大埔友一齊入來交流下升中選校心聲

結結巴巴

如何衡量一間學校是好定差呢？似乎很多人只看重升大率。如果一間學校有很高的升大率，家長是否就可以對學校的教學和管理方式不予理會呢？反過來，如果家長對學校的教學和管理方式很滿意，又是否可以不關心其升大率呢？

little_yolky

結結巴巴 發表於 14-12-17 15:48
如何衡量一間學校是好定差呢？似乎很多人只看重升大率。如果一間學校有很高的升大率，家長是否就可以對學校 ...

我們要知道讀中學的目的係為乜, 人人唔一樣, 如果係想小朋友將來升大學, 咁升大學率當然重要了。學校既管理同教學方式, 那裡能打聽得仔細呢。對於band 3既小朋友, 當然係以校風為主了。

呢個帖既家長小孩暫時係band 1, 當然就係以成績為首要。但如同其他JM所講, 大埔柏雨同莫記兩校形象咁唔一樣, 各有粉絲, 其實選擇相對容易。

bb_2001

kin818kin 發表於 14-12-17 15:13
咁你地又知唔知王肇枝入大學的%?這間學校是否真的如傳聞般嚴及校風好？



  ...

其實在學校的網頁內找Annual Report, 可以知道入大學率, 但有些中學寫得好tricky. 令睇的人唔明, 有些不會直接話你知入大學率, 仁例如王肇枝, 他們會說 78個入Degree Courses, 畢業人數是171人, 比率自己計, 便是45.6%.

http://www.wscss.edu.hk/96docs/plans-n-reports/AnnualReport1314en.pdf (Page 17)

但degree course是否等於入到大學, 就唔知了.

至於校風, 就不太清楚, 只知中文私補老師說過他們的中文科老師很有心, 教材自定, 比柏雨的好.

mrs.so

剛一年王肇枝公佈中六總人數既一半入大學

王肇枝的確好有要求，開放日講明揀申請者面試，入得王肇枝除學業成績考慮因素外，其他課外也作考慮，王肇枝既中文科中一係校本課程好深，全級考第一既中文科平均分只有約六十分，令好多家長驚嚇，孩子好有挫敗。

bb_2001

kin818kin 發表於 14-12-17 15:07
Leung2010

可否分享下呂中的好？因為有你親身接觸兩間學校才可以深明當中的體會。

呂中的經驗:

中一初入去時的家長會, 老師已說明是入得精英班的都是來自各方的好學生, 大家都是魚仔, 所以不用比較和競爭.

我細仔很細粒, 我亦因此担心他會比同學仔笑, 但有一日細仔回來說, 同學同佢講, 我地都冇睇少你, 你唔可以睇少自己, 他們同學間感情幾好, 這亦是老師多番強調的結果.

中一時第一次考試, 第一日就考中史, 我細仔因緊張, 從那日開始便日日考試前都去洗手間嘔哂啲早餐出來, 今年中二考試, 學校將閒科(音樂)先考, 等小朋友適應了考試生活才考主科.

柏雨的經驗:

每扣到10分要罰企操場, Dry 企冇野做1小時. 唔準做功課. 企完返家.

同學間請教功課, 老師會話你借功課給同學仔抄, 然後扣3分操行分, 因你要話比同學仔知, "我的答案唔一定對, 叫同學自己揾書".

還有些不方便公開...

subb

好奇一問...點解無人選恩主教???? 近年dse考得不差架 ????

mrs.so

因為早幾年恩主教前校長作風令毘主教沉寂，尤其反對驗毒計劃令人側目，後來現任葉校長由高主教升調入主後，恩主教這兩年好積極成績上揚。

kin818kin

原帖由 bb_2001 於 14-12-17 發表
呂中的經驗:

中一初入去時的家長會, 老師已說明是入得精英班的都是來自各方的好學生, 大家都是魚仔, 所以 ...

請問你咁你細仔初入去呂中時會不會好難跟上去？始終沙田區一般的課程程度都偏深，適應會不會辛苦d?

呂中的精英班有幾班？是否年年會有調整？

bb_2001

little_yolky 發表於 14-12-17 15:56
我們要知道讀中學的目的係為乜, 人人唔一樣, 如果係想小朋友將來升大學, 咁升大學率當然重要了。學校既管理 ...

