想問現在用家意

JCMW

今年得2800人報名，收180個，好驚喜，少左咁多人，多得你地👍，對比你地係幾慘既4千人報名收200個，學校梗係覺得人多雜左，所以收番少d, 改革下，費事咁多怨言，來年既新生真係要衷心多謝你地！

FLWorld

絕對係多謝佢哋啦！! 又有 net 做班主任，又收返少啲人! 好事!

FLWorld

嗱！ 證明學校係有聽取家長們的意見!

ozduckie

原帖由 everytouch 於 15-09-20 發表
係有點可疑，k3 k2 如果唔跟 用net 做 班主任 會唔會 英文老師上堂的時間又更小. 這一點可以令人更擔心。  ...

你有疑問點解唔打去學校問？
依家的net teacher 唔係"走鬼", 係轉堂，教完這班40分鐘就去另一班教！請唔好用 "走鬼" 字眼講到學校做犯法事甘！唔該！

FLWorld

算了，唔用負面字眼點叫描黑呢～

muiwongmui

係呀 上年龍年爭得好緊要 好似話4千幾報名.

lovechristine24

本人是用家，老實說喜歡學校，但確實今年是有很多改革，對於就讀既家長是有點太突然，先說學費的確是加了15%，但敢問九龍塘區的幼園有多少間不是4千以上，當然前兩年3千幾係好吸引，但現在也不是超收，只係無預期加得咁快! 雜費很多，但有部份是可以選擇不交，例如今年囡囡沒有join茶點，另外一些額外的自費課外活動是自行參與，沒有要求我地報名! 唯一不滿是行政係混亂，政策經常改變，希望可以改善下! 校車方面我都有問其他學校都真係要咁上下時間，搭成個鐘係好無奈，無計除非自己湊! 不過自問本人係好簡單的媽媽，一心想揀間happy school, 而囡囡得確讀得好開心好鐘意番學，好鐘意同學，班內的家長也很好，老師很有愛心! 課堂以活動教學呢點我比較喜歡，囡囡每日回家會分享學校既事!只係呢點，無後悔揀呢間! 不過每個人既要求不同，我只可以話以小朋友為結論，佢讀得開心最緊要!

JCMW

學校肯定知有人劣評佢地，舊年收200人，收得濫左，所以今年收180人，阿家長繼續發功，可能下年收150人

JCMW

原帖由 FLWorld 於 15-09-21 發表
絕對係多謝佢哋啦！! 又有 net 做班主任，又收返少啲人! 好事!

同意

bearonweb

本人是今年SN 的K1家長, 講真的, 我對呢間學校有點兒失望...
先講上年入學的家長會, 學校比我既印象好好, 校長presentation skill 好得, 將學校包裝到一間好有理念，有小班教學，老師同學生好CLOSE既學校。最後，經過重重困難，終於比我地入到S.N，但發覺有0的野同想像中有出入....

當然，收費既野貴唔貴好睇人，有人覺得校服幾千蚊好貴, 學費又加左10幾個%.... 不過，我想講，如果揀得呢0的學校(冇學卷仲要係九龍塘), 好多家長都預左有0的錢一定要使, 同埋會比其他學校貴, 呢點我明白，正所謂食得鹹魚抵得渴。不過有0的學校教學同行政既野真係要改善，如果唔係,個校長幾識包裝間學校都係冇用。

副校長好健談，到佢傾開計你會發覺，健談到有佢講冇你講，同佢表達問題佢聽到未聽完就stop你。同佢講校車問題，只係一味叫你比0的時間校車公司，佢地會做得更好...(下刪3千字)，唔講會以為校車公司佢有份tim。如果學校連聽意見都唔想(都未講到話咩投訴)，試問學校又點可以改善?

學校行政亦有改善空間，好似小朋友請假，學校從來唔問咩事，當然，如果係傷風感冒小問題，但如果係傳染病既，學校都應該攪攪衛生掛, 你唔知小朋友咩病，咁點樣可以有相應的預防措施呢?

最後就係校車啦，遲到、飛站、駕駛態度差、兜路樣樣齊之外，同校車公司反映，對方一副愛理不理的樣子，講多兩句，態度更差，潛台詞係:係咁架啦，咁叻你自己湊唔好搭校車囉! 正當我諗唔明點解呢間公司可以bid到個校車服務既時候，有傳聞話原來佢老婆就係副校長! 怪唔之得做得更差都唔怕啦! 唯一令我安慰既，係小朋友的確鐘意係SN返學，我將首校歌放係車，佢次次坐車都要聽，仲要一星期就識唱!

以上只係SN比我既印象/感覺，當然有0的家長唔係好在意以上各項，或者只係我小朋友唔好彩~~ 謝謝收看。

JCMW

原帖由 bearonweb 於 15-09-24 發表
本人是今年SN 的K1家長, 講真的, 我對呢間學校有點兒失望...
先講上年入學的家長會, 學校比我既印象好好,  ...

Sn係校車，街車兩條線，校長係一間公司（大部份九龍塘幼稚園都係呢間公司，點解我會知？因為我以前向呢間公司做過，呢間公司旗下有多間分支，而街車就係你講既副校老公）

everytouch

原帖由 bearonweb 於 15-09-24 發表
本人是今年SN 的K1家長, 講真的, 我對呢間學校有點兒失望...
先講上年入學的家長會, 學校比我既印象好好,  ...

這間學校包裝 一流 ， 同学仔填色比賽 得獎或者攞到一d成績。 學校通告就會 大事宣揚 ， 或者在季刊看到同校長影相。 但學校方便根本就沒有支援過。 所以各位去家長會就會 感覺良好。 當然這亦是包裝的一部分

carragher

本人也是今年K1家長,入該校原因也是校長在簡介會所提供的資料. 聽後我覺得它是一間有愛心有理念的幼稚園.  

小朋友上學至今, 仆倒擦損流血已經兩次,問小朋友老師知唔知,佢話老師知(當然小朋友説話不能盡信)! 但真的小朋友連一塊膠布和老師一個通知也沒有! 使我感覺到老師對小朋友關顧有限.

班主任主動聯絡也只有開學後頭兩天, 我們也不想麻煩她. 直到一個月後,真的想了解小朋友上學情況, 所以聯絡班主任. 在電話中, 她只挑孩子問題(感覺很負面). 通話後,感到班主任很新, 她和家長並不是一同去解決孩子問題, 只是你孩子的問題. 使我這個新手家長造成壓力~

問小朋友現在返學開唔開心? 佢會答開心~

問小朋友鍾意邊個老師? 佢會答返PN班嗰時個兩個老師~

以上只是我個人感受, 無意挑起爭執!

Girly

讚！講得好好！理性分析，認同！

Girly

此位家長請不要批評全世界，質素方面意指如何？評論，又或是什麼準則？但本人相信此位家長與其不斷評論他人言論！自己也要注意一點：錯別字實在亦不少：'屈' '崙' 應該是'屆'和'倫'吧！
那麼，閣下教育質素又如何？？