升中選中學，2 間中學高中課程咁，您會點揀......?

小時了了

十一月開始好多中學簡介會及開放日，現為小女張羅升中資料，有2間我心儀中學。爬文時有前輩過來人提點升中選校時可以的話考慮埋高中課程，現我有點煩惱，如果，我講係如果2間無論地點及中學 Banding 一樣 (對我來說呢兩點已考慮了，係我自己評分 weight 係一樣)，呢兩間中學的高中課程選科組合及選修科的科目都好唔同，如果您地考慮，會如何選中學呢？

（暫時以我了解小女對文科如中史好有興趣及中史認識都幾好，但理科暫時我都唔知有無興趣，所以我用文科高中科程去考慮）

A 校高中課程選修科
4A2 班  (4 科必修科 +  3 科選修科，呢班一定係讀 3 科選修科)
1) 經濟學 +
2) 企業，會計與財務概論 / 地理/中國歷史 +
3)**生物/經濟學/企業，會計與財務概論/資訊及通訊科技/組合科學 (化學及生物)/地理/視覺藝術/ /世界歷史

4A1班 (4 科必修科 +  2 科選修科，呢班一定係讀 2 科選修科)
1) 企業，會計與財務概論 / 地理/ 中國歷史 +
2) **生物/經濟學/企業，會計與財務概論/資訊及通訊科技/組合科學 (化學及生物)/地理/視覺藝術/ /世界歷史

B校高中課程選修科 (我錯誤理解)
A 班  (4 科必修科 +  3 科選修科，呢班一定係讀 3 科選修科)
1) 中國文學 +
2) 歷史 +
3) 企業會計與財務概論

B 班  (4 科必修科 +  3 科選修科，呢班一定係讀 3 科選修科)
1) 地理 +
2) 中國歷史 +
3) 經濟


B校高中課程選修科  (正確資料)

A班 &  B班
x1a: 中國文學; 地理
x2a: 歷史; 中國歷史
x3 企業會計與財務概論; 經濟; 旅遊與款待

C班 & D班 & E班
x1b: 經濟; 物理; 生物
x2b: 企業會計與財務概論; 資訊及通訊科技; 化學
x3 組合科學(物理及化學); 生物; 資訊及通訊科技

(1) 學生須於 X1a, X2a, X3 或 X1b, X2b, X3 三組科目中，各選一科，合共三科
例：中國文學 + 中國歷史 + 生物 // 物理 + 企業會計與財務概論 + 旅遊與款待

(2) 同一組別的科目會同一時段上課

(3) 但 X1a 與 X1b (同樣 X2a 和 X2b) 被視為兩個不同組別，不會同一時段上課

(4) 任何班別的學生均可選讀 X3 的科目

如果文科可以選：
i)   中國文學 + 中國歷史 +  經濟
ii)  中國文學 + 歷史 +  經濟
iii) 地理 + 歷史 + 經濟
iv) 地理 + 中國歷史 + 經濟
etc

Leung2010

小時了了 ,

我冇經驗架, 只是與您分享個人見解喳:
文科人出路好少唔靠支筆及中英文.
修讀文學是有幫助的.

此外, 企業，會計與財務概論/組合科學/經濟學 似乎退修率高, 成績不理想人多... 都要考慮

chocolatebean

單看A B 校的選擇, 好明顯揀A校, 因為比B校有更大彈性

憫父

A 校較好。

組合種類較多，有機會選生物，將來選大學時選擇會較多。

小時了了

多謝各位意見。呢兩間心儀中學都係直資來的，A 校討論區所見的談論功課比較繁多及比較谷，B 校即不詳。唉！好難諗及揀。

TwinWong

A校~科目多較弹性
但組合科學 (化學及生物), 到時就唔好揀, 选大學無咩前境

khmama

原帖由 小時了了 於 14-11-02 發表
本帖最後由 小時了了 於 14-11-2 08:31 編輯

十一月開始好多中學簡介會及開放日，現為小女張羅升中資料 ...

A校較有彈性，最好check埋各科DSE level 4%.

WinnieCatCat

你女兒仍未升中，以上科目均未讀過，很難預料她將來的志趣的，所以選較有彈性的A校較好。而且唯一B校有A校沒有的科目是文學，除非你女兒在這階段已顯示對文學的天份或熱愛，否則選A校選科較全面，文理商均有

小時了了

多謝大家好有用意見啊, 咁我知點做了.