我覺得只看重成績，忽略全人教育，便不是一間好學校。我以前會以為成績很重要，升大學便是一切，但慢慢發覺，有好的性格和正確價值觀，是一生受用，就算升不到大學，只要不放棄，將來仍有希望，因為性格決定命運。
管理得好的學校，亦可以是B3學校，兩者沒有直接關係，分別在於學校有沒有真心關心學生的需要，以學生為本，不斷改善。

bb_2001

kin818kin 發表於 14-12-17 18:17
請問你咁你細仔初入去呂中時會不會好難跟上去？始終沙田區一般的課程程度都偏深，適應會不會辛苦d?

呂中的 ...

呂中只有一班精英班1D, 是以英文和數學能力介定，現在中二也留在精英班2A，舊年約一半人西走。
其實上中學我已冇跟功課，佢自己攪掂，但直覺覺得他好忙，亦可能因佢手腳慢。中一時呀哥有出卷幫佢溫maths, history and science. 今次考試呀哥冇幫手，未知結果。

其實，我兩個仔在大埔只煲讀二線小學升上。

mrs.so

我兩個仔也不是大熱小學，但我大仔當年亦有神級直資取錄，係好意外好開心

bb_2001

mrs.so 發表於 14-12-17 20:13
我兩個仔也不是大熱小學，但我大仔當年亦有神級直資取錄，係好意外好開心



  ...

利害! 利害! 所以這證明並非一定要留在大埔升中，我們大埔的小學，絕對有能力跨區升更理想中學。

kin818kin

原帖由 bb_2001 於 14-12-17 發表
呂中只有一班精英班1D, 是以英文和數學能力介定，現在中二也留在精英班2A，舊年約一半人西走。
其實上中學 ...

請問邊間小學？

當年考全級第幾？

請問你當年填表點填？第一輪第一就填呂中/第二填莫？第二輪及大抽獎又點填？

mrs.so

第二輪明年四月下旬填表，有分甲部跨區+原區可三間，乙部只能填原區，如果肯定係BAND ONE學生乙部可以唔填大光，馮記，X慈，鄉中，其餘填哂，第三志願只可填恩記，第四救恩，何中等填哂

bb_2001

mrs.so 發表於 14-12-18 07:27
第二輪明年四月下旬填表，有分甲部跨區+原區可三間，乙部只能填原區，如果肯定係BAND ONE學生乙部可以唔填 ...

救恩是B2a 中中? 何中全名是? Banding ?

Fanny_ma

bb_2001 發表於 14-12-18 08:55
救恩是B2a 中中? 何中全名是? Banding ?

救恩 2A 成績一般 校風不錯
何郭佩珍 2A-2B 校風同成績都好麻麻

結結巴巴

原帖由 bb_2001 於 14-12-17 發表
我覺得只看重成績，忽略全人教育，便不是一間好學校。我以前會以為成績很重要，升大學便是一切，但慢慢發覺 ...

講得好！多謝bb_2001，作為過來人，相信你的說話更有說服力，讓其他家長可以重新思考再作出合適的選擇。

bb_2001

其實講緊是未來六年的學校生活, 不是只放眼中一, 而且小朋友又經歷青少年的成長期, 父母子女溝通不好, 可以好大煲, 你亦冇可能日日問, 佢亦可以唔睬你, 或者全部大話.

若果教養兒女最終是希望他們展翼高飛, 便要學會慢慢放手, 嚴的學校可能對在初中生有效, 但去到高中, 就一定冇效, 但那時性格已定, 想改變亦好費力, 若加上子女與父母關係唔好, 佢地甚麼也唔話你知, 到有事時老師找上門, 或警察找上門才知, 就後悔莫及了.

家永遠是孩子的避難所, 別因現在的教育制度, 把家變成了戰場.

kin818kin

原帖由 bb_2001 於 14-12-19 發表
其實講緊是未來六年的學校生活, 不是只放眼中一, 而且小朋友又經歷青少年的成長期, 父母子女溝通不好, 可以 ...

在你觀察，柏雨同呂中邊間深d?
邊間幫成績欠佳的同學提升學業更好？

subb

mrs.so 發表於 14-12-17 17:43
因為早幾年恩主教前校長作風令毘主教沉寂，尤其反對驗毒計劃令人側目，後來現任葉校長由高主教升調入主後， ...

IC, 我識/見的恩學生, 品德修養都好好呢　！　
其實迦密一向的作風"谷", 罷明"求學只是求分數" 多年來都是這樣!
選得這校都知道....