有直屬中學的小學

CPLA

想請教，有直屬中學嘅小六學生，可否報自己直屬中學嘅自行位呢？咁如果中學部收，咁咪少咗D機會俾其他小學生囉?

lakesilver

原帖由 CPLA 於 14-07-11 發表
想請教，有直屬中學嘅小六學生，可否報自己直屬中學嘅自行位呢？咁如果中學部收，咁咪少咗D機會俾其他小學 ...

可以在自行選自己中學。在自行學校有權選自己學校學生。

joemyt

直屬中學唔會話你知是否在自行收你, 因為有D中學都想在自行階段收出面的精英, 而直屬小學生就用直屬位.

cherrynequ

通常直屬中學會鼓勵自己小學, 自行要選返自己中學第一選擇，中學希望趁依個機會收自己小學 top 個批 band 1 學生

王家爸爸

lakesilver 發表於 14-7-11 19:50
可以在自行選自己中學。在自行學校有權選自己學校學生。

因為自己小學的學生一定會在乙一選擇自己中學，所以自行階段學校可能寧願選擇外校生。

王家爸爸

cherrynequ 發表於 14-7-11 20:45
通常直屬中學會鼓勵自己小學, 自行要選返自己中學第一選擇，中學希望趁依個機會收自己小學 top 個批 band 1 ...

通常直屬中學會鼓勵自己小學，但直屬小學的家長也不傻，他們會在自行第一選擇QC/BPS，第二選擇先至會系自己中學。

cherrynequ

原帖由 cherrynequ 於 14-07-11 發表
通常直屬中學會鼓勵自己小學, 自行要選返自己中學第一選擇，中學希望趁依個機會收自己小學 top 個批 band 1 ...

但小學最top 果批會趁自行兩個機會去出去搏比自己中學更top的學校

SandyWu

原帖由 cherrynequ 於 14-07-11 發表
但小學最top 果批會趁自行兩個機會去出去搏比自己中學更top的學校

說得正是！

Marina_bb519

若乙一選外校，乙二才選直屬小學，入到的機會大嗎?若子女是band 1組

mcl203

Marina_bb519 發表於 14-8-2 17:22
若乙一選外校，乙二才選直屬小學，入到的機會大嗎?若子女是band 1組

通常 乙部 剩番好少位俾街外學生
除非學校差得好緊要...好唔受歡迎....乙一收晒自己+街外B1生都仲有位剩...就會去到抽乙二Band1生
自己估下仲大唔大機會~~~

goodenough

Marina_bb519 發表於 14-8-2 17:22
若乙一選外校，乙二才選直屬小學，入到的機會大嗎?若子女是band 1組

直屬位一定要放乙一才有機會抽，若放乙二等於放棄抽直屬位。直屬位的吸引之處就是有抽先的機會，若抽唔到仍可跟其他街外生一起抽多一次乙一的非保留位。
一般直屬學校扣除直屬位之後餘下只得10多個位，如果直屬學校是band 1生多過直屬位的話，那些非保留位將會好大機會給直屬小學抽唔到直屬位的band 1同學抽晒。情況跟喇沙有點相似，那15、6個非保留位好大機會在抽完直屬位後都會給自己小學的band 1同學，或有一些願意為那10多個位去搏的band 1街外生抽晒，好難再會有位餘下給放乙二的同學去抽。

另一個情況係直屬中學並非受歡迎的學校，而直屬小學的band 1同學要抽直屬位的又不太多，學校甚至要用到直屬位抽band 2直屬小學的時候，那些非保留位才有機會給乙一的街外生或甚至乙二的同學去抽。情況好像今年的聖家有band 2生在乙五仍可抽到差不多，始終因為band 1嘅街外生會因非保留位數量非常少而放棄填乙一，而自己直屬小學的band 2同學除非抽中直屬位，否則又要等全港的band 1生派完才有機會抽乙一的非保留位。在這情況下，不論街外或直屬小學的band 1生才仍有機會在乙二抽到。

Marina_bb519

咁自行不是考直屬中學，但乙一報直屬中學及在乙部再沒有填自行報的兩間中學，有沒有機會入到自行報的中學?

goodenough

Marina_bb519 發表於 14-8-2 23:31
咁自行不是考直屬中學，但乙一報直屬中學及在乙部再沒有填自行報的兩間中學，有沒有機會入到自行報的中學?



...

