【短片】七成小學超收世襲生 蠶食逾2300學額

elbar

elbar

世襲生蠶食學位　七成小學超額收生


在  ○  三  年  非  典  型  肺  炎  過  後  ，  在  政  府  大  力  鼓  勵  生  育  ，  令  小  一  適  齡  學  童  逐  漸  回  升  ，  加  上  部  分  夫  婦  生  育  多  於  一  名  孩  子  ，  世  襲  生  數  目  上  升  無  可  厚  非  。

　　(星島日報報道)適齡小一新生急升至五萬九千人，一五年度的小一入學自行分配學位階段中，必獲取錄的世襲生持續上升，本港約七成小學須「超額」收生，令統一派位學額被蠶食逾二千三百個學額。據本報統計，全港至少十一所學校在自行收生階段超額取錄二十人或以上，較去年的六所多一倍，個別小學學額更被蠶食六成。有小學校長指出生率回升，形容世襲生急增無可厚非。

　　今年升小適齡學童人數較去年急升約七千人，至約五萬九千人，教育局預計新學年參加統一派位的學童人數約有三萬人，在早前自行分配學位階段中，約二萬二千多人獲心儀學校取錄，成功率達四成三，較去年稍為上升百分之一，當中約一萬零九百人屬兄姊在該校就讀，或父母在該校任職而自動取錄的世襲生，較去年多約二百人，統一派位學額被蠶食的情況仍然嚴峻。

　　據本報統計，全港至少十一所學校在自行分配階段超額取錄二十人或以上，較去年最少六所學校多近一倍，令統一派位學額繼續被蠶食，新界區統一派位學額蠶食逾一千七百個，是全港學額蠶食最多的地區，九龍區統一派位的學額蠶食亦有四百六十多個，港島區的統一派位學額蠶食有近一百五十個。

　　部分小學學額蠶食情況嚴重，位於元朗區的光明英來學校，在自行收生階段取錄一百零一人，超額取錄三十八人，令六成統一派位學額被蠶食。同區的南元朗官立小學在自行收生階段取錄九十七人，超額取錄三十四人。九龍區方面，位於新蒲崗的天主教伍華小學超額取錄十九人，令該校逾三成統一派位學額被蠶食。

　　部分名校林立的校網，統一派位學額蠶食情況同樣嚴峻，包括拔萃小學、喇沙小學等名校的九龍城四十一校網，五十七個學額被蠶食；中西區十一校網，即嘉諾撒聖心學校、聖士提反女子中學附屬小學、般咸道官立小學等名校所在校網，則有三十一個學額被蠶食。

　　津貼小學議會主席張勇邦認為，在○三年非典型肺炎過後，在政府大力鼓勵生育，令小一適齡學童逐漸回升，加上部分夫婦生育多於一名孩子，世襲生數目上升無可厚非，「基於政策學校必須取錄有兄姊在該校就讀的學童，以方便父母照顧，希望非世襲生家長能多了解情況」。他建議，在自行分配學位階段未獲派學位的家長，在統一派位時勿以博彩心態選校，「有時競爭激烈的學校未必最適合孩子，家長可多留意其他有實力學校，可能更適合孩子」。

　　教育局提醒在自行分配學位階段未獲派學位的家長，須在本月三十一日至下月一日辦理選校手續。當局重申，為確保學位供應足以應付需求，或可能會調整學校的統一派位學額。

se6b03

其實世襲生同統一派位應該分兩條隊，世襲生位唔夠都唔應該係大抽獎度借位，你世襲生有權申請該校，我地既小朋友都有權讀該校，唔夠位我唔理你教局用咩方法，加班加位都好，無理由剝奪小朋友入同一所學校既權利。

5tgb

社會資源應該公平分配，兄姊與弟妹同校，天經地義，難道要讓位給別人嗎？祗要自已達成目標，無須理會學校生態的建議，未必會多人認同。實不宜將名校優越化，讓二、三線學校也有生存空間吧！

ET.UFO

我自已也享受不到世襲的好處，但我覺得兄弟姊妹同一學校對孩子和家長也有好處，對，社會資源只有咁多，唔可以話你都有權去讀就不埋一切，何況，你也在大抽獎再玩過。

瑩瑩老豆

se6b03 發表於 15-1-24 16:34
其實世襲生同統一派位應該分兩條隊，世襲生位唔夠都唔應該係大抽獎度借位，你世襲生有權申請該校，我地既小 ...

