分享協康耀能做評估~！

mandy4055

阿女2歲3個月，目前唔講野，1歲几時都會叫爸爸，奶奶，街街啊~呢D，歲半開始情況轉壞，開始唔講野；所有需求都系以行為來表達，冇眼神交流，2歲系健康院做智能評估，正常年齡發展，就系言語遲緩，姑娘話幫我再排期見專科醫生，基本要9個月之後ge事；人都癲~9個月之後。。。。。。
於是我自己帶女去佐協康做評估，係馬鞍山中心做的，姑娘好好，對小朋友都好熱情；其實評估個內容就是，拿玩具同小朋友一起玩，從中觀察小朋友的行為及思維，仲有都測試做口肌能力，最終結果就系，眼神交流若，鍛煉舌頭，交小朋友吹泡泡，鍛煉佢專注力。都需要上堂訓練，不過我意想不到就喺，又要排期，3-4個月。。呢段時間就做住家居訓練~

其實我系唔死心，我又上網揾佐好幾間，評估完之後即刻上堂就得耀能~好啦，我去耀能，喺呢度之前，我對耀能感覺佢地唔系好專業，我遞的評估申請，隔了好幾日都冇複我，仲要我自己打佐兩次電話先同我約好時間；我系去到隆亨邨中心做評估，原來佢地系租用幼稚園場地，利用週末做評估及治療，入到去其實就系一個課室，長方台。。阿女坐落去，未夠1分鐘就要起身，因為周圍好多凳仔同玩具及書架，阿女即刻就開始自由活動啦。我覺得小朋友呢個行為好正常，姑娘好後生，睇落細過我甘，（我今年27歲）我已經覺得曬錢啦，全程比玩具我女玩，不超過4件，一路拿玩具誘引我個女，搞到我女發脾氣，加上去到就即刻入課室，阿女有D陌生，好想走人。我明白姑娘個用意，想我女出聲，同佢評估過程，我發現姑娘其實冇咩耐性，全程1個鐘，發脾氣喊。。。都冇聲，我都系第一次見到阿女呢個情況。最後佢系唔建議我女上治療堂，反而建議我去佢地樂富中心返N班，小組形式治療，月費8900~我睇唔到間中心有令我即刻好想去報名的衝動；仲話一星期一堂對我女講冇用，因為坐唔定。最後。。。比錢，760蚊，首先佢地冇散紙找，呢個電話冇講清楚，其實佢地直成就系想收支票系最好的。甘我比錢，收據都冇，評估報告我之後先寄比我。之前協康系即刻出報告噶~

我現在都好迷惘，要報K1，阿女呢個情況面試其實有困難，之能話駁運氣！

唔知道有冇媽咪知，如果我想去返類似協康呢類型的幼稚園，我念對阿女喺有幫助噶，不過唔知點去申請~同喺咪都要排期啊。

濼晴

現在女女幾多歲， 即係除左言語 其他有沒有問訴丿題， 如認知社交之類？

協康有班 係星期一至四 上半日 $6200

或好多出面機構 都有密集班 做訓練

別怕 最緊要 先了解 小朋友本身問題 想找再關課堂

breadbb

其實兩歲三個月未識講野真係咁快要做評估？我仔差唔多兩歲半時先識講野 我果陣又無特別擔心 因為佢其他野又好正常！
小朋友有無返n班？返學多機會講野 會好d
唔好擔心咁多！多d帶佢去公園 同d小朋友玩 比佢接觸人多d 對樣樣方面都好

family3

明白每個小孩都不同。。我仔係27個月先識叫媽媽同單下一隻，摟下先一隻咁講一隻字。我都擔心過。返左n班幾個月先明顯主動講野。。所以我覺，報間少人n班，等佢同同學老師熟了，觀察佢有冇講野，先再安排

cck216

原帖由 mandy4055 於 14-10-22 發表
阿女2歲3個月，目前唔講野，1歲几時都會叫爸爸，奶奶，街街啊~呢D，歲半開始情況轉壞，開始唔講野；所有需 ...

學校就點都要報左先，因為已經適齡，
而且龍b添，報多幾間，其實好多時interview 都係講彩數嘅，當日小朋友嘅表現未必係你控制之內，情緒環境都會有影響，唔好咁擔心住!!
如果之後排到兼收班又會有其他支援!!

但佢有返n or playgroup 嗎??
真係會有幫助㗎，小朋友與到小朋友會容易肯講多d 㗎，而且老師會有方法引佢講!!

你平時引佢講多d，多d 摸住佢面仔向住你同佢傾下計或者將一d 佢鍾意嘅野放係你對眼隔離同佢對話，慢慢佢會無咁逃避視線㗎!!

希望幫到你啦!!

mandy4055

回覆 濼晴 的帖子

協康排緊，冇返n班，不過返緊pg，主要我擔心幼稚園面試，佢根本唔出聲，我地住北區噶，幼稚園競爭好大！阿女唔望人，呢下我先覺得大問題

mandy4055

回覆 cck216 的帖子

比較冇耐性，不過努力緊，我都希望可以排到兼收班，E+就返緊pg，老師都話佢唔望人，不過開始坐得定D

mandy4055

回覆 family3 的帖子

甘你小朋友眼神交流點樣？

family3

回覆 mandy4055 的帖子

兩歲時，佢開始多接觸人，成日斜視眼望人，唔答。我知佢驚。等佢睇熟左，再叫佢叫人或答人。。但係要鐵筆開佢把口先得。。我都驚。。但返左n先再睇真d.慢慢有改善，我就放心了。