求美國升學意見

mugtaitai

Leo_tsunhin 發表於 15-4-18 21:56
而家中三
我見有個交流生計劃 一年都係十一萬 去到美國讀一年中學 之後就讀兩年社區大學 就讀大學第三第四 ...

好嘅大學從來都難入

11 萬一年係指中學嗰一年？中學讀嘅係公校還是私校？有得揀嗎？住宿點安排？寄宿嗎？

就咁睇條升學路，其實都 ok，嗰兩年社區大學要用功，攞個好成績去申請轉大學，都有好多入到唔錯嘅大學，Ivy League 可能難咁樣 transfer 入，但有好多好好喺州立大學都係咁途徑入

mugtaitai

Leo_tsunhin 發表於 15-4-20 13:32
十一萬包去同番既機票 住係寄宿家庭  讀個邊既公立學校 會住係D郊外地方



  ...

公校嘅質素比較參差，好校區嘅同唔好校區嘅可以差好遠，學生背景同校風亦可以好唔同，呢樣要考慮

知道係邊個州邊個城市嗎？

mugtaitai

wongsiufung1975 發表於 15-4-20 17:48
美國Community College係資歷架構上應該是類似香港副學士。
即是下年去讀中四，跟住直入副學士, 兩年後升大 ...

我估唔係去讀中四而係中六吧？樓主只係問下關於呢個 program，未必係明年就要去？

mugtaitai

Leo_tsunhin 發表於 15-4-20 16:57
點解？ 如果到十六歲就讀community college?

community college 係等於大學 year 1 同 year 2，咁計起來應該係 17/18 歲高中畢業後入。呢個 exchange program 讀嗰一年中學係高中最後一年嗎？

mugtaitai

Leo_tsunhin 發表於 15-4-21 19:28
http://www.cultural-link.com.hk/usa.php
我係呢度得知呢個計劃
大家覺得咩時候去美國係最好？ 定係考完D ...

咩時候去，我覺得好難一概而論
我仔今年 17 歲，喺英基讀緊 year 12 （中五），本來打算讀完中二就比佢去美國，老公唔捨得，話遲兩年啦，於是前年暑假後就開始積極部署，點知阿仔話而家美國嘅大學幾睇重 IB，如果 IB diploma 考到好成績，仲好過半途去美國讀 high school。我有朋友喺美國大學教書，佢都話而家越來越多同事覺得 IB 出身嘅學生比傳統美國高校考 AP 出來嘅 well rounded 好多。既然係咁，我樂得留阿仔喺香港多兩年

細仔情況同哥哥略有唔同，哥哥成績一向好，我有信心憑佢 IB 嘅成績都應該入到唔錯嘅大學，但細佬成績麻麻，除非來緊呢幾年佢忽然發力，否則 target 都係二線嘅州立大學，而呢 d 大學，作為本州生，入到嘅機會大好多，咁就要中學畢業前去嗰個州住，入讀當地高中，先可以算本州生，而大學收生會睇晒成個高中四年嘅成績，細佬成績已經唔係好，費事再幾年香港成績幾年美國成績咁混淆大學收生部嘅視線，所以細佬好大機會高中之前就去美國

mugtaitai

Leo_tsunhin 發表於 15-4-20 20:40
呢個program for15-18 歲
因為college 16歲就可以入 同埋只要中三學歷 比同年香港學快快兩年 都早兩年大學 ...

上面 nintendo 講得十分中肯，你講嘅呢條路唔係行唔通，但你諗下，中學比人地讀少左兩年，上到 CC，同人地讀同樣嘅 courses，除非你小朋友讀書好標青，否則要同人地競爭攞高分真係唔容易，CC 成績如果唔係十分好，要轉入好大學唔使諗

mugtaitai

Leo_tsunhin 發表於 15-4-22 00:12
IB係咪成績要好好

比個實例你，阿仔學校舊年有個學長入左 UC Berkeley，佢 IB Diploma 攞 45 分滿分，數學考全球第一，港大醫學院收左佢，佢第一志願想入哈佛，但入唔到，最後揀左 UC Berkeley

mugtaitai

Leo_tsunhin 發表於 15-4-22 00:11
多謝大家既意見
我小朋友而家中三 有親戚住San Francisco 想問下個邊有咩中學係好？ 應該幾時過去 ...

如果唔係 target UC Berkeley， UCLA 或者 UC San Diego，讀完中學，入 CC，然後再轉入 UC 其餘六個 campus，都係一路可行嘅路

三藩市校區好似幾複雜，聽聞唔係你住邊區就讀邊間，要抽籤，你去美國媽媽會嗰邊問下，會有 JM 詳細答你。至於幾時過去你要睇下小朋友嘅情況，佢自理能力如何？平日成績同操行點樣？你會唔會陪埋佢過去？如果你唔去，有親戚照顧？還是要寄宿？佢咩年紀你覺得放心比佢離開屋企？通常父母想早 d 比小朋友去外國係想佢早 d 適應，成績上左軌道，之後容易入到比較好嘅學校，你覺得你小朋友有冇呢個需要？如冇，可以喺香港讀到中學畢業先去都唔遲，CC 唔難入，如果立定心思決定經 CC 轉入正規大學，應該冇必要一早去

mugtaitai

Leo_tsunhin 發表於 15-4-22 10:52
多謝意見！
如果target 係你講個三間呢
而家中三 係咪太遲？ 佢唔係美國公民 有親戚係個邊照顧  ...

