然會揀語文能力好啲既學生喎!

ylmanhk

其實開這個topic並不是説港同入學的難度低，好學校一定有人爭。只想提出港同是一個不錯的選擇；可能是更好，有些家長喜歡日谷夜谷，背默加上無數大小測考；有些家長喜歡啟發智慧。填鴨式的教育有越來越嚴重的情況。

ylmanhk

大家的焦點有點誤會。

hkpapa852

ylmanhk 發表於 15-8-31 09:30
大家的焦點有點誤會。

其實你本身個標題已經有問題.

教育, 係為"家長"而設的嗎? 如果唔係, "家長"又何需"出路"?

至於所謂"出路", 又係指咩? 當大家最後都係要面對DSE, 其實只係"殊途同歸", 並不算係出路, 只可以話支線有別.

我諗有不少EK會員都聽過, 甚至親身遇過, 係國際學校/非傳統模式辦學既學校入面, 都有部份港孩家長嫌學校功課少, 要求學校增加功課同測考呢D"趣事".

所以要真正讓孩子教育得到改善, 教育/學校不再被"商品化", 唯一方法, 就係"改變家長心態". 否則, 就算有再好既教育制度, 再多既另類學校, 都唔會有用, 最後學校都只會被家長推去遠離最初的辦學原意.

可惜, 呢度件係現今社會恐怕係無可能..... 或者, 要等大家生活回歸到我地父母, 甚至祖父母既水平, 到時大家只求有書讀就好了, 咁先解決到"教育"問題.

咦, 諗諗吓, 歷任特首都不斷讓香港係各方面倒退, 其實可能就係想達成呢項"偉大工程"呀! 似乎我誤會咗佢地添!

frogbobo

教育，學業，去到尾都係以目標為本，簡單而言，不外乎生存兩字。

如果你生活緊既社會能提供多元化既出路，做咩工作都能有合理回報同生存到，我相信家長先能夠改變信念。

你兩公婆打工仔，供層樓，得粒仔，佢話要去考古........no way! 隨時成家陷入困境。

袋口夠深，仔女讀咩都得，唔讀都得。 唔係果家長要証書，係老細要睇。

ylmanhk

原帖由 hkpapa852 於 15-08-31 發表
其實你本身個標題已經有問題.

教育, 係為"家長"而設的嗎? 如果唔係, "家長"又何需"出路"?

其實教育是否服務「家長」，大家心中有數。至於係進係退，大家觀點不同。能配合子女、家長就好的學校⋯ 反之，就是差學校。事實很多「名」校都未必是大家心目中的「好」學校。

frogbobo

原帖由 ylmanhk 於 15-08-31 發表
其實教育是否服務「家長」，大家心中有數。至於係進係退，大家觀點不同。能配合子女、家長就好的學校⋯ 反 ...

能配合家長同學生就係好學校?

即係家長要求體罰，學校配合
家長要求教股票交易，學校配合，咁呢間就係好學校?

顧客永遠是對的個d唔叫學校，叫學店。

hkpapa852

ylmanhk 發表於 15-8-31 10:44
其實教育是否服務「家長」，大家心中有數。至於係進係退，大家觀點不同。能配合子女、家長就好的學校⋯ 反 ...

如果覺得"教育"係為家長服務, 咁已經係"本末倒置"了.

為家長服務個一種所謂"教育", 應該係"補習".

如果一間學校只會不斷滿足"家長"既"客戶服務要求, 而遺忘了原有既辦學宗旨, 個一間應該叫"學店", 或者"補習社".

正所謂, 別人的糖果, 可能是你的毒藥, 盲目追求"名校"故然不智, 但為了"逃避"傳統教學的問題而盲目走去追求所謂非傳統模式教學既學校/Happy School, 亦唔見得係一個聰明既行為.

今天你逃避了問題, 不代表問題已解決, 其實只係將需要面對現實既時間推遲.

retriever

回覆 Charlotte_mom 的帖子

請問JUPAS, 是否**不一定** 是讀DEGREE?
可求証一下...

hkpapa852

retriever 發表於 15-8-31 11:14
回覆 Charlotte_mom 的帖子

請問JUPAS, 是否**不一定** 是讀DEGREE?

JUPAS學位, 係包括: 學士學位, 部份高級文憑和部份副學士學位課程.

JUPAS offer 中, 傳統B1名校, degree course 比例會較多, 通常超過JUPAS offer既70%. 但不直資中學/非傳統名校, sub-degree course佔JUPAS offer既比例, 可能超過50%,  甚至超過70%

mimi1102

我諗港小同"名校"依個名仲有一段距離, 因為我依家話比人知的時候, 仲有人同我講"未聽過" "响邊度?"

其實傳統同活動學校的關係都不是對立的, 沒有最好的學校, 只有最適合的學校. 我有朋友的仔女讀傳統學校, 都讀得好開心.

btw, 聽日開學了, 我女好期待返學, 佢話點解個暑假咁長, 仲未返得學.  

Charlotte_mom

hkpapa852 發表於 15-8-31 11:45
JUPAS學位, 係包括: 學士學位, 部份高級文憑和部份副學士學位課程.

JUPAS offer 中, 傳統B1名校, degree c ...

通常家長睇升學數字會睇幾個:

3322 / 33222 (3322即中英3, 數LS2, 係入大學最低要求, 唔好以為好易, 好多人衰在中文手上, 2015全港只有35.3%學生得到3232; 33222即多一科選修有2, 好話唔好聽, 一間學校只要有OVER 35.3%達標, 已經可以掛BANNER話高於全港水平)

JUPAS OFFER % (包括DEGREE , 非DEGREE, 8大什至非八大--對聯招有非8大, 總之係JUPAS出, 算係一個比較客觀可參考數字)

然後JUPAS OFFER的"含金量"(如果學校有提供JUPAS BREAKDOWN):
入8大
入3大
DEGREE %
非DEGREE%

跟住
本地非JUPAS升學率 (如自資大學, IVE, 演藝等)
DEGREE %
非DEGREE%

跟住
非本地升學率
通常就算有提供, 都有機會炒埋一碟泵大個數, 大陸非洲都DEGREE / FOUNDATION / 學師學廚學畫畫咩擺晒落去, 除非特別有D好驕人的成就就會特別講

Charlotte_mom

mimi1102 發表於 15-8-31 12:29
我諗港小同"名校"依個名仲有一段距離, 因為我依家話比人知的時候, 仲有人同我講"未聽過" "响邊度?"

其實 ...

老實講, 我都唔希望有家長因為港同見報, 所謂出左名, 以狀元為大前提去申請 (靠名氣/排行榜選校, 我最怕)
希望港同可以繼續堅持以學生為本, 尊重學生為獨立個體, 唔放棄任何一個學生; 而唔係倒模地倒大量相似的尖子出黎....如果係咁, 港同就唔再係我心中的港同了.....

ylmanhk

原帖由 frogbobo 於 15-08-31 發表
能配合家長同學生就係好學校?

即係家長要求體罰，學校配合

配合是性格、理念相近。配合不是盲從。但太多人各走極端，一係盲從「名校」，一係自以為是，沒有深入把握。

ylmanhk

原帖由 hkpapa852 於 15-08-31 發表
如果覺得"教育"係為家長服務, 咁已經係"本末倒置"了.

為家長服務個一種所謂"教育", 應該係"補習".

由始至終，我只説港同是一條好出路，絶不代表是唯一出路。