學校

小曳人

icecream126 發表於 15-1-20 09:09
我地學校…例如小朋友交齊功課！老師會寫欠話搵唔到、之後再同老師講一定交咗、佢先話有！但都要當欠！



  ...

咁樣，小朋友係咪覺得唔公平？唔開心？定係純家長覺得老師唔啱？我自己係大事化小，小事化無
欠交功課會有乜後果先？如果會欠特定次數然後見家長，仲可以話怕煩
但如果學校唔會罰，只係寫手冊....我會响老師句嘢下面加多句話當日已交，佢係要落record都無辦法，總之要話俾小朋友知：(1)爸媽信任佢 (2) 要尊重老師

小曳人

咁嗰份功課係咪計考試分架？如果係，就要爭取返，如果唔係，我覺得無乜太大問題
老師覺得小朋友可以做好d，咪話未如理想囉！我有朋友個仔全班考第8，老師叫佢跟緊d功課添，個阿媽從來唔理個仔嘅功課，佢都
咪當時運高囉~

操行分。就要睇學校policy，如果班班都係咁計，無問題喎，咪叫小朋友積極d囉

話時話，小朋友幾年班？都過咗半年，出年又係其他老師教，點解要為個別老師而轉校？

可能我隻仔操行差慣，我又有心放手佢自己搞掂，我真係覺得寫下手冊無乜大不了，如果小朋友自己覺得大件事，就自己做好d本份，佢返學又唔係我返學，佢生存到唔覺得無面子嘅，我OK架！早排訓導寫手冊，寫明落咗record，我見佢知驚，訓話完咪得囉，邊個男仔未曳過？

但如果小朋友自己覺得唔開心，你了解過，覺得呢間學校無得救，咪轉囉！但緊記：無人擔保下一間學校會唔會出現同樣事情，更重要嘅係，適應問題！