補習像一種風氣？！

dorothywing

little_yolky 發表於 14-12-5 16:01
雙職父母但無補習在此報到

你囡囡好乖，又自動波，自行處理自己問題。可是，個個孩子氣質有別！此外，選到一間功課合理的學校都是福氣。你太令人羨慕了！我有位朋友要求不高，囝囝入讀了沙田一間二、三線津小，初時諗住冇咁大壓力，入讀後才知真面目。
我選校前亦打探過功課量,奈何，事與願為！
小學欠樂土，你小朋友的學校功課合理，實在是福氣。

瑩瑩老豆

jswailam928 發表於 14-12-4 17:15
慘

有幾慘? 冇人用鎗指住你要去補的.

wonderlulu

原帖由 jswailam928 於 14-12-04 發表
慘

一定程度上係心理因素，唯恐落後丶不足。

唔知幾時開始，細路冇咗自己做功課嘅能力，一定要人陪才做；父母要求簡單而極高：完美第一，哇哇，唔加把勁（請補習協力）點得？

cheungzacpo

補習里樣野，兩睇的，有人會覺冇用，亦有人覺得好有用.
小學課程顯淺，如果話只係補功課考試就真係跟本唔需要補，如家長冇時間理小朋友的，只需要有人監住小朋友做功課已經足夠.
但好多補習都係當小朋友精英咁補，俾小朋友預備佢未學的野，令到佢係課堂教到的時候比其他小朋友更快掌握技巧，對小朋友的自信心有好大幫助。
而且補習老師重覆再教學校老師所教的俾小朋友，再加上額外的功課測驗，可以令小朋友更清楚自己的弱點係邊，從而得到改善.
所以...補習非必要，但想做BEST OF THE BEST的話，最好都仲係補習(當然補習老師係好重要的因素..)

natnatbaby

囡囡小五，成績中中至中上。五年沒補習，雙職父母。其實會教得辛苦，勞氣的，但過後又沒事了。如果補習肯聽，有機會可更上一層樓。但遇着不夠耐心的老師，只靠惡，慢又罵，錯又罵，相信我囡一樣無心機或玩對抗。單對單補，又叫悶，補習就發夢。所以辛苦也自己教，望她自覺自立。'

wan_sosin

原帖由 瑩瑩老豆 於 14-12-06 發表
有幾慘? 冇人用鎗指住你要去補的.

係囉，補唔補自己有權揀！
如果覺得唔補，個仔女輸洩咗，咁就無法啦！
我仔小一，都真係有半班去補，我仔無去補，亦唔覺得需要補習，但唔覺得有補習嗰D,成積一定比無補嘅好！
有D係因為小朋友跟得唔好，先去補，補習只係想去到普通水平！
每人有自己原因，選擇啱自己小朋友嘅路去行就好！

dorothywing

cheungzacpo 發表於 14-12-6 08:42
補習里樣野，兩睇的，有人會覺冇用，亦有人覺得好有用.
小學課程顯淺，如果話只係補功課考試就真係跟本唔需 ...

不太認同小學課程顯淺"。我是自己跟功課，小朋友讀小一，D中文閱讀理解很深，我有時都唔識。我覺得普遍課程都比我們小學時都深很多了！學校教得深已是風氣，家長小朋友唯有並肩，㩗手應付挑戰。(純屬個人感受,不喜勿插)

jswailam928

Agree, 真係唔覺淺，我識個朋友起英國讀完大學番港仔女讀d一線小學，都唔識教要去補習，我地笑佢，唔係丫麻咁都唔識教、佢反問番我地，識又唔代表識教既！
當然係無人拎住枝槍叫你去補啦，我只個人感受覺小朋友辛苦而已，唔係話一定補左就叻既。

MASAYA

雖然不知道你們小孩的小學程度有多深, 但我認為學校知識是在學校學, 我只是為孩子預備怎樣學習的能力, 這也是我選擇幼稚園時的考慮, 當然, 每個家庭也有自己的考慮, 也知道有些學校的程度深到不是給一般小朋友讀的, 總之, 大家都是為小孩著想, 加油

wan_sosin

原帖由 jswailam928 於 14-12-06 發表
Agree, 真係唔覺淺，我識個朋友起英國讀完大學番港仔女讀d一線小學，都唔識教要去補習，我地笑佢，唔係丫麻 ...

而家讀書，補唔補習都辛苦架！只係屋企教，定比人教，有人選擇補習，係想保存親子關係，免得因為學業而傷害關係！如果出去補習可以免於給家人鬧，都可能係好事！想小朋友無咁辛苦，比多d支持佢哋，留返一D屬於佢哋嘅時間，等佢哋有得休息有得玩，學校嘅功課唔會變，係咁深就咁深，但屋企點教係可以自己調節！

hi_baby

我是在職媽媽，其實我唔抗拒幫小朋友溫習，但小朋友不聽我指示，我要她做練習，她一定例牌不做，反而補習老師給她，她多多也能應付，我沒有讓她參加課後功課輔導，因她做功課很慢又不專心，每星期我讓她放學後補習兩科，反來晚上我在家便較專心做功課。

ming0314

原帖由 dorothywing 於 14-12-05 發表
本帖最後由 dorothywing 於 14-12-5 08:52 編輯

我不以"風氣"形容家長揾補習，相信大部份家長不是跟風而 ...

