急!東涌嗇色園主辦可譽中學暨可譽小學好嗎?在bk沒有群組!

iloveheaven38

代住在東涌的親友急問問.... 因找到的資料很少. 而將要做決定....
只知個中小學是同一個校長, 而且是中學校長會主席, 但中小學排名和分數也奇低, 謝謝!

嗇色園主辦可譽小學

http://www.bookofschool.com/school/controller/entityDetails?entityid=3486&action=compare

全港排名363

分數 5.14/10 …..剛合格….

嗇色園主辦可譽中學

http://www.bookofschool.com/school/controller/entityDetails?entityid=6146&action=compare

全港排名
330

分數 4.89/10 …..不合格….

kitkitmom901

你都發現無群組啦，因為無乜人揀… 都好少人問…

我個人意見，萬一你放榜真係中左，真係要第一時間叩門走人，同區有怡文中學排名230左右，就算要走到荃灣都要走… 我同唔少街坊家長讀左幾年都千辛萬苦轉到去第二間… 所以如果中一叩到走到就唔好浪費時間。

唔少家長同我一樣，開頭都係貪佢校舍夠大，設備好似幾好，有少部分家長係可譽小學一條龍直上唔想煩，最後都後悔！

而家多人知左，差嘅口啤係東涌傳開左，連小學都只係收得兩班，聽聞未來會停辦小學… 而中學收嗰D banding 好差，D老師成日轉，年年好多老師走，重要係好同資歷高嘅，新嗰D個個好後生，無乜經驗，除左個校長年資高D近60歲退休外，其他個個都好young.....我個囝成日話D老師成日俾學生話無料到、重好好烚… 你話點入去讀？

iloveheaven38

kitkitmom901 發表於 15-7-6 00:04
你都發現無群組啦，因為無乜人揀… 都好少人問…

我個人意見，萬一你放榜真係中左，真係要第一時間叩門走 ...

謝謝kitkitmom的寶貴意見....不過想問多少少.我知道呢間中學都有四班, 似乎又多過一d 外區瀕臨縮班學校嘅3班或2班.....係咪都可以接受呢? 會唔會再縮呢?

另外, 你提到d老師情況, 有無d實例分享下? 後生會唔會勤力d, 肯用心教學生多d呢?

如果學術唔得, 品行或者其他方面又接唔接受到?
因為都似乎有宗教背景, 嗇色園聽講有d學校都有d名氣的, 對嗎?

kitkitmom901

講起老師，後生係會勤力d, 而且親民D，但多數係用好多時間同D學生留校甚至徹晚whatapp傾計，重坦白講左好多學校內部野同其他老師壞話… 原本諗住唔錯，幾"關心"學生，當免費補習，但聽唔少家長埋怨，風氣唔太好，D老師學歷低，教唔到正經野之餘重講好多是非… 知得越多就越驚…

wonglily

其實學校嘅交通好重要,教師都是工作.大家一樣的工作,除非很有理想.

kitkitmom901

嗇色園係有個別學校出名，但呢間就淨係個校長有D名，聽D老師講佢愛出風頭，校內講多做少，老師好多怨氣，D有料嘅老師、副校長近十年走左好多，剩底全部好young, 連D副校主任都成個中學生樣，而且我地家長群組唔少人都覺個男副校唔掂，淨係識笑，問D教育/管教甚至校務問題都囗啞啞… 處理D學生問題都唔公平唔專業…但聽D學生講除左校長外，已經係最有經驗。學校都請唔到專業D嘅人，甘落去，你都咪話唔驚…

如果講學術，也唔多掂…英數D老師更加不濟，唔少學生都出外補習，阿仔話揾D普通數學問番個科主任都成日唔識… 所以唔好對教學有什麼期望。

品行方面，我知間中有欺凌情況，不時見男女學生拍拖，但D學生都算有禮貌，係街唔多講粗口，係band 3來講都算係甘，因為D老師被要求去用工餘時間關心學生，對頑皮的好有用。

所以如果唔要求成績，本身小朋友都唔太乖入去都Ok，因為一定有D後生老師陪你行6年，都唔錯！再多就要揀第二間，希望幫到你！

ken244644

可字派學校， 只有可風可立是band 1, 其他係......廢時講。 可譽現任李雪英校長當年都係可風教書。

iloveheaven38

wonglily 發表於 15-7-6 10:34
其實學校嘅交通好重要,教師都是工作.大家一樣的工作,除非很有理想.

不過老實說....交通距離真是一個考慮, 有能力有選擇的都不會先選這裡....很現實.

iloveheaven38

甘萬一今日派入可譽.....怎麼辦?

kitkitmom901

原帖由 ken244644 於 15-07-07 發表
可字派學校， 只有可風可立是band 1, 其他係......廢時講。 可譽現任李雪英校長當年都係可風教書。



  ...

你唔講都唔知，原來都係可字派轉過來嘅人… 佢地興咁樣圍來轉來轉去嗎？聽人講之前有個資深女副校走左去第二間可字，好唔捨得佢，家長學生都鍾意佢

kitkitmom901

原帖由 iloveheaven38 於 15-07-07 發表
甘萬一今日派入可譽.....怎麼辦?

