兩曠課生投訴不獲畢業

JWKun

兩曠課生投訴不獲畢業
2014-06-07


        (星島日報報道)兩名宣道中學的應屆文憑試考生投訴，畢業試前突獲校方通知因缺課太多而不能應試，終未能獲發畢業文憑；協助二人的屯門區議員陳樹英質疑該校或為提升表現，將二人在畢業試中「隱形」。但按中六上課日只有八十六天計算，宣道中學證實二人分別曠課十一天及十五天，超出寬限期，其中一人更額外請病假十七天，即近四成日子缺課。
        

        「我回校考畢業試，卻在禮堂被訓導主任趕落去訓導室，指我可以考試，但不計分，在眾多同學面前被趕，好侮辱。」屯門區宣道中學中六生黃同學於一月底，即畢業試前半個月，突獲校方通知因缺課太多而不准應試，但校方無法計出曠課日數，亦未事先警告，最終不獲發畢業文憑。
        

        其家長二月時去信教育局局長吳克儉，投訴校方剝奪兒子學習及考試權利，「沒有學業證明，別人以為他這幾年游手好閒，或入了男童院，或精神病院……校方應給予小兒合理學習證明。」

        
        同樣亦不准應試的梁同學聲稱只是曾請病假，「父母要工作，未有時間打電話替我請假，學校便指我不依手續請假，當作曠課。」

        
        協助二人的屯門區議員陳樹英續指，上月一度有二十三名中六生因不達標而未能參加畢業禮，經斡旋後，其中十八人獲酌情處理取得畢業文憑。
        

        她指，按全年上課日一百九十天計算，校方規定曠課或無故缺席一成或以上者，不准應試，批評校方或因爭取正增值表現，運用過於嚴苛的校規，將不達標的學生「隱形化」。
        

        宣道中學校長潘永邦解釋，中六上課日僅八十六天，但梁同學及黃同學分別曠課十一天及十五天，後者更額外請病假十七天，即近四成日子缺課，「議員未向我了解便開記者會。」他續指，若學生生病或家中有事，請假合情合理，「若不合理，莫非班主任不會催（學生解釋）？」
        

        潘永邦更透露，其中一人去年九月已請七天病假，「當時已向其家長解釋，畢業標準要求學生考勤至少九成。」他又指，其餘兩項畢業標準為總分及格和操行至少B-，上月得悉二十三人未完全達標時，遂召開畢業生會議，「結果酌情處理，僅一項不達標的學生可獲發畢業文憑，但涉事二人全不達標。」
        

        教育局回應指，知悉學生手冊列明畢業標準，班主任發現學生或不達標時，去年九月至今年一月初多次致電其家長講解事件，並有社工支援，惟學生繼續曠課。
        
        

甘恩

其實那位自以為是良幣的朋友，講來講去都是一個論點，校長為了整靚盤數而咁做。他以假設陰論去否定普世價值，如此想法，實非我哋劣幣所能及。

ABC-DAD

我實在喜歡到呢處發下白日夢，現實世界好難有咁……得意嘅小朋友

whywhywhywhy

原帖由 MyFairLady2014 於 14-06-21 發表
個校長就會做啲咁嘅野，還有許多其他手段！

睇到呢度，我終於明你想講嘜啦，唔係啲學生啱，只係你認為校長錯啫

Yanamami

ANChan59 發表於 14-6-22 19:21
俗語有云：三歲定八十，呢句話係指個人性格而言，即係話一個人嘅性情、性格好多時在細路仔時期已經顯示出嚟 ...

講起死性不改，我話何止3歲，簡直喺由授精一刻就已決定！

ANChan59

俗語有云：三歲定八十，呢句話係指個人性格而言，即係話一個人嘅性情、性格好多時在細路仔時期已經顯示出嚟，主要特徵一世都難改變。

左丁山唔係幾相信呢句說話嘅，畢竟三歲時兒童不懂掩藏，真情流露，在成長過程中，如捱過去，受過責罵，或者遇上良師益友循循善誘，一個人嘅性情與性格點都會改變嘅。

多年前左丁山有一位trainee，出自富有家庭，自細在鄉村俱樂部玩到大，故此認識不少有錢世叔伯，佢當年只有廿零歲，周時同一位富豪世伯打網球，每逢星期一返工就呻：「又俾T伯伯搵咗笨。」T伯伯原來唔會出錢租場嘅，打波乜錢都係由N仔出，有一次打完波食個菠蘿包飲可樂，都係N仔掏腰包去買。左丁山叫N仔唔好咁笨，點知N仔話：「你教嘅，釣大魚要放長線吖嘛，T伯咁鬼有錢，我同佢咁好，始終有一日做到佢嘅刁啩。」哦，理論上係嘅，一年後T伯就搵我地公司做財務顧問，左丁山帶住N仔操刀，寫好報告後就冇咗下文，數又唔找，後來公司董事A（今天財經界大名人）話：「唔收錢算賣個人情俾阿T啦。」於是N仔以後都再冇同阿T打波。