你一直問而家中三係咪太遲，點解你怕遲？遲喺邊度？你嘅憂慮係乜野？英文程度？overall 成績？

你提到嘅嗰間學校我唔清楚，去美國媽媽會嗰邊問下可能會有多 d 資料，嗰邊有唔少 jm 住三藩市，應該熟

CC 都入到 UCLA，UC Berkeley 嘅，不過當然成績要好好，但冇保證；其餘六間 UC 有 transfer guarantee program，達到佢要求，就一定入到，詳情可以去呢度睇下：
http://admission.universityofcalifornia.edu/transfer/guarantee/

mugtaitai

Leo_tsunhin 發表於 15-4-22 17:02
小朋友英文唔係咁好  覺得如果過美國讀中學成績未必好 所以想佢做一年交流生 之後入CC博下入好既大學 :sick ...

如果你擔心小朋友去美國讀中學成績未必好，點解你會覺得做一年交換生之後入 CC 成績會好？CC 嘅課程係大學程度，點諗都應該會深過中學嘅課程吧？而且仲要讀少左兩年中學，基礎冇其他同學咁好，同佢地競爭攞好成績應該更難？

如果計劃係想小朋友去美國升讀大學嘅，我覺得可以試下：
1. 儘快送小朋友去美國讀中學，如果佢唔係美國公民／居民，咁只可以入讀私校，有唔少寄宿私校都管得好嚴成績都唔錯嘅，我當年中學讀中文學校，英文成績雖然唔係差，但比起自細讀英文學校嘅始終差 d，我讀完中四去美國讀寄宿學校，日日浸喺嗰個環境，英文進步神速

2. 留喺香港，將佢英文谷上去，或者試下轉國際學校，呢 d 年紀嘅國際學校學生開始陸陸續續去外國升學，越高年班學位空缺越多，相對越容易轉

上面已經有 JM 提到，要入好嘅大學，除左要成績好，仲要有課外活動，文武體藝全能，又要做義工，呢幾年就係部署呢 d 資歷嘅時候了，小朋友已經中三，要馬上開始做了

mugtaitai

harrymanmypun 發表於 15-5-26 00:53
回覆 林嬌嬌 的帖子

Top UC 勁科目好難入，若SAT I 考得不太好，GPA 4.0 都沒有幫助，小兒IB PREDICT 42分 ...

介意分享令公子 SAT I 成績如何嗎？我兒情況相若，IB predicted score 42 以上，SAT subject test （math & chem）760 以上，但 SAT I 只有 2200，他想讀 Bio Tech，我叫他考慮重考 SAT I，他有點猶豫，覺得現在 IB 很忙，不想再增加負擔
又，請問令公子是美國公民／居民嗎？他是直接從香港中學畢業然後過去的嗎？還是 high school 已經在美國讀了？

mugtaitai

harrymanmypun 發表於 15-5-26 13:52
我們一家去年6月尾移民美國, 但大仔一直留在香港, 今年才考IB (剛考完), 他從小在香港讀國際學校, SAT I 低 ...

我兒 2016 才入大學，而家尚未申請，但暑假後就要開始了

佢都係從細讀國際學校，IB predicted score 尚未 final，我當然希望到時可以再高少少，但佢數學比較弱，即使可以再高一點都應該唔會差太遠。反而我在想，如果 SAT I 可以考得好一點，也許幫助大一點，但他不太想再考一次。UCLA 都是他心儀的其中一間大學，但我都跟他說不要期望太高，不少二線的州立大學也很不錯，真的想去好一點的大學，還可以努力一點，將來 grad school 時再考一次，很多人都說名校的 grad school 比 undergrad 容易入

mugtaitai

kingkongdaddy 發表於 15-11-5 02:33
聽人話SAT明年三月開始唔再考又長又深又少用的vocab，係咪真？

呢樣唔清楚，但聽講美國嘅大學會慢慢冇咁睇重 SAT 嘅成績，反而睇多 d AP 或者 IB 嘅成績

mugtaitai

jh1228 發表於 15-11-10 16:55
simonlawht2,

路過，我搭句嘴：
1) San Jose, CA95129 地區有適合的CC嗎?
可以睇下呢度：http://californiacommunitycolleg ... p.asp?area=Bay+Area  至於邊間適合，我就唔清楚了，我聽唔少香港學生去 Foothill 同 DeAnza

2) CC的1年學費多少?
上各學校嘅網頁就可以見到。學費加必須雜費（書簿，保險，等等）大約一萬美金左右


3) 這區有什麼大學可供選擇? 1年學費/生活費多少?
Bay Area 最出名的大學，私立的有 Stanford，州立的有 UC Berkeley，其他還有很多，但不太清楚哪間的演藝科比較好


4) 滿18歲可以做兼職嗎?
兒子是美國公民／居民嗎？如果是，可以的；如不，應該只能在校園內做兼職，每週最多 20 小時