走到就走，幾遠都走，有幾快走幾快…

好似D老師甘
除非你無乜要求、住東涌谷住要近、走唔到…

祝你個朋友好運

kitkitmom901

以上純粹個人意見，因為我覺得

距離 vs 學校質素

絕對係唔駛諗，距離一定唔諗，學校質素影響一世，重要係中學短短6年，關鍵… 再加埋呢間係明顯地低…

大家點睇？

MR_K

嘩，樓上位師兄講到呢間學校好似地獄咁，但我見banner有唔少學生入到港大、科大等等喎。我有好多朋友家長既細路都係呢間學校畢業，個個都成材，有時仲會回校探老師。如果間學校咁地獄，照計D學生畢業仲點會回校探老師呀？

kitkitmom901

原帖由 MR_K 於 15-07-07 發表
嘩，樓上位師兄講到呢間學校好似地獄咁，但我見banner有唔少學生入到港大、科大等等喎。我有好多朋友家長既 ...

當然唔係地獄啦，都排3百幾，未係最尾嗰批。好似之前甘講，學術免問、都算係關愛校園，亦有個別同學靠自己出去勁補習考入真正degree, 但廖廖可數… 因為我地有班家長問左幾位離職老師，好nice，分享曬所謂入大學D數字，大多不是degree....(還有好多其他涉及個別嚴重操守，不便多講，講得越多越驚)所以亦都係甘分析曬情況，唔少同學都走左… 所以老師資歷young有young好，個個好坦誠好nice有D傾落都好維護學校 (因為想走嗰陣都力撐老師之問題)，但又真係太young無乜專業方法又無乜深入野做到… 其實區內家長都知…所以小學收得兩班… 樓上師弟剛剛新加入作bK成員力撐貴校，深深明白… 大家睇野有唔同角色角度，總之希望今日各位小朋友最後都入到岩自己嘅學校，必要時做明智果斷無悔決定。

羊太太

原帖由 kitkitmom901 於 15-07-07 發表
當然唔係地獄啦，都排3百幾，未係最尾嗰批。好似之前甘講，學術免問、都算係關愛校園，亦有個別同學靠自己 ...

Kitkitmon901, 你都係10幾生產值！

做咩話人係新國民姐！

我都係同你一樣係10幾生產值，你唔會話我係新會員卦 ！

我平時睇msg多，回覆少，我幾年前都出過一次半次post 向jm 請教，你一開口就就插呢間學校！你話人出黎維護呢間學校！身份好明顯喎！

你都擺明開新account , 專為插呢間學校！你既分享唔中肯呢！

toeric

kitkitmom901，你都係前日先註冊，不要五十步笑百步了。昨天你這個 post 在我地家長群組不停轉載，我在這裡一直是 cdrom，唔想其他會員有所誤會，就等我都講少少啦，等大家自己評一評啦。

第一個問題，其實我都想知好耐，就係點解可譽在 bk 無群組呢?
不過如果大家有留意，其實離島區無乜學校有群組，唔通間間都係因為無人揀所以無群組? 我地家長就圍內有 whatsapps 群，所以又唔會要 bk 開個新o既。

第二個問題，關於o個個排名榜，我剛剛註冊了，評了高分，即刻變返合格了，你仲覺得信唔信得過呢?

其他好事唔講了，費事俾人話打手。你有事再問啦。

kitkitmom901

講真，以選擇離校而慶幸走到嘅家長身份去評去講真話，預左俾好多人質疑同批評，bk一貫如是… 而且就算班數唔多，各級小學兩班，中學四班(唔講人數)都大把人讀緊兼揾食… 要維護大有人在，我一定唔夠你地多人要有勇氣面對&接受係唔容易，我同決定走嗰班家長都經歷過，講到尾都係想將所知實況分享，讓人作平衡無悔的決定，唔好好似我地當年甘俾D open day/地方大而不全面，做左白老鼠幾年先後悔…
明白各位有心人角色，預左，陸續有來。

kitkitmom901

見上面有心人似有智慧地回應1)bk群組 2)排名，以免有人真係一知半解信左… 我點都要最後回復一下

1) 其實bk無可譽群組係事實，同好多其他離島學校一樣都無，道理好簡單但好難有勇氣接受… 在全港中無乜市場價值，無乜好多人想知想問，除左係離島地區居民，亦所以用whatapp群組交流溝通。而唔係話因為間學校D家長有用whatapp群組交流溝通，所以就無/或自己安慰自己話無需要有bk群組…個邏輯錯曬，講出來都俾人笑 因為其他所有學校包括最top的DBS，DGS都大把家長whatapp群組，又唔見bk無佢地D群組…

2)關於www.bookofschool.com個排名，坊間有唔少唔同嘅，呢個只係其中一個D人常用嘅。入面有詳細解釋5大方面嘅評分方法，最後得出"學校評級"及banding, 呢個係客觀分數，可譽係3B 所以DGS、DBS、LS會在這網中排全港頭幾位…
有人話係個網站註冊左，自己評間學校高分D，拉到合格，嗰個分係"家長評級"，屬於主觀分數… 任fans加分…
但竟然有人一知半解地亂甘質疑個排名，唔通用你個邏輯，你可以加分加到排到勁達最top的DBS，DGS？講出來又係俾人笑

睇完上面甘嘅護航內容，證明我決定無錯…
唯希望寫嘅唔係可譽家長、更加唔係可譽老師，只係D校友學生，否則有點…
不再回了，有興趣入的自己批判分析啦