呢日有長輩賜飯，左丁山坐定定聽兩位前輩講中環掌故，世界原來咁細，竟然會講到阿T。原來阿T小時候在著名男校就讀，校長係神職人員，對學生極其愛護，不喜懲罰學生，一味力求感化之。阿T某次考試出貓，俾老師捉到正，報告校長，校長不予懲罰，反而請阿T到學校教堂講道理，同佢一同跪在壇前向上帝禱告，請求寬恕小孩子錯誤犯規。同學在外見到此情此景無不動容，以為阿T一定會發憤自強，不再走僥倖路線，點知不久之後又有測驗，阿T再次出貓，老師早已吼實，即刻捉咗阿T去見校長，校長無奈，為了安撫教師及其他同學以示公正，將阿T掃出校門，創下學校歷史。阿T係精叻仔嚟嘅，又著名慳家慳人工慳材料錢，後來發咗大達，但成班同學都怕咗同佢打交道。左丁山聽完，回憶番昔年N仔與阿T打網球之故事，不禁想起「三歲定八十」之言，世界上確有呢類事。


左丁山

superccc

原帖由 Rattie 於 14-06-22 發表
這裡的家長立場十分清晰:

負責任地去愛孩子;

非常同意校長處理
啲議員有問題

Rattie

這裡的家長立場十分清晰:

負責任地去愛孩子;
不負責任地去溺愛孩子。

簽發一只畢業證書有何難度，為何校長要花時間費腦汁去寫篇公開信。這正是一個負責任的校長。

Obiepapa

原帖由 Ryan_baba 於 14-06-21 發表
如果這是事實，請拿出證據來，

邊度有可能證明無所不用其極呢？

LSKLTK

呢嗰世界總有人喜歡用自己把尺去量度別人同計算其他人的動機，香港開始越來越多呢類人，唉！

Ryan_baba

MyFairLady2014 發表於 14-6-21 19:36
社會風氣係香港很多中學，為了整靚學校公開試成績條數，簡直去到無所不用其極地步，這議題之手法，只是眾多 ...

如果這是事實，請拿出證據來，

Christi

khmama 發表於 14-6-21 21:53
既然你認同曠課唔啱，點解你覺得學校罰佢地係錯？犯法嘅人反而鬧法官點解判佢坐監剝削佢自由？國有國法，校 ...

yes, take it easy. 都說,越叻既人越謙虛,那些才是真正高才生呢!

khmama

原帖由 Yanamami 於 14-06-21 發表
Take it easy~~其實世界喺好需要d為自己理念有堅持的人，只可惜有時用錯左堅持喺唔啱既理念上o者~~~或者對 ...

今日牧師講道話要愛鄰舍，所以嘥咁多口水去教育高材生，為佢好啫

Yanamami

khmama 發表於 14-6-21 21:53
既然你認同曠課唔啱，點解你覺得學校罰佢地係錯？犯法嘅人反而鬧法官點解判佢坐監剝削佢自由？國有國法，校 ...

Take it easy~~其實世界喺好需要d為自己理念有堅持的人，只可惜有時用錯左堅持喺唔啱既理念上o者~~~或者對方認為眾人皆醉，他獨醒呢！

khmama

原帖由 MyFairLady2014 於 14-06-21 發表
你搞錯啦，冇人話兩個學生啱，問題係校方更加唔啱，也更影響深遠！

既然你認同曠課唔啱，點解你覺得學校罰佢地係錯？犯法嘅人反而鬧法官點解判佢坐監剝削佢自由？國有國法，校有校規，校規係用嚟遵守唔係用嚟挑戰嘅，你要搞清楚。你嘅重點係如果嗰兩個係高材生，學校就唔會罰，學校為做靚條數而故意不讓學生畢業。然則你做校長的話，你就會咁做，因為你自己係高材生，當年校長就係咁做，培養到你咁嘅價值觀，以為叻就有特權，校長真係悔不當初。唔通特首犯法可以唔使坐監？高材生又如何？你校長唔執法唔等如潘校長執法係錯！呢間只係band2尾中學，可以整得個DSE成績有幾靚？何況校長有比佢地考mock，考DSE，一只畢業証書佢地真係咁著緊咩？而且由始至終得你認為佢地係考試前曠課温習咁天真，事實上一開學佢地已經曠課。 凡事要客觀啲睇，如果個個家長都反對你嘅論點，乜你仲認為眾人皆醉我獨醒？

Obiepapa

原帖由 Yanamami 於 14-06-21 發表
好似人人都搞錯晒，真係打搞哂！

我就無甘得閒每條睇，繼續吹水

Yanamami

好似人人都搞錯晒，真係打搞哂！

Obiepapa

原帖由 MyFairLady2014 於 14-06-21 發表
若你們認為校長處理手法背後的目的所持的價值觀是對的話，我真係無言！

其實無人要說服你呀曠課是不對的，大家知就好。