冇錯，我由開學開始自已跟功課，晩晚滾水陸腳咁放工返屋企，嗱嗱聲食飯沖涼就開始睇功課！晚晩就好似戰場一樣，而且只係跟到功課，測驗默書跟本冇時間溫所以最後決定外判比補習社外人教佢地聽啲

edpo

回覆 ming0314 的帖子

無錯，其實係睇父母要求加小朋友的能力，我自己都係從事教育，仔已經考第一，一直我都係自己教，教的也非淺，但我也一樣搵上門普通話老師同外籍老師教，好多野，有時為了有更好的成效，就會搵專門的人去教⋯多年來，識得太多的醫生律師測量師，佢地都請補習老師專科專教，讀名校的學生更加如是，其實真心一句，有時可能係父母工作太忙，時間分配上始終困難，唔係唔跟子女學業，而係大家都需要有休息的空間，如果父母要求高，有時就可能更應放手比個中間人回下氣。至於另一些係平日在課堂上已經是追不上的學生，有人跟番足一些都始終係好事。補習跟本無對與錯之分，最緊要係睇住家庭經濟狀況，給孩子最好最適合的選擇。

little_yolky

dorothywing 發表於 14-12-6 13:44
不太認同小學課程顯淺"。我是自己跟功課，小朋友讀小一，D中文閱讀理解很深，我有時都唔識。我覺得普遍課 ...

又係果句, 好彩, 學校課程淺(其實係程度適中, 唔快唔慢), 至於中文深嗎? 阿囡最拿手係閱讀理解, 佢見到就眉開眼笑, 因為唔駛溫書。至於深過我們當年嗎? 但睇吓依家小朋友屋企啲書, 如果佢哋咁都學唔好, 真係無辦法了, 當年我除教科書以外, 只有阿爸日日買果份報紙, 同埋間唔中買既老夫子而已, 依家小朋友睇書多, 當然相對中文係較當年深一啲了, 最深係要用普通話學而已。但其他科我就覺得同當年差唔多。英文都深少少, 但唔係深好多, 最慘係數學唔覺深, 但阿囡最差居然係科無深咗既數學, 教到嘔血。

mch411

其實市面補習社好多都係功課輔導班 或 托管班,
只係篤住小朋友做功課, 溫默書,
我個仔冇人湊, 我最快七點先返到屋企,
唔送去補習社真係冇計,
七點接佢, 食飯, 跟住全部佢私人時間,
有時同佢落街踢波, 有時自己睇電視, 十點前上床

little_yolky

dorothywing 發表於 14-12-5 17:58
你囡囡好乖，又自動波，自行處理自己問題。可是，個個孩子氣質有別！此外，選到一間功課合理的學校都是福 ...

我都有位咁既朋友。

佢就慘, 又係沙田區, 幼稚園K1時開始睇學校, 全沙田區都睇云, 最後揀一間以為啱既, 點知小朋友入讀果年轉校長, 變晒 佢小朋友仲要有少少專注力不足, 真係教到嘔血

fc926

我地都係雙職, 無補習, 每天放工返屋企只係簽手冊,小二開始連功課有無做都唔check, 呢樣野我對小朋友講明唔跟, 有漏就自負 (好似幾狠), 我亦都好少跟功課內容, 但當他們功課上有問題時, 我會花時間去講解到明白為止, 過左一個學期, 我覺得間中有些少錯漏都可以接受. 大家首先試下放手,唔得才出手, 跟風補習完全無必要.

dorothywing

little_yolky 發表於 14-12-15 14:01
我都有位咁既朋友。

佢就慘, 又係沙田區, 幼稚園K1時開始睇學校, 全沙田區都睇云, 最後揀一間以為啱既, 點 ...

給你一個"五"！我朋友果間又是剛剛轉校長！

little_yolky

fc926 發表於 14-12-15 15:56
我地都係雙職, 無補習, 每天放工返屋企只係簽手冊,小二開始連功課有無做都唔check, 呢樣野我對小朋友講明唔 ...

唔狠唔狠, 我都係咁, 我覺得自己都不知幾咁溫柔

小朋友好依賴架, 好似囡囡, 升咗小二, 功課係吃力咗, 咁我咪好心英、數測驗前出份pass paper佢嘆下囉, 點知測中文前, 佢同我講：媽咪, 我想做下卷。

佢一向中文OK, 無理由仲要阿媽我咁辛苦, 於是, 我答：你儍架? 自己讀啦。