如果有2個小朋友, 保會全日VS迦南半日, 點揀?

Happi_Mum

我女讀緊保會N班, 另有迦南K1 上午OFFER, 我要返工, 平時姐姐湊阿女返學放學,

學術而言, 老公覺得迦南好些, 想選迦南,

但剛發現有了小B, 所以我在想, 如果讀全日有學劵, 在照顧上和經濟上都會好些... 我就想保會, 又唔駛重新適應

唔知點決定 ?! 想問吓有2個孩子的媽媽, 得姐姐1個湊2個, 大女返全日係咪好些?

全日(最長8-7), VS 上午(3小時), ;;;; 有學劵 VS 冇學劵 ;;;;; 直升VS轉校 ;;;;; 學術普通 VS 學術較好

ha0930

Happi_Mum 發表於 14-12-3 12:15
我女讀緊保會N班, 另有迦南K1 上午OFFER, 我要返工, 平時姐姐湊阿女返學放學,

學術而言, 老公覺得迦南好 ...

我覺得全日好 d, 因為要照顧初生 BB, 姐姐應該唔太得閒, 仲有無時間送大果個小朋友返學/放學同埋日常生活 (煮飯)呢?

lulumelody

迦南同保會學術不會差太多，你又多一個，大讀全日工人姐姐可以凑BB。

fatfathippo

我也是2孩及全職返媽媽，當年大仔K2下午班，细仔是初生，姐姐真的忙到爆，我同老公放工要趕去街市，晚上要接手湊B，比她休息，我们除了要求2个仔衛生及安全外，什么也無要求。
感恩！姐姐超愛瘍2隻魔兽，若不是，我估她不做。

tongtongwhite

我會揀全日。這樣工人可以專注照顧初生，大B因為返全日，會學到獨立也是好事

piggymonkey

回覆 Happi_Mum 的帖子

唔熟呢2間學校, 所以學術方面no comment
純以全半及有無券呢2個point 睇, 我都2個小朋友, 大女出年K1, 細女就嚟6個月, 出年大女返學時佢1歲3個月

而家姐姐係無可能一湊二, 就算姐姐肯, 長遠計我都驚佢頂唔住, 到時唔撈我仲大鑊, 所以上午我請多一個鐘點, 下午就99 過嚟幫手(但99 遲下會搬), 而家未返學已俾8千請人睇住2個小朋友

如果大女半返日, 暫時PM OFFER, 姐姐要忙煮飯/ 餵飯, 換校服帶佢返學, 咁細B 點呢?
12點幾, 大女要返學, 細B 又無可能唔食飯, 到4點幾放學, 姐姐接得佢又攪唔到細B 食飯沖涼, 都唔好講要煮大人晚餐

錢方面, 大女K2, 細B N 班, 如果2個都係非學券校, 淨學費都10000/ 月, 未計學校雜費興趣班, 小朋友保險, 同埋繈續請工人既洗費

luingan

是中西區保會同迦南嗎？

Happi_Mum

piggymonkey 發表於 14-12-3 15:54
回覆 Happi_Mum 的帖子

唔熟呢2間學校, 所以學術方面no comment

咁你點安掛? 有冇報全日學校?

Happi_Mum

fatfathippo 發表於 14-12-3 13:05
我也是2孩及全職返媽媽，當年大仔K2下午班，细仔是初生，姐姐真的忙到爆，我同老公放工要趕去街市，晚上要 ...

姐姐一湊2, 可唔可以講吓日程係點? 可分享多點嗎?


我在幻想, 如果大女真的讀半日, 咁我地就食外買/出街食, 一係星期六日買一星期送,

姐姐係屋企湊細B, 大女自理OK 應該搞得店自己, 但姐姐就要帶住細B, 送大女返放學.

仲有, 人手咁緊, 萬一大女/ 細B/ 姐姐, 病就會有問題

Happi_Mum

luingan 發表於 14-12-3 16:00
是中西區保會同迦南嗎？

不是, 是藍田區

piggymonkey

回覆 Happi_Mum 的帖子

有報全日, 亦有offer, 但全日嗰間校評一般, 不過不失嗰種, 但勝在全日(可6點接走), 有學券 + 近屋企, 唔駛額外俾錢搭校車兼工人帶埋妹妹去接家姐返學放學都OK

而PM offer 嗰間係我心儀既學校頭三位, 校評非常好 (有親子雜誌推介嗰種), 有學券, 亦係熱門兼難入既學校, 我年尾細B 入到我都覺得好幸運, 唔想就咁放棄, 要搭校車 (不可以步行到校), 而且唔想工人揹住阿妹去接送家姐, 怕危險, 所以我都好難揀, 苦惱中

不過應該都prefer PM offer 嗰間, 入好學校重要過一切, 如果你呢2間都係好學校, 當然揀有券全日啦

curly

回覆 Happi_Mum 的帖子

I prefer full day law. you will have back up planning.Since your kid already study in 保會, she likes or not?


By the way, I might swith to 保會 for K1.

luingan

揀保會，可以再幫細B排育嬰園

ahmatt

迦南，好DD都係好D

fatfathippo

原帖由 Happi_Mum 於 14-12-04 發表
姐姐一湊2, 可唔可以講吓日程係點? 可分享多點嗎?

她一至五也烹飯，當然不可以要求高。

细B頭半年，地不是日日抹，窗1个月才簡單清潔，我幫手做家務，老公放工買定2日飯送，超市由我們去買，BB睡，便叫她小休。

大B則坐校。預早比定心理他，他是好勁哥哥，可以幫手照顾细佬及可以照顾自己。

我们也要識做，eg人工比市價高，買D她喜欢食物比她，生日為她简單慶祝，真心待她如家人。

最重要是我家姐姐為人好，超有愛心，十分支持我生第2胎，不贪心，願吃苦。

她在我家也有6年多，所以我们超放心。

sala222

如果係藍田迦南，就唔好考慮，麻麻地。

ha0930

sala222 發表於 14-12-5 09:32
如果係藍田迦南，就唔好考慮，麻麻地。

點解咁講呢? 可唔可以講多少少呀? Thanks!~

apple_love

原帖由 sala222 於 14-12-05 發表
如果係藍田迦南，就唔好考慮，麻麻地。

點解咁講？

ppalice

我都有兩個小朋友，家姐下年讀K1,我會揀學術水平高的，因為希望第時家姐入到間好既津小，妹妹跟住入。

chanwendy

ppalice 發表於 14-12-5 14:30
我都有兩個小朋友，家姐下年讀K1,我會揀學術水平高的，因為希望第時家姐入到間好既津小，妹妹跟住入。



  ...

但係入津小同幼稚園學術水平無關架喎, 除非你係叩門啦, 咁就要好啲的水平喇.