你的問題是升中家長最想知的問題，亦係最難答的問題，當中有太多的變數。
第一，自行跟統一派位的甲乙部是獨立運作的，兩者沒有必然關係，唯一有嘅就係自行收左就冇得玩之後的大抽獎，就係咁簡單。

第二，自行唔考直屬中學，你會有可能面對老師的壓力，如果你是直屬中學最想要的一類。老師甚至會嚇同學和家長，如果自行唔選直屬中學，除了入直屬中學的機會降低(跟本自行唔揀直屬都預左只能靠自己在自行申請其餘學校的機會和甲一、乙一)之外，唯一受影響的將會是萬一唔好彩自行和抽獎都冇運時，要返轉頭叩門可能就會有困難。

第三，如果你選擇自行的學校是受歡迎的學校而你又真係想入的，請盡量在自行、甲一和乙一(如果是同區或屬他區學校)都要填這間學校，乙二的機會一定會較乙一差，因為你在乙二就要等人家在乙一抽晒，看看有沒有位餘下才輪到乙二的同學去抽，就算有少量位剩下，又要看你的隨機號碼的好與壞，機會因此會大減。

第四，由於自行時是同學間的互相比較，一山還有一山高，都要講少少運氣。有時成績好但又會輸在其他方面，例如課外活動的成就或面試的表現等，真係有好多其他估計不到的因素，好難話有實贏或實輸的。因此家長和同學都要作好準備或做定保險。提議盡量考好呈分試，面試前做多一點準備功夫，希望自行時有好表現而順利被自行所選的學校取錄。到統一甲部仍可以自行的學校作首選，但到乙一就應以直屬學校作首選，希望用直屬位提高被抽中的機會，除非你跟本就算自行的學校入唔到你都唔喜歡直屬學校就當別論。

第五，如果堅持要抽自行的學校，你就要放乙一，即是要放棄抽直屬保留位的機會，變成跟街外的同學一樣。如果覺得沒所謂的，亦甘願承受萬一抽唔到乙一所填的自行所揀的學校時的失落，你仍可一搏。乙二之後所選的學校就要心思熟慮！

Marina_bb519

資料好詳細，極具參考價值，謝謝你的幫忙和分析，謝謝。

hkpapa852

第二，自行唔考直屬中學，你會有可能面對老師的壓力，如果你是直屬中學最想要的一類。老師甚至會嚇同學和家長，如果自行唔選直屬中學，除了入直屬中學的機會降低(跟本自行唔揀直屬都預左只能靠自己在自行申請其餘學校的機會和甲一、乙一)之外，唯一受影響的將會是萬一唔好彩自行和抽獎都冇運時，要返轉頭叩門可能就會有困難。

呢一點係真既, 其實有幾間中學, 自行收生主要都係用嚟收番直屬小學既學生, 如培正, 港華, 香港真光等, 如果自行唔揀佢, 乙一又抽唔到, 咁可能叩門學校都唔會考慮俾機會

mcl203

goodenough 發表於 14-8-3 00:24
你的問題是升中家長最想知的問題，亦係最難答的問題，當中有太多的變數。
第一，自行跟統一派位的甲乙部是 ...

第二，自行唔考直屬中學，你會有可能面對老師的壓力，如果你是直屬中學最想要的一類。老師甚至會嚇同學和家長，如果自行唔選直屬中學，除了入直屬中學的機會降低(跟本自行唔揀直屬都預左只能靠自己在自行申請其餘學校的機會和甲一、乙一)之外，唯一受影響的將會是萬一唔好彩自行和抽獎都冇運時，要返轉頭叩門可能就會有困難。

***************************************************************************************

第二....如果肯定學生穩屬B1組別...自行都可以試下搏到盡...自行全選其他學校...乙1 B1生正常入直屬中學唔會失手既...當然....萬一要返轉頭叩門可能就會有困難~~~

mcl203

hkpapa852 發表於 14-8-4 13:19
第二，自行唔考直屬中學，你會有可能面對老師的壓力，如果你是直屬中學最想要的一類。老師甚至會嚇同學和家 ...

港真 係 聯繫中學
培正...港華 自行位都用嚟收番直屬小學既學生?...百分比唔似係喎...全用咪90%位用黎收直屬小學既學生?

hkpapa852

mcl203 發表於 14-8-4 13:51
港真 係 聯繫中學
培正...港華 自行位都用嚟收番直屬小學既學生?...百分比唔似係喎...全用咪90%位用黎收直 ...

直屬中學保留學額上限, 係乙部85%, 即係全部學額約57.x%, 就算加埋自行30%, 都只係87.x%

港真同小學雖然只係聯緊關係, 但睇番佢每年小學升得番上中學既人數, 似乎港真係用咗唔少自行位收番自己小學學生

mcl203

hkpapa852 發表於 14-8-4 14:08
直屬中學保留學額上限, 係乙部85%, 即係全部學額約57.x%, 就算加埋自行30%, 都只係87.x%

港真同小學雖然只 ...

90%係約數...受留班位影嚮...求求其計法 30% + 70%x0.85 = 30% + 59.5% = 89.5%...約數而已

港真就一定係用自行位...收7X% 真小生...用自行位行優先權...避免係自行時流失真小生~~~