A 及 B校直資都會報, 但B校用作面試實習之用, 目標是 A校

vincher

回覆 小時了了 的帖子

好奇問下，喜歡中史的，会否想讀埋世史？我儿上年选科，抱怨学校冇中、世史同時兼收，
只可以二选一，
结果选了文學！……最弊佢中文差，讀文學，讀到气咳！
成日兼葭、涉江……x兮x兮……

kwan_kwan3

跟據DSE考試結果去看, 只有十幾%私考生報考3X,其實即係一間BAND 1 中學開一班3X已足夠

小時了了

vincher 發表於 14-11-4 08:32
回覆 小時了了 的帖子

好奇問下，喜歡中史的，会否想讀埋世史？我儿上年选科，抱怨学校冇中、世史同時兼收 ...

"好奇問下，喜歡中史的，会否想讀埋世史",

根據我廿幾年前自己文科生考會考(當年我讀1)中史, 2)世史, 3)中國文學及4) 經濟 + 必修科中英數3科, 嗰個時代我間中學文科選科一係選世史, 一係選地理, 我選了世史). 以我 N 年前經驗, 自己個人愚見中國文學與中史呢兩科好有關連, 當年中國文學要讀及考埋文學史, 當中我會好明及好清楚點解先秦時代文學, 如孔子, 孟子, 韓非子等, 因為春秋戰國時期好多戰爭, 好多說客去其他國家推銷自己治國理念, 故此有好多好好的文章.

嗰個時代我嘅世史科係由 Congress of Vienna 1814年至到第二次世界大戰結束, 我個人愚見中史 + 世史兩個唔同, 比較起來中國文學與中史呢兩科真係密切好多, 以讀書效率(功利主義)來說中國文學+中史會慳時間啲.

但係, 唔係好多間高中課程有中國文學讀, 唔通呢科好冷門? (當年我自己好鍾意呢科 )

Vincher, 靜雞雞話您知, B 學校咪就係妳小兒的學校, 去年我有去貴校簡介會及觀課, 感覺非常良好, 但係討論區爬文留意到有前輩提點, 升中選校可以的話考慮埋高中課程, 所以我先至發現係咁樣, 好難諗. 升中選校太多野考慮

little_yolky

vincher 發表於 14-11-4 08:32
回覆 小時了了 的帖子

好奇問下，喜歡中史的，会否想讀埋世史？我儿上年选科，抱怨学校冇中、世史同時兼收 ...

中史同世史好唔一樣, 以前中史可以讀古代史(依家唔知仲有無得揀), 世史係讀近代史, 之後更是現代史。我個人鐘意古代史, 所以唔鐘意世史, 但當時一定要讀。

vincher

回覆 little_yolky 的帖子

我果个对其他科冇兴趣，就只喜歡2科史！
所以都有D後悔5选間可以修双史的学校俾佢！
虽然我也知道文史有密切关連，
但小儿中文就是不行，
叫佢修文學，很吃力呢！

小時了了

vincher 發表於 14-11-4 16:40
回覆 little_yolky 的帖子

我果个对其他科冇兴趣，就只喜歡2科史！

唔緊要啦, 您兒子那間必選3科, 大學要求 2科, 文學當放棄咁讀可唔可以呢?

little_yolky

小時了了 發表於 14-11-4 16:57
唔緊要啦, 您兒子那間必選3科, 大學要求 2科, 文學當放棄咁讀可唔可以呢?

唔可以, 因為文學對中文有幫助, 放棄文學即係放棄埋中文, 實無運行。

little_yolky

vincher 發表於 14-11-4 16:40
回覆 little_yolky 的帖子

我果个对其他科冇兴趣，就只喜歡2科史！

咁佢想唔想入歷史系, 中大歷史系好啲喎, 叫佢俾啲心機。

小時了了

vincher 發表於 14-11-4 16:40
回覆 little_yolky 的帖子

我果个对其他科冇兴趣，就只喜歡2科史！

如果好似 little_yolky 咁講, 文學同中文咁可能無運行.

好奇亦關心一問, 您會唔會出年轉校, 找有商科或者有兩史中學重讀中四呢?

vincher

回覆 小時了了 的帖子

5會！因小儿好鈡意间学校！我只能为他鋪定後路……出国不過，叫他讀好D！香港有得讀，留港……