如果係本地世襲生都算啦, 最慘係連雙非都可以世襲

http://hk.apple.nextmedia.com/realtime/news/20140922/52928918

Tintin926

瑩瑩老豆 發表於 15-1-24 21:55
如果係本地世襲生都算啦, 最慘係連雙非都可以世襲

http://hk.apple.nextmedia.com/realtime/ne ...

其實雙非好少兩胎晌香港生，通常係超生第二胎想博仔關係為主（深圳依家超生一個罰26萬人仔）d大6口音阿媽通常係單非新移民或單非跨境為主

只可怪香港低收入男人冇港女願嫁的結果！

PS:我不是單雙非家庭

melonfans

Tintin926 發表於 15-1-24 22:41
其實雙非好少兩胎晌香港生，通常係超生第二胎想博仔關係為主（深圳依家超生一個罰26萬人仔）d大6口音阿媽通 ...

未必一定, 無數據!  有個大6媽係香港生4個, 第4胎今年係監獄生, 一樣有香港出世紙.

maozit

elbar 發表於 15-1-24 16:26
世襲生蠶食學位　七成小學超額收生

是嗎？check 過港島區一些名校 （瑪x曼、聖士xxx等）今年冇超收世襲額，又有朋友不足25分在自行中咗，仲以為今年學額不太緊張㖭！

☆~Chris~☆

maozit 發表於 15-1-25 01:25
是嗎？check 過港島區一些名校 （瑪x曼、聖士xxx等）今年冇超收世襲額，又有朋友不足25分在自行中咗，仲以 ...

今年比上年多咗適齡兒童，一定緊張過上年添

小兔~阿比

我覺得其他計分可能有不合理處，但兄弟姐妹呢種世襲係無可厚非，難道第1胎我無玩過呢個game咩，難道你遲啲生第2胎無呢個優惠嗎，呢個政策不是針對港人定單雙非小童，係一視同仁的

小曳人

☆~Chris~☆ 發表於 15-1-31 20:26
今年比上年多咗適齡兒童，一定緊張過上年添

數字出咗，可能大家穩陣咗，所以自行中嘅人多咗，大抽獎嘅人數少過舊年

青青河邊草

5tgb 發表於 15-1-24 18:00
社會資源應該公平分配，兄姊與弟妹同校，天經地義，難道要讓位給別人嗎？祗要自已達成目標，無須理會學校生 ...

同意, 唔明點一定要用"蠶食"呢個字眼.
我仔讀直資, 弟妹唔係必收, 都真係有人唔收.
D家長又嘈, 話點解弟妹唔係必收.
根本點都有人講.

lkf_leung

其實我記得以前係自己去學校面試, 我比較欣賞這做法.

熊牛不兩立

lkf_leung 發表於 15-1-31 23:34
其實我記得以前係自己去學校面試, 我比較欣賞這做法.

只用面試,只會令没有家庭支援的小朋友更没有機會入讀學校。

青青河邊草

原帖由 熊牛不兩立 於 15-02-01 發表
只用面試,只會令没有家庭支援的小朋友更没有機會入讀學校。

Agree!
要面試，就會變到依家咁，愈考愈深，搞到教育扭曲晒

methy

原帖由 lkf_leung 於 15-01-31 發表
其實我記得以前係自己去學校面試, 我比較欣賞這做法.

不能認同，如果只靠面試決生死，到時幼稚園階段個個就開始死谷難谷。

lkf_leung

咁其實係個社會变了, 因為個個抱著人地谷, 我唔谷咪慢人一步, 只是父母們自己谷啲小朋友, 我記得以前sister只是同我傾下偈, 問我食早餐未, 平時鍾意睇電視定聽故事等簡單問題, 就決定收唔收啦. 其實現在也只是某些學校考學術, 大多是考你表達能力, 日常知識, 這些平日學